----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

Lanka Art Chat Room - එන්න අපි කතා කරමු

ස්ටාර් ශ්‍රී ලංකා හිස් තැනක්

Sunday, July 11, 2010

සම්පූර්ණ රූගත කිරීම රන්මිහිතැන්නේ

මහේන්ද්‍ර පෙරේරා නම් වන සොඳුරු රංගන සිත්තරා කලා ලොවට ආගන්තුක චරිතයක් නොවේ. රංගනය හරහා රටක් සැනසූ නැළැ වූ ඔහු රංගනය පිළිබඳ ගුරුවරයකු ලෙස තමා සතු දැනුම තවත් පරපුරකට දායාද කරනු ලබන ඇදුරෙකි.

මහේන්ද්‍රගේ දයාබරිත ආමන්ත්‍රණය.

මේ සියල්ල අතරේ කල්ගෙවන මහේන්ද්‍ර හැබෑම සොඳුරු මිතුරු සිතැත්තෙකි.

මේ අනගි නිර්මාණකරුවාගේ අලුත්ම ගමන පසුගියදා අරඹන ලද්දේ රන්මිහිතැන්න ටෙලි සිනමා ගම්මානයෙනි. ‘ස්ටාර් ශ්‍රී ලංකා හිස් තැනක්’ ලෙස නම් කරන ලද වෙනස්ම ආරක් ගත් ටෙලි නිර්මාණයේ ඇරැඹුම සනිටුහන් කරමින් මහේන්ද්‍ර දැන් අධ්‍යක්ෂවරයකු වී සිටියි.

අමුතුම ආකාරයක කතා තේමාවක් රැගත් ස්ටාර් ශ්‍රී ලංකා හිස්තැනක් ටෙලි නිර්මාණය සඳහා ප්‍රධාන චරිතය ලෙස මහේන්ද්‍ර පුංචි තිරයට කැඳවා ගෙන එන්නේ සුබුද්ධි ලක්මාලිය. සුබුද්ධි, නෙළුම් නමැති කටකාර, හැඩකාර, සංගීතයට ළැදි ගැමි තරුණියක කරමින් ඈ වටා ගෙතෙන ‘ස්ටාර් ශ්‍රී ලංකා හිස් තැනක්’ සම්පූර්ණයෙන්ම අපේ රටේ රියැලිටි වැඩසටහන් තේමා කොට ගත් කතා පුවතකි.

රන්මිහිතැන්න ටෙලි සිනමා ගම්මානයේ සම්පූර්ණයෙන්ම රූගත කිරීමට නියමිත මහේන්ද්‍රගේ කුළුඳුල් ටෙලි සිතුවම සඳහා අපේ ප්‍රවීණ මෙන්ම නවක නළු නිළියන් රැසක් රංගනයෙන් දායක වේ.

සනත් විමලසිරි, අසේල ජයකොඩි, දයාදේව එදිරිසිංහ, ගයාන් වික්‍රමතිලක, රොනී ලීච්, නිල්මිණි කෝට්ටේගොඩ, නිරෝෂන් ඉලේපෙරුම, චතුරංග දසුන්, විශ්වනාත් කොඩිකාර, භාග්‍ය හෙට්ටිආරච්චි සේම අපේ අසංක දේවමිත්‍ර පෙරේරා ද ස්ටාර් ශ්‍රී ලංකා හිස් තැනක් හි චරිත මවති. කලකට පසුව ප්‍රියංකර පෙරේරා ද මහේන්ද්‍රගේ කුලුඳුල් නිර්මාණය සමඟ රංගනයට එක්වීම ද සුවිශේෂත්වයකි.

ධම්මික රත්නායකගේ කැමරාකරණයෙන් ද, ඉරේෂ් ලොකුª බණ්ඩාරගේ සංස්කරණයෙන් ද, හර්ෂ ආරියසිංහගේ සංගීතයෙන් ද හැඩ වන ‘ස්ටාර් ශ්‍රී ලංකා හිස් තැනක්’ සුරංග ගුණතිලකගේ කලා අධ්‍යක්ෂණයෙන් වර්ණවත් වෙයි. වේෂ නිරූපණය ඉන්දික උදාර ලංකාගෙනි. රුවන් කරුණාරත්න විධායක නිෂ්පාදකවරයා ලෙස සවිය දෙන ‘ස්ටාර් ශ්‍රී ලංකා හිස් තැනක්’ දිලීප අබේසේකරගේ තිර පිටපතකි. වෙනුර චිත්‍රපට සමාගම වෙනුවෙන් ජයලත් පීරිස් නිෂ්පාදනය කරනු ලබන ‘ස්ටාර් ශ්‍රී ලංකා හිස් තැනක්’ හි සහය අධ්‍යක්ෂණය වාසල බණ්ඩාර සහ රුවන් බණ්ඩාර විසිනි. මනෝජ් බණ්ඩාර නිෂ්පාදන කළමනාකාරවරයායි.

රියැලිටි වැඩසටහනක් මූලික ආකෘතිය කර ගනිමින් රූගත කෙරෙන ‘ස්ටාර් ශ්‍රී ලංකා හිස් තැනක්’ වෙනුවෙන් රන්මිහිතැන්නෙහි අලුත්ම පසුතල මේ වන විට ඉදිවෙමින් පවතින අතර රන්මිහිතැන්නෙහි පමණක් රූගත කෙරෙන පළමු නිර්මාණය ලෙසින් මහේන්ද්‍රගේ කුලුඳුල් අධ්‍යක්ෂණය ලෙසත් ‘ස්ටාර් ශ්‍රී ලංකා හිස් තැනක්’ ඉතිහාසයට එක් වෙයි.

ස්ටාර් ශ්‍රී ලංකා හිස් තැනක් අරඹමින් මංගල පහන් ප්‍රදීප දල්වන නීතිඥ නිශාන්ත සඳබරණ, පසෙක මහේන්ද්‍ර, ප්‍රියංකර, නිරෝෂන්, අසේල හා නිල්මිණි.


මහේන්ද්‍රගේ රංගන ශක්තිය – ප්‍රියංකර, නිරෝෂන්, විශ්වනාත්, දසුන්, අසේල, එරංග සහ ඉන්දික රත්නායක.

රේඛීය නිෂ්පාදක රුවන් කරුණාරත්න, දම්මික, දිලීප අබේසේකර, මහේන්ද්‍ර, නිෂ්පාදක ජයලත් පීරිස් සහ මහේෂ්.

හර්ෂ ආරියසිංහ, රුවන් බණ්ඩාර, ඉන්දික උදාර ලංකා, මහේන්ද්‍ර, ජයලත් පීරිස්, වාසල බණ්ඩාර, සුරංග ගුණතිලක, ඉරංග බර්නාඩ් ගේ හමුව.

කල්පනා, සනත්, වෙලේගෙදර රණසිංහ, මහේන්ද්‍ර, නිල්මිණි, ශ්‍රියාණි දිසානායක, චේතනා ප්‍රනාන්දු සහ තේජා හර්ෂනි එක් වූ සොඳුරු මොහොත.

0 comments:

Post a Comment