මීට පස්සේ වැඩිපුර වැඩසටහන් යහළුවන්ට දෙනවා

Sarasaviya

මීට පස්සේ වැඩිපුර වැඩසටහන් යහළුවන්ට දෙනවා

තේවිස් ගුරුගේ ධර්මශ්‍රී ට කියා දුන් පාඩම

ගුවන් විදුලි ක්ෂේත්‍රයේ ඔහු දැවැන්තයෙක්. හඬ ඇසූ පමණින් ඔබට ඔහු හඳුනා ගන්නට අපහසු නැහැ. පියවරෙන් පියවර අත්දැකීම් සමඟින් නිවේදන ක්ෂේත්‍රයේ ඔහු පැමිණි දුර බොහෝයි. ගුවන් විදුලිය පමණක් නොව රූපවාහිනියේ ද ඔහු ඔබට ලෙංගතු මිතුරෙක්. ඔහු ධර්මශ්‍රී වික්‍රමසිංහ. මේ ඔහු අඩ සියවසකට ආසන්නව පැමිණි ඒ ගමනේ තොරතුරු බිඳක්.
මේ ගමනේ ආරම්භය සිදු වූයේ ගුවන් විදුලියේ සහන නිවේදකයෙක් ලෙසයි. 1967 වසරේදී සහන නිවේදකයෙක් ලෙස ගුවන් විදුලියට එක්වන විට මම වරාය සංයුක්ත මණ්ඩලයේ අනියම් ලිපිකරුවෙක්. නමුත් හැමදාම මගේ සිහිනය වුනේ ගුවන් විදුලි නිවේදකයෙක් වෙන එකයි. දැන් වගේ නෙවෙයි එදා අද වගේ ගුවන් විදුලි නාලිකා රාශියක් තිබුණේ නැහැ. ලංකා ගුවන් විදුලි සංස්ථාව විතරයි තිබුණේ. ඉතිං මේකට ඇතුල් වෙන එක හරිම අමාරු දෙයක්.
කොහොම වුණත් ඒ වන විට කරුණාරත්න අබේසේකර මහතා අඳුරගන්න මට අවස්ථාව ලැබුණා. එතුමන් විසින් කළ සරස්වතී මණ්ඩපය වැඩසටහනට සම්බන්ධ වෙන්න මට අවස්ථාව ලැබුණා. ඒ වුණත් එහි දිගටම ඉන්න බැහැනේ. ඒක ළමා වැඩසටහනක්. වයස අවුරුදු 19 වෙනකල් විතරයි එයට සහභාගි වෙන්න පුළුවන්. එහි වැඩසටහන් රැසකට සම්බන්ධ වුණා. නිතර ආවා ගියා. කොහොම හරි නිවේදන ක්ෂේත්‍රයේ රැඳී සිටිනවා කියන උනන්දුවෙන් තමයි වැඩ කළේ. හැම දෙයකින්ම මම මගේ නිවේදන දිවියට අත්දැකීම් එකතු කර ගත්තා.
කාලයත් සමඟ මම 1971 වසරේදී දෙවන ශ්‍රේණියේ ස්ථිර නිවේදකයකු බවටත් 1978 වසරේදී පළමු ශ්‍රේණිියේ නිවේදකයකු බවටත් පත් වුණා. මේ කාලය තුළ මා ලැබූ අත්දැකීම් සියල්ල මම ගුවන් විදුලියේ ඕල් රවුන්ඩර් කෙනෙක් බවට පත් කළා කිව්වොත් නිවැරදියි. ප්‍රවෘත්ති නිවේදකයකු, වෙළෙඳ නිවේදකයකු, විස්තර ප්‍රචාරකයකු, සම්මුඛ සාකච්ඡා මෙහෙයවන්නකු ලෙසත් ඉහළ ප්‍රසිද්ධියක් මට ලැබුණා. එක්තරා කාලයකදී මට සතියකට වෙළෙඳ වැඩසටහන් 17 ක් කරන්න අවස්ථාව ලැබුණා. ඒ කියන්නේ මාසෙකට 68 ක්. ගුවන් විදුලි ප්‍රවෘත්ති ප්‍රකාශත් සිදු කළ යුතුª වූ නිසා මා නිරතුරුවම සිටියේ ගුවන් විදුලි සංස්ථාව තුළමයි.
උදේ 3.30 ට විතර එන මම ආපසු ගෙදර ගියේ රාත්‍රී 10.00 ට විතර. ඒ සමඟම රූපවාහිනියේ පැමිණීමත් සමඟ එයට දායක වෙන්නත් මට අවස්ථාව ලැබුණා. ඒ කාලේ දැන් වගේ නෙවෙයි වැඩසටහන් සුළු ප්‍රමාණයක් තිබුණේ. නමුත් ඒ අතුරින් වැඩසටහන් දහයක පමණ මම හිටියා. එක දවසක් ස්වාධීන රූපවාහිනී සේවයේ තේවිස් ගුරුගේ මහතා හිනා වෙලා මට කිව්වා ‘ධර්ම ශ්‍රී දැන් ඔයා හරි ජනප්‍රියයි නේද? මොන වැඩසටහන දැම්මත් ඉන්නෙ තමුසෙ’. ඉතිං මමත් හිනා වෙලා ඔළුව වැනුවා. එවිට එතුමා කිව්වා ‘මිනිස්සුන්ට තමන්ව ඉක්මනින්ම එපා වෙන්නත් හේතුව ඕකම වෙයි. මීට පස්සේ වැඩිපුර වැඩසටහන් යහළුවන්ට දෙනවා. සල්ලි ඕන නම් යාහළුවන්ගෙන් ටිප් එකක් ඉල්ල ගන්නවා’ කියලා. ඒ වෙලාවේ තමයි මට තේරුණේ මිනිස්සු හැම වෙලේම දකින්න කැමැති අලුත් දෙයක් කියලා.
සමහර දවස්වලට මම උදේ 6.00 දහවල් 12.45 හවස 6.00 රාත්‍රී 9.00 ප්‍රවෘත්ති විකාශන සියල්ලම කළ අවස්ථාත් තියෙනවා. මට මතකයි හැත්තෑ ගණන්වල සිරිමාවෝ බණ්ඩාරනායක මැතිණියගේ ආණ්ඩුව කාලයේ බණ්ඩාරනායක සම්මන්ත්‍රණ ශාලාවේ පැවැති නොබැඳි සමුළුව දවස්වල පැය භාගයකටත් වැඩිය එක දිගට ප්‍රවෘත්ති ප්‍රකාශ කරන්න සිදු වුණා. ප්‍රවෘත්ති කියන අතරතුරදිත් තවත් ප්‍රවෘත්ති ලැබෙනවා. ඒවායේ වැරැදි නිවැරැදි බලා පෙර සූදානමක්වත් නැතුවයි සිදු කළේ. එදා වතුර බිබී එක දිගට මට ප්‍රවෘත්ති ප්‍රකාශ කරන්න සිදු වුණා. අද වගේ නාලිකා රැසක්වත් නිවේදක නිවේදිකාවන් රැසක් හිටියෙත් නැහැ. ශ්‍රාවකයන්ට අපේ හඬ හරිම ලෙංගතුයි. තමන්ටම කියල අනන්‍යතාවක් එදා අපිට තිබුණා. එදා අසන්නන්ට හඬෙන් පමණක් අප හඳුනා ගැනීමේ හැකියාව තිබුණා.
එදා අද වගේ අපට මේ පිළිබඳ ඉගෙන ගන්න තැන් තිබුණේ නැහැ. ප්‍රවීණයන් දෙස බලන් ඉඳලා තමයි හැම දේම ඉගෙන ගත්තේ. මගේ ගුරුතුමා වන කරුණාරත්න අබේසේකර, සිරිල් රාජපක්ෂ, අමරබන්දු රූපසිංහ වැනි ප්‍රවීනයන් දෙස මම මැදිරියෙන් පිටත සිට බලාගෙන හිටියා. ඔවුන් ප්‍රවෘත්ති කියන විදිය, කොළයක් පසෙකින් තියන ආකාරය, ඒ අතරතුර හුස්ම පිට කරන විදිය මම එයින් ඉගෙන ගත්තා. අද වගේ නෙවෙයි එදා මේ ක්ෂේත්‍රයේ පරිසරය ගොඩක් වෙනස්. එදා කතා විලාසය හරිම සරලයි. අද වගේ විකාර භාෂා විලාශයක් එදා තිබුණේ නැහැ. අද තියෙන්නේ හායි හූයි කියල කෑගහන භාෂා ශෛලියක්.
එදා බිහි වූ නිවේදක නිවේදිකාවන්ට ලොකු පිළිගැනීමක් තිබුණා. ඒ නම් අදටත් එහෙමමයි. අද වගේ නෙවෙයි එදා අපට ලොකු මුදලක් ලැබුණේ නැහැ. අපි කවදාවත් මුදල් බලාගෙන වැඩ කළේ නැහැ. 1995 වසරේදී පැවැති ගුවන් විදුලි ජනාධිපති සම්මාන උළෙලේදී ජනප්‍රියම නිවේදකයා ලෙස සම්මාන ලැබීම සහ 98 වසරේ පැවැති මෙරට මුල්ම සංගීත සම්මාන උළෙල වන රස සංගීත සම්මාන උළෙලේදී ජනප්‍රියම නිවේදකයා ලෙස සම්මාන ලැබීම මගේ නිවේදන ජීවිතයේ සුවිශේෂ අවස්ථා දෙකක්.
දැන් ගෙවන්නේ එහි 45 වැනි වසරයි. මේ කාලය අතරතුර මා එරන්දි, සතුටය කිරුළ අපේ සහ නදීශානි නම් නවකතා ත්‍රිත්වය රචනා කළා. ඊට අමතරව මගේ නිවේදන වෘත්තියේ 38 වසරක අත්දැකීම් කැටි කර ‘ජය ශ්‍රී මා ධර්ම ශ්‍රී’ නම් කෘතියත් නිවේදන ක්ෂේත්‍රයට පැමිණෙන දරුවන් වෙනුවෙන් ‘නිවේදන සිහිනය සැබෑ කර ගන්නේ කෙසේ ද’ යන කෘතියත් රචනා කළා. මගේ අලුත්ම නවකතාව ‘සඳ වියන යට’ මේ වන විටත් මුද්‍රණයේ තියෙන්නේ. ඒ වගේම චිත්‍රපට නිෂ්පාදනයට මා යොමු වුණත් එහි සාර්ථකත්වයක් ලැබුණේ නම් නැහැ.
නමුත් ඉදිරියේදී ටෙලි නාට්‍යයක් නිෂ්පාදනය කරන්න බලාපොරොත්තුවෙන් ඉන්නේ. සඳ වියන යට රචනා කළෙත් ඒ අදහස හිතේ තියාගෙන. ඊට අමතරව මා සිත්ගත් තවත් දෙයක් වුණේ ගීත රචනා කිරීමයි. ආසාවට ඒ දේ කලත් ඒ කාලේ තහංචියක් ආවා ගුවන් විදුලියේ නිවේදක නිවේදිකාවන්ට ගීත රචනා කිරීම තහනම් කියලා. අද නම් ගීත නිබන්ධනය කරන්නෙත් සල්ලි බලාගෙන නේ.
එදා මා ලියූ ගී අතර අබේවර්ධන බාලසූරිය වෙනුවෙන් ලියූ ‘සිහිවටනය සේ’, ‘නදීශානි’, ඉන්ද්‍රාණි පෙරේරා ගයන ‘වසර ගණනක් ඇසුරේ හිටියත්’, මර්වින් පෙරේරා ගැයූ ‘මා දුර ඈතක යතැයි සිතා’ වැනි ගීත ජනප්‍රිය වුණා. හැමදාමත් මගේ හොඳම විවේචකයා වුණේ මගේ බිරිඳ චන්ද්‍රා. වැඩසටහන් වගේම නවකතාවලත් හොඳම විචාරය ලැබෙන්නේ ඇයගෙන්. ඒ වගේමයි දුව උරේෂාත් පුතා නවෝද් නිරතුරුවම මා දිරිමත් කරනවා. පුතා නවෝද් තමයි නවකතා ලියන්න මා උනන්දු කරන්නේ. මා පැමිණි මේ ගමන පිළිබඳ ලොකුªªª තෘප්තියක් මට දැනෙනවා. මේ දේවල් අනාගත දරුවන්ට ලබාදීම තමයි මගේ බලාපොරොත්තුව. ඒ වෙනුවෙන් මම ඩී ශ්‍රී ගුවන් විදුලි නිවේදන පුහුණු ආයතනය ආරම්භ කළා. ගුවන් විදුලි කලාව, ඉතිහාසය, භාෂාව සමඟ සියලු නිවේදක ගුණාංග පිළිබඳ මනා අවබෝධයක් ලාබ දීම තමයි මෙහි අරමුණ. අද වන විට මගේ සිසුන් ක්ෂේත්‍රයේ ඉතා හොඳ තැන්වල සිටිනවා. ඒ ගැන මම සෑහීමකට පත් වෙනවා. ඒ වගේමයි මේ දරුවන්ට මම කියන්න කැමැතියි නිවේදන වෘත්තිය ආභරණයක් කර නොගෙන කැපවීමෙන් වැඩ කරන්න කියලා. වේදිකාවක සිංදු කියල බැහැල යනවා වගේ නෙවයි නිවේදනය කියන්නේ. නිවේදනය එයට වඩා වගකීමෙන් කළ යුතු දෙයක්. ජනප්‍රියතාවය පමණක් සළකා නිවේදනයට එන්න එපා කියලා මම විශේෂයෙන් කියන්න කැමැතියි.

- යතේජා ඥානරත්න

ඡායාරූප - ප්‍රසාද් සමරතුංග

READ MORE - මීට පස්සේ වැඩිපුර වැඩසටහන් යහළුවන්ට දෙනවා

මේ අරගල බඩගෝස්තරවාදීයි

මේ අරගල බඩගෝස්තරවාදීයි

මනුවරණ


මනුවරණ ගැන ...
නුවරට නුදුරු ගලහ ඉපිද කොළඹ ආ ජගත් මනුවරණ අප්‍රකට දක්ෂ තරුණ කලාකරුවෙකි.
වේදිකාව, කෙටි චිත්‍රපට නිර්මාණකරණය, පිටපත් රචනය වැනි ක්ෂේත්‍ර කිහිපයක් නියෝජනය කරනු ලබන මේ බහු චරිතධාරියා කලාව සම්බන්ධ බොහෝ කටයුතුවලදී හමුවන වෙනස්ම මතධාරියෙකි.
විවිධ පාඨමාලා හදාරා ලබා ගත් දැනුම සහ අවබෝධය දිගු කරගත් ජගත් ජාතික රූපවාහිනියේ 3 to 5 වැඩ සටහනේ නිවේදකයකු ලෙස ප්‍රථමයෙන් අපට හමුවෙයි. ඉන් අනතුරුව අඩ සඳ දිය, යුධ මුක්ත කලාපයක සිට ගැනීම වැනි කෙටි නාට්‍ය හරහා දස්කම් පෑ මේ යෞවනයා, තක්සලාව ටෙලි නාට්‍යයේ සේනගේ චරිතය හරි හැටි රඟදැක්වීම වෙනුවෙන් රයිගම් සහ සුමති ටෙලි සම්මාන උළෙලෙහිදී නැඟී එන නළුවාට හිමි සම්මානයෙන් පුද ලැබුවේය. ඕ. සී. අයි. සී සම්මාන උළෙලේ හොඳම සහය නළුවා වූ ජගත්, ගින්දර පොඩ්ඩක් කෙටි චිත්‍රපටය නිපදවා සම්මානනීය වූයේ ගරිල්ලා කෙටි චිත්‍රපට උළෙලේ හොඳම අධ්‍යක්ෂවරයා ලෙසටය. ජගත් හැදූ Water Lily සම්මානනීය කෙටි චිත්‍රපටයක් වූයේය.
අරුණ ජයවර්ධනගේ නිකිණි වැස්ස චිත්‍රපටයේත්, ප්‍රසන්න ජයකොඩිගේ කර්ම චිත්‍රපටයේත් චරිත මවන ජගත් කර්ම සම පිටපත් රචකයාද වෙයි.
මේ දිනවල Dark Fall චිත්‍රපටයේ පූර්ව නිෂ්පාදන කටයුතු අතරේ තරමක කාර්ය බහුල වූ ඔහු සමඟ කළ කතා බහකි මේ.


ජගත් මට ඔබව මුලින්ම හමු වන්නේ මීට වසර ගණනාවකට ඉහත ටවර් හෝල් පාඨමාලාව කළ තරුණයෙක් විදියට. ඉන්පසුව අප බොහෝ වාරවල හමු වී තිබෙනවා. ඒ කියන්නේ බොහෝ කලක් ගත වෙලා කියන එක. මේ කාලය ඇතුළත ඔබ ආ ගමන ගැන තෘප්තිමත්ද?
ඇත්තෙන්ම ඔව්. කොතරම් කාලයක් ගත වුණාද කියන කාරණය මට වැදගත් නැහැ. නමුත් මේ පැමිණි ගමන ගැන මං පෞද්ගලිකව තෘප්තිමත්. මට මා ගැන සතුටට පත් වෙන්න පුළුවන් නම් ඒක මට ඇති.
ඒත් ජගත් ඔබ තවම තරුවක් නෙවෙයි කියලයි මට හිතෙන්නේ?
ඔව්, මට තරුවක් වෙන්න කවදාවත් ඕනෑ වෙලා තිබුණේ නැහැ. මට උවමනා වැඩ කරන්න විතරයි. අනෙක ජනප්‍රිය තරුවක් යන කතාව මට අදාල වෙන්නේ රංගනය හා සසඳද්දි විතරයි. මගේ පරාසය ඊට වඩා පුළුල්. ඒ පුළුල් පරාසයේ මං විවිධ චරිත නිරූපණය කරනවා. මං ජනප්‍රිය වෙන්න උත්සාහ කළේ නැහැ. ඒ කියන්නේ මං උත්සාහ කළා නම් තරුවක් වෙන්න තිබුණා කියන එක නෙවෙයි. එහෙම නොවෙන්නත් ඕනෑ තරම් ඉඩ තිබුණා.
අද තරුවක් වෙන්න දවසක් ඇති. ඒකට කැප කළ යුතු කාරණා කිහිපයයි තියෙන්නේ. ඒ ඒ කැප කිරීම් මත තරු වෙන්න පුළුවන් තැනක තරුවක් නොවී හිඳීම වැදගත් කියලා මට හිතෙනවා.
එත් ජගත් අද ජනප්‍රියත්වය මත තමයි ආර්ථිකය පදනම් වන්නේ විශේෂයෙන් නළුවකුගේ?
ඔව්. ජනප්‍රියත්වය කියන්නේ ආර්ථිකයේ වර්ධනයට බලපාන ප්‍රබල සාධකයක්. නමුත් ලැබෙන දෙයින් තෘප්තිමත් වෙන්න මට පුළුවන්. මං බලාපොරොත්තු වෙන්නේ මොනව හරි කරලා සල්ලි හොයන්න නෙවෙයි. උදේට ප්ලේන්ටියක් බීලා පාන් කෑල්ලක් කාලා මට දවසම ගෙවන්න පුළුවන්. ඒ නිසා ජනප්‍රියත්වය හරහා පොදි ගහන්න මට උවමනා නැහැ. ලෝකයේ බොහෝ ජනප්‍රිය දැවැන්ත හරවත් චරිත ජනප්‍රිය වෙලා තියෙන්නේ තමන්ගේ නිර්මාණ ඇතුළේ මිසක් වෙන වෙන මවා ගත්තු ලෝක ඇතුළෙ නෙවෙයි.
ජනප්‍රියත්වය ඇතුළේ බොහෝ දෙනා හදන්නේ තමන් ආරක්ෂා වෙන්න. ඒ ආරක්ෂාව සපයන්නේ මේ ජනප්‍රියත්වය. නමුත් කලාකරුවා කැප විය යුත්තේ තමන්ට තැනක් හදාගන්න විතරද කියන සර්වකාලීන ප්‍රශ්නය මට තියෙනවා. තමන් තැනක් හදාගෙන එතනට වෙලා සැප විඳිමින් හිටියම කලාවට සේවයක් වේවිද? ජනප්‍රියත්වය ලැබෙන දෙයක් මිසක් ලබා ගත යුතු දෙයක් නෙවෙයි.
අද වේදිකා නාට්‍ය කලාව බොහොම දියුණුයි කියල මත ප්‍රකාශ වෙනවා. දැන් මේ ඔක්කොම හරිද ජගත්?

දොළහක්

මෙහෙමයි, හැමෝම කාලෙන් කාලෙට විවිධ අරගල කරනවා. මාධ්‍යවේදියෝ තමන් වෙනුවෙන් අරගල කරනවා. කලාකරුවෝ, රියැදුරෝ, වෛද්‍යවරු, හෙදියෝ, දුම්රිය සේවකයෝ.
නමුත් මේ අරගල බඩගෝස්තරවාදීයි. නිතරම අපේ කටේ තියෙන්නේ ඒව නෑ, මේව නෑ කියන එක. ඒත් මේ ප්‍රකාශ ඇතුලේ ජීවත් වන්නේ තමන්ගේ බඩ වියත රැක ගන්න පොර බදන පිරිසක්.
මට මගේ නිර්මාණයක් ජනතාවට දෙන්න ඕන නම් මං ඒක මහ පාරේ හරි පෙන්නනවා. මට චිත්‍රපටයක් හදන්න ඕන නම් හැන්ඩි කැමි එකෙන් හරි හදනවා. හැමදේම හරි යනකං ඉල්ල ඉල්ල නිර්මාණ කරන්න තරම් නිර්මාණකරුවා පටු රාමු තුළ සිර විය යුතු නැහැ.
බොහෝ දෙනෙක් කියන්නේ මං රඟපාන්නේ තෝරා බේරා ගෙන කියල. හැබැයි එහෙම කියන බහුතර දෙනාට කවුරුවත් ආරාධනා කරල නැහැ සොයා බැලුවම. ඔබත් එවැනි බොරු ප්‍රතිපත්ති මත කටයුතු කරන්නෙක්ද?
මම එහෙම අසීමිත ඉල්ලුමක් තියෙන නළුවෙක් නෙවෙයි. ඒත් මට ප්‍රතිපත්ති ටිකක් තියෙනවා. මට ගාණ වැදගත් නෑ. එත් මට නිර්මාණය වැදගත්. ඒ නිසා ඒ මා පනවා ගත් කොන්දේසි උඩ සමහරු වැඩවලට මාව ගන්නේ නැහැ. දිවා රෑ කුලීකාරයෝ වගේ වැඩ කරන්න බැරි නිසා මං මෙගාවලට ගියේ නෑ.
නමුත් මං මෙගාවලට විරුද්ධ කෙනෙක් නෙවෙයි. අපි කලාව කරන්නේ මිනිස්සුන්ට. මිනිස්සු කැමැති නං මෙගා බලන්න අපි මොනවා කරන්නද? මං මගේ ගාණට, ප්‍රතිපත්තියට ආවොත් වැඩ කරනවා.
ලංකාවේ කලාකරුවන් අතර අද සංවාද හට ගන්නේ නැති තරම්. ඉස්සර සාර්ථක නිර්මාණකරුවන් කතාබහට එක් වූ ආකාරය අපි අසා තිබෙනවා. මා දැක තිබෙනවා ඔබ ඇතුළු කණ්ඩායම බොරැල්ල කඩ පිලේ සංවාද කරනවා.
ඔව්, බුද්ධිමත් සංවාද ජීවිතයට අවශ්‍යයි. අපි නිතරම සංවාද කරනවා. නමුත් . . . . . මවාගෙන ඉන්න බොහෝ චරිත සංවාදවලට නොඑන්නේ කට ඇරියොත් ඔවුන්ගේ චරිතය එළිවන නිසයි. හරවත් සංවාද හොඳ නිර්මාණ බිහිවීමට තෝතැන්නක්.
Dark Fall දැනට එතනින් නවතිමු.
වැඩ කටයුතු ඉතාමත් ඉක්මනින් සිදු වේවි. ඒෂියා කැපිටල් ආයතනයේ මනෝ නානායක්කාර මහතා ච්චපඬ ජ්චතතනිපදවන්නට එකඟ වී තිබෙනවා. ඒ කටයුත්ත වෙනුවෙන් කැප වෙන්න තමයි හිතාගෙන ඉන්නේ.

චතුර ගීතනාත් බණ්ඩාර   

Sarasaviya

READ MORE - මේ අරගල බඩගෝස්තරවාදීයි

රංගිරි ශ්‍රී ලංකා පස් වසර සමරයි

රංගිරි ශ්‍රී ලංකා පස් වසර සමරයි

ඉනාමළුවේ ශ්‍රී සුමංගල නාහිමි

විවිධ ගුවන් විදුලි නාළිකා අතරට මීට පස් වසරකට පෙර එක්වූ ‘රංගිරි ශ්‍රී ලංකා’ ගුවන් විදුලි සේවය වර්තමානයේ බෙහෙවින් ජනප්‍රියය. එය කොළඹින් බැහැරව ජාතික මට්ටමෙන් ආරම්භ කළ ප්‍රථම බෞද්ධ ගුවන් විදුලිය ලෙස විද්‍යුත් මාධ්‍ය ලෝකයේ නව වාර්තාවක් තැබුවේ ය.
මේ වනවිට සියලු පෞද්ගලික ගුවන් නාළිකාවල නාමය අගට (FM) එෆ්.එම්. යන්න එක් වූව ද රංගිරි ශ්‍රී ලංකා ගුවන් විදුලි නාළිකාවට එෆ්.එම්. යන්නක් නැත. දේශීය දේ අගයමින් හෙළ කලාකරුවන්ට, නිර්මාණ කරුවන්ට ආධුනික ප්‍රවීණ භේදයකින් තොරව තම හැකියාවන් පිළිබඳව කතා බහ කරන්නට, නිර්මාණ ප්‍රචාරය කිරීමට ඉඩ ප්‍රස්ථාව ලබා දෙන ‘රංගිරි ශ්‍රී ලංකා’ නාළිකාව බෞද්ධාගමික පැත්තට වැඩි ඉඩ කඩක් ලබාදෙයි.
පිරිත්, බුද්ධ වන්දනා, ධර්මදේශනා, ධර්ම සාකච්ඡා ආදී ආගමික වැඩසටහන් වලට ප්‍රමුඛස්ථානය දෙන අතරේම සතියේ දින හතේ උදෑසන විවිධ තේමා ඔස්සේ ශ්‍රාවකයා අමතනු ලබයි. ඔවුන්ගේ තේමා අතර දේශපාලනය, සාහිත්‍ය, ලලිත කලා මෙන් ම කාලීන මාතෘකා ද කතා බහට ලක් කෙරේ.
‘රංගිරි ශ්‍රී ලංකා’ ගුවන් විදුලි සේවාව ආරම්භ කරනු ලැබුවේ රංගිරි දඹුල්ලේ ය. පසුගියදා මීට සමගාමීව ‘දේශයේ රන් පහන් ටැඹ’ යන උදාන පාඨය සහිතව රංගිරි ශ්‍රී ලංකා රූපවාහිනි නාළිකාව ද ආරම්භ කරනු ලැබීය.
රංගිරි ශ්‍රී ලංකා මාධ්‍ය ජාලයේ සභාපති, අධ්‍යක්ෂ ජනරාල් ශාස්ත්‍රපති පණ්ඩිත ඉනාමළුවේ ශ්‍රී සුමංගල නාහිමියන් පවසා සිටින්නේ
“අපි රංගිරි ශ්‍රී ලංකා ගුවන් විදුලි නාළිකාව ආරම්භ කරනු ලැබුවේ ‘සැබෑ මාධ්‍ය සංස්කෘතියක පෙර ගමන් කරු’ යන උදාන පාඨය සමගින්. අපි රංගිරි ආරම්භ කරන විටත් මෙරට එෆ්.එම්. නාළිකා තිස් දෙකක් තිබුණා. රූපවාහිනිය ද මෙරට රූපවාහිනි ඉතිහාසයට එක් වන්නේ ප්‍රථම සංස්කෘතික හා අධ්‍යාපනික රූපවාහිනි සේවාවක් වශයෙන්. මේ නාළිකා දෙකෙන් ම අප උත්සාහ දරන්නේ මේ රටේ මිනිසුන්ට හොඳ දෙයක් දීමටයි. අපට යන්නට දිගු ගමනක් තිබෙනවා. අපි අපේ වගකීම හඳුනාගෙන බොහොම ශක්තිමත්ව අභිමානවත් ව ඵලදායි ලෙස අපේ මාධ්‍ය මෙහෙවර කරනු ලබනවා.”

ඉසවි

රංගිරි නිවේදක මඬුල්ල

READ MORE - රංගිරි ශ්‍රී ලංකා පස් වසර සමරයි

යෞවන සම්මාන උළෙලේ දී ජය ලබා...

යෞවන සම්මාන උළෙලේ දී ජය ලබා...

ඉකුත්දා මහරගම යොවුන් රඟහලේ පැවැති 33 වැනි ජාතික යෞවන සම්මාන ප්‍රදාන උළෙලේ දී හොඳම කෙටි නාට්‍ය නළුවා ලෙස "ඩක්‌තස්‌" නාට්‍යයේ සම්පත් චමින්ද සහ හොඳම කෙටි නාට්‍ය නිළිය ලෙස "ෙµdaමැට්‌" නාට්‍යයේ එස්‌. එන්. නිරංජනී, ළමා සංවර්ධන හා කාන්තා කටයුතු නියෝජ්‍ය අමාත්‍ය එම්. එල්. එස්‌. එම්. හිස්‌බුල්ලා මහතා අතින් සම්මාන ලබාගන්නා අයුරු සහ එම අවස්‌ථාවට සහභාගි වූ යෞවන කටයුතු හා නිපුණතා අමාත්‍යාංශයේ ලේකම් හේවාපතිරණ මහතාද, අනෙක්‌ ඡායාරූපයෙන් "වහළ උඩ වාදකයා" නාට්‍ය නිෂ්පාදනය තුළ එස්‌. එම්. විචිත්‍ර බණ්‌ඩාර හොඳම දිගු නාට්‍ය නිෂ්පාදනය ලෙස යෞවන කටයුතු අමාත්‍ය ඩලස්‌ අලහප්පෙරුම මහතා අතින්ද සම්මානය ලබා ගන්නා අයුරු ඡායාරූපයේ දැක්‌වේ. සටහන හා ඡායා මහරගම - උදේනි චන්ද්‍රසිරි

යෞවන සම්මාන උළෙලේ හොඳම නළුවා සහ නිළිය

පෙරේදා (28 දා) මහරගම යොවුන් රඟහලේ පැවැති 33 වැනි ජාතික යෞවන සම්මාන උළෙලේදී හොඳම නිළිය සහ නළුවා ලෙස "වාදකයා වහල උඩ" නාට්‍යයේ සලීන් ලුසේකා සහ හොඳම දිගු නාට්‍ය නිළිය ලෙස "තව ටිකක්‌ හිතන්න" නාට්‍යයේ නදීශානි තෙලියආරච්චි යෞවන කටයුතු හා නිපුණතා අමාත්‍ය ඩලස්‌ අලහප්පෙරුම මහතා අතින් සම්මාන ලබා ගන්නා අයුරු. එම අවස්‌ථාවට සහභාගිවූ ජාතික තරුණ සේවා සහාවේ සභාපති අධ්‍යක්‍ෂ ජනරාල් නීතිඥ ලලිත් පියුමි පෙරේරා මහතාද ඡායාරූපයේ සිටී.

මහරගම - උදේනි චන්ද්‍රසිරි

READ MORE - යෞවන සම්මාන උළෙලේ දී ජය ලබා...

Antigoni

‎Antigone | ඇන්ටිගනී
27th January, 2012 at Lionel Wendt
[3.30pm/7.00pm]

READ MORE - Antigoni

මේ ඔක්කොම වෙන්නේ පාවා දෙන්නන් හින්දයි

මේ ඔක්කොම වෙන්නේ පාවා දෙන්නන් හින්දයි

- ලකී ඩයස්

නම සිහි වූ තැන මැවෙන චරිත අපමණය. ඒ සියලුම චරිතවලට ඔහු කළ සාධාරණය නිසාම ලකී ප්‍රතිභාපූර්ණ චරිතාංග නළුවකු යැයි සැක නැතිව ලියා තැබිය හැකිය. යශෝරාවයේ බලදේවත් යර්ස් බොස්හි නිහාල් සර්ත් ලකී හොඳින්ම තේරුම් ගත්තේය.

එනිසාම එකිනෙකට අහස පොළව සේ පරස්පර මේ චරිත ද්විත්වය ලකී හරි අපූරුවට ජීවමාන කළේය.

එපමණක් නොව ඔහු මැවූ සෑම චරිතයක්ම ප්‍රේක්ෂක සිත්මත තැන්පත් කරවීමටත්, ඒ චරිත ප්‍රේක්ෂකයා සමඟ ජීවත් කරවීමටත් ලකී වග බලා ගත්තේය.

ලකී ඩයස් යන නළුවා ගැන ඊට වඩා හැඳින්වීම අනවශ්‍යය. ඒ තරමටම ඔහු පෑ ප්‍රතිභාව ප්‍රේක්ෂකයෝ දනිති.

ලකී පසුගියදා අපට හමු වූයේ සිරස රූපවාහිනී නාලිකාව ඇරැඹූ ‘ලක්ෂපති’ තරඟයේ ඉදිරිපත් කරන්නා ලෙසනි.

ඔහුගේ ප්‍රේක්ෂක ආකර්ෂණය කොතරම්ද කිවහොත් ලක්ෂපති වැඩසටහන නැරැඹීමට ලංකාවේ සුවහසක් ජනතාව හුරු වූයේ ලකීගේ ආකර්ෂණීය හඬ සහ ඉදිරිපත් කිරීමේ රටාව නිසාමය.

ඒ වැඩසටහන තුළ සුහදශීලී වූ අවස්ථා, සංවේදී වූ අවස්ථා සහ සතුටු වූ අවස්ථා ඔහු රඟ නොපෑවේය.

ඒ නිසාම ප්‍රේක්ෂකයෝ ලකීට ආදරය කළෝය.

හිටි හැටියේම ලකී ලක්ෂපති තරඟයෙන් ඉවත් වූයේය. මේ සංවාදය ඒ සිදුවීම හාරා අවුස්සා විචාලීම සඳහා නොවන මුත් ඔහුගේ ගමන් මඟ දෙස බැලීමේදී මේ සිදුවීම මෙනෙහි කළ යුතුමය.

මේ දිනවල සිනමාහලේදී චැලෙන්ජස් හරහා අප හමු වන ලකී නිවෙසට පැමිණෙන්නේ වැස්ස නුඹ වාගේ ටෙලි නාට්‍ය තුළිනි.

මෙම නිර්මාණ ද්විත්වයෙහිම ලකී අසිරිමත් ආදර්ශවත් පියකුගේ භූමිකාව මනාව නිරූපණය කරයි.

මේ කතාබහ ඔහු සමඟයි.

එන්න අපි මෙතැන් පටන් ලකීගේ සුන්දර පින්බර සිත කියවමු.

* ලකී අයියේ, කාලෙකට පස්සෙ කොහොමද නිර්මාණ ජීවිතේ අලුත් තොරතුරු . . . .

ඉතාමත් හොඳින් ජීවිතේ ගෙවීගෙන යනවා. මේ දිනවල වැස්ස නුඹ වාගේ ටෙලි නාට්‍යයේ සහ චැලෙන්ජස් චිත්‍රපටයෙන් තමයි ප්‍රේක්ෂක හිතවතුන් මුණ ගැසෙන්නෙ.

* පසුගිය කාලේ ටෙලි නාට්‍ය රංගනයෙන් ටිකක් ඈත්වෙලා නේද හිටියෙ?

ඔව්. ඒකට බලපෑ ප්‍රධාන හේතුව තමයි මම ඕනෑම නිර්මාණයකට කතා කළ සැනෙන් සම්බන්ධ නොවීම. ඒ වගේම මේ යන රටාව ගැන මගේ් හිතේ තියෙන්නේ පහන් හැඟීමක් නෙවෙයි.

ඉස්සර ටෙලි නාට්‍යවල හිටියේ සුපිරි රංගන ශිල්පීන් ශිල්පිනියන්. ඒ අය රඟපෑ චරිත ප්‍රේක්ෂකයන්ගේ් හිත් ඇඳ බැඳ ගන්නට සමත් වුණා.

ඉස්සර ටෙලි නාට්‍යවල හිටිය නළුවන් එදා ප්‍රේක්ෂකයන්ට අදටත් මතකයි. ඒත් අද ටෙලිවිෂන්වල විතරක් නෙවෙයි සිනමාවට එන නළුවන්ගේ නම් ප්‍රේක්ෂකයන්ට පහුවෙනිදාට මතක නැහැ. කෙටියෙන්ම කිව්වොත් අද නළු නිළියන් දන්නෙ තමන්ගෙ හරි නමින් නෙවෙයි. චරිතවල නම්වලින්.

අර අරයා, අර ටෙලි නාට්‍යයේ කොල්ල. මෙන්න මෙහෙමයි ප්‍රේක්ෂකයන් නළුවන්ව හඳුන්වන්නෙ.

මේ තත්ත්වයට වගකිව යුත්තේත් මේ කර්මාන්තයේ ඉන්න අය විසින්මයි.

මේ කර්මාන්තයේ ඉන්න පාවා දෙන්නන් සුළු පිරිසක් මේ කර්මාන්තය වලපල්ලට ඇදල දාන තැනට කටයුතු කළා.

බාල ටෙලි නාට්‍යයක් හදලා චැනල්වලට ගිහිං ඉතාම අඩු මුදලට ඒ ටෙලි නාට්‍ය විකුණුවා. චැනල් තමන්ගේ ලාභය ගැන හිතලා ඒවා මිලට අරන් ප්‍රදර්ශනය කළා.

චැනල්වලට දොස් කියන්න බැහැ. මේ පාවා දෙන්නෝ කණ්ඩායම තමයි මේ පිරිහීමට වගකියන්න ඕනේ.

මේ තත්ත්වය යටතේ ප්‍රවීණයන්ට ගෙවන්න මේ නාට්‍යවලට මුදල් ලැබෙන්නේ නැහැ.

ප්‍රවීණයන්ට ගෙවන්න නෙවෙයි ටෙලි නාට්‍යයේ පිටපතේ වාහනයක යන දර්ශනයක් තිබුණා කියමු. අද කරන්නේ වාහනේ වෙනුවට පාපැදියක් යොදා ගනිමින් ඒ දර්ශනය රූගත කිරීම. මේ තත්ත්වය යටතේ කොහොමද වැඩ කරන්නේ.

*ලකී අයියා කිව්වා අද ඉන්න නළුවන්, නිළියන් ප්‍රේක්ෂකයන් හඳුනන්නේ නෑ කියලා. ඔබ ප්‍රේක්ෂක ආදරය නොමඳව ලද පින්බර වාසනාවන්තයෙක්. අද අපි දකිනවා කිසිම තැනක දැකලා නැති නළුවෝ ප්‍රධාන චරිත රඟපානවා. හරියට අහසින් පහත් වෙලා වගෙයි.

ඔව්, මේ තත්ත්වයට වගකිව යුත්තෙත් අර පාවා දෙන කණ්ඩායමයි.

මොකද චරිතවලට ප්‍රවීණයන් ගන්න සල්ලි නැති වුණාම කොහේ හරි ඉන්න කෙනෙක් ඒ චරිතෙට දානවා.

මෙලෝ දෙයක් නොදන්න මේ පිරිස් ඔහේ කැමරාව ඉස්සරහ පිටපතේ තියෙන වචන කියවනවා. හරියට අර පොඩි කාලේ ඉස්කෝලේ පොත් කට පාඩමින් කියවනවා වගේ.

ඉතිං ඒ පිරිස පහුවෙනදාට නළුවන්, තරු බවට පත් වෙනවා. මේකට මාධ්‍යයත් වගකිව යුතුයි.

මේ ‘කඩා පාත් වුණු තරුවලට මාධ්‍ය පිටු ගණන් පබ්ලිසිටි දෙනවා.

ඊට පස්සේ ඒ අය හිතන්නේ ‘මං නෙ නළුවා’, ‘මං තරම් නිළියක් ඉන්නවද තව’ කියලා.

ඒ නිසා මේ අලුත් පරපුර පුහු මාන්නෙන් හිස උදුම්මා ගන්නවා මිසක් දෙයක් ඉගෙන ගන්නේ නැහැ. මේක තමයි ඇත්ත කතාව.

මං මේ කියන්නේ ආධුනිකයන් ක්ෂේත්‍රයට පැමිණීම හොඳ නෑ කියන කතාව නෙවෙයි. ආධුනිකයන් අපට අත්‍යවශ්‍යයි.

ආධුනිකයන්ගෙන් තමයි ප්‍රවීණයන් බිහි වෙන්නේ. පොහොට්ටු නැතිව මල් පිපෙන්නේ නෑනෙ. මමත් ක්ෂේත්‍රයට ආවේ ආධුනිකයෙක් විදිහට.

එහෙත් මං බොහෝ දේවල් බොහෝ අයගෙන් ඉගෙන ගත්තා.

ඒ නිසා තමයි අපි අද කොන්ද කෙළින් තියන් වැඩ කරන්නේ.

මට ඇහිලා තියෙනවා අලුත් දරුවන්ගෙ කතාන්දර. ‘මොනවද බං බැළුවම විජයල, ගාමිණීල කරල තියෙන්නෙ’ මේ වගේ පිරිසක් තමයි අද ඉන්නේ.

මේ සියල්ලටම හේතුව තමයි අර මං මුලින්ම කිව්ව පාවා දෙන කණ්ඩායම.

ඒ අය හිතන් ඉන්නේ මොකක් හරි නිර්මාණයක් කරලා කගෙ හරි පස්සෙන් ගිහිං ඒක විකාශනය කිරීම කලාව කියලා. ඒකද ඇත්තටම කලාව කියන්නේ.

* ඔබ මොනවා කිව්වත් ප්‍රේක්ෂකයන් මේ හරසුන් නිර්මාණ වටා එකතු වෙලා ඉන්නවනේ?

ඒකට පිළිතුරු කිහිපයක් තියෙනවා. ඇතැම් අය හොඳ නිර්මාණ දැකලා නැති නිසා මේවා තමයි උසස්ම නිර්මාණ කියලා හිතන් ඉන්නවා.

තවත් අය බලන්නන් වාලේ බලනවා. සල්ලි යන්නේ නෑනේ. ඔහේ බලන් ඉන්නවා.

* අද ඇතැම් චිත්‍රපටවල තත්ත්වයත් ඔබ පෙර කී ටෙලි නාට්‍ය ඛේදවාචකයම නේද?

ඇත්තටම. අද චිත්‍රපටවල ඉන්නෙ පැය විසි හතරෙම නිකන් බලන්න පුළුවන් ටෙලි නාට්‍යවල ඉන්න නළු නිළියොමයි.

ඉතිං මිනිස්සු මේ නළු නිළියො බලන්න රුපියල් දෙතුන් සියයක් ගෙවලා සිනමා ශාලාවලට යාවිද? අද මිනිස්සු චිත්‍රපට බලන්නෙ කට වචනෙන් යන පණිවුඩ නිසා.

‘අර චිත්‍රපටය හොඳයි’, ‘මේ චිත්‍රපටය වැඩක් නෑ’ කියන කවුරු හරි කියන පණිවුඩ හරහා තමයි බොහෝ දෙනා සිනමා ශාලාවට එන්නේ. අද චිත්‍රපටවල තරු නැහැ. ඒකයි මේකට හේතුව.

* වැස්ස නුඹ වාගේ ටෙලි නාට්‍යයේ ඔබේ චරිතය තරමක් වෙනස්?

ඔව්, මෙච්චර ලොකු දරුවො ඉන්න චරිතයක් මං මීට පෙර කරලා නැහැ. ඒ වගේම මේ කොල්ලො ටික වැඩේ හොඳට කරනවා.

මාත් ඉතා ආසාවෙන් මේ ටෙලි නාට්‍යයට සම්බන්ධ වුණේ. ඇත්තටම මේ ටෙලි නාට්‍යය ආදර්ශවත්.

* කොහොමටත් ලකී ඩයස් කියන්නේ චරිත සොයමින් යන නළුවෙක් නෙමෙයි.

මම එක අවුරුද්දකට රඟපාන්නේ එක චිත්‍රපටයයි. එක ටෙලි නාට්‍යයි.

එක වතාවක් ගාමිණී ෆොන්සේකා මහත්තයා මම යන ගමන හරි අපූරුවට අනුමත කළා.

* ඉදිරි කටයුතු ගැන කතා කරමු අවසානයේ?

හෙට මොකක් වෙයිද කියලා මං දන්නේ නැහැ. මං මගේ පාරේ ඉදිරියට යනවා.

මුල් මුල් එනවා. ප්‍රහාර එනවා. විවිධ තාඩන පීඩන එනවා. නමුත් මං ඉදිරියට යනවා. නිහතමානීව ආ මඟ දිහා බලල හිනා වෙනවා.

චතුර ගීතනාත් බණ්ඩාර
සේයාරූ - ටෙනිසන් එදිරිසිංහ

Copy Rights - Sarasaviya

READ MORE - මේ ඔක්කොම වෙන්නේ පාවා දෙන්නන් හින්දයි

සරසවි Radio

http://www.campusradio.lk

Fb Fan Page

The Campus radio station is owned or controlled by a non-profit organization associated with the University. The Campus community Radio station is experimenting the integration with web-based forms of radio broadcasting, podcasting and FM broadcasting. The Campus station is programming produced primarily by volunteers who are either students or members of the community at large. The training of professional broadcasts is its primary objective. The primary role of this station is to provide a training ground for students in broadcasting courses. The station will also provide their audience with alternative programming. Alternative programes include music, especially campus music, not generally heard on commercial stations, in-depth spoken word programming and some formal educational programming.

The campus radio station will bring together researchers, lecturers, media professionals and representatives of voluntary organizations in different parts of the inland, all of whom have devoted their creativity and energies to the development of education and media participation- ultimately vital contributions to the maintenance and enhancement of democratic society. It is a task of facilitate students to develop and exercise their judgment and to be selective about what they partake of in the flood of content the media make available. It is a task not only of theoretical knowledge, but of practical skills. Actual participation in media production is assigned great importance. Combining analysis and production experience gives young people a much better basis for evaluating what they see and hear, and production, skills enable them to take action to change and correct media stereotypes and images and find suitable employment in relevant fields. It is our hope that the radio station will be a source of inspiration for all who are concerned with how people respond to mass media as cultural phenomena - for many today 'culture' is largely a matter of electronically mediated culture.

The campus radio will link up the University and other marginalized groups with the new information technologies. A combination of radio, CD. ROM, on line computer service such as Internet, and satellite dishes could be very powerful in empowering rural and other marginalized groups.

The Campus radio will make students discuss prospects and share experiences of their educational efforts, provide timely information and allow net working with other University Communities who have similar experiences and opportunities.

Aims

• Contribute to human resources development for the broadcasting industry and related industries.
• Innovation and experimentation in alternative programming for creating diversity of voices and opinion.
• Serve the communities that live in the surrounding area and widening the access to the media and a space for activism and social movements.

Objectives and Strategy

1. To create and reinforce an editorially independent Campus radio, station that would enhance the conceptual understanding of the media.
2. To support Media and Performing Arts educational activities in the student community by providing them with plans and the steps of production processes, making safe and efficient use of resources.
3. To analyse and understand the functions and techniques of commercial radio in modern society.
4. To promote social and intercultural harmony.
5. To provide on the job training to students following Media and performing studies.
6. To train a team of trainers / lecturers who could promote the community radio objectives
7. Reduce Digital Divide
8. Creating educational resources for research, studies, specific campus projects, primary and secondary school teachers and students.
9. Building meaningful relationship with the rural community Promote information technology and its applications at campus level.
10. Facilitate information exchange between leading research institute higher Education Institute, cultural & media institute, and regional /International institution.

Benefits to the community

1. It would give opportunity to develop special talents in the Campus Community such as singing, speaking, music and drama

1. By facilitating open discussion of community issues, culturally rich, socially meaningful, peaceful and modern Campus life.

1. In finding a route to participation through freedom of expression and access to the media, rising generations are able to build concepts of citizenship and responsibility.

READ MORE - සරසවි Radio

නිවේදකයකුට හොඳ හඬක් සහ චතුර බවක් තිබිය යුතුයි

ප්‍රවීණ නිවේදක වසන්ත රෝහණ කියයි

අපේ රවේ නිවේදකයෝ බොහෝ වෙති. එහෙත් දේශීය සංස්කෘතික හරපද්ධතීන් හා ජාතික අනන්‍යතාවය රැක ගනිමින් එම වෘත්තියේ නියැළෙන සැබෑ නිවේදකයන් විරලය.

ඔහු නිවේදකයකු වන්නේ හුදු වචන හරඹයන් නිසා නොව සුදුසු වචන සුදුසු තැනට යොදා වියත් බස් වහරකින් අප ආමන්ත්‍රණය කරනා බැවිනි. එසේම ඔහු එකම තැනකට කොටු වූ නිවේදකයකු ද නොවේ. ගුවන් විදුලිය, රූපවාහිනිය, ප්‍රසංග වේදිකාව මේ කොයිකත් ඔහුට එක සේ හුරු පුරුදුය. වසන්ත රෝහණ යැයි කියූ විට අපේ රටේ බොහෝ දෙනා ඔහු හඳුනන්නේ එබැවිනි.

පසුගිය දිනෙක ඔහු ශ්‍රී ලංකා ගුවන් විදුලියේ විශේෂ ශ්‍රේණියේ නිවේදක තනතුරට පත් කරනු ලැබීය. එය ගුවන් විදුලි නිවේදකයකු හට ලැබිය හැකි ඉහළම තනතුර ද වේ.

‘සරසවියේ’ උණුසුම් ශුභාශිංසනය අපේ ළෙන්ගතු මිතුරා වෙත පුද කරමින් අප මෙසේ ඔහු හා පිළිසඳරකට එක් වුණෙමු.

ගුවන් විදුලි නිවේදකයකුට ලබා ගත හැකි ඉහළම ගෞරවය පසුගිය දා ඔබට හිමි වුණා?

ගුවන් විදුලි නිවේදකයකුට ලැබෙන ඉහලම තැන තමයි මේ සුපිරි ශ්‍රේණිය, නැතිනම් විශේෂ ශ්‍රේණිය. ඉතින් ඒක මට ලැබුණා. ඇත්තටම ඉතින් මම හරි සතුටු වෙනවා ඒ ගැන. මොකද අතීතයේ සිටි තිස්ස ජයවර්ධන වැනි දැවැන්තයන්ටත් ඔය තනතුර හිමි වුණා. එහෙම කීප දෙනෙක් හිටියා. තව අවුරුදු දහයක් මට සංස්ථාවේ වැඩ කරන්න පුළුවන්. ඒ කාලය ඉතිරිව තිබියදී මට මේක ලැබීම සතුටක්. බොහෝ අයට මේ තනතුර ලැබෙන්නේ විශ්‍රාම යන්න කිට්ටුව.

කවදාද ඔබ ගුවන් විදුලියට ආවේ?

1990 පෙබරවාරි 08 වැනිදා. වසර විස්සක්. මම පාසල් කාලේ ඉඳන්ම ගුවන් විදුලි මාධ්‍යයට උනන්දුවක් දැක්කුවා. මම ඉගෙන ගත්තේ ගම්පහ බණ්ඩාරනායක විද්‍යාලයේ. ඒ කාලේ මගේ ප්‍රියතම විෂය වෙලා තිබුණේ ගණිතය. ඒ වුණාට පාසලේ කලා සමිතියේ නිවේදන කටයුතු කරන්නේ මම. විවාද තරගයක් නම් බලෙන් හරි මම යනවා. කොහොම හරි පාසලේ ජනප්‍රියම නිවේදකයා වුණා. එතකොට ගම්පහ තරුණ සේවා සභාවේ, ජේසිස් එකේ නිවේදන කටයුතු කළා.

මම හිතන්නේ ඔබ ඒ කාලේම ප්‍රසංග නිවේදන කලාවටත් එක් වුණා?

ඔව්, විශේෂයෙන්ම එළිමහන් ප්‍රසංගවල නිවේදන කටයුතුª කළා. ඔය කාලේම වගේ මාව කොළඹ විශ්ව විද්‍යාලයට තේරුණා. නමුත් යම් යම් හේතූ®න් මත ඒ අධ්‍යාපන කටයුතු සම්පර්්ණ කර ගන්න බැරි වුණා. පස්සේ මම ගණිතය පංති කරන්න පටන් ගත්තා. දහස් ගණන් ළමයි ආවා ඒ පංතිවලට. නමුත් 89 ජූලි කලබලත් එක්ක ඒ පංති නැවතුණා. ඒ කාලේ මම නැවතිලා හිටියේ මහනුවර. හදිසියේම ගුවන් විදුලියට නිවේදකයන් බඳවා ගන්නවා කියලා දැනගන්න ලැබුණා. මමත් ගියා.

ගුවන් විදුලි නිවේදකයන් අමු අමුවේ මරා දැමූ ඔවුන් බිය වැද්දූ යුගයක් ඒක?

ඔව්, සමහර නිවේදකයන් ඝාතනයට ලක් වුණා. සමහරු බිය නිසා ගුවන් විදුලිය හැර දමා ගොස් තිබුණා. ඒ කාලේත් එහි සභාපතිවරයා වුණේ හඩ්සන් සමරසිංහ මහතා. මම එතුමාව දැන හඳුනාගෙන හිටියා ‘ගම් උදාව’ සහ ‘මහපොළ’ හරහා.

‘මහපොළ’ මට දක්ෂතම කථිකයා හැටියට සම්මානෙකුත් හම්බ වුණා. ඉතින් හඩ්සන් සමරසිංහ මහත්මයා හමුවෙලා මම කිව්වා නිවේදකයකු විදියට ගුවන් විදුලියට බැඳෙන්න කැමැතියි කියලා. ඔහු පුදුම වුණා. ඒ වගේ කාලෙක එහෙම දේකට කැමැති වුණ එක ගැන. ඉතින් නැවත වරක් මගේ හැකියාවන් ගැන බලලා මාව නිවේදන කටයුතු සඳහා යොදා ගත්තා.

ඒ කියන්නේ සහන නිවේදකයෙක් හැටියට?

මොන තනතුරක්වත් නෑ. ඒ දවස්වල ප්‍රවෘත්ති එහෙම කිව්වේ එස්. ටී. එෆ් එකෙන්. ප්‍රවීණ නිවේදකයෝ කීප දෙනයි ගුවන් විදුලියට ආවේ, ගියේ. තිලකා රණසිංහ මහත්මිය මේ වෙලාවේ මතක් කරන්න ඕනෑ. එතුමිය තමයි ඉස්සර වෙලාම ගිහින් මාව ඒ සීට් එකේ ඉන්දුවේ. ඒ එක්කම සේන වික්‍රමආරච්චි මහත්මයා. ඉතින් ඔහොම ඉන්න කොට කලබල අඩු වුණා. ආයේ අර නිවේදකයෝ ආවා. අපිට යන්න වුණා.

ඊට පස්සේ?

ඊට පස්සේ හැබැයි ආයේ ඔන්න නිවේදකයෝ බඳවා ගන්නවා කියලා අපට දැනගන්න ලැබුණා. සීලරත්න සෙනරත් මහත්මයා තමයි ඒ බව කිව්වේ. අපි ඉල්ලුම් කළා. එතකොටත් හඩ්සන් සමරසිංහ මහත්තයා තමයි සභාපතිතුමා.

පරික්ෂණ එකොළහක් විතර තියලා අපව තෝර ගත්තා. හැබැයි එතුමාට මතකයක් තිබුණා බැරි අවස්ථාවේ මේ මනුස්සයෝ අපට උදවු කළා කියලා. ඒකෙනුත් මම හිතන්නේ ලකුණක්, දෙකක් වැටෙන්න ඇති. ඊට පස්සේ තමයි මට 1990 පෙබරවාරි 08 වැනිදා කොන්ත්‍රාත් පත්වීමක් ලැබුණේ.

මම ශ්‍රී ලංකා එෆ්. එම්., කඳුරට එෆ්. එම්, සිටි එෆ්. එම්., ඔය වගේ ස්ථානවල වැඩ කළා. යාපනේ ගියා ආවා. දුෂ්කර, අභියෝගාත්මක ඕනෑම අවස්ථාවක නොපැකිපලව මට දෙන රාජකාරිය අකුරට ඉටු කළා. 1994 මට නිවේදකයකු හැටියට දෙවැනි සේවයේ ස්ථිර පත්වීමක් ලැබුණා මහනුවර සේවයට. මම කඳුරට සේවයේ හුඟක් වැඩ කළා. ඒ ඔස්සේ අපි නමක් හදා ගත්තා. වැඩක් කරන හැටිත් ඉගෙන ගත්තා.

නැවතත් ඔබ කොළඹට එනවා?

අවුරුදු දෙකකට පස්සේ. ඒ ඇවිත් සිටි එෆ්. එම්. සේවයේ වැඩ කළා. කේ ඩී. කේ. ධර්මවර්ධන, ජයන්ත පීරිස්, තිස්ස ජයවර්ධන වගේ ප්‍රවීණයන් සමඟ තමයි වැඩ කරන්න ලැබුණේ. ඔය අතරේ කේ. ඩී. කේ. ධර්මවර්ධන මහතා මැද පෙරදිග සේවයට ගියා.

ඔහුගේ අභාවයෙන් පස්සේ මැද පෙරදිග සේවයෙන් මට ඉල්ලීමක් ආවා, විශේෂයෙන්ම ට්‍රයිකෝ ආයතනය මගෙන් ඉල්ලීමක් කළා ඒ තනතුරේ වැඩ බාර ගන්න කියලා. ඉතින් වැටුප් රහිත නිවාඩු දමා අවුරුදු තුනක් ඩුබායිවල ඉන්නවා. නැවත ලංකාවට ඇවිත් සිටි එෆ්. එම්. සේවයේ වැඩ කරනවා.

ප්‍රවීණ ගායක, ගායිකාවන් රැසකගේම ප්‍රසංගවල නිවේදකයා වන්නට ඔබට භාග්‍යය ලැබුණා. ඒ මතකය අවධි කළොත්?

මුලින්ම මට ඒ අවස්ථාව ලැබුණේ මගේ කල්‍යාණ මිත්‍ර ජගත් වික්‍රමසිංහ නිසා. ඔහුගේ ‘සරසවිසර’ ඒක පුද්ගල ගී ප්‍රසංගයේ නිත්‍ය නිවේදකයා වුණේ මම. ඊට පස්සේ වික්ටර් රත්නායකගේ ‘ස’ ප්‍රසංගයේ නිවේදන කටයුතු මට බාර වුණා. කේ. ඩී. කේ. ධර්මවර්ධන, බණ්ඩාර කේ. විජේතුංග, ප්‍රේමකීර්ති ද අල්විස් වැනි දැවැන්තයින්ගෙන් පසුව ‘ස’ නිත්‍ය නිවේදකයා වුණේ මම.

අදටත් මම එහි නිවේදකයා. ඒ හැරුණාම සුනිල් එදිරිසිංහ, විශාරද අමරසිරි පීරිස්, සනත්, මල්කාන්ති, දයාරත්න, අමරා, එඩ්වඩ් – චරිතා, සෝමතිලක ජයමහ වැනි ගායක, ගායිකාවන්ගේ ප්‍රසංගවලටත් මම වරින් වර කථනයෙන් දායක වුණා.

බොහෝ ගුවන් විදුලි නිවේදකයන්ට රූපවාහිනිය කියන්නේ ආගන්තකු තැනක්. නමුත් ඔබ රූපවාහිනී මාධ්‍යයේ පවා ජනප්‍රිය නිවේදකයෙක්?

ඇත්තටම ගුවන් විදුලි නිවේදකයෝ බොහෝ වෙලාවට රූපවාහිනියට ගන්නේ නෑ. ඒක කියන්න එපායැ. රූපවාහිනී මාධ්‍යයට ගන්නේ බොහොම ලස්සන පෙනුමක් තියෙන, කඩවසම් ටෙලි නාට්‍ය හෝ වෙළෙද දැන්වීම්වල ඉන්න කට්ටිය. ස්වාධීන හා ජාතික රූපවාහිනියෙනේ අපි ගොඩක් වෙලාවට වැඩ කරන්නේ. ඒ දෙන දේ මම හොඳීන් ඉටු කළා. ඒ තුළ මට නම් කිසිම බාධාවක් වුණේ නැහැ.

අනෙක ඔබ එක රාමුවක කොටු වුණෙත් නැහැ?

ඔබ එහෙම කියනවා නම් මට ඒක සතුටක්. සංගීත වැඩ සටහන් වේවා, දේශපාලන වැඩ සටහන් වේවා ඇතැම් විට රාජ්‍යතන්ත්‍රයට සම්බන්ධ වැඩ සටහන් වේවා මම කරනවා. බෞද්ධාගමික වැඩ සටහන් පවා. ඒවා ගොඩක් සාර්ථක වුණ බවක් පෙනෙන්නට තිබෙනවා. එතනින් මම අවබෝධ කර ගත්තා රූපය හෝ වෙනත් බාහිර බාධක නෙවෙයි නිවේදකයාට බලපාන්නේ හඬ සහ ඉදිරිපත් කිරීමේ ශෛලිය.

මේ වන විට ඔබ රූපවාහිනියෙන් ඉදිරිපත් කරන වැඩ සටහන් මොනවාද?

දැන් ‘එකොළොස් වැනි හෝරාව’ මම කරගෙන යනවා. එය විවිධ දේශපානඥයන් සමඟ කරන හරවත් දේශපාලන සංවාදයක්. ඒ වගේම රූපවාහිනියේ හොඳ ප්‍රසංග සඳහාත් මට ආරාධනා ලැබෙනවා.

රාජ්‍ය මාධ්‍යක් තුළ දේශපාලන වැඩ සටහනක් මෙහෙයවීම මම හිතන්නේ විශාල අභියෝගයක්?

මම පවතින දේශපාලන පක්ෂයටම ආවඩන්න යන්නේ නැහැ. හොඳ තුලනාත්ක විග්‍රහයකුයි මට අවශ්‍යය. පැහැදිලිවම මම කියන්න ඕනෑ ජාතික ගුවන් විදුලියේ හා රූපවාහිනියේ අපක්ෂපාතී සහ නිර්මාණශීලී වැඩ සටහන් ඉදිරිපත් කිරීම සඳහා පූර්ණ නිදහස තියෙනවන. අතිගරු ජනාධිපතිතුමා වුණත් කියන්නේ ආණ්ඩුවේ වගේම විපක්ෂයේ හඬටත් ඉඩ දෙන්න කියලා.

ඔබ ජනප්‍රිය, දක්ෂ නිවේදකයකු වගේම ප්‍රතිභා සම්පන්න ගීත රචකයෙක්. ඒ බව අපට අමතක නැහැ?

මම ගීත කීපයක් ලියලා තියෙනවා. ජගත් වික්‍රමසිංහගේ ‘ඉසුරු කෙදෙව්වේ’ ගීතය හුඟක් ජනප්‍රිය වුණා. එතකොට ප්‍රවීණ ගායක, ගායිකාවන් රැසකට ගී ලිව්වා. සනත් නන්දසිරි, වික්ටර් රත්නායක, අමරසිරි පීරිස්, ජානක වික්‍රමසිංහ ඉන් කීප දෛනෙක්. සිංදු එකසිය විස්සක් විතර ලියලා තියෙනවා. ඒකෙන් විස්සක් විතර ජනප්‍රියයි ඉතින්.

අපි නැවතත් නිවේදන කාලව දෙසට හැරෙමු. බෙහෝ දෙනෙකු චෝදනා කරනවා, අද තියෙන්නේ ‘ගිරා පෝතක’ නිවේදන කලාවක් කියලා. ප්‍රවීණ නිවේදකයකු විදිහට ඔබ මේ තත්ත්වය විග්‍රහ කරන්නේ කොහොමද?

ඒකේ ඇත්තක් තියෙනවා. නමුත් මගේ අදහස නම් මේකයි. සැබෑ නිවේදකයන්ගෙන් එහෙම දෙයක් වෙන්නේ නැහැ. නිවේදකයන් වෙසින් ඉන්න අය තුළින් ඒක වෙන්න පුළුවන්. ටෙලි නාට්‍ය හෝ සිනමාව තුළ ඉන්න ජනප්‍රිය අය අද නිවේන කලාවට එනවා.

නමුත් සමහර අය මේ ටෙලි නාට්‍යයක පෙනී සිටි පමණින්, දැන්වීමක පෙනී සිටි පමණින් සම්මාන උළෙල පවා එනවුන්ස් කරන්න යනවා. ගිහින් වැඩේ අනා ගන්නවා. ඒවා නම් අපට අනුමත කරන්න බෑ. නිවේදකයකුට හොඳ හඬක් සහ ව්‍යක්ත චතුර බවක් තිබිය යුතුමයි.

වසන්ත, ඔබේ පෞද්ගලික තොරතුරු බිඳකුත් අපි කතා කරමු?

මගේ බිරිඳ පිළියන්දල රෝහලේ වෛද්‍ය අධ්‍යක්ෂකතුමිය. ඇය රූබි ජයසිංහ. දියණියක් ඉන්නවා කාව්‍යා දෙව්දිනී කියලා. මගේ වෘත්තීය කටයුතුවලට බිරිදගෙන් ලොකු සහයක් ලැබෙනවා. ඒ තමයි ඉතින් පෞද්ගලික තොරතුරු.

සටහන - අසංක දේවමිත්‍ර පෙරේරා

ඡායාරූප - ටෙනිසන් එදිරිසිංහ

READ MORE - නිවේදකයකුට හොඳ හඬක් සහ චතුර බවක් තිබිය යුතුයි