----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

Lanka Art Chat Room - එන්න අපි කතා කරමු

සාරංග-උමාලි

Saturday, April 19, 2014

මංගලම්...   සුබ මංගලම්...

සාරංග-උමාලි අතිනත ගත්දා...

නව පරපුරේ ජනප්‍රිය නළු නිළි යුවළක් වන සාරංග දිසාසේකර සහ උමාලි තිලකරත්නගේ විවාහ මංගල්‍යයය පසුගියදා උත්කර්ෂවත් අන්දමින් පැවැත්විණි. ජනාධිපති මහින්ද රාජපක්ෂ මැතිතුමා සහ ආරක්ෂක ලේකම් ගෝඨාභය රාජපක්ෂ මැතිතුමා විවාහයට අත්සන් තැබූ අතර කැමරා නෙතට හසුවූ විවාහ මංගල්‍යයේ ‍සුන්දර අවස්ථා කීපයකි මේ.
READ MORE - සාරංග-උමාලි

මට වෙලාවක් නෑ

නළු නිළියන් ආශ්‍රයට මට වෙලාවක් නෑ

මධ්‍යම පළාත් මහ ඇමැති
සරත් ඒකනායක
දේශපාලනඥයකුට වගකීම් බොහෝය. එසේම කලාකරුවන්ට ද ඇතිවන්නේ ලේසි පහසු ප්‍රශ්න නොවේ. එසේ තිබියදී දේශපාලනඥයින් කලාවට යොමුවීම දැකිය හැකිය. එයට හේතුව සෑම මිනිසකු තුළම පාහේ අප හඳුනන මෙන්ම නාඳුනන කලාකරුවකු සිටිනා නිසාය. ‘කලාකාර ඇමැති’ විශේෂාංගය අද වෙන්වන්නේ එවන් කලා හැකියාවන් ඇති මධ්‍යම පළාත් මහ ඇමැති සරත් ඒකනායක මහතාගේ කලා සිතුවිලි විමසන්නටයි.
ඔබට කලාකරුවෙක් ලෙස ඇමතුවොත්?
මම හරිම කැමැතියි.
ඇයි ඒ?
මම ඇත්තෙන්ම කලාකරුවෙක් නිසා, අනෙක මම කලාවට ළැදි නිසා.
කලා අංශයට ඔබ යොමු වුණේ?
කුඩා කාලේ ඉඳන්ම. පාසලේ කලා කටයුතු ගැන අමතක කරන්න බෑ. අනෙක් ඒවා සිහිපත් නොකළත් ගීත ගායනයට යොමු වුණ බව නොකියාම බෑ. කැලණිය ධර්මාලෝක විදුහලේ මා එක්ක ප්‍රවීණ ගායකයකු වන සුනිල් එදිරිසිංහත් ඉගෙන ගත්තා. පද්‍ය ගද්‍ය රචනා තරගවලදීත් නාට්‍යවලිනුත් අපි විද්‍යාලය වෙනුවෙන් පෙනී සිටියා. ජයග්‍රහණය කළා.
ප්‍රධාන චරිතයක් ලෙස කරළියට නොආවාට නාට්‍යවල කටයුතු කළා. ඊට පසු ප්‍රධාන වශයෙන් කලාවට යොමු වුණේ මීරිගම ගුරු විද්‍යාලයේදී “වාරුවෙන් යන මිනිස්සු” කියලා නෙවිල් ඩයස් සුබසිංහ නම් උසස් කලාකරුවාගේ නාට්‍යයකින් තමයි අපි ප්‍රසිද්ධ වේදිකාවට ආවේ.
අපි කීවේ?
ජැක්සන් ඇන්තනි ඔහුගේ බිරිය කුමාරි, ජයන්ත චන්ද්‍රසිරි ඔය වගේ පිරිසක් ඒ නාට්‍යයෙන් පටන්ගත්තේ.
දිගටම ඒ ගමන නොගියේ?
මගේ සිහිනයක් තිබුණා ඉංජිනේරු අංශයෙන් ඉහළටම යන්න. ඒ නිසා මට අධ්‍යාපනය සඳහා අවුරුදු 8 ක් පමණ විදේශගත වන්න සිදුවුණා.
ඔබ නාට්‍ය උලෙළ සඳහා තරගවැදී නැද්ද?
සම්බන්ධ වුණා. 1980 යොවුන් නාට්‍ය උලෙළට ඉදිරිපත්ව සම්මාන ලැබූ “මානවයෝ” නාට්‍යයට මම සම්බන්ධ වුණා.
ඔබට සම්මාන ලැබුණේ නැද්ද?
නෑ. අපි හැම විටම වගේ කණ්ඩායමක් ලෙස ඉදිරිපත් වුණේ.
පිටරට ගියාට පසු කලාව කැලෑවට ගියා ද?
අපෝ නෑ. නෝර්වේ රටේ ඉගෙන ගන්න අතරේ තමයි අපි ‘නෝර්වේ - සිංහල ශ්‍රී ලංකා සංගමය පිහිටුවා ගත්තේ. එහෙදි මම හොඳ නළුවෙක් වගේම ගායකයෙක්
මෙහෙදී?
මෙහෙදි ටෙලි නාට්‍ය කීපයක තාත්තාගේ චරිතය එහෙම රඟපාලා තිබෙනවා. ‘රෝස අසපුව’ ටෙලි නාට්‍යයේ මගේ බිරියගේ චරිතය කළේ චිත්‍රා වරකාගොඩ මහත්මිය. ඒ අතර ගායන කටයුතුවල වගේම, ‘හද්දින්නත් තරු’, ‘චැට් ඇන්ඩ් මියුසික්’ වගේ වැඩසටහන්වලටත් සහභාගි වෙලා තිබෙනවා. ඒත් දේශපාලන කටයුතුවලට කාලය ගත වුණාම කලාවට යොමුවන්න කාලය හරස් වනවා.
ඔබ නිතර ගායනා කරන්න කැමැති කාගේ ගීත ද?
ඇත්තෙන්ම ගායකයාට වඩා ගීතවලටයි ප්‍රමුඛතාව දෙන්නේ. නිතරම ගයන්න කැමතියි මහ වැස්සක පෙර නිමිති පෙනෙනවා කඳුළු කතාවේ. සැඳෑ අඳුර ලොව, වගේ ගීත. ඒ වගේම ගායකයන් අතරින් පණ්ඩිත් අමරදේවයන්ට, සමකාලීන මිතුරු සුනිල් එදිරිසිංහ, ආචාර්ය වික්ටර් රත්නායක, සෝමතිලක ජයමහ ඊට පසු පරපුරෙන් කරුණාරත්න දිවුල්ගනේ වැනි ගායකයන් තව බොහෝ දෙනකුට කැමැතියි.
ගායිකාවන්?
නන්දා මාලනියගේ හඬ අපට අමතක කරන්න බෑ. පැරැණි පරපුරෙන් ලතා වල්පොල, සුජාතා අත්තනායක වැනි අයගේ ගීතත් මගේ සිත්ගෙන තිබෙනවා. මෑත යුගයේ දීපිකා ප්‍රියදර්ශනී වැනි ගායිකාවන් මගේ සිතට දැනෙන අයුරින් ගීත ගයනවා.
ඔබේම ගීත එකතුවක් කරන්න සිතුණේ නැද්ද?
පසුගිය දිනවල මගේම ගීතයක් පටිගත කළා. එයට තවත් ගීත කීපයක්. මගේ උපන් ගමේ, මාතලේ දක්ෂයින්ගෙන් එකතු කරලා රූප රචනා කරලා තව මාස තුන හතරකින් එළිදක්වන්න තමයි හිතාගෙන ඉන්නේ.
පොත් කියවීමටත් ඔබ රුසියෙක් ද?
මගේ වාහනේ අනිවාර්යයෙන්ම පොත් දෙක තුනක් තිබෙනවා. සාමාන්‍යයෙන් මම කැමැති චරිත කතා කියවන්න. මොකද ඒවායින් අපේ ජීවිතයට ගත හැකි දේ බොහෝයි. ළඟදී මම ආශාවෙන් කියැවූයේ “වාරීස් ඩයරි” කියලා සෝමාලියාවේ ඈත දුෂ්කර ගමක ඉඳලා ඇවිත් ලෝකේ ප්‍රධාන පෙළේ නිරූපණ ශිල්පිනියක වුණ ආකාරය ගැන ලියූ ජීවිත කතාව. ඉස්සර නම් මම නවකතා බොහොමයක් කියෙව්වා.
ඔබ පොත් ලියනව ද?
මම පොත් කීපයක් ලියන්න ආරම්භ කළා. එකක් නම් “නිදහස් සිතුවිලි” අවුරුදු නවයකට පමණ කලින් එළිදැක්වූ මානව හිමිකම් පිළිබඳ පොතක්. අනෙක් ඒවා නම් ඒ ඒ අවස්ථාවලට ගැළපෙන පරිදි දරුවන් දැනුම්වත් කිරීම ආදී අවශ්‍යතාවලට ලියු පොත් පිංච කීපයක්.
වර්තමාන නවකතා ගැන ඔබේ අදහස?
මට අද ලියන අය ගැන අගෞරව කරන්න අයිතියක් නෑ. කියවීමේ වැදගත්කම දැන් දැන් සමාජයට යනවා අඩුයි. පුවත්පතක් වුණත් කියවන්නේ මිනීමැරුම්, හොරු ඇල්ලීම් බලන්නනේ. නවකතාවට සුදුසු තැන ලැබිලා නෑ. ඒ නිසා අපි මධ්‍යම පළාතේ ලේඛකයන්ට ‘ලේඛක අත්වැල’ කියා වැඩසටහනක් අරඹා ඔවුන්ගේ පොත් මිලදී ගැනීම් ආදිය සඳහා උපකාර කරන වැඩපිළිවෙළක් සකසා තිබෙනවා.
චිත්‍රපට?
ඉස්සරනම් බැලුවා මෑතකදී නම් බැලුවේ නැහැ.
බැලුවේ නැද්ද? බලන්න තරම් එකක් තිබුණේ නැද්ද?
අවංකවම කීවොත් එහෙම ගැටලුවකුත් තිබෙනවා. උසස් මට්ටමේ හා ළමා චිත්‍රපට හෝ අපේ අභිමානය ගැන කියැවෙන චිත්‍රපට නම් කොහොමහරි වෙලාවක් හදාගෙන බලනවා. අනෙක රූපවාහිනී පෙට්ටියට ඇබ්බැහි වී සිටින ජනතාවගෙනුත් සිනමාවට සාධාරණයක් විය යුතුයි.
නළු නිළියන් අතරින් වඩා කැමැති?
ගාමිණී ෆොන්සේකාට , ජෝ අබේවික්‍රමට සම කරන්න, රුක්මණි දේවි, මාලනී ‍ෆොන්සේකාට සම කරන්න සසඳන්න අය නම් මම දන්නේ නෑ.
වර්තමාන නළු නිළියන්?
ඒ අය බොහෝ දෙනෙක් මම අඳුනනවා. නමුත් කිට්ටු ආශ්‍රයක් සඳහා වෙලාවක් නෑ. උත්සවයකදී වගේ කතා කළොත් පමණයි. කොහොම වුණත් ඒ අයටත් මම ගරු කරනවා. මොකද කලාවේ රැඳී සිටීමම අමාරු කාර්යයක් නිසා.
ඔබේ පවුලේ තව කලාකරුවන් සිටිනවා ද?
නන්දිමිත්‍ර ඒකනායක මගේ අයියා. ඔහු ටෙලි නාට්‍ය කීපයකම රඟපෑවා. ඒ හැර කවුරුත් නෑ.
ඔබේ බිරිය කලාවට සම්බන්ධ ද?
මදාරා කලාවට කැමැති වුණාට සම්බන්ධ නැහැ.
දරුවන්?
පුතා මිත්සුක තවම වයස 12 යි. පුතා නම් කලාවට කොයිතරම් යොමුවෙයි ද කියන්න බෑ. නමුත් දුව ඕෂිනී ශවින්දිකා. ජීව රසායන විද්‍යාව හදාරන්නේ ඇමෙරිකාවේ විශ්වවිද්‍යාලයක, ඇය ගියේ අන්තර්ජාතික පාසලකට එහිදී නම් උඩරට නැටුම් අංශයෙන් ජනප්‍රිය වුණා.
ඔබ සිතන ආකාරයට ඔබේ පවුලේ අය විශේෂයෙන් බිරිය කැමැති මහ ඇමැතිවරයාට ද? කලාකරුවකුට ද?
බිරිය දේශපාලනයට නම් කැමැති නෑ. ඒ නිසා මහ ඇමැති තනතුරට ඒ තරම් කැමැතියි කියන්න බෑ. හැබැයි කලාවට නම් කැමැතියි. ඒත් කලාකරුවකු වෙනවට කැමැති ද නම් දන්නේ නෑ.

http://www.silumina.lk/2014/04/06/_art.asp?fn=av1404062
READ MORE - මට වෙලාවක් නෑ

සිනමා ශාලා ධර්මශාලා බවට පත්වීමේ ආශ්චර්යය

Friday, April 18, 2014

මම මේ කළේ මහා පිංකමක්‌.කල්ප ගණනාවක්‌ දිව්‍ය ලෝකයේ සැප ලබන තරමේ පිංකමක්‌. මේකට දායක වූ හැම දෙනාටමත් ඒ ආනිශංසය ලැබෙනවා. දළදා වහන්සේ දැන් වැඩ ඉන්නේ මහනුවර.මම කරන්නේ මහනුවර වැඩසිටින දන්ත ධාතූන් වහන්සේ ශ්‍රී ලංකාවේ සිනමා ශාලා පනහකට වැඩමවීමයි. මේ වැඩමවීම අනුව සිනමා ශාලා ධර්ම ශාලා බවට පත්වෙනවා.එවිට මේ ප්‍රේක්‍ෂකයෝ චිත්‍රපටය නරඹා ශාලාවෙන් එළියට එන්නේ ශ්‍රද්ධාව හිතේ ඇතිව. දළදා වහන්සේ කෙරෙහි අනේක වාරයක්‌ දැනුවත් වෙලා.

පැය දෙකකදී දළදා වහන්සේගේ ඓතිහාසික තොරතුරු නිර්මාණයක්‌ තුළින් මම ප්‍රදර්ශනය කරනවා. ඉතින් මම අපේ රටේ ප්‍රේ්ක්‍ෂකයන්ගෙන් ඉල්ලන්නේ මේ චිත්‍රපටය දෙස විතර්ක බුද්ධියෙන් බලන්න එපා.මේ චිත්‍රපටය නියම ගැමි සිංහලයෙක්‌ ලෙස බලන්න කියා.ඒකට හේතුව තමයි දළදා වහන්සේ කියන්නේ අපේ රටේ නිල නොලත් රජු ලෙසයි ගරු කරන්නේ.දළදා වහන්සේ ගැන ඇස්‌ දෙක වසාගෙන හිතුවත් පිං රැස්‌ වෙනවා.එහෙම නම් මේ චිත්‍රපටය නරඹද්දී ප්‍රේක්‌ෂකයාට මොන තරම් නම් පිං රැස්‌කර ගන්න පුළුවන්ද.

---අධ්‍යක්‍ෂ- සිරි දළදා ගමනය

සිනමා අධ්‍යක්‍ෂවරයෙක් සතු දැණුම සිරි දළදා ගමනය අධ්‍යක්‍ෂවරයාගේ ඉහත සඳහන් ප‍්‍රකාශය තුලින් මැනවින් විග‍්‍රහ වේ. දන්ත ධාතූන් වහන්සේ මහනුවර දළදාමාලිගාවේ තැන්පපත් කිරීමෙන් පසුව මේ රටේ සුවහසක් ශ‍්‍රීලාංකිකයෝ මේ දන්තධාතූන් වහන්සේ ප‍්‍රදර්ශණය කරන කාලසීමාවන් වළදී වැළ නොකැඞී මෙය නරඹන්නට එන්නේ බුද්ධාලම්භන ප‍්‍රීතියෙන් විය යුතුය. මේ රටේ මේ වනවිටත් සිංහල බෞද්ධ ජනතාව මහනුවර දළදා මාලිිගාවෙන් මෙම දළදා වහන්සේ වැඳපුදාගෙන ඇතුවාට කිසිම සැකයක් නැත.

මෙම චිත‍්‍රපටයේ අධ්‍යක්‍ෂවරයා දළදා වහන්සේ සිනමා ශාලා 50කට රැගෙන විත් තිබෙනවානම් ඒසිනමා පටයකින් මිස සැබැ දළදා වහන්සේ නෙවේ. ඉතින් මේ පිං ලබාගන්නට ජනතාව පොළඹවන්නේ මුදල් ගැරීමේ අපෙක්‍ෂාවෙන් මිසක සැබැ උවමනාවකින් නොවේ. මෙවැනි ගොං කතා කියා ජනතා රවටා බොරු භක්තියක් මවා පා මුදල් ගසා කැම මහත් ඵල මහා ආනිශංස නොව මහා පව්කාරකමකි.

ගැමි සිංහලයන් ගොනාට අන්දවන්නට මෙවැනි ප‍්‍රකාශ කළාට සිරි දළදාගමනය මේ රටේ ජනතාවගේ ගැමියන්ගේ සිංහල බෞද්ධකම රවටාලීමකි.

එක් ෆේස්බුක් සහෘදයෙකු විමසා තිබුනේ" බයිස්කෝප් මඩු ඉස්සරහ මල් වට්ටි විකිණීම/කොට ගවුම් ඇඳගෙන එන නැටිච්චියන්ට යටට ඇඳගන්න චීත්ත කෑලි කුලියට දීම/සෙරෙප්පුල සපත්තු පොඩි ගානක් අරං ආරස්සා කොරල දීම වගේ අමතර මාකටිං වැඩ කරල බයිස්කෝප්කාරයන්ට ගතමනාවක් හොයාගන්න වෙයි බොලල්ලා....ඕවැයි ඇතුළෙ තියෙන බාර් එහෙම වහන්න වෙන හංද.....ඇයි හිනා වෙන්නෙ.....දළදාවහන්සෙ වඩම්මද්දි බයිස්කෝප් මඩු ඇතුළෙ තියෙන බාර් වහන්නැද්ද....හික්ස්....හිකිස්...


බුදුන් වහන්සේ ගේ දන්ත ධාතූන් වහන්සේ මේ අධ්‍යක්‍ෂවරයා විිසින් සිනමා හෝල් 50කට කැන්දා ඇවිත් ඇති බැවින් මේ සිනමා ශාලා ධර්මශාලා බවට පත්වීම හේතුවෙන් මේ පාඨකයා විසින් කරන ලද ප‍්‍රකාශය විහිලූවක් ලෙස ගත හැකි නොවේ.

විවිධ බෞද්ධ සංවිධාන මේ පිළිබඳව වහා සිය අවධානය යොමුකළ යුතුව ඇත.

මේ තවත් ෆේස්බුක් පාඨක ප‍්‍රතිචාරයකි.

පින්වත් සනත් අබේසේකර මයා වෙත.
ඔබ විසින් නිමවන ලද'සිරි දළදා ගමනය'චිත්‍රපටය පිළිබඳවත් ඒ පිළීබඳව ඔබගේ ප්‍රකාශයනුත් මිත්‍ර හෙන්රි වර්ණකුලසූරිය මයා විසින් ෆේස්බුක් සටහනක් ලෙස පළකල තිබී කියවීමි.
මෙවන් සද්කාර්යයක් කිරීමට, විශේෂයෙන් මෙවන් ග්‍රාම්‍ය වූත්, සරල හා නිරවුල් වූත් අවබෝධයකින්, දෙව්ලෝ සැප සම්පත් පතා, මෙවන් සද් කාර්යයක් කිරීමට වුවමනාව හා උනන්දුව මතු නොව, ඒ චින්තාව සාක්ෂාත් කරගැනීමේත් වරම ලැබුවකු අප අතර සිටීම පිළිබඳව අපේ නෙත් අගටත් කඳුලක් නැගෙයි.

ඒ අතරම සිතුනේ මේ නම් මේ උත්තම සිනමා සිත්තම, සිනමා හල්වලට සීමා කර දමා ඔබේ පින් කුසල් රැස්කර ගැනීමේ අවස්ථාවන් සීමා කර ගතයුතු කාලයක් නොවන බවයි.

මහත්මයාණනි, මේ වනවිට තුත්තුකුඩියේ සිට ග්‍රීන් ලන්තයේ හුදකලාම කෙළවරක පිහිටි නියාකොනැට් දක්වාම විහිදුනු අන්තර්ජාල සබදතාවලින් මිනිස් සංහතියම එකට බැඳී තිවේ.මේ මහා මිනිස් බුරුත්ත වෙතම,උන්ගේ ගෙවල්වල පරිඝණක තිර මතට, ලැප්ටොප්, ටැබ්ලට්, අයි ෆෝ, අයිපෑඩ් ආදී නානා ප්‍රකාර නම් වලින් හැඳින්වෙන යන්තර තිර මතට මහානුභාව සම්පන්න දළදා හාමුදුරුවන් වැඩම වීමේ භාග්‍යයත් ඔබට තිබේ.

කරන්න තියෙන්නේ චිත්‍රපටියේ කොපියක් යූ ටියුබ් එකට ‍හෝ වෙන යම් ටියුබ් එකක දමා ෆේස් බුක් එකේ ලින්ක් එකක් දැමීමම විතරය.
මේ ටික කිරීම නම් මට සිතෙන පරිදි නිරනුමානයෙන්ම මතු බුදුවන වරම් ලබන තරමේ පිනකි. මේ ගැනත් සලකා බලත්වායි අයදිමින් නවතිමි.

මේ සනත් අබේසේකර ගේ ආශ්චර්යමත් ප‍්‍රකාශයන්ය.

දළදා මාලිගාවට ගිහින් තිර පිටපත පූජා කළා, පිටපත අවසන් චිත්‍රපටය කරන්න ඉඩ දෙන්න කියලා දළදා වහන්සේගෙන් ඉල්ලීමක්‌ කළා. ඒත් එදා රෑ නින්දේදී කිසියම් අදෘශ්‍යමාන බලවේගයක්‌ ඇවිත් සිහිනෙන් වගේ ,මේක කරන්න දෙන්න බෑ.....කියා කිව්වා. මම පසුදාම පූජ්‍ය එල්ලාවල හාමුදුරුවන්ට මේ බව කිව්වා.උන්වහන්සේ උපදෙස්‌ දුන්නා, ආයෙත් දළදා මාලිගාවට ගිහින් භාවනා කරලා පිරිත් කියලා මොකක්‌ද වූ වරද කියා අහන්න කියලා. එදායින් පසුව හැම සිද්ධියක්‌ම ආශ්චර්යයක්‌ වගේ. හිතාගන්න බැරි විදිහට මට දඹදිව යන්න නොමිලේ ගුවන් ප්‍රවේශ පත්‍රයක්‌ ලැබුණා.මම දඹදිව ගියා, එතනදී තවත් ආශ්චර්යයක්‌ වුණා.ස්‌විට්‌සර්ලන්්තයේ මහත්මයෙක්‌ එහිදී මට හමුවුණා.ඔහු හිමාලයට යමින් හිටියේ.ඔහු මා සමග කතා කළා. දඹදිව දළදා වහන්සේ වැඩසිටි පූජනීය ස්‌ථාන සියල්ලම නරඹන්න ඔහු ඔහුගේ වියදමෙන් මාව ගෙන ගියා.මට කන්න බොන්න දීලා නවාතැන් පහසුකම් පවා සලසා දුන්නා.මේ ගමනේදී මට ධාතු වංශයේ තිබූ සියලුම තොරතුරු හා ස්‌ථාන දැක බලාගත හැකි වුණා.බ්‍රහ්මදත්ත මාලිගාව මම දැක්‌කා. එහි ඡායාරූප අරගෙන ඇවිත් මිහින්තලේ දී ඒ මාලිගාව මම හැදුවා.මම යළිත් දළදා වහන්සේට මල් පහන් පූජා කරලා පිටපත උන්වහන්සේට භාර කරමින් මට පිංවන්ත නිෂ්පාදකයෙක්‌ ලැබේවා කියා ප්‍රාර්ථනා කළා.එදාට පසුදා මට අරලියගහ මන්දිරයට යන්න සිදු වුණා.

මම බලාපොරොත්තු වුණා පිංවන්ත නළු නිළි පිරිසක්‌.අපිට එහෙම අය සොයා ගැනීම අපහසුනේ.ඒත් චිත්‍රපටය කෙරෙන කාලය තුළදී ඒ සඳහා පේවෙලා දළදා හිමියන්ට භාරවෙලා මේ නිර්මාණ කටයුත්ත කරන්න හැම කෙනෙක්‌ම එකඟ වුණා.

ජීවන් කුමාරතුංගmගීතා කුමාරසිංහල, ශ්‍රියන්ත මෙන්ඩිස්‌ල, මාක්‌ සැම්සන් වැනි ප්‍රවීණයෝත් බොහෝ් සේ කැපවුණා.හැම කෙනෙක්‌ම තමන්ට හිමි දේ කළා.

මෙවැනි ප‍්‍රකාශ පුවත් පත් තුළින් පළවීමෙන් පසු මේවා කියවන පාඨකයන් පවසනා දේවල් අසන්නට හැකිනම් කොතරම් වටිනාවාද යන්න මේ සිනමා පටයේ අධ්‍යක්‍ෂවරයාට තේරුම් ගත හැකිවනු ඇත.

'මේ චිත්‍රපටය දෙස විතර්ක බුද්ධියෙන් බලන්න එපා.මේ චිත්‍රපටය නියම ගැමි සිංහලයෙක්‌ ලෙස බලන්න' කියා අධ්‍යක්‍ෂවරයා ඉල්ලා .ිබිණ. මේ නිසා වන්නට ඇත පහත සඳහන් ප‍්‍රතිචාර මේ ආකාරයෙන් ෆේස්බුක් පිටුවේ සඳහන්ව තිබුනේ .

'ඊයේ මම දැක්කා ලිබර්ටි සිනමා අසළ කොල්ලුපිටියේ සුදු වතින් සැරසුණු උපාසකම්මලා මේ දහා ජරා ඉතිහාස විකෘතිය බලන්න පෝලිමේ . මේ රටට දේශප්‍රේමයේ නාමයෙන් කර ඇති විනාසය කොපමනද කියා මූගේ මේ කතාවෙන්ම සක්සුදක් සේ පේනවා .අනේ මේ උපාසකම්මලා අර රීගල් එකේ තිබෙන' සැමීගේ කතාව' බැළුවා නම් දුකක් නෑ.ගෑණුන්ට ගහන ගංජා උරන මදු මාධව හාමුදුරු නමක් වගේ ඇඳන් .විපක්ශයේ එකෙක් එහෙම හිටියා නම් මේ ඡන්දේ කාලේ චිත්‍රපටය තහනම් .

මේ සිනමා නිර්මාණයේ ගීතා ක-මාරසිංහ සහ මධුමාධව අරවින්දද රංගනයේ යෙදෙති. මේ දෙදෙනාම මෙවර පලාත්සභා ජන්දයේ තරග කරති. මේ අය මෙසේ සිනමා ශාලාවල ඉන්නා විට අනාර්කලී දැරිවිය ස්වර්ණවාහිනී වෙළඳ දැන්වීමක නිතරෝම පේනනට සිටින්නේ මොකද්ද ඇහුවොත් සල්ලි තමා කියමිණි.

සිරි දළදා ගමනය ට ආශ්චර්යමත් ලෙස නිසෂ්පාදකයන්ද නළු නිලියන්ද සියල්ලට ලැබී ඇත. ඒ නිසා මෙය මේ වනවිට කොළඹ ඇතුළු සිනමාශාලා 50ක ප‍්‍රදර්ශණය වෙමින් පතී. මෙය අනිවාර්්යයයෙන්ම වෙසක් පෝය කලාය අහවර වී පොසොන් පෝය ලබන තුරුද ප‍්‍රදර්ශණය වනු ඇත. සමහරවිට දළදා පෙරහැර කරණ අගෝස්තු මාසය වනතතරුද මේ සිනමාශාලා වල ප‍්‍රදර්ශණය වනු ඇත. මේ රටේ සිනමාව යනුවෙන් වර්ධනය වෙමින් පවතින මේ ආකාරයේ ප්‍රෝඩාකාරී සිනමාව ට තිත තැබිය යුතුය. මේ අධ්‍යක්‍ෂවරයා මේ වනවිට අනගාරික ධර්මපාල කතා වස්තුවද නිර්මාණය කොට අහවරය. එය මේ වනවිට අරලිය ගහමන්දිරයේ අධීක්‍ෂණයට හසුෙමින් පවතින බවද දැනගන්නට ලැබී ඇත. කෙසේවුවද මේ සිනමා රැල්ල වහාම වෙනත් දිශානතියකට හරවා මේ රටේ සිනමා පේ‍්‍රක්‍ෂකයන් ගොනාට ඇන්දවීම වහාම වෙනස් කළ යුතුව ඇත .

'මගේ මූලික හරය තමයිල දළදා වහන්සේගේ ආශ්චර්යය රටට ප්‍රකාශ කිරීම.මේ චිත්‍රපටය නැරැඹීමෙන් මිනිස්‌ හදවත් ශ්‍රද්ධාවටත්ල ආනන්දයෙන් ප්‍රඥවටත් පත්වේවි කියා මට විශ්වාසයි.රාග, ද්වේශ, මෝහ අවුස්‌සන රංගනයන් සහ නිර්මාණ ඉදිරිපත් කළොත් එය කල්ප ගණනාවක්‌ සතර අපායේ දුක්‌ විඳින්න හේතුවක්‌ වන බව බුදුරජාණන් වහන්සේ දේශනා කර තිබෙනවා. ඒ වගේම කිසියම් නිර්මාණයකින් ශ්‍රද්ධාවත්ල ආනන්දය හා ප්‍රඥවත් ලබා දෙනවා නම් ඒ නිර්මාණකරුවන් කල්ප ගණනක්‌ දිව්‍ය ලෝකයේ සැප විඳිනවා කියා බුදුරජාණන් වහන්සේ දේශනා කර තිබෙනවා.ඒ අනුව මම මේ කළේ මහා පිංකමක්‌.කල්ප ගණනාවක්‌ දිව්‍ය ලෝකයේ සැප ලබන තරමේ පිංකමක්'.

මේ වනවිට ලංකාවේ රහත් බව ලැබිය හැකි පාඨමාලා ආරම්භ වී තිබෙන බව දැනගන්නට ලැබී ඇත. ඒ පිටිදූවේ සිරිධම්ම හාමුදරුවෝ ගේ ප‍්‍රධානත්වයෙනි. ඒ අතර දළදා වහන්සේ සිනමා ශාලා වලට වඩම්මා ඒවාධර්මශාලා බවට පත්කර තිබේ. තව ටික කලකින් ශ‍්‍රී පාදස්ථානයේ සිරිපතුල ද සිනමාශාලාවල්වලට වඩම්මනු නොඅනුමානය. එවිට සමනළ කන්ද තරණය කර මහන්සි විය යුතු වන්නේද නැත.

ආශ්චර්ය නම් සියල්ල විනාඩි වලින් මනින රටක් බවට සියල්ල පත්වීමය. මන්ද දැන් අධිවේගී මාර්ක සැම තැනම ඉදිවෙන බැවින් ඒවා යෙහි දුර පවස්නන්ට සැතපුම් අනවශයය. ගැමි වහරින් හූ වක දුර අසන්නට උවමනාවක් නැත. ඇසිය යුත්තේ විනාඩි කීයද පැය කීයද යන්න පමණි. සංවර්ධනය වූ රටවල පාරක දුර අසන්නේ විනාඩි වළිනි. ඉතින් නුදුරේදිම දළදා වඳින්න යන්න ඕනේ මොන හෝල් එකටද? සිරිපතුල වඳින්න යන්නෙ ඕනෙ මොන හෝල් එකටද ආදී වශයෙන් ඇසීමට ඔබට සිදුවනු ඇත. මේ ආශ්චර්යකරා පිය මණින ශ‍්‍රී ලංකාවේ දියුණුවයි. තව මොනවා ඉදිරියට සිදුවේද යන්න දන්නේ අර විකාර හීනෙන් පේන චිත‍්‍රපට අධ්‍යක්‍ෂවරුන්ටමය.

මෙවන් ප‍්‍රකාශ තුළින් මේ සිනමා අධ්‍යක්‍ෂවරයා හඳුනාගගැනීමටත් ඔහුගේ නිර්මාණ හඳුනාගැනීමටත් අපි බුද්ධිමත් පාඨකයිින්ට ආරාධනා කරමු.

http://mirrorarts.lk/
READ MORE - සිනමා ශාලා ධර්මශාලා බවට පත්වීමේ ආශ්චර්යය

අද තියෙන්නෙ ඉතිහාසය විකුනගෙන කන තක්‌කඩින්ගේ සිනමාවක්‌


ප්‍රසන්න විතානගේ ලාංකීය රසික ජනයාට අලුතින් හඳුන්වා දිය යුත්තෙක්‌ නොවේ. පුත්‍ර සමාගම, ද්විත්ව, අවි යන නාට්‍යවල අධ්‍යක්‍ෂවරයා මෙන්ම සිසිල ගිනි ගනී, ඉර මැදියම,පුරහඳ කළුවර,පවුරු වළලු, ආකාශ කුසුම් වැනි ප්‍රබුද්ධ චිත්‍රපටවල නිර්මාපකයා ද ඔහුය.එම නිර්මාණ වෙනුවෙන් දේශීය හා විදේශීය වශයෙන් සම්මානයෙන් පිදුම් ලද ප්‍රසන්න ලාංකීය සිනමාවට නව මුහුණුවරක්‌ හඳුන්වා දෙන්නට උත්සුක වූ අධ්‍යක්‍ෂවරුන් අතර කැපී පෙනෙන සිනමාකරුවෙකි.


කලාකරුවකු වීමට ඔබට පසුබිම සකස්‌ වුණු අතීතයට එබී බලන්න අපි කැමැතියි.

මම පවුලේ එකම දරුවාග ඒ නිසා කුඩා කල සිටම මම හැදුණේ තනිවම.මට සෙල්ලම් කරන්න කවුරුවත් හිටියෙ නෑ. මගේ මේ හුදෙකලාව මකන්න මගේ මවුපිය දෙදෙනා මට නිතර ළමා පොත් ගෙනැත් දුන්නා. මා ගෙදරින් පිටතට ඇදී යනවා වෙනුවට ගෙතුළ සිට කියවන ළමයෙකු බවට පත්වුණා.

ටිකක්‌ වැඩිවියට පත්වෙද්දී ඩබ්. ඒ. සිල්වාගේ නවකතාවලින් මා ආශ්වාදය ලැබුවා. නමුත් මගේ මනස පරිණත කරනු ලැබුවේ මාර්ටින් වික්‍රමසිංහ. ළමා වියේ සිටම මා සිත විශ්මයට පත්කළ වචනයක්‌ තමයි කර්තෘ කියන වචනය. පොතක කර්තෘ කියන තැනැත්තා අති විශාල මිනිසකු ලෙස මට දැනෙන්න පටන් ගත්තා. ඔහු මහා මෙහෙයුම්කරුවකු ලෙස මට හැඟී ගියා. පසු කලෙක මා පොත් කර්තෘ කෙනකු නොවූවත් වෙනත් මාධ්‍යයන් ඔස්‌සේ"කර්තෘ" කෙනකු වීමට පොතක කර්තෘ යන යෙදුම මට විශාල බලපෑමක්‌ කළා යෑයි කියන්න පුළුවන්.

ඒ එක්‌කම මට බලපෑ අනිත් පුද්ගලයා මගේ පියා.ඔහු හොඳ සිනමා රසිකයෙක්‌. සාමාන්‍යයෙන් සති අන්තයේ එන අලුත් සිංහල චිත්‍රපටය බලන්න ඔහු මාව නොවරදවාම එක්‌කගෙන ගියා.ඒ වගේම කුඩා කාලයේදීම මට ,මනමේ, බලන්න ලැබුණාග ඒකත් ලොකු ආශ්වාදයක්‌ සැපයුවා.ඒ කාලෙ බලාපු චිත්‍රපට අතරින් මගේ මනස වෙනස්‌ කළේ 'අහස්‌ ගව්ව'. ඒ කාලෙ අපි විජය කුමාරතුංගට ආස කළා. නමුත් අහස්‌ ගව්වෙ විජය කුමාරතුංග වෙනස්‌ කෙනෙක්‌ග සිනමාවේ වෙනස්‌ දිශානතියක්‌ අහස්‌ ගව්ව අපට පෙන්නුම් කළා.

නමුත් ඔබ ජීවිතය ආරම්භ කරන්නේ නාට්‍යකරුවෙක්‌ විදියට

මට 1981 දී ජයලත් මනෝරත්න හමුවෙනවා. මම ගියේ ඔහුගේ කෙටි කතාවකින් කෙටි චිත්‍රපටයක්‌ හදන්න.ඒ මිත්‍රත්වය තමයි මගේ නාට්‍ය ජීවිතයේ ආරම්භය. මනෝ මට කිව්ව හොඳ පරිවර්තන පිටපතක්‌ කරල දෙන්න කියල. ඒ අනුව මම පරිවර්තනයක්‌ කරනවා'පුත්‍ර සමාගම'නමින්. මනෝ වේදිකාගත කළේ ඒ නාට්‍යය.

මට මේ ක්‌ෂේත්‍රයට පිවිසෙන්න ඒ විදියට අත දිගු කළ මිනිසුන් අතරේ මගේ ජීවිතයට බෙහෙවින් බලපෑ පුද්ගලයකු කියවන්න ලැබුණා. ඒ තමයි ස්‌ටැනිස්‌ලවුස්‌කි. ඔහු නළු නිළියන්ගේ රංගනයල නාට්‍යයක්‌ ඉදිරිපත් කිරීමේ විලාසය ගැන අලුත්ම අදහස්‌ ඉදිරිපත් කළ කෙනෙක්‌.ඇත්තටම මම හිතනවා,නළු නිළියන්, අධ්‍යක්‍ෂවරුන් ස්‌ටැනිස්‌ ලොව්ස්‌කි කියෑවිය යුතුයි කියලා. මගේම පරිවර්තනයක්‌ ලෙස මගේ නිෂ්පාදනයක්‌ ලෙසට'අවි'නාට්‍යය එන්නේ ඒ අතරෙයි. හැබැයි අමතක කළ නොහැකියි  ටෝනි රණසිංහ. ඔහු ළඟ තිබුණු පොතපත, ඔහු මට නොමසුරුව දුන්නා. ඒ අනුව මා දැනුවත් කළ එක සාධකයක්‌ ටෝනි.

නමුත් ඔබ ඉක්‌මනින් සිනමාවට මාරු වෙනවාග සුගතපාල ද සිල්වා වැනි බොහෝ නාට්‍යකරුවෝ නාට්‍ය කලාවේම රැඳී සිටියා මිස සිනමාවට ගියේ නැහැ.

ඔවුන් නාට්‍ය රචකයෝ. මම නාට්‍ය රචකයෙක්‌ නෙමෙයි. මගේ ළමා වියේ සිහිනය තමයි හැම විටම ඉස්‌මතු වුණේ. රූපවලින් කතාන්දරයක්‌ කීමේ ආශාව මා තුළ තිබුණා. කොටින්ම කීවොත් කර්තෘ කෙනෙක්‌ වීමේ නොහොත්'සිනමා කර්තෘ' කෙනෙක්‌ වීමේ ආශාව මා තුළ තිබුණා. ඊරියගොල්ල පරිවර්තනය කළ මනුතාපය, ඇලෙක්‌සැන්ඩර් ඩූමාගේ කළු දල මල වගේ පොත් මා තුළ කතා රසය දල්වා තිබුණා. සිනමාකරුවෙක්‌ වීම පිටුපස කියෑවීම ඉතා වැදගත් වූ බවයි, මා කියන්න උත්සාහ කරන්නෙ.

රූපාවලියකින් කතාවක්‌ කියාගෙන යැම තමයි සිනමාව කියන්නෙ. නමුත් සිනමාත්මක භාෂාවක්‌ තිබේය කියන එකයි විද්වත් මතය  ඔබේ විග්‍රහය කුමක්‌ද?

අඳුරු ශාලාවක අප දකින්නෙ තිරය මත රූපාවලියක්‌. ඒ රූපවලින් අපි රසයක්‌ ලබනවා. නමුත් සිනමාව කියන්නෙ රූපවලින් එහා යමක්‌ ලබාදීම. ඒ සඳහා මිනිස්‌ ජීවිතය ප්‍රති නිර්මාණය විය යුතුයි. ජීවිතය ගැන මටත් දෙයක්‌ කියන්න තියෙනව. එය කළ යුත්තේ රූපාවලියේ ඝට්‌ටනය වීමට සැලැස්‌වීමෙනුයි.නමුත් ඒකෙ මෙහෙම දෙයක්‌ තියෙනව. කෙනෙක්‌ චක්‍රයක්‌ කරකවනවා. ඊට පස්‌සෙ තව කෙනෙක්‌ චක්‍රයක්‌ කරකවනවා. මමත් චක්‍රයක්‌ කැරකෙව්වා. හැබැයි අපි හැමෝම චක්‍රය කරකවන්නෙ කලින් තැනැත්තා කරකවපු විදිය බලාගෙනයි. නමුත් කරකවන විදියේ වෙනස මත තමයි, අපූර්වත්වය රැඳිල තියෙන්නෙ. චිත්‍රපටයත් එහෙම තමයිග පුත්තු පියවරුන්ට ආදරෙයි. ගරු කරනවා. නමුත් පුතා තාත්තට වඩා වෙනස්‌ යමක්‌ කරන්න හදනවා.මම උත්සාහ කළෙත් පෙර අධ්‍යක්‍ෂවරුන්ට ගරුසරු දක්‌වමින් ඔවුන් නොකියූ මා තුළ තිබෙන දෙයක්‌ කීමටයි.

ඔබ ඇසූ ප්‍රශ්නයට මම එන්නම්. සිනමාවේ රසයක්‌ තිබෙනවා. සෑම කලා කෘතියකින්ම පළමුව රසය ජනනය කළ යුතුයි. සිනමාවේ රසය ජනනය වෙන්නෙ රූපයක්‌ තවත් රූපයක්‌ සමග ගැටීමෙන්. සංගීතයේ දී ස්‌වරයක්‌ තවත් ස්‌වරයක්‌ සමග ගැටීමෙන් තමයි  මිහිරි නාදයක්‌ හැදෙන්නෙ.මෙය වඩාත් පැහැදිලි කරන්න අකිරා කුරොසූසාවා වරක්‌ පැවසු කතාවක්‌ කියන්නම්.

විද්වතෙක්‌ කුරොසාවාගෙන් අහනවා, සිනමාව කියන්නෙ කුමක්‌ද කියල. එවිට කුරොසාවා කියනවා මගේ මුණුබුරෙකු ලියපු වාක්‍ය රචනාවක්‌ තියෙනවා. ඒක කියවන්න අවසර දෙන්න කියල.,"මගේ බල්ලාගේ නම ජිෆ්රි. මගේ බල්ලා වෙලාවකට මුවෙක්‌ වගේ අහිංසකයි. සමහර වෙලාවට නරියෙක්‌ වගේ කපටියි. වෙලාවකට හොර පූසෙකු වගෙයි. මේ විදියට මුණුබුරා සතුන් ගණනාවකට බල්ලා සමාන කරනවා. නමුත් මුණුබුරා රචනාව අවසන් කරන්නේ මගේ බල්ලා සමාන වන්නේ බල්ලෙකුටම පමණි'

සිනමාව තව එකකට ආදේශ කරන්න බැහැ.සිනමාව කියන්නෙ කතාන්දරයක්‌ රූපවලට දැමීම නෙමෙයි. රූපවලින් කතන්දරයක්‌ කීමයි සිනමාව කියන්නෙ. සිනමාවේ වේගය රූපයක්‌ තවත් රූපයක්‌ සමග ගැටෙන්නට සැලැස්‌වීම යෑයි අප කිව්වනෙ.ඒ ගැටුම තුළින් තමයි, අප තුළ තියුණු සංවේදනා පහළ වෙන්නෙ. සත්‍යජිත් රායි වැනි සිනමාවේදීන්ට හැකියාව තිබුණ, රූපවලින් අතිශය සංවේදී ලාලසාවක්‌ මතු කරන්න. ඒ දෙය කළේ දෙබස්‌වලින් නෙමෙයි. රූපවලින්.

නමුත් චෙක්‌, පෝලන්ත වැනි සිනමාකරුවන් භාවිත කරන්නෙ රායිට වඩා වෙනස්‌ ආඛ්‍යානයක්‌. මේ කොයි විදිහෙනුත් හොඳ සිනමාකරුවන් බලාපොරොත්තු වන්නෙ මනුෂ්‍ය ජීවිතය විමර්ශනය කිරීමයි. රායිගේ ලාලස සිනමා රිද්මය තුළිනුත් කළේ මනුෂ්‍ය ජීවිතය විවරණය කිරීමයි. නමුත් අපේ රටේ බොහෝ විට දක්‌නට ලැබුණේ කතාන්දයකට රූප දමා තිබීමයි.

අපේ තරුණ සිනමාකරුවන් ඇතැම් දෙනාගේ චිත්‍රපට විදේශ සිනමා උළෙල වලදී සම්මානයට පාත්‍ර වන මුත් ඒවා අපේ රට අවමානයට පත් කෙරෙන චිත්‍රපට විදියටයි හංවඩු ගැහෙන්නෙ. මෙහි සැබෑ අර්ථය ඔබ දකින්නේ කොහොමද?

එහෙම එදිරිවාදී ප්‍රකාශ කරන්නෙ බොහෝ විට දේශපාලනඥයො. මම විදේශීය සිනමා උළෙලවලින් සම්මාන ලබා තිබෙනව වගේම විදේශීය සිනමා ජූරි සභාවල විනිශ්චය මණ්‌ඩලවල හිඳගත් කෙනෙක්‌.සිනමා උළෙලක විනිශ්චයේ දී සලකා බලන්නෙ ඒ කෘතිය කොතෙක්‌ දුරට සිනමාත්මකද කියන කාරණාව පමණයි. ඒ කෘතිය අපේ ප්‍රඥව අවදි කිරීමට කෙතෙක්‌ දුරට සමත් වී තිබෙනවාද කියන කාරණාව තමයි, විනිශ්චයේ දී මූලික වන්නෙ.

මේ රට අවමානයට පත් කරන්නෙ මේ රටේ දේශපාලනඥයො මිසක්‌ සිනමාකරුවො නෙමෙයි. හොර තක්‌කඩිකම් කරන, නීතිය අවනීතිය බවට හරවන, දූෂණයේ යෙදෙන දේශපාලනඥයො තමයි, රට අවමානයට පත් කරන්නෙ. සිංහල,දෙමළ, මුස්‌ලිම් හැමෝටම මේ රටේ ජීවත් වීමේ මූලික අයිතියක්‌ තියෙනව. සෑම ජන වර්ගයකටම ඒ අයිතිවාසිකම අහිමි වෙනවා නම් එය හෙළිදරව් කිරීම රට අවමානයට පත් කිරීමක්‌ ලෙස කෙනෙක්‌ සලකන්න පුළුවන්. නමුත් රට කියන්නෙ දේශපාලනඥයෝ හෝ රට කරවන පාලකයා නෙමෙයි.

අමතක කරන්න එපා සත්‍යජිත් රායිටත් මේ චෝදනා එල්ල වුණා. ඒ චෝදනාව කළේ ඉන්දියාවෙ රාජ්‍ය සභාවෙ මන්ත්‍රීවරයෙක්‌. දේශපාලනඥයෙක්‌.ඔහු කීවා රායි කරන්නෙ ඉන්දියාවෙ දුප්පත්කම විකුණන් කන එක කියල. නමුත් රායිගෙ චිත්‍රපටවලින් අපට පෙනෙන්නෙ ඉන්දියානුවො දුප්පත්කමත් එක්‌ක කරන අරගලයයි.

උදාහරණයක්‌ විදියට මගේ'පුරහඳ කළුවර'ගනිමු. රට අවමානයට පත් කිරීමේ චෝදනාව ඒකටත් එල්ල වුණා. මගේ අභිප්‍රාය වුණේ මිනිසකුගේ ගරුත්වය පිළිබඳ ප්‍රශ්නය නිරාකරණය කර ගැනීමේ උත්සාහයක යෙදෙන මිනිසෙකුගේ කතාව කියා පෑමයි. ඒ මිස රට අවමානයට ලක්‌කිරීම නෙමෙයි.

නමුත් ඒ චිත්‍රපටවලින් බොහෝ විට කියෑවුණේ සිංහල සොල්දාදුවන් දමිළ තරුණියන් දූෂණය කිරීම. සිවිල් ආරක්‍ෂකයන් තරුණියන් දූෂණය කිරීම වැනි දේවල්ග රටක ජන ජීවිතය, මනුෂ්‍ය ජීවිතය නිරූපණය කිරීමට වෙනත් ප්‍රස්‌තුත ඇත්තේම නැද්ද?

යුද්ධය කියන්නෙ මනුෂ්‍ය ජීවිත විනාශ කරන්නක්‌ වාගේම මිනිසුන්ගේ හෘදය සාක්‍ෂිය තුවාල කිරීමක්‌. මගේ 'ඉර මැදියම 'චිත්‍රපටයට විෂය වුණේ එල්.ටී.ටී.ඊ. ය විසින් පැය 24 ක්‌ ඇතුළත මුස්‌ලිම් මිනිසුන්ට සිය ගම් අත්හැර යන්නට නියෝග දීමේ තේමාව. එය ජාතියක්‌ වශයෙන් තෝරාගෙන ජාතියක්‌ ශුද්ධ කිරීමක්‌.අපි අද ලෝක සිනමාව හා සමාන්තර තත්ත්වයක ඉන්නව. ආසියානු සිනමාවෙ අපි වර්ධනීය තැනක ඉන්නව. පස්‌වැනි පරම්පරාවෙ සිනමා අධ්‍යක්‍ෂවරුන් විදියට අපි හොඳ ස්‌ථානයක්‌ ලැබ සිටිනවා.

මෙයින් අදහස්‌ වන්නේ කුමක්‌ද? චිත්‍රපටයක්‌ හෝ වෙන මොනයම් හෝ කලා කෘතියක අගය රැඳී පවතින්නෙ සම්මාන මත නෙමෙයි. කාලය මතයිග අදටත් කව් සිළුමිණ පවතින්නාක්‌ වාගේම නිධානයත් පවතිනව.සත්‍යය විනිවිද දැකීමට තිබෙන සමත්කම මතයි. කලාකරුවාගේ අගය තක්‌සේරු වන්නෙ. එහෙම නැතුව ඔහු ලබන සම්මාන මත නෙමෙයි.

ඉතිහාස කතා පුවත් කියන සිනමා රැල්ලක්‌ දැන් බිහිවෙමින් පවතිනවාග අපේ රටේ ඉතිහාසයල සංස්‌කෘතිය කියාපෑම වරදකැයි කිව හැකිද?

දිය හැකි කෙටිම පිළිතුර මෙය තක්‌කඩි ව්‍යාපාරයක්‌ බවයි. මේ කරන්නේ සිනමාව නෙමෙයි. මේ චිත්‍රපටවලින් කෙරෙන්නේ බුදුන් වහන්සේගේ ධර්මය යථාර්ථවත් ලෙස දැක්‌වීමක්‌ හෝ ඉතිහාසය ප්‍රතිනිර්මාණය කිරීමක්‌ නෙමෙයි. මේක තනිකර යෑපුම් මාර්ගයක්‌. ඉතිහාසයේ මුවාවෙන් අධ්‍යාපන අමාත්‍යාංශයෙ අනුමැතියත් මේ චිත්‍රපටකාරයො ලබා ගන්නව. රාජ්‍ය අනුග්‍රහයත් ලැබෙනව. නමුත් මගේ විශ්වාසය නම් මේ ඉතිහාසය චිත්‍රපට ධාරාව වැඩි කලක්‌ යන්නට මත්තෙන් ජනතාව ප්‍රතික්‌ෂේප කරනව. ඒක වැඩි ඈතකට යන්නෙ නෑ. මේ කෙරෙන්නෙ ඉතිහාසය හෝ පුරාවෘත ඇසුරින් සිනමාත්මක කෘති නිර්මාණයක්‌ නෙමෙයි. පසුගිය කාලෙ සිනමා ශාලාවලට ප්‍රේක්‌ෂකයන්ගේ හිඟයක්‌ ඇතිවුණා. ඒ අඩුව පුරව ගන්න කරපු තක්‌කඩි ව්‍යාපාරයක්‌ මිස අන් කිසිදු යහපත් පරමාර්ථයක්‌ ඔවුන් තුළ නැහැ. ඉස්‌සර චිත්‍රපටවලට තිබුණේ රජයේ ප්‍රමිතිය. දැන් තියෙන්නෙ දේශපාලන ප්‍රමිතිය. මේ ඉතිහාස කතා දේශපාලන ප්‍රමිතියට අනුකූලයි. ඒ නිසා තක්‌කඩි ඉතිහාසකාරයෝ මේ අවස්‌ථාවෙන් උපරිම පල නෙළා ගන්නවා.

කලාව යන්නට ඔබ දෙන අර්ථකථනය කුමක්‌ද?

පළමුව ආශ්වාදය. ආශ්වාදය කලා කෘතියකින් ජනනය විය යුතුම දෙයක්‌. හැබැයි ඒ ආශ්වාදය හරහා ජීවිතය දෙස ආපසු හැරී බැලීමට පෙළඹවීමක්‌ තිබිය යුතුයි. තවත් වචනයකින් කිවහොත් ජීවිතය නැවත කියෑවීමට කැඩපතක්‌ ඇල්ලීමක්‌ විය යුතුයි. කලාකරුවෙක්‌ කියන වචනය හැමෝටම ගැලපෙන්නෙ නෑ. ඔහුට තමන් අභිබවා ගිහින් තමන්ට අනන්‍ය වූ යමක්‌ කියන්න හැකියාව තිබේ නම් පමණයි, ඔහු කලාකරුවෙක්‌ වෙන්නෙ. ඒ තාක්‌ දුර යා නොහැක්‌කා ශිල්පියෙක්‌ පමණයි.ෆයිට්, සින්දු, නැටුම් ,ජෝක්‌ස්‌වලින් සිනමාව දිව් කාලයක්‌ තිබුණෙ. නමුත් හින්දි සහ දෙමළ සිනමාව මේ රැල්ල ඉතා දියුණු ලෙස භාවිත කරනු දුටු අපේ රටේ ප්‍රේක්‍ෂකයාගෙන් ෆයිට්, නැටුම් ,සින්දු සිනමාවේ රසය ගිලිහී ගියා. ඒ වෙනුවට තමයි"මම රජෙක්‌ නෙමෙයි ගමේ කොල්ලෙක්‌"කියන තේමා රැල්ලක්‌ ආවෙ. නමුත් රැල්ලට චිත්‍රපට හැදීම කලාව නෙමෙයි. හොඳ කලාකරුවා රැල්ලට එරෙහිව උඩුගං බලා පිහිනන්නෙක්‌.

නැවත ප්‍රේක්‍ෂකයන්ට ඔබ මුණ ගැසෙන්නේ කවදද?

මම ගොගොල්ගේ කෙටිකතාවක්‌ ඇසුරින්'ඔබ නැතිව ඔබ එක්‌ක'කියල චිත්‍රපටයක්‌ කළා. ඒක කළේ ඩිජිටල් තාක්‍ෂණය ඔස්‌සේ. නමුත් ලංකාවෙ සිනමාහල් තවම ඩිජිටල් තාක්‍ෂණයට අනුගතවෙලා නැහැ. ඒ නිසා'ඔබ නැතුව ඔබ එක්‌ක'තව කාලයක්‌ ප්‍රමාද වේවි.

සාකච්ඡා කළේ -
චන්ද්‍රසිරි දොඩන්ගොඩ

http://mirrorarts.lk/
READ MORE - අද තියෙන්නෙ ඉතිහාසය විකුනගෙන කන තක්‌කඩින්ගේ සිනමාවක්‌

මගේ හොඳ හොඳ සෙල්ලම් එළිවෙන ජාමෙට

මගේ හොඳ හොඳ සෙල්ලම් එළිවෙන ජාමෙට

සුපිරි අන්දරේ අධ්‍යක්ෂ මිචෙල් ෆොන්සේකා
සැඩ සුළං, නෙතු පියෙන තුරා, වල්මත වූවෝ වැනි ටෙලි නාට්‍ය අධ්‍යක්ෂණය කළ මිචෙල් ෆොන්සේකා අද සිට තිරගත වීම ඇරැඹෙන සුපිරි අන්දරේ සිනමා සිතුවම සමඟ සිනමා අධ්‍යක්ෂවරයකු බවට පත්විය. හාස්‍යෝත්පාදක සිනමාපටයක් වන එහි ටෙනිසන් කුරේ ද්විත්ව චරිත නිරූපණයක යෙදීම විශේෂත්වයකි. අධ්‍යක්ෂවරයකු වශයෙන් මෙතෙක් ආ ගමන් මඟ වෙනස් කොට සිනමාව භාවිතයට ගනිමින් නිර්මාණකරණයෙහි යෙදෙන්නට සූදානම් වන මිචෙල්ව අප සංවාදයකට කැඳ වූයේ සුපිරි අන්දරේ ප්‍රධාන නිමිත්ත බවට පත්කර ගනිමිනි.
* මිචෙල්, කොහොමද සුපිරි අන්දරේ නිර්මාණය කිරීම ඇරැඹුණේ?
මේ කතාව මුලින්ම මගේ හිතටයි ආවේ. මං ඒක මෙය රචනා කළ සරත්චන්ද්‍ර පත්තඬුවන සහ සෙනරත් පීරිස්ට කිව්වා. ඔවුන් ඉතාම රසවත් අන්දමින් මෙහි තිර පිටපත සකස් කළා. මට එතකොටත් නිෂ්පාදකවරුන් තිදෙනෙකු මෙය සඳහා වියදම් කරන්න හිටියා. ඒ අයටත් ඕනෑ වුණේ සෑම වයසකම ප්‍රේක්ෂකයන් ග්‍රහණය කරන්නට හැකි චිත්‍රපටයක් කිරීම.
* ඒත් සුපිරි අන්දරේ අන්තිම සරල චිත්‍රපටයක් නොවේද?
ඒ සරලකම ඇති කළේ කුමන තරාතිරමක සිනමාලෝලියකුට වුවත් චිත්‍රපටය තේරුම් ගන්න. පවුල් පිටින් සුපිරි අන්දරේ නරඹන්න එන විශ්වාසය මා සිතෙහි තදින්ම තිබුණා. අනික සරලකම සුන්දරයිනේ.
* හාස්‍යෝත්පාදක සිනමාපට ඉක්මනින් ප්‍රේක්ෂකයන් අතරට යනවා කියලා මතයක් තියෙනවා?
ඔව්. මං ඒක දන්නවා. ඉක්මනින් හිට් කරගන්න ඕනෑ නිසයි හාස්‍යෝත්පාදක චිත්‍රපටයක් කළේ. අනිවාර්යයෙන්ම සුපිරි අන්දරේ හිට් වෙනවාමයි.
* ටෙලිවිෂනයට ඔබ නිර්මාණය කරන්නේ උසස් රසයකින් යුතු මෙගා නොවන ටෙලි නාට්‍ය කිහිපයක්. ඒවා නරඹපු අය ඔබෙන් බලාපොරොත්තු වුණේ ඒ ආරෙන් යුතු සිනමාපටයක් විය හැකියි?
වෙන්න පුළුවන්. මම ඒ අයගේ බලාපොරොත්තුªª කඩ කළේ නැහැ. මේක මම සිනමා අධ්‍යක්ෂවරයකු වශයෙන් අලුත් පියවරක් තැබීම පමණයි. තව මා අතින් විවිධ රසාස්වාදයෙන් යුතු සිනමාපට බිහිවන්න තියෙනවා. හොඳ හොඳ සෙල්ලම එළිවෙන ජාමෙට තමා තියෙන්නේ.
* මට නම් දැනෙන්නේ ඔබ ටෙස්ට් කරලා බලන්න සුපිරි අන්දරේ නිර්මාණය කළා වගේ. ඔබ හරි යන්න හෝ වරදින්න තුරුම්පුවක් ගැහැව්වා?
නැහැ, නැහැ. මේ වන විට ප්‍රේක්ෂකයින්ගේ ඉල්ලුමක් තියෙන්නේ ළමා හෝ විකට චිත්‍රපටයකට. මං ඉතින් ඒ දෙවැන්න තෝරා ගත්තා.
* ඒ කියන්නේ ඔබ ඉල්ලුමට සැපයුම දුන්නා කියන එකනේ. බැරි වෙලාවත් වැඩිහිටියන්ට පමණයි සිනමාපට සඳහා ඉල්ලුමක් ආවොත් මිචෙල් ෆොන්සේකා එවැනි සිනමාපටයක් අධ්‍යක්ෂණය කරයිද?
එතෙන්දි මං ඉල්ලුමට සැපයුම න්‍යායට පටහැනිව කි‍්‍රයා කරනවා. හැම තිස්සේම ප්‍රේක්ෂකයන් ඉල්ලන එක දෙන්න හොද නැහැ.
* සුපිරි අන්දරේ නරඹපු ගොඩක් දෙනෙකු කිව්වේ චිත්‍රපටයෙහි කතාව හරියටම තේරුම් ගන්න පටන් ගත්තේ එහි මැද හරියට වන්නට කියලා?
ඉතින් ඒකනේ විය යුත්තෙත්. පටන් ගත්ත ගමන් ඔක්කොම තේරුම් කරලා දුන්නොත් ප්‍රේක්ෂකයින් හැරිලා යනවානෙ. හිතාමතාමයි එලෙස කළේ. මේ තත්ත්වය මත අවසානය වෙනකකම් ප්‍රේක්ෂකයා චිත්‍රපටය රස විඳිනවා.
* මෙහි ටෙනිසන් කුරේ ද්විත්ව චරිත මවනවා. බන්දු සමරසිංහවත් ගත්තා නම් චිත්‍රපටය තවත් සාර්ථක වන්නට ඉඩ තිබුණා නොවේද?
මාත් ඔය මතයේ හිටියා. ඔහුට දෙන්න චරිතයක් තිබුණෙම නැහැ සුපිරි අන්දරේ තුළ. ඉතිං මං හිතා ගත්තා මේ චිත්‍රපටයේ ටෙනිසන්, ඊළඟ චිත්‍රපටයට බන්දුව ගන්න. මට තව දෙයක් කියන්න ඕනෑ.
* කියන්න?
ටෙනිසන් කුරේගේ මං දැකපු හොඳම රංගනය තියෙන්නේ මේ චිත්‍රපටයේ.
* ඔබ කොහොමද ඒක හරියටම කියන්නේ?
මං ඔහු රඟපාපු චිත්‍රපට සියල්ලම වගේ බලලා තියෙනවා. ඒවා එක්ක සසඳද්දී ටෙනිසන් මෙහි කරන රඟපෑම අද්විතීයයි.
* කොතරම් හොඳට සුපිරි අන්දරේ සිනමාපටයේ නළු නිළියන් රඟපෑවත් අපේ රටේ සම්මාන උළෙලයන්හී හාස්‍යෝත්පාදක චිත්‍රපට ඇගැයීමකට ලක්වන්නේ නැහැනේද?
අන්න බලන්න කොතරම් අසාධාරණ ද කියලා. අපේ රටේ විතරයි මේ තත්ත්වය තියෙන්නේ. හාස්‍යෝත්පාදක සිනමා කෘතීන් සම්මාන උළෙලවල් නියෝජනය කරන්න ඕනෑ. මම කියන්නේ හොඳම විකට නළුවා, නිළිය හොයලා සම්මාන දෙන්න කියන එක නෙවෙයි. හොඳම සහාය නළුවා, හොඳම සංගීත අධ්‍යක්ෂ හාස්‍යෝත්පාදක චිත්‍රපට තුළින් බිහිවන්න පුළුවන්. මේ වගේ චිත්‍රපටයක නිර්මාණකරුවන්, හොඳ යැයි සමාජය විශ්වාස කරන චිත්‍රපටයක නිර්මාණකරුවන්ව අභිබවා යන්න පුළුවන්.
* සම්භාව්‍ය චිත්‍රපට ගැන ඔබ ද්වේශ යකින්ද ඉන්නේ?
අපෝ නැහැ. සම්භාව්‍ය හෝ වේවා වෙනත් අංශයක චිත්‍රපට හෝ වේවා ඒවා බලලා ප්‍රේක්ෂකයින් වල්මත් වෙනවට මං ආස නැහැ. මිනිස්සු සල්ලි දීලා සිනමා ශාලාවට එන්නේ ප්‍රහේලිකා විසඳන්න නෙවෙයිනේ.
* සරත් වික්‍රමව ඔබ පළමු වතාවට හාස්‍යෝත්පාදක චිත්‍රපටයක සංගීත නිර්මාණය සඳහා යොදා ගන්නවා. මොකක්ද ඉන් ඔබ බලාපොරොත්තුª වූයේ?
මගේ අවශ්‍යතාව ඔහුව මෙතෙක් කොටු වී තිබූ රාමුවෙන් ගලවා ගන්න. ඔහු ඉතා සාර්ථකව චිත්‍රපටයේ සංගීත නිමැවුම් කළා. මට ඕනෑ වුණා සරත් ලව්වා හැත්තෑව අසූව දශකවල ජෝති ගැයුවා වගේ ගීතයක් නිර්මාණය කර ඒක චිත්‍රපටයට යොදා ගන්න. ඒක තමයි චිත්‍රපටයේ අඩංගු නුවන් ගුණවර්ධන ගයන යායෙන් යාය ගීතය. මං හිතන්නේ ප්‍රේක්ෂකයින් හොඳට විඳීයි.
* සුපිරි අන්දරේ පෝලිමේ ඉන්නේ නැතුව ඉක්මනින් තිරගත වුණා. කොහොමද එහෙම වුණේ?
මං හිතන්නේ මම තමයි ලංකාවේ ඉන්න වාසනාවන්තම සිනමා අධ්‍යක්ෂවරයා. වැඩ කටයුතු නිම කොට මං අවශ්‍ය තැන්වලට චිත්‍රපටය බාර දුන්නා. එම්. පී. අයි. මණ්ඩලයෙන් මට තිරගත කරන්නට දින දුන්නා. මගෙන් හෝ නිෂ්පාදක කණ්ඩායම කිසිම බලපෑමක් කළේ නැහැ.
* චිත්‍රපටය කරන්න ගිහින් වැරැදුන තැන් මොනවාද?
එහෙම වැරැදුන තැන් තිබුණේ නැහැ. හැබැයි මෙහෙම දෙයක් තියෙනවා. නිර්මාණකරුවෙකු කියන්නේ තෘප්තිමත් වන කෙනෙක් නෙවෙයිනේ. ඒක නිසා ඊළඟට හදන චිත්‍රපටය මීට වඩා දස ගුණයක් හොඳට හදනවා.
* ඔබට දැන් ටෙලිවිෂනයට වඩා සිනමාවට හිත ගිහින් වගේ. ඇයි කලාවට ඇවිත් දශක දෙකක් ගත වෙනකම් හිටියේ චිත්‍රපටයක් හදන්න?
මං අධ්‍යයනය කළා. අධ්‍යයනය කළා කිව්වේ ඩිග්රි ගත්තා කියන එක නොවේ. මං හෙමින් හෙමින් වැඩ කිරීම තුළින්මයි ඉගෙන ගත්තේ. ටෙලි මාධ්‍ය තුළින් ලබාගත් ඒ අත්දැකීම් රැගෙනයි සිනමාවට ආවේ. ඔබ කිව්වා වගේ සිනමාවට මං දැන් ලොබ බැඳලා. ඉදිරියටත් සිනමා අධ්‍යක්ෂවරයකු වශයෙන් තමයි මගේ නම කියවනේනේ.
* අවසන් කොට මොනවද කියන්න තියෙන්නේ?
සුපිරි අන්දරේ නිෂ්පාදනය ක්‍රිෂාන් දිලීප පෙරේරා, ප්ලැසිඩස් අයි. ප්‍රනාන්දු සහ සම නිෂ්පාදක ලක්ෂ්මන් ප්‍රේමතිලක යන මහත්වරන්ව මතක් කරනවා. ඒ වගේම අප නිෂ්පාදක පිරිවරට තුති පුදන්නත් කැමැතියි.
READ MORE - මගේ හොඳ හොඳ සෙල්ලම් එළිවෙන ජාමෙට

ධර්මප්‍රිය ඩයස් - ගුටිකෑමට නියමිතයි

ගුටිකෑමට නියමිතයි

රංගන ශිල්පී ධර්මප්‍රිය ඩයස්
මේ දවස්වල මම දිගටම රැඳී සිටින්නේ වේදිකාවේයි. ඒ ‘ගුටි කෑමට නියමිතයි’ වේදිකා නාට්‍යයත් සමඟයි. මේ නිසා ‘ගුටිකෑමට නියමිතයි’ වේදිකා නාට්‍යය සමඟ මම මේ දවස්වල රට වටේම යනවා. ඊට අමතරව ප්‍රියන්ත කළුආරච්චිගේ අලුත් චිත්‍රපටයකත් රඟපානවා. ඒ වගේම රෙජිනෝල්ඩ් ජයමාන්නගේ ටෙලි නාට්‍යයකත් රූගත කිරීම් ආරම්භ කළා. රාජිතගේ ළඟදීම පැවැත්වෙන නාට්‍ය උළෙලක පුහුණුවීම් ආදී සියල්ලම ආරම්භ කර ඇති නිසා තරමක් කාර්යබහුල ජීවිතයක් තමයි මම ගත කරන්නේ. ඒ කාර්යබහුල බව තවත් වැඩි වෙන්නේ ළඟදීම මම අධ්‍යක්ෂණය කරන වේදිකා නාට්‍යය නිසයි. එහි මූලික කටයුතු ආරම්භ කරලා අවසන් නිසා ළඟදීම පුහුණුවීම් පටන් ගන්නත් නියමිතයි.

http://www.sarasaviya.lk/2014/04/17/?fn=sa1404172
READ MORE - ධර්මප්‍රිය ඩයස් - ගුටිකෑමට නියමිතයි

මල්වඩම් අනවශ්‍යයි

මල්වඩම් අනවශ්‍යයි

නාට්‍ය නිෂ්පාදක, සංවිධායක ප්‍රියන්ත රංජන්
මේ සතියේ අලුත් අවුරුද්ද නිසා ගමේ නෑදෑ හිත මිතුරන් සමඟ ගත කරන්නත් කාලය වෙන් කෙරෙනවා. ලබන විසි වෙනිදා අලුත් වේදිකා නාට්‍යය වන ‘මල් වඩම් අ(න)වශ්‍යයි’ වේදිකා නාට්‍යයේ රිහසල් පටන් ගන්න සූදානම් කරලා තියෙනවා.
ඊට අමතරව අනෙකුත් නාට්‍ය වන රූකඩ රාජ්ජේ, කොළොම් පුරය, දෙව්ලොව යනකං ඇතුළු වේදිකා නාට්‍ය කිහිපයක්ම වේදිකා ගත කරන්නත් දින නියම කර ගෙන තියෙනවා.
මේ සතියේ මගේ උපන් දිනය යෙදිලා තිබුණත් එදිනත් වේදිකා නාට්‍ය රිහසල් සමඟ ගත කරන්නයි බලාපොරොත්තු වෙන්නේ. ඒ වුණත් එදාට බෝධි පූජාවක් පවත්වලා පුණ්‍ය කටයුත්තක යෙදෙන්නත් කටයුතු සූදානම් කරලා තියෙනවා.




http://www.sarasaviya.lk/2014/04/17/?fn=sa1404179
READ MORE - මල්වඩම් අනවශ්‍යයි

මහනුවර ජනපති මැදුරේදී සෙංකඩගල රාජසිංහ වැඩ අරඹයි

මහනුවර ජනපති මැදුරේදී සෙංකඩගල රාජසිංහ වැඩ අරඹයි

ලක් ඉතිහාසයේ සහ ලක් රාජාවලියේ ඉතාම තීරණාත්මක අවදියක් වූ වර්ෂ 1798 – 1815 යන කාලවකවානුව තුළ ශ්‍රී ලංකාවේ රාජ්‍යත්වය සංකේතවත් කළ ශ්‍රී වික්‍රම රාජසිංහ රජුගේ පාලන සමයේ සිදු වූ සුවිශේෂ සිදුවීම් අළලා සුදත් රෝහණ තිරයට ගෙන ඒමට නියමිත සෙංකඩගල රාජසිංහ සිනමා කෘතියෙහි මූලික වැඩ කටයුතු හෙට සවස මහනුවර ජනපති මැදුරේ පැවැත්වෙන මුහුරත් උළෙලකින් පසුව ආරම්භ වේ.
ආචාර්ය තිස්ස අබේසේකරයන් කලකට ඉහතදී තිර පිටපත සකස් කෙරූ මෙය සුදත්ගේ දෙවැනි සිනමා නිර්මාණයයි.
ප්‍රවීණ මෙන්ම නව පරපුරෙහි නළු නිළියන් රැසක් රංගනයේ යෙදෙන මෙහි සංගීත අධ්‍යක්ෂණය රෝහණ වීරසිංහගෙනි. අශෝක ආතවුදහෙට්ටි සහාය අධ්‍යක්ෂවරයාය.
චන්න දේශප්‍රිය කැමරාව මෙහෙයවයි.





www.Sarasaviya.lk
READ MORE - මහනුවර ජනපති මැදුරේදී සෙංකඩගල රාජසිංහ වැඩ අරඹයි