‘භාග්යා’ ජූනි කලාපය නිකුත් වේ!
‘සඳ මඩලක් සේ’ ගී සරණය
23 දා ලුම්බිණියේ දොරට වඩී
(කොළඹ
-ලංකාපුවත්) ජාතික තරුණ සේවා සභාව විසින් පවත්වනු ලබන ජනසන්නිවේදන
පාඨමාලාව සඳහා අභ්යසාලාභීන් බඳවා ගැනීම මෙම මස 30 වෙනි දින පෙ.ව.9.00ට
මහරගම ජාතික තරුණ සේවා මධ්යස්ථානයේ පුහුණු අංශයේදී පැවැත්වේ.
සිසිල් ගුණසේකර වරින්
වර අපට හමු වන්නේ
වේදිකාවේ පෙළහර පෑ
අධ්යක්ෂවරයකු
ලෙසිනි. විදෙස් රටක
ජීවිතය ගෙවුවද ඔහු අපේ
වේදිකාව අත් නොහළ බව
සහතික වන්නේ මේ දිනවල
ඔටුණු සමඟ නැවත සිසිල්
වේදිකාවට ආදරය කිරීම
හේතුවෙනි. හෙට ටවර් රඟහලෙන්
ගමන් අරඹන ඔටුණු ගැනත් අපේ
රටේ වේදිකා නාට්ය කලාව ගැනත්
සිසිල් සමඟ කළ උණුසුම
කතාබහකි මේ.
* අපේ රටේ රංග ශාලා ගැන සෑහීමට පත්වෙනවාද?
මේකයි අද තත්ත්වය. ඉතිං කොහොමද ජනතාව දැනුවත් වෙන්නේ. අද නාට්යකරුවෝ සුන්දරයි
කිව්වට සුන්දර නෑ.
සුරංගනා කතාවක හෝ
ජනප්රවාදයක ජීවත් වූ
දේවතාවියන් පිළිබඳ බොහෝ
සුන්දර කතා අපි අසා ඇත්තෙමු.
ඔවුන් ගැන මතකයන් අප සිත් තුළ
තැන්පත්ව ඇත්තේ ආශ්වාදජනක
අන්දමිනි. මේ කතාවට ද පදනම්ව ඇත්තේ
එවන් දේවතාවියකි. නමුත් ඇය මිහිකතට
එන්නේ වෙනස්ම විලාශයකටය.
දේවතාවිය මෙලොවට ගෙන එන්නේ ඔසඳාය. ඔහු රූකඩ කර්මාන්තය තම ජීවිකාව කරගත් මාපිය
සෙනෙහස අහිමි කාර්යශූර යෞවනයෙකි. පරම්පරාවෙන් ලැබුණු වෘත්තීයට අසාධාරණයක් නොකළ
හෙතෙම සියුම්ව රූකඩ නෙළන ආකාරය විශ්මයජනකය.
ඔහු ඇයට සිතින් ප්රේම කරන්නට පටන් ගනියි.
දිනෙන් දින මෝරා වැඩෙන ඒ ආදරයට ඔසඳා ආදරය කරන්නේ ජීවිතය දෙවැනි කොටය.
 |
 |
 |
 |
 |
 |
 |
 |
 |
 |
බිමල් ජයකොඩිට මේ දිනවල හරි හරි ඇබැද්දි සිදු වෙනවා. ගාමනී චිත්රපටයේ මේජර්ගේ
චරිතය රූපණයට පසු ඔහුට එවැනිම හමුදා චරිතවලට හැම අතින්ම ආරාධනා ගලා
එනවා. සංජය ගුණවර්ධනගේ අලුත්ම ටෙලි නාට්යයෙත් ඔහු හමුදා නිලධාරියෙක්.
ජපානයේ
තෝකියෝ නුවර
නිනොන් සරසවියේ
සිනමා අධ්යයනාංශයේ
ආරාධිත
මහාචාර්යවරයකු ලෙස සේවය කළ
මා හට එහි අංශාධිපති මහාචාර්ය
සයිතෝ මහතා අපූරු පණිවුඩයක්
ගෙනාවේය.
මිනිසා සකස් කිරීමට
හේතු වූ ආගම පවා අද්යතන සමාජය භේද කිරීමට හේතු වී තිබෙනවා. නමුත් අනාගතයේදී සැමට
පිහිට වන්නේ යුද්ධය නොව සාමයික ආදරය බව මෙහි පණිවිඩයයි.’
 |
| මයිකල් සුක්සි
අධ්යක්ෂ - “ද වාව්”
1973 පෙබරවාරි 14 වැනිදා උපන් මයිකල් නිව් යෝර්ක් සහ කොනෙක්ටිකට් හි දිවි
ගෙවූවෙකි.අන්තර්ජාතික සබඳතා සහ නීතිය පිළිබද උපාධියක් ඇති හෙතෙම අහම්බෙන් චිත්රපට
අධ්යක්ෂණයට පිවිසි අයෙකි. 2009 දී තිරගත වූ ග්රේ ගාඩ්න්ස් ඔහුගේ පළමු
සිනමාපටයයි. දෙවැන්න 'ද වාව්' ය. තෙවැන්න නම් කර ඇත්තේ රොසලින් නමිනි. එය ඉදිරියේ දී
තිරගත වීමට නියමිතය. ගෝල්ඩන් ග්ලෝබ් සහ එමි සම්මානලාභියෙකු වන මයිකල් සිනමා තිර
රචකයෙකු සහ නිෂ්පාදකයෙකු ද වේ.
|
හැප්පීමක අවිනිශ්චිත කැළැඹීම ප්රේක්ෂකයා අත්පත් කර ගන්නා අතර මන්දගාමී රූපයකින් ඈ
වින්ඩ්ස්ක්රීනය කුඩු කරමින් මෝටර් රථයේ බොනට්ටු ව මත පතිත වීම පෙනේ.දැන්
ප්රේක්ෂකයා මහත් කැළැඹීමකිනි. අවිනිශ්චිතභාවයකිනි.
මූර්ති
ශිල්පිණියක ලෙස පෙගී කටයුතු කරන අතර ලියෝ සංගීත පටිගත කිරීමේ ස්ටුඩියෝවක
හිමිකරුවෙකි.ඔවුන් විවාහ වන්නට තෝරා ගන්නා ස්ථානය ද සිනහා උපදවයි. ඒ
කෞතුකාගාරයකි.
ඇගේ අලුත් ජීවිතය
ගැන අංශුවකුදු නොදන්නා පෙගී විසිරී ගිය මතකය යළි එකතු කර ගැනීමට තැත් කරන්නේ වැරදි
ක්රමයකට ය. ලියෝ මහත් අර්බුදයකය.ස්වකීය බිරිය තමාව නාදුනන බව කියන අතර සාමාන්ය
ජීවිතයේ බොහෝ දෑ නුහුරු ලෙස දිවි ගෙවයි.
මාලක දේවපි්රය නව පරපුරේ තරුණ සිනමාකරුවෙකි. ‘බහුචිතවාදියා’ ඔහුගේ කුලුඳුල්
වෘත්තාන්ත චිත්රපටය වෙයි. මාලක මීට ඉහත කෙටි චිත්රපට 9 ක් නිර්මාණය කර ඇත.
‘ට්රාන්ස්ෆරන්ස්’, ‘ලයිෆ් සර්කල්’, ‘එක්ස්චේන්ජ්’ ඉන් කීපයකි. ඉන් බොහෝමයක්ම
අන්තර්ජාතික සම්මානයන්ට පවා පාත්රව තිබීම සුවිශේෂත්වයකි.
ඇයි ඔබ ඔබේ තිර රචනය ජාතික චිත්රපට සංස්ථාව වෙත යොමු කළේ නැද්ද?
නිදි යහනේ දී වුවත් තම පෙම්වතිය හා තුරුළුව සිටින්නට සිහින දකින මෙම පෙම්වතාගේ
ශෘංගාරාත්මක සිහින ජවනිකාව මේ දිනවල අන්තර්ජාලය ඔස්සේ ‘සිඳු පතුළේ කිමද සැඟවී’ යන
නමින් ඕනෑම අයෙකුට නැරඹීමට අවස්ථාව ලැබී ඇත. මුළුමනින්ම දිය යට රූගත කර ඇති මෙම
සංගීත වීඩියෝව සම්මානනීය අධ්යක්ෂිකා ඉනෝකා සත්යාංගනීගේ දෙවැනි සිනමා නිර්මාණය වූ
‘සින්ඩ්රෙල්ලා’ චිත්රපටයේ ඇතුළත් ගීතමය දර්ශනයකි.
මේ දවස්වල වැඩිපුරම ඔබ ටෙලිනාට්යවල දකින්න නැත්තේ ඇයි?
ඔබත් එක්තරා දේශපාලනඥයකුත් සම්බන්ධ කරගත් ඡායාරූපයක් එක් වෙබ් අඩවියක පළ වී තිබෙනවා
නේද?
සිනමා ශිල්පී දුරකතන නාමාවලිය එළි දකී
මෙරට ප්රකට රංගධරයකු හා ප්රවීණ නාට්ය කලා
ආචාර්යවරයකු වූ ආචාර්ය සාලමන්
ෆොන්සේකා ගේ 72 වන ජන්ම දිනය සමරා පැවැත්වෙන
සාලමන් ෆොන්සේකා
ප්රත්යාවලෝකනය 17 වන ඉරිදා සවස 3 ට ටවර් රඟහලේ දී
පැවැත්වේ.
දුලානි අනුරාධා‘සරසවිය’ට විශේෂයෙන් හෙළි කරයිපෙම්වතෙක් ඉන්නවා. දැනට ඒ ඇතිකලාව, ඉතිහාසයට වඩා දාර්ශනික යැයි ඇරිස්ටෝටල් පඬිවරයා පවසා තිබේ. ඉතිහාසගත හුදු කතා ප්රවෘත්තියක්, මහා කලා කෘතියක් බවට පත් වන්නේ ඒ න්යායට අනුවය. නමුදු එවන් විශ්මිත පරිවර්තනයක් සිදු කළ හැක්කේ පරිණත කලාකරුවකුට පමණකි.  ලක් ඉතිහාසයේ වඩාත්ම අසාධාරණයට, අවමානයට පාත්ර වූ කුවේණිය, වත්මන් ලාංකේය ජන සමාජය
වෙතට සුගත් සමරකෝන් කැටුව එන්නේ ගෞරවාන්විත හා ආදරණීය චරිතයක් විලසිනි. මිනීමස්
බුදින යකින්නියක සේ මහා වංශයේ සඳහන් කුවේණිය සැබෑ මිනිස් දියණියක බව ශපථ කරමින්
රිදී තිරය මත දිග හැරෙන ‘විජය – කුවේණි’ කතා පුවත ලාංකේය සිනමා වංශයට එක් කරන
පොහොසත්කම සුවිසල්ය.සැබැවින්ම කුවේණිය, අපේ ඉතිහාසයේ කිසි දිනෙක අප හැර නොගිය, හැර නොයන සෙවනැල්ලකැයි මට සිතේ . . . එහෙම නේද? අතීත කුවේණිය ගැන මම වර්තමාන කුවේණියගෙන් එසේ විමසමි. ඈ මුවට නැෙඟන්නේ මන්දස්මිතයකි. එය මනස්කාන්තය. අතිශයින්ම සොඳුරුය. එක ඇත්ත. කුවේණිය අපේ හදවත්වල සදා ජීවමාන චරිතයක්. මම හිතන්නේ මේ ලක් දෙරණ පවතින තුරු ඇගේ මතකයත් යුගයෙන් යුගයට ජීවමාන වේවි. වත්මන් කුවේණිය, අතීත කුවේණිය පිළිබඳ එසේ පිළිණ දෙන්නේ කිසියම් අභිමානයකින් හා ගෞරාන්විත හැඟීමකින් යැයි මට හැඟේ. දුලානි අනුරාධා . . . වත්මන් කුවේණිය ලෙසින් අතීත කුවේණියට මනා සාධාරණයක් ඉටු කළ සොඳුරු රුවැත්තිය. එපමණක් නොව සිය ප්රථම සිනමා රංගනයෙන් ‘හොඳම නිළිය’ ලෙස ‘සරසවිය’ සම්මානයෙන් පුද ලද පුණ්යවන්තිය. ඉතින් දුලානි, මේ කුවේණි චරිතය රඟ දක්වන්නට ඔයාට අවස්ථාව උදා වුණේ? චිත්රපටයේ අධ්යක්ෂ සුගත් සමරකෝන් මහතා තිර පිටපත රැගෙන මා හමු වෙන්නට ආවා. මේක අපි කවුරුත් දන්න කතාවක්. මහාවංශය හරහා අපේ හදවත්වලට කිඳා බැස තිබුණේ කුවේණිය මිනීමස් කන යක්ෂණියක් විදිහටයි. නමුත් මේ තිර රචනයෙන් කුවේණියට ලොකු සාධාරණයක් ඉටු වී තිබුණා. ඒ නිසා මම මේ චරිතය රඟපාන්නට නොපැකිලව ඉදිරිපත් වුණා. මේ රංගනය ඔබට අභියෝගයක් නොවුණා වෙන්න බැහැ? පැහැදිලිවම, ඒක අභියෝගයක් වුණා. කුවේණි කියන්නේ මේ රටේ හැමෝම දන්න, අහලා තිබෙන චරිතයක්. ඈ ගැන මම අහලා තිබුණ දේවලුත් එක්ක අධ්යක්ෂවරයාගේ මඟ පෙන්වීම යටතේ මේ චරිතය නිරූපණය කළා. තිර පිටපතෙන් වගේම ඇඳුම් පැළඳුම් හා වේෂ නිරූපණයෙනුත් කුවේණිය උපද්දන්න ලොකු දායකත්වයක් ලැබුණා. මෙවැනි චරිතයක් සාර්ථක කර ගන්නට විශාල කැප කිරීමක් කරන්නට වෙනවා? ඔබ කිව්වා වගේ හරිම කැපවීමකින් මේ චරිතය මම කළේ. දුෂ්කරතා ගොඩකට මුහුණ දුන්නා. මට විශාල කොණ්ඩයක් පළඳින්න වුණා. ඒක හිස මත දරාගෙන ඉන්න අපහසුයි. ඒ වගේම රජ ඇඳුම්. දුවන්න, පනින්න වගේම කඩු සටන් කරන්නත් සිදු වුණානේ. ඒ දේවල්වලට ලොකු වෙහෙසක් දරන්න වුණත් චිත්රපටය නරඹන කොට සිතට දැනුණේ සතුටක්. ඒ සතුට ඔබේ හැකියාව වෙනුවෙන්ම ද? මෙවැනි දැවැන්ත නිර්මාණයකට දායක වෙන්න ලැබීමම සතුටක්. මගේ රංගනය සම්බන්ධයෙන් ගත්තොත් සමහර තැන්වල මීට වඩා හොඳට රඟපාන්න පුළුවන්කම තිබුණා නේද කියලා සිතුණු අවස්ථා තිබුණා. ඔබ කඩු හරඹයෙත් මනා දක්ෂතාවක් පිළිබිඹු කළා? කඩු හරඹය අලුතෙන් ඉගෙන ගත්තා මේ චරිතය වෙනුවෙන්ම. විජය කුමාරයාගේ මුහුණ ළඟින්ම කඩු පහර කීපයක් එල්ල කරන්න තිබුණා. මට ලොකු බයක් දැනුණා රොජර් අයියාගේ මුහුණ තුවාල වෙයිදෝ කියලත්. ඒ අවදානමත් හිතේ දරාගෙනයි මම කඩු සටන් කළේ. නමුත් ඒ දර්ශන පෙළ සාර්ථකව රූගත කෙරුණා.  මේ චිත්රපටය පුරාම ඔබ ලොකු ජවයක්, ශක්තියක් මුදා හරිනවා?මම නර්තනය හදාරපු කෙනෙක් නිසා ශරීරිය හැසිරවීම, සමබරතාව ගැන ගැටලුවක් තිබුණේ නැහැ. හැබැයි මට කඩුවක් එක්ක නටන්න තිබුණනේ. ඒක නම් හරිම අසීරු කාර්යයක්. ලාටා රටෙන් ලක් බිමට එන විජය කුමාරයාට අපේ රට, ජාතිය පාවා දුන් හැතිරියක් විදිහට ඇතැමුන් කුවේණිය හඳුන්වනවා. මේ චිත්රපටය පුරාම ඇයට විරුද්ධවාදීන් එල්ල කරන මුඛ්ය චෝදනාව එයයි. කුවේණි තමන්ගේම රටේ කොන් වෙලා, හුදකලා වෙලා හිටියේ. ඇයට තමන්ගේම සනුහරේ අයගෙන් එල්ල වූ අපවාද, චෝදනා එමටයි. විජය කුමාරයා එන තෙක් ඇයට පිළිසරණක්, හව්හරනක් තිබුණේ නැහැ. ඉතින් පිරිමියකුගේ ආදරයට, සෙනෙහසට ඈ කැමැති වෙනවා. අද වුණත් තරුණියක් විවාහ වෙන්නේ පිරිමියකුගේ ආදරය, සෙනෙහස අවශ්ය නිසානේ. තමන්ගේම රටේ කොන් වෙලා හිටපු කුවේණියටත් එදා ඒ මානුෂීය අවශ්යතාවය දැනෙන්නට ඇති. අපි කුවේණි දිහා බලන්න ඕනෑ ඒ සාධාරණ දෘෂ්ඨියෙන්. කොහොම වුණත් ඒ ආදර සබඳකම් පලුදු වී, පවුල් සංස්ථා බිඳ වැටී අවසානයේ ඔවුන් වෙන් වෙනවා. කුවේණිය, විජය සිය මාළිගාවෙන් පන්නා දමන්නේ ඇයට දරුණු ලෙස පහර දෙමින්. අද සමාජයේත් මෙවැනි දේ බහුලව සිදු වෙනවානේ. මෙවැනි අත්දැකීමකට ඔබ මුහුණ පෑවොත්? කවුරු හරි මාව එළවන්නේ එපා නිසානේ. එහෙම එළෙව්වොත් කුවේණි වගේම මමත් යන්න යයි. ආයෙත් එතැන රැඳිලා ඉන්න එකේ තේරුමක් නැහැනේ. හැබැයි මම නම් කාලයක් දෙයි ඔහුට මාව තේරුම් ගන්න. විජය වෙනුවෙන් ඈ සියලු දේ කැප කළා. කිසිම ඥාතියෙක්, සහෝදරයෙක් ඇයට සිටියේ නැහැ. විජය ඈ එලවා දැමූ අවස්ථාවේ කුවේණිය අන්ත අසරණභාවයට පත් වෙනවා. අතීත කුවේණිය වෙනුවෙන් උපන් ශෝකී හැඟීමකින් වත්මන් කුවේණියගේ වුවන දුක්ඛ සෙයියාවකින් ඇළලී යන අයුරු මට පෙනේ. අතීත කුවේණිය එදා විඳී දුක්, ගැහැට, සංතාප, වේදනා වත්මන් කුවේණියගේ ඇට මිදුලුවලට පවා කා වැදී ඇති සැටියකි. ඉතිහාස පොතේ කුවේණිය විසි එක්වන සියවසේ ජීවමාන චරිතයක් බවට පත් කිරීමේ විස්මිත හැකියාව ඇයට ලැබුණේ ඒ හඳුනා ගැනීම නිසා යැයි මම කල්පනා කරමි.  කුවේණියට සාධාරණයක් කළ ඔබට පවා යම් අසාධාරණයක් වුණා?ඔව්. ඇත්තටම මම ඒ ගැන මේ මාධ්යයකට හෙළිදරවු කරන ප්රථම අවස්ථාව. ‘විජය – කුවේණි’ චිත්රපටයේ ප්රචාරක පටයක් අන්තර් ජාලය ඔස්සේ අහම්බෙන් මම දැක්කා. එහි එක් රූප රාමුවක කිසියම් විකෘතියක් නැතිනම් මවාපෑමක් කර තිබූ නිසා මට ලොකු අවුලක් වුණා. තවදුරටත් පැහැදිලි කළොත්? චිත්රපටයේ එක් දර්ශනයක් තිබුණා මම උස් තැනක හිඳන් පනින. ඒ ජවනිකාවට මම ඇඳගෙන හිටියේ ටයිට් ෂෝට් එකක්. ඒත් ඒක ග්රැෆික් නිර්මාණයක් මඟින් වෙනස් කරලා මගේ දෙපා නිරාවරණය වෙන විදිහට ඉතාමත් කෙටි ඇඳුමක් විදිහට හදලා තිබුණා. එවැනි කෙටි ඇඳුමක් ඔබ පාවිච්චි කළේ නැහැ? නැහැ, කොහෙත්ම නැහැ. වගකීමෙන් ද ඔය ප්රකාශය කරන්නේ? ඔව්. ඉතාමත්ම වගකීමෙන්. මම ගුරුවරියක්. ඒ නිසා මේක මට විශාල ප්රශ්නයක්. මානසික පීඩාවක්. අන්තර් ජාලයෙන් මේක දැක්කට පස්සේ ඔබ මොකද කළේ? විදුලි සංදේශ නියාමන කොමිෂන් සභාවට පැමිණිලි කළා. පොලීසියේ පැමිණිල්ලක් ඉදිරිපත් කරන්නට කියා ඔවුන් කිව්වා. නමුත් ඊටත් වඩා සුදුසු චිත්රපට සංස්ථාවේ සභාපතිවරයාට මේක දැනුම් දීමයි කියලා අපට දැනගන්නට ලැබුණා. ඒ අනුව මම ජාතික චිත්රපට සංස්ථාවේ සභාපති අශෝක සේරසිංහ මහත්මාට මේ අවනඩුව ගැන කිව්වා. කරුණු විමසා බලා ඔහු මට දැනුම් දුන්නා චිත්රපටයේ එහෙම දර්ශනයක් තිබුණත් එය ප්රදර්ශනයට කලින් ඉවත් කළා කියලා. මේ අකටයුත්ත සම්බන්ධයෙන් ඔබ කාටද ඇඟිල්ල දිගු කරන්නේ? එහෙම කාටවත් ඇඟිල්ල දිගු කරන්න කෙළින්ම මට බැහැ. මොකද මේක කාගේ වුවමනාවට වුණ දෙයක් ද කියලා මම හරියටම දන්නේ නැති නිසා. චිත්රපටයේ නිෂ්පාදක – අධ්යක්ෂ මේ ක්රියාවට වගකිව යුතු යැයි ඔබ හිතන්නේ නැතිද? ඒක මම හරියටම කියන්න දන්නේ නැහැ. මොකද සංස්කරණයේදී පවා මේ වගේ දෙයක් වෙන්නට පුළුවන්නේ. සමහර විට නිෂ්පාදක – අධ්යක්ෂ අපහසුතාවයට පත් කරන්න වෙනත් කෙනෙක් මේ වගේ වැඩක් කළා වෙන්නත් බැරි නැහැ. චිත්රපටයේ හෝ පූර්ව ප්රචාරක පටවල මේ ජවනිකාව ඇතුළත් නොවුණ නිසා ඔබට එතරම් කලබල වෙන්න දෙයක් නැහැනේ? ඔව්, නමුත් අන්තර්ජාලය ඔස්සේ තවමත් අර හොරට හදපු දර්ශනය දකිනවා. ඒකයි මට තියෙන ප්රශ්නය. නමුත් චිත්රපටයට රූගත කළ නියම දර්ශනයත් අන්තර් ජාලය ඔස්සේ ළඟදීම දකින්න ඔබට පුළුවන් වෙයි. එතකොට මේ කතාවේ ඇත්ත, නැත්ත කාටත් තේරෙයි. ඒ පිළිබඳ විමසමින් ඈ තවත් වෙහෙසට පත් කළ යුතු නැතැයි මට සිතේ. රංගනය යනු ගෞරවණීය වෘත්තියකි. කිසිවකුª විසින් මෙවැනි නොහොබිනා ක්රියාවක් සිදු කළේ වී නම් එය එක් නිළියකට පමණක් කළ අවමානයක් නොව සමස්ත නිළි පරපුරටම කළ නිගරුවකි. ඒක නෙවෙයි අපි දැන් දුලානිගේ පෞද්ගලික ජීවිතේ ගැනත් පොඩ්ඩක් කතා කරමු නේද? පෞද්ගලික ජීවිතේ සරල, සාමාන්ය විදිහට ගත කරනවා. ගුරු වෘත්තියේ අභිමානය රැකගෙන නිළියක් විදිහට සාර්ථක ගමනක් යන්නයි මගේ බලාපොරොත්තුව. එතකොට ආදරය, විවාහය වගේ දේවල්? මට වුණ අසාධාරණය මුලින්ම හෙළි කළේ සරසවියට. ඒ වගේම මගේ ආදර සම්බන්ධයත් මේ මුලින්ම කියන්නේ ඔයාලට. මට පෙම්වතෙක් ඉන්නවා. ඔහු මාව හොඳින් තේරුම් ගත්ත කෙනෙක්. ඒත් වැඩි විස්තර දැන්ම කියන්න අවශ්යය නෑ කියලා මට හිතෙනවා. විවාහ වෙන දවසත් මුලින්ම ‘සරසවිය’ට කියන්නම්කෝ. |
http://www.boondi.lk/
“බොක්ස්" යනු සිනමා ශාලාවක් තුළ චිත්රපටයක්
නැරඹීම සඳහා විශේෂයෙන්ම සකස් කළ ආසන දෙකක් හෝ තනි යුගලාසනයක් සහිතව තනන
කුඩා කුටි විශේෂයයි. මෙය දියුණු කලාවන් සහිත යුරෝපීය සමාජාවකාශයක් තුළ නම්
අතිශය පෞද්ගලික නැරඹීම් කුටියක් විය හැකි වුව ද ලාංකීය අර්ථයෙන් වෙනස්
තැනෙක ස්ථාන ගත වන්නකි. අගනුවර හෝ වෙනත් නගර තුළ පොදුවේ මෙය සිරුරේ ශෘංගාර
කලාප පිළිබඳ කුහුල් සිතැති අහිංසක පෙම්වතුන්ගේ සිට ගණිකාවකගේ පහස විඳීමට
ලොල් ඕනෑම වයස් ප්රමාණයක පුද්ගලයෙකු පෙම්වතියක හෝ ලිංගික ශ්රමික
ගැහැණියක හා වසංවන තැනෙකි. චාලකගේ නාට්ය පුරාම ඇත්තේ මේ අවකාශයට ගණිකාවක
කැඳවාගෙන යනු ලබන රජයේ සේවකයෙකු මුහුණදෙන සිදුවීමකි. ඒ මොහොතේ ශාලාවේ තිරගත
වන්නේ “පරසතු මල්" චිත්රපටයයි. නාට්යයේ අපූර්වත්වය වන්නේ චිත්රපටයේ
හඬ පටය හා නාට්ය පාත්රයාගේ රංගය සම්මිශ්රණය කිරීම වන අතර, එය
මෝස්තරකාරී කලවම්කිරීමකින් ඔබ්බට විහිදී යන්නේ නාට්ය හා බද්ධවීම මතිනි.
මෙහිදී ගණිකාව කුඩා කල තම පියා හා මෙම චිත්රපටය නැරඹූ මතකය ඔස්සේ බොනී
මහත්තයා ගේ චරිතයට අනන්ය වෙයි. ඒ අතර ඇය රැඟෙන ආ මැදි වයසේ කාර්යාල
සේවකයා උත්සුක වන්නේ තමාගේ කායික අවශ්යතාවය දෘඪ ලෙස ඉටුකර ගැනීමටය.
නාට්යය ගලා යන්නේ ගැහැණිය චිත්රපටය හා අනන්යවීම ඊට බාධාවක් බවට දිගින්
දිගටම පත්වෙද්දි හටගන්නා ගැටුම ඔස්සේ යි. තමාට ජීවිතයේ දී භෞතිකව හමුනොවන
බොනී මහත්තයා නැමැති චරිතය ගැහැණියගේ ෆැන්ටසි වස්තුව වන විට, ඈ අභියස සැබෑ
ලෙස හිඳින ගනුදෙනුකාර පිරිමි ශරීරය ඇයට බාධාකාරී වේ. ඇගේ ෆැන්ටසිය ඔහුට
බාධාකාරී වේ. සුළු මොහොතක, සුළු අවකාශයක හට ගැනෙන මේ ද්වන්ධ ගැටුම තුළ
නිරූපනය වන්නේ අතිශයින් දේශපාලනික සිදුවීමක සිරස්කඩකි. නගර ශෝභිනිය අතීතයේ
දැරියක ලෙස පරසතුමල් නැරඹීමට කැඳවාගෙන විත් ඇත්තේ පියාය. එය බෙහෙවින්
සංකේතාත්මක, සංකීර්ණ අරුත් දනවන මතක සිහිගැන්වීමකි. පියා විසින් හඳුන්වා
දෙන ලෝකයෙහි ද අවසන අත්විඳින්නට ලැබෙන ලෝකයෙහි ද පරස්පරය හෙවත් "ෆැන්ටසිමය
පිරිමියා" සහ "මුණගැසෙන ඇත්ත පිරිමියා" අතර වෙනස, ඇගේ ජීවිතයට හැරවුම්
ලක්ෂයක් වී ඇත්තේ සිතූ පැතූ අයුරින් නොවේ. මෙය පුරුෂ බල කේන්ද්රීය
දෘෂ්ටිවාදයෙන් හුස්ම ගන්නා සමාජයක, "ආශාවේ වස්තුව" වන ගැහැණිය සතු ඉරණමයි.
නාට්යවේදී පියල් කාරියවසම්ගේ නවතම නාට්ය නිර්මාණය "රහස්
උදවිය" ලබන 12 වැනිදා සහ 13 වැනිදා සවස 7.00 ට ලයනල්
වෙන්ඩ්ට් රඟහලේදී වේදිකාගත වෙයි. රාජ්ය සම්මානලාභී නළු
නිළියන් වන කෞශල්යා ප්රනාන්දු, චමිලා පීරිස්, අනසුයා
සුබසිංහ සහ ගිහාන් ප්රනාන්දු රංගන දායකත්වය සපයන මෙහි
සංගීතය නදීක ගුරුගේ විසිනි. වේදිකා පසුතල නිර්මාණයෙන්
රුවන් බණ්ඩාර රණසිංහ, ආලෝකකරණයෙන් බන්දුල හේවගේ, වෙස්
ගැන්වීමෙන් ප්රියන්ත සිරිකුමාර, වේදිකා පරිපාලනයෙන් සංජය
හෙට්ටිආරච්චි රංග වස්ත්ර නිර්මාණයෙන් සහ නිෂ්පාදන
කළමනාකරණයෙන් ගයා නාගහවත්ත ඇතුළු පිරිසක් එක්වෙති. සම
අනුග්රහය සුනේත්රා බණ්ඩාරනායක පදනම විසිනි. වේදිකාව
මෙන්ම ලේඛනය ද සිය ප්රකාශන මාධ්ය කොටගත් පියල් "ආචාරී
සීයා දුටු දිදුලන අන්ධකාරය" කෙටිකතා සංග්රහය (රාජ්ය
සම්මාන) සහ "වීදුරු කුඩු කැවුණු කලෙක" නමින්a නවකතාවක් ද
රචනා කළේය. "කොන්තරාත්තුව" (1994) "මට එරෙහිව මම" (2000 -
රාජ්ය සම්මාන) "මාස්ටර් බිල්ඩර්" (2006) පියල්ගේ වේදිකා
ප්රකාශනයි. මේ සංවාදය "රහස් උදවිය" නාට්ය ප්රථම
වේදිකාගත කිරීම නිමිත්තෙනි.
තවත්
පැත්තකින් ගත්තොත් කාලය අවකාශය ඉක්මවා යන ගති ලක්ෂණ
ගොඩක් පළ කරනවා. මම පසුගිය කාලේ කළ සාහිත්යමය අධ්යයනයත්
සමග බටහිර ලතින් ඇමරිකානු සහ ඉන්දියානු කතා කලාවේ ආභාෂයන්
මේකට එකතුවෙලා තියෙනවා කියා මා විශ්වාස කරනවා. මේ
නාට්යයේදී මම එක්තරා ආකාරයකට මායාව පාවිච්චි කරනවා.
සියලුම කලාවන් අතරින් මායාව තියෙන හොඳම තැන වේදිකාවයි.
කාලය අවකාශය අතර එහෙ මෙහෙ පැන යථාර්ථය විනිවිද දකින්න
උපක්රමයක් හැටියටයි මම මායාව පාවිච්චි කරන්නේ.
