----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

Lanka Art Chat Room - එන්න අපි කතා කරමු

මගෝ ඩිගො ඩයි නැවත

Thursday, July 22, 2010

අති සාර්ථකව තිරගත වන ලාල් ප්‍රියදේවගේ මගෝ ඩිගො ඩයි චිත්‍රපටය තිරගත කළ සිනමා ශාලා ගණනාවක් නැවත දෙවැනි වරටත් එම චිත්‍රපටයම තිරගත කිරීම අරඹා තිබේ.

කුඩා දරුවන් මේ කෙරෙහි දක්වන ආකර්ෂණය ඉහළ මට්ටමක පැවතීම මීට හේතු වී ඇතැයි එහි නිෂ්පාදක ජනිත මාරසිංහ පවසා සිටී.

ඒ අනුව නැෂනල් - මහරගම, හිමාලි - කිරිබත්ගොඩ, ගැමුණු - වත්තල, දයා සෙවණ – පිළියන්දල, චිත්‍රා - කළුතර, සහ අලුත්ගම පිහිටි ලිබර්ටි යන සිනමා ශාලාවලදී දැන් මගෝ ඩිගො ඩයි නැරඹිය හැකියි.

මෙහි විජය නන්දසිරි, සනත් ගුණතිලක, ගාමිණී සුසිරිවර්ධන, අනර්කලී ආකර්ෂා, සරත් චන්ද්‍රසිරි, ඇන්ටන් ජූඩ්, ටෙඩී විද්‍යාලංකාර, සුනිල් හෙට්ටිආරච්චි, රොනී ලීච්, අනුර බණ්ඩාර රාජගුරු, වාසල සෙනරත්, දිල්ෂාණි පෙරේරා, ශෂීරංග වික්‍රමසේකර, සුජානි ප්‍රනාන්දු, සරත් දික්කුඹුර, රන්ජිත් ද සිල්වා, ඩැනී සමරවීර, අර්ඩ්ලි වෙදමුනි, සමන් අල්මේදා, ටෙනිසන් එදිරිසිංහ, රමේෂ් උවයිස්, මාලන් කරුණාරත්න, ශාන් රූපස්සර ආදීහු රංගනයේ යෙදෙති.

ඩොනල්ඩ් ජයන්ත සහාය අධ්‍යක්ෂණය කළ මෙහි කතාව හා දෙබස් ගාමිණී මෙන්ඩිස්ගෙනි.

අතිශය ජනප්‍රිය සන්ෆ්ලවර් සංගීත කණ්ඩායම මෙහි සංගීත අධ්‍යක්ෂණ කටයුතු සිදු කර තිබේ. සංජය නිපුනආරච්චිගේ අංග රචනයකි.

කැමරාව යාපා විජේබණ්ඩාරගෙනි. රංජිත් ද සිල්වාගේ කලා අධ්‍යක්ෂණයකි. ශාන් පෙරේරාගේ නැටුම් අධ්‍යක්ෂණයකි.

සුනිල් විමලවීර සහ චන්ද්‍රදාස ප්‍රනාන්දු යන ප්‍රවීණ ගීත රචකයින් රචිත ගී, ගායනයෙන් ග්‍රේෂන් ආනන්ද, උරේෂා රවිහාරි, නීල් වර්ණකුලසූරිය හා ගාමිණී සුසිරිවර්ධන මගෝ ඩිගො ඩයි හා එක්ව සිටිති.


0 comments:

Post a Comment