----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

Lanka Art Chat Room - එන්න අපි කතා කරමු

බොඳ මීදුම් රූ ගැන්වේ

Thursday, July 22, 2010

යුගයේ ජනප්‍රියතම නවකතාකරුවකු වන සුජීව ප්‍රසන්න ආරච්චි විසින් රචිත බොඳ මීදුම් නවකතාව ඇසුරෙන් නිපදවෙන බොඳ මීදුම් ටෙලිනාට්‍යයේ මුහුරත් උළෙල පසුගිය දා උත්කර්ෂවත් අන්දමින් පැවැත්විණි. බොඳ මීදුම් ටෙලිනාට්‍යය නිෂ්පාදනය කරනු ලබන්නේ නිල්වලා වීඩියෝ ටීම් වෙනුවෙන් දේශමාන්‍ය ආචාර්ය උපුල් ජයසිංහ සමග ස්‌වධීන රූපවාහිනිය විසිනි.

"කෙමෙන් කාලය යත්ම සංසලාගේ කෙළිලොල් භාවයට හා ඇගේ රූ සපුවට ඇලුම් කරන ධනුක සිත යටින් ඇයට ආදරය කරන්නට පටන් ගනී. සංසලාගේ ගමන් බිමන් යාමට රියදුරෙකු නොමැති අවස්‌ථාවල මාලියද්ද මහතා සංසලා සමග ධනුක පිටත් කිරීම තුළින් දෙදෙනා අතර ඇතිවන සිදුවීම් හා කතා බස්‌ තුළ එය තවත් වර්ධනය වෙයි. එමෙන්ම විවිධ සිදුවීම් ඔස්‌සේ සංසලාගේ සිත යටද ධනුක කෙරෙහි ඇල්මක්‌ ඇතිවේ."

මෙලෙසින් සංසලා හා ධනුක යන ප්‍රධාන චරිත වටා ගෙතුණු බොඳ මීදුම් ටෙලිනාට්‍යයේ නළු නිළියන් ලෙසට සාරංග දිසාසේකර, උදාරි වර්ණකුලසූරිය, බුද්ධදාස විතානආරච්චි, ජනක්‌ ප්‍රේමලාල්, ආනන්ද වික්‍රමගේ, මීනා කුමාරි, ගිහාන් ප්‍රනාන්දු, ගයාන් වික්‍රමතිලක, චන්දික නානායක්‌කාර, ගයනා සුදර්ශනී, මාධනී මල්වත්ත ඇතුළු රංගන ශිල්පීන් සහ ශිල්පිණියන් රැසක්‌ සම්බන්ධ වී සිටී. චන්දික විඡේසේනගේ අධ්‍යක්‌ෂණයෙන් චන්දන හේවාපතිරණගේ රූපවාහිනි රචනයක්‌ ලෙසට නුදුරු දිනකදී ප්‍රේක්ෂකයා හමුවට පැමිණෙන බොඳ මීදුම් ටෙලිනාට්‍යයට නිර්මාණ කාර්යය දායකත්වයෙන් ලලිත් වසන්ත, චන්න ජයනාත්, නීල් රුක්‌මන්, සඳුන් රාජකරුණා, ශාන්ත ජයලත් තිසේරා, චන්න ජයනාත් ඇතුළු ශිල්පීන් රැසක්‌ එකතු වී සිටී.


ලක්‌මිණි


0 comments:

Post a Comment