----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

Lanka Art Chat Room - එන්න අපි කතා කරමු

විරු තරු අද අවසන් සටනේ

Saturday, July 7, 2012

ඉහළ හරසර මැද සවිය මැන බැලූ

විරු තරු අද අවසන් සටනේ

අවසාන තරගය අද සුගතදාස ගෘහස්ථ ක්‍රීඩාංගණයේදී

රණවිරුවන්ගේ ගායන කුසලතා ජාතික තලයට හඳුන්වා දුන් මෙරට ප්‍රේක්ෂකයන් අතර අතිශයින් ජනාදරයට පත්වූ රියැලිටි ටී. වී වැඩසටහන වූ “රණවිරු රියල් ස්ටාර්” තරගාවලියේ දෙවැනි අදියරේ අවසාන තරගය ජූලි 06 (අද) ජනාධිපති මහින්ද රාජපක්ෂ මහතාගේ හා ජනාධිපති ආර්යා ශිරන්ති රාජපක්ෂ මැතිණියගේ ප්‍රධානත්වයෙන් සුගතදාස ගෘහස්ථ ක්‍රීඩාංගණයේදී පැවැත්වේ.
රාජ්‍ය ආරක්ෂක අමාත්‍යාංශයේ ලේකම් ගෝඨාභය රාජපක්ෂ මහතාගේ සංකල්පයකට අනුව ජාතික රූපවාහිනියේ සජීවිකරණ දායකත්වයෙන් හා ඩයලොග් ආසිආටාහි පූර්ණ සවි බලයෙන් සංවිධාන කෙරෙන රණවිරු රියල් ස්ටාර් වැඩසටහන ගැන එහි නියමු ජාතික ආරක්ෂාව පිළිබඳ මාධ්‍ය මධ්‍යස්ථානයේ අධ්‍යක්ෂ ජනරාල් ලක්ෂ්මන් හුළුගල්ල මහතා දැක්වූ අදහස් මෙසේය.

l ලෝකයේ වෙනත් මිලිටරි රියැලිටි ටී.වී. වැඩසටහනක් පිළිබඳ ආදර්ශයක් නැති පසුබිමක හා දේශීය වශයෙන් මෙම මාදිලිය ගැන විවේචන පවතින අවස්ථාවක “රණවිරු රියල් ස්ටාර්” බිහිවූයේ කෙසේද ?
යුද්ධය පටන් ගත් මුල් කාලයේදී හැම කෙනෙක්ගෙම හිතේ තිබුණේ හමුදා සෙබළා කියන්නේ ඉතාමත් දැඩි හදවතක් තිබෙන සටන්කාමියෙක් කියලයි. ආරක්ෂක ලේකම්තුමාට මේ අදහස වෙනස් කරන්න අවශ්‍ය වුණා. ඔහු ඒ අවදියේ ආරම්භ කළ “අපි වෙනුවෙන් අපි” වැඩසටහන මෙම වැඩසටහනේ පූර්වගාමී කර්තව්‍යයක් විදිහට හැඳින්විය හැකියි.
“රණවිරු රියල් ස්ටාර්” වැඩසටහන ගෝඨාභය රාජපක්ෂ මහතාගේ සංකල්පයකට අනුව බිහිවූ වැඩසටහනක්. 2010 වසරේ එක්තරා සැන්දෑවක එතුමා හිටපු අතිරේක ලේකම් වික්‍රමසිංහ මහතාට, ඩයලොග් ආසිආටා සමාගමේ අධිපති ආචාර්ය හාන්ස් විජේසූරියට හා මට කතා කර මෙම අදහස ඉදිරිපත් කළා. ඩයලොග් සමාගම ඒ අදහස ඉත සිතින් පිළිගෙන අනුග්‍රහය දැක්වීමට ඉදිරිපත් වුවත් වික්‍රමසිංහ මහතාට ජාතික රූපවාහිනියට හා මට ආරක්ෂක ලේකම්තුමා බලාපොරොත්තු වූ දෙය ඒ ආකාරයෙන් ඉටු කිරීම විශාල අභියෝගයක් වුණා.
එම අභියෝගයට සාර්ථකව මුහුණ දෙමින් අපි 2010 ඔක්තෝ­්බර් මස පළමු අදියර ආරම්භ කළා. එහි අවසන් තරගය 2011 මැයි මස පැවත්වූවා. ආරම්භයේදීම අප අතර අදියර තුනක් යටතේ වැඩසටහන් තුනක් පවත්වන්න එකඟතාවාක් ඇතිවූවා. දෙවන අදියර 2011 ඔක්තෝබර් පටන්ගෙන එහි අවසන් අදියර අද මෙලෙස පැවැත්වෙනවා. මෙම තරගය අවසන් වූ වහාම තුන්වන පියවර සඳහා අයදුම්පත් කැඳවනවා.

l රණවිරු රියල් ස්ටාර් වැඩසටහන බලාපොරොත්තු වූ අරමුණ ජයගත් බව ඔබ විශ්වාස කරන්නේ කෙසේද ?
මෙම වැඩසටහන ආරම්භ වන විට එයට පෙර විවිධ ආකාරයේ රියැලිටි ටී.වී. වැඩසටහන් දොළහක් පමණ ක්‍රියාත්මක වෙමින් තිබුණා. නමුත් ඒවාට සම්බන්ධ වූයේ නළුනිළියන්, ක්‍රීඩකයන් හෝ ගායකයන්. මෙවැනි වැඩසටහනක් ගැන පූර්වාදර්ශයක් අන්තර්ජාතික වශයෙන් වත් තිබුණේ නැහැ. රූප මාධ්‍යයට මෙම අදහස ගෙන එන්නේ කොහොමද කියන එක ගැන ගැටලුවක් තිබුණා. නමුත් අපිට තිබුණ අභියෝගය ආරක්ෂක ලේකම්තුමාට තිබුණේ නැහැ. ඔහු අපිට කිව්වා මෙලෙස කරන්න එවිට දෙවන හෝ තෙවන වටයේදී අපි බලාපොරොත්තු වන විදිහට ඔවුන්ගේ ප්‍රසාංගික හැකියාවන් ඉදිරියට පැමිණෙයි කියලා.
පසුගිය තරගයේ ජයග්‍රාහකයන්ගේ නිර්මාණ ඇතුළත් කැසට් පටය රාජ්‍ය ආරක්ෂක අමාත්‍යාංශයේ ලේකම් ගෝඨාභය රාජපක්ෂ මහතා වෙත පිළිගැන්වූ අවස්ථාව
ඒ අභියෝගය අපි ජයගත්තා. පසුගිය වසරේ පැවැති රයිගම් ටෙලි සම්මාන උලෙළේ දී ලංකාවේ බිහි වූ නිර්මාණාත්මක රූපවාහිනී වැඩසටහන ලෙස සම්මාන ලැබීම එයට එක සාක්ෂියක්. අනිත් සාධකය වන්නේ වැඩ සටහනට ලැබුණු කෙටි පණිවුඩ ප්‍රමාණයයි.
වෙනත් රියැලිටි වැඩසටහන්වලට මූලික වටවලදී ලැබුණු කෙටි පණිවුඩවල සාමාන්‍යය වන්නේ ලක්ෂ දෙකක්. අවසාන වැඩසටහන සඳහා ලක්ෂ 6 – 7 අතර අගයක්. නමුත් රණවිරු රියල් ස්ටාර් මූලික වටයේදී ලක්ෂ 9 ක පමණ එස්.එම්.එස්. ප්‍රමාණයක් ලැබුණු අතර අවසාන තරගයේදී මිලියන 2.2ක වාර්තාගත කෙටි පණිවුඩ ප්‍රමාණයක් ලැබුණා. අනික් වැඩසටහන්වලට මුළු කාලය ඇතුළතදීවත් ඊට ආසන්න විය හැකි මට්ටමක එස්.එම්.එස්. ප්‍රමාණයක් ලැබී නැහැ.

l සාමාන්‍යයෙන් රියැලිටි ටී.වී වැඩසටහනක දක්නට ලැබෙන නොඑකඟතාවයක් මෙම වැඩසටහනේ දකින්න නොලැබෙන්නේ ඇයි ?
මෙම වැඩසටහන අවසන් වීමෙන් පසුවද ඔවුන් නැවත තම සේවය රට වෙනුවෙන් ලබාදිය යුතුයි. ඒ නිසා හමුදා විනයට හානි වන පරිදි හැසිරීමට අපි මේ වැඩසටහනින් දිරි දෙන්නේ නැහැ. ජනප්‍රියත්වය සඳහා තරගකරුවන් හා විනිශ්චය මණ්ඩල සාමාජිකයන් අතර ඇතිවන සංවාද මේ වැඩසටහනේ නැත්තේ ඒ නිසයි. කමිසයක බොත්තම් නිසි ආකාරයෙන් පියවාගෙන සිටීම වැනි සුළු කරුණක් ගැන පවා අපි සැලකිලිමත් වෙනවා.

l ජයග්‍රහාකයන්ගේ කලා හැකියාවන් ඉදිරියට පවත්වාගෙන යන්න ඉඩක් තිබෙනවාද?
පසුගිය වර ජයග්‍රහණය කළ ජයග්‍රාහකයන්ට ජාතික මට්ටමේ හා ආරක්ෂක අංශයන්ගේ වැඩසටහන් සඳහා සම්බන්ධ වෙන්න අවස්ථාව ලබාදී තිබෙනවා. ඒ වගේම ඔවුන්ගේ ගීත එකතුකර කැසට් පටයක් නිකුත් කර තිබෙනවා. පසුගිය වර ජයග්‍ර­ාහකයන්ට හෙට (07) සිට ඔස්ට්‍රේලියාවේ නගර හතරක පැවැත්වෙන මසක සංදර්ශන චාරිකාවකට අවස්ථාව ලබාදී තිබෙනවා. එය සංවිධානය කරන්නේ එහි ශ්‍රී ලංකා තානාපති හිටපු නාවික හමුදාපති තිසර සමරසිංහ මහතායි.

 

අසේල මනුකුලසූරිය

වයස - 33

ගම - නාරම්මල, දඹගිරිගම

මම නාරම්මල මහා විද්‍යාලයෙන් හා නක්කාවත්ත ජාතික පාසලෙන් අධ්‍යාපනය ලැබුවා. යුද හමුදාවට සම්බන්ධ වූයේ උසස් පෙළ සඳහා අධ්‍යාපනය ලබන අතරතුරයි. මේ වන විට මම යුද හමුදාවට බැඳිලා වසර දාසයක් වෙනවා. විවාහකයි. දරුවන් දෙදෙනෙක් ඉන්නවා. ලොකු පුතා පළමු වසරේ ඉගෙන ගන්නවා.
මම යුද හමුදා තූර්ය වාදක කණ්ඩායමේ සාමාජිකයෙක්. ඕගනය වාදනය කිරීමට මම වඩාත් කැමතියි. පාසල් අධ්‍යාපනය ලබන කාලයේදී ගායනය සඳහා පළාත් හා දිස්ත්‍රික්ක මට්ටමින් ජයග්‍රහණය ලබා තිබෙනවා. යුද්ධය පැවැති කාලයේදී යාපනය, කිලිනොච්චිය යනාදී සෑම ප්‍රදේශයකටම ගොස් ගායනයෙන් සම්බන්ධ වෙමින් රණවිරුවන්ගේ චිත්ත ධෛර්ය වර්ධනය කිරීමට දායකව තිබෙනවා. ඒ කාලයේදී යුද්ධය අවසන්ව අපේ දක්‍ෂතා මෙලෙස තරගයකින් එළි දක්වන්න පුළුවන් දවසක් එයි කියලා කිසි ලෙසකින්වත් හිතුවෙ නැහැ. ඒ නිසා වෙැනි අවස්ථාවක් ඇති කළ ආරක්ෂක ලේකම්තුමාට හා ජනාධිපතිතුමාට ස්තූති කරනවා.
මම රණවිරු රියල් ස්ටාර් මිෂන් 1 සහභාගි වුණත් මට ගමන් කළ හැකි වූයේ අවසන් 150 දක්වා පමණයි. මෙවර පසුගිය වසරට වැඩිය තරගකාරීත්වය ඉහළ ගොස් තිබියදී ඉදිරියට එන්න ලැබීම ගැන සතුටු වෙනවා.

ගයාන් අරුණප්‍රිය

වයස - 26

ගම - කුරුණෑගල, වාරියපොල

2005 වසරේදී සාමාන්‍ය වාදකයෙක් ලෙස නාවික හමුදාවට බැඳුණා. මං ඉගෙන ගත්තේ කුරුණෑගල ශ්‍රී සුනන්ද මහා විද්‍යාලයෙන්. මට නර්තනය හා සම්බන්ධ වූ පවුල් පසුබිමක් තිබෙනවා. පාදෙණිය මොරගොල්ලාගම පරම්පරාවේ සාමජිකයෙක් නිසා මට උඩරට නැටුම් වගේම පාරම්පරික වාද්‍ය භාණ්ඩ වාදනය කිරීමේ හැකියාවක් තිබෙනවා.
බෙර, දවුල්, තම්මැට්ටම වැනි වාද්‍ය භාණ්ඩ වගේම ඔක්ටපෑඩ් හා ඩ්‍රම්ස් වැනි බටහිර සංගීත භාණ්ඩත් වාදනය කරන්න පුළුවන්. රණවිරු ස්ටාර් පළමු තරගය ජයග්‍රහණය කළේ නාවික හමුදාවෙන් නිසා මගේ බලාපොරොත්තුව එම කිරුළ රැක ගැනීමයි.
මට මගේ සේනා විධායකයෙන් හා බළගණයෙන් විශාල සහයක් ලැබෙනවා.

අයෝමි පෙරේරා

වයස - 28

ගම – වාද්දුව

යුද හමුදාවට බැඳීම මගේ කුඩා කාලයේ සිට තිබුණු බලාපොරොත්තු ඉටුවීමක්. මට සහෝදරයන් නැහැ. සහෝදරියන් තිදෙනෙක් සිටිනවා. එයින් වැඩිමහල් දෙන්නා විවාහක යි. බාල නංගි ඉගෙන ගන්නවා. රට බේර ගන්න රණවිරුවන් කරන කැපවීම දැකලා ඒ වෙනුවෙන් අපේ පවුලෙන් කිසිවෙක් හෝ දායක විය යුතුය කියන අදහසින් මම 2009 දී හමුදාවට බැඳුණා.
යුද හමුදාව ගෞරවනීය වෘත්තියක්. මම එහි ඉංජිනේරු අංශයේ සෙබළියක් හැටියට සේවය කරනවා. යුද හමුදාවට බැෙඳන්න මට උදව් කළ මේජර් ජනරාල් වසන්ත කුමාරසිංහ මහතා හා ඉංජිනේරු බලකායේ මේජර් ජනරාල් මහින්ද අඹන්පොල, කර්නල් මහේෂ් පෙරේරා යන මහත්වරු දුන් ධෛර්යය අගය කරනවා.
පානදුර ශාන්ත අන්තෝනි බාලිකාවෙන් හා මෙතෝදිස්ත විදුහලින් මගේ ඉගෙනීමට හා කලා හැකියාවන් දියුණු කරන්න විශාල ශක්තියක් ලැබුණා. පාසල් අධ්‍යාපනයෙන් පසු විශාරද කල්‍යාණි ධම්මිකා ගුරුතුමිය යටතේ ඉන්දීය රාගධාරී සංගීතය ඉගෙන ගත්තා.
පසුගිය වසරේ පැවැති ආරම්භක රණවිරු රියල් ස්ටාර් වැඩසටහනට ඉදිරිපත් වුණත් මූලික වටවලදීම මට ඉවත් වන්නට සිදු වුණා. මෙවර අවසන් වටයට ඉදිරිපත් වන්නට ලැබීම අඛණ්ඩ උත්සාහය හා පුහුණුව නිසා ලැබුණ දෙයක්. මම අවිවාහකයි. තරගයේ දී මම ගායනා කළ ඇන්ජලීන්, ලතා, උරේෂා ගායිකාවන්ගේ ගීත වලට හොඳ ප්‍රතිචාර ලැබුණා. මගේ එකම බලාපොරොත්තුව මෙවර කුසලානය යුද හමුදාවට ලබා දීමට යි.


ඉමාලි පතිරණ

වයස - 29

ගම – ගලේවෙල, පහළ වැව

මම ගුවන් හමුදාවෙ කෝප්‍රල්වරියක් ලෙස සේවය කරනවා. හමුදාවට බැඳුණේ මෙයට වසර 8 කට පෙර 2004 අප්‍රේල්වලදී. ඉගෙන ගත්තේ ඉබ්බාගමුව මධ්‍ය මහා විද්‍යාලයෙන්.
බාල කාලයේ සිට සංගීතයට ඇල්මක් තිබුණු නිසා සා.පෙළ හා උසස් පෙළ දෙකටම සංගීතය හැදෑරුවා. විශ්වවිද්‍යාලයට තේරුණත් එහි නොගිහින් ගුවන් හමුදාවට බැඳුණා. ඒකට හේතුව මගේ අප්පච්චි. ඔහු වසර 21 ක් යාපනයේ පලෙයි ඇතුළු ක්‍රියාන්විත ප්‍රදේශ රැසක රාජකාරි කළා. ඔහු අපිට රට වෙනුවෙන් සේවය කිරීමේ වැදගත්කම කියලා දුන්නා. මමත් හමුදාවට බැඳුණේ ඒ අනුවයි.
මම විවාහකයි. ඔහුත් සේවය කරන්නේ ගුවන් හමුදාවෙ. වෙනත් රියැලිටි ටී.වී. වැඩසටහන්වලට සහභාගී වී නැති වුවත් මම පසුගිය වසරේ පැවැත්වූ රණවිරු රියල් ස්ටාර් වැඩසටහනටත් සහභාගි වුණා. එහිදී මට ගමන් කළ හැකි වුයේ අවසාන හැට දෙනා දක්වා පමණයි. ඒ නිසා මේ තරම් දුරක් එන්න පුළුවන් වෙයි කියලා හිතුවෙ නැහැ. මගේ ප්‍රියතම ගායිකාව චන්ද්‍රලේඛා පෙරේරා. ඇයගේ ගීත තුනක් මම තරගයට කිව්වා.

ක්‍රිෂාන් දුමින්ද රාජ්

වයස - 27

ගම – මතුගම, හොරවල

මම යුද හමුදාවෙ ලාන්ස් කෝප්‍රල්වරයෙක් වශයෙන් සේවය කරනවා. හමුදාවට බැඳුණේ 2010 වසරේ දී. මට වැඩිමහල් සහෝදරයෙක් සහ බාල සහෝදරියක් සිටිනවා. අවිවාහකයි.
යුද හමුදාවෙ තුන් දෙනෙක් රියල් ස්ටාර් කිරුළ අබියසට පැමිණ තිබෙනවා. ඒ නිසා මෙවර ජයග්‍රහණය යුද හමුදාවට ලැබෙයි කියලා විශ්වාසයක් තිබෙනවා. ඔවුන් අතරින් කවුරු ජයග්‍රාහකයා වුවත් කමක් නැහැ. අපේ අරමුණ යුද හමුදාවට කීර්තියක් ගෙන ඒමයි.
මම යුද හමුදාවට දායකත්වය ලබා දෙන්නේ තූ®ර්ය වාදක කණ්ඩායමේ සාමාජිකයෙක් ලෙසයි. සංගීතය පාසල් අධ්‍යාපනයෙන් පසුත් විෂයක් ලෙස හැදෑරුවා. වාද්‍ය හා ගායන විශාරද නන්දා පෙරේරා මහත්මිය මගේ ගුරුතුමියයි. ඇය යටතේ මම ගායන විශාරද උපාධියේ I හා II කොටස් ඇතුළුව මුළුමනින්ම සම්පූර්ණ කර තිබෙනවා.
මෙයට පෙර මම දෙරණ ඩ්‍රීම් ස්ටාර් හා රණවිරු ස්ටාර් තරග වලට තරගකර අවසන් විසි හතර දෙනා අතරට පැමිණ තිබෙනවා. ගියවර මට තරගයෙන් ඉවත් වීමට සිදු වූෙ ය් අසනීප තත්ත්වය නිසයි. ශාස්ත්‍රිය ගායනයන්ට හොඳ ප්‍රතිචාරයක් ලැබුණ නිසා අවසන් තරගයේ දී එවැනි ගායන කිහිපයක් ඉදිරිපත් කිරීමට බලාපොරොත්තු වෙනවා.
.Dinamina

0 comments:

Post a Comment