----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

Lanka Art Chat Room - එන්න අපි කතා කරමු

සමනල සංධවනිය

Tuesday, February 5, 2013


ශ්‍රී සිද්ධාර්ථ ගෞතම චිත්‍රපටයට පසු
සමනල සංධවනිය
ඊ.ඒ.පී. මණ්‌ඩලයේ සිනමා ශාලාවලදි


වෙදහාමිනේ, දඬුබස්‌නාමානය, අකාල සන්ධ්‍යා වැනි අතිශය වින්දනීය සහ සම්මානිත ජනප්‍රිය ටෙලිනාට්‍ය ද අග්නිදාහය, ගරිල්ලා මාර්කටිං වැනි සම්මානිත සහ වින්දනීය චිත්‍රපට ද නිර්මාණය කළ ප්‍රවීණ සිනමාකරු ජයන්ත චන්ද්‍රසිරි ගේ නවතම චිත්‍රපටය "සමනල සංධවනිය"ය. (Buterfly Sympony) රූ සිනමා ක්‍රියේෂන් හවුස්‌ වෙනුවෙන් රුවන් ජයසිංහ සමග පාලිත ගුණවර්ධන නිෂ්පාදනය කළ "සමනල සංධවනිය" දැන් තිරගත වන ශ්‍රී සිද්ධාර්ථ ගෞතම චිත්‍රපටයට පසු ඊ.ඒ.පී. මණ්‌ඩලයේ සිනමා ශාලා 35 ක තිරගත වීමට නියමිතය.

මධුර ගීතාවලියක්‌ ද රැගත් සංගීතමය චිත්‍රපටයක්‌ වන "සමනල සංධවනිය" හි ප්‍රධාන චරිත නිරූපණය කරනු ලබන්නේ උද්දික ප්‍රේමරත්න, යශෝදා විමලධර්ම, පුබුදු චතුරංග, දමිතා අබේරත්න, චතුරිකා පීරිස්‌, රොජර් සෙනෙවිරත්න, විල්සන් ගුණරත්න, බුද්ධදාස විතානආරච්චි, රෙබෙකා නිර්මලී, දිමුතු චින්තක, රොෂාන් පිලපිටිය, උදිත ගුණරත්න, චංචලා වර්ණසූරිය, සඳුන් බණ්‌ඩාර, ජයතිස්‌ස අතුලසිරි, ජයරත්න ගලගෙදර, ශිරාණි දිසානායක, උපුල් මහානාම, රාජා ගනේෂන් ඇතුළු පිරිසක්‌ සමග රිදී තිරයට හඳුන්වාදෙනු ලබන සූරියා දයාරුවන් සහ බුද්ධිනී පූර්ණිමාය.

රුවන් කොස්‌තා කැමරා අධ්‍යක්‍ෂණයෙන් ද දර්ශන රුවන් දිසානායක සංගීත අධ්‍යක්‍ෂණයෙන්ද "සමනල සංවනිය" ට දායක වී ඇති අතර රවීන්ද්‍ර ගුරුගේ විසින් සංස්‌කරණය කරනු ලැබ ඇත. සහාය සංස්‌කරණය අජිත් රාමනායකය. වේශ නිරූපණය වසන්ත විට්‌ටච්චි ගෙනි. කේශාලංකරණය ලලිත් ධර්මවර්ධනය. කලා අධ්‍යක්‍ෂණය රොහාන් සමරදිවාකරගෙන් වන අතර ශබ්ද පරිපාලනය අරුණ කළුආරච්චිය. නිමල් ප්‍රැන්සිස්‌ සහ සරත් සේනාරත්න සහාය අධ්‍යක්‍ෂණයෙන් දායකවී ඇති "සමනල සංවනිය" හි නිෂ්පාදන කළමනාකරණය ප්‍රසන්න ඉත්තෑපානය. විධායක නිෂ්පාදනය නිමල් විඡේසිරි සේනාධීරය. පසුබිම් ගායනය අමරසිරි පීරිස්‌, ඉන්දික රුවන් (රූනි) සහ ෂම්මිකා අමානිය. ගීත රචනය අමිල තේනුවර සහ ජයන්ත චන්ද්‍රසිරිය. ඉන්දියාවේ මුම්බායි නුවර ප්‍රසාද් චිත්‍රාගාරයේ පසු නිෂ්පාදන කටයුතු සිදුකර ඇති "සමනල සංධවනිය" සිනමාස්‌කෝප් ප්‍රමාණයෙන් සහ DTS ශබ්ද තාක්‍ෂණයෙන් යුක්‌තය.
Divayina

සංස්‌කරණය : නාරද නිශ්ශංක

0 comments:

Post a Comment