ඒ පෝරිසාදයා නාට්යය කෑවා
ආර්.ආර්. සමරකෝන්
ආර්.ආර්. සමරකෝන් පුරා දශක 5 ක් ඉක්මවා සිංහල වේදිකාවේ අඛණ්ඩව වැජඹුණු අපූරු රසවතෙකි. ඔහු මුලින්ම ගැඹුරු හාස්යයක් සිංහල වේදිකාවට දායාද කරන්නේ 1971 දී ඔහුගේ ‘අහසින් වැටුණු මිනිස්සු’ නාට්යයෙනි. එහි ප්රධාන භූමිකාව රඟපෑ රංජිත් යාදුන්න, මිල්ටන් නම් වූ අයි.ආර්.සී. කාරයෙකුගේ චරිතය රඟමින් මුලින්ම වේදිකාවට පිවිසෙන්නේ ප්රේක්ෂකයන් ඔහු දකින්නටත් පෙර වේදිකාවෙන් පිටත සිට උස් හඬින් දෙබසක් පවසමිනි. එය අසන ඔහුගේ නැඟණියගේ නෝන්ජල් පෙම්වතා බියෙන් තැති ගනියි. එය දකින මිල්ටන්ගේ නැඟණියගේ චරිතය රඟපෑ ප්රේමා ගනේගොඩ උස් හඬින් සිනාසී මෙසේ කියයි. ‘ඔයා බය වෙන්න එපා. ඒ අපේ අයියා.’ ‘ඉතින් ඇයි එයා කෑ ගහ ගහා එන්නෙ.’ පෙම්වතා පහ නොවුණු බියෙන්ම අසයි. ‘එයා එහෙම තමයි. ඇතා එන්ඩ ඉස්සර මිණිගෙඩි සද්දෙ ඇහෙනවනෙ.’ ප්රේමා සැහැල්ලුවෙන් පිළිතුරු දෙයි.
’යකෝ මුන් හරියට කන්ඩ දීලා ඇති කළා වගෙනෙ මේවට ගණන් කියන්නෙ.’ මාළු ගොටුවක් අතින් ගෙන වේදිකාවට පිවිසෙන ‘කැලණි පාලමේ’ සරණපාලගේ භූමිකාව රඟපෑ රත්නසිරි ලියනගොඩ කියයි. එහිම මැම්බර් ගේ චරිතය රඟපාන ජේ.එච්. ජයවර්ධන බීමත්ව සරණපාලට වාරුවී මෙසේ කියයි. “සරණපාල උඹ මේ සල්ලි අරගෙන, උඹේ ගෑනිත් එක්ක ගිහින් බලාපන් හොඳ බයිස්කෝප් එකක්. මම ගිය සුමානෙ බැලුවා අපූරු බයිස්කෝප් දෙකක්. ‘සැනසුම කොතනද, අල්ලපු ගෙදර’.”
’කැලණි පාලමේ’ එන සරණපාල එම භූමිකාවට අනුව කාස රෝගයෙන් පීඩා විඳි දිගුකලක් වැලිසර රෝහලේදී ප්රතිකාර ලැබ සුවවී පැමිණි දිරාගිය සිරුරකින් යුත් පුද්ගලයෙකි. ඔහු එම ස්වභාවය තීව්රව නිරූපණය කරනු පිණිස වේදිකාවේදී නිතර කහියි. එම භූමිකාව සාර්ථකව නිරූපණය කළ රත්නසිරි සැබෙවින්ම හෘද රෝගියෙකි. එහෙයින් ම හේ ඉතා කෘශ ශරීරයක් ඇත්තෙකි. පසුකලෙක ඔහු මිය ගියේද එම රෝගය උත්සන්න වීමෙනි. ‘කැලණි පාලමේ’ චුට්ටේ කිසිවෙකුට නොනැමෙන, ජවසම්පන්න පුද්ගලයෙකි. එය රඟපෑවේ ප්රවීණ නළුවකු වන නීල් අලස්ය.
මංගල දැක්ම අවසානයේ වේදිකාවට ගොඩ වී ඉතා උණුසුම් ලෙස සමරකෝන් වැලඳ ඔහුට සුබ පැතූ කලා ලෝකයේ ප්රකට විචාරකයෙක් මෙසේ කීවේය.
’කවුද සමරකෝන් අර සරණපාලගෙ කැරැක්ටර් එක කරපු නළුවා. මිනිහා මීට කලින් රඟපානවා මම නං දැකලා නැහැ. බලනවකො ඒ මනුස්සයා නාට්යය පුරාම කහින අපූරුව. මුළු නාට්යයම හුඟාක් හොඳයි. සරණපාලගෙ චරිතෙ විශිෂ්ටයි. පුන පුනා සරණපාල චරිතය වර්ණනා කළ විචාරකයා සමරකෝන් ගෙන් සමුගෙන වේදිකාවෙන් බැස යද්දී කට කොනකට සිනාවක් නඟාගත් සමරකෝන් ඒ අසල සිටි මා හට රහසින් මෙන් මෙසේ කීවේය.
’රත්නසිරි කොහොමත් ලෙඩානෙ එඩ්වඩ්. කහින්නෙ ඒකයි. මිනිහට නීල් කරපු චුට්ටෙගෙ චරිතෙ දුන්නත් මිනිහා කහිනවා. ඒක දන්නෙ නෑනෙ මේගොල්ලො.’ කැලණි පාලමේ ශිල්පීන් ගේ එකිනෙකා පරයන අපූර්ව රංගනයන්ගෙන් අමන්දානන්දයට පත්ව සිටි මම සමරකෝන්ගේ ඒ කතාවෙන් ඊටත් එහා ගිය තෘප්තියක් ලදිමි.
දිනක් මගේ ආරාධනයෙන් සමරකෝන් මහතා ලයනල් වෙන්ඩ්ට් රඟහලේදී ඊ.එම්.ඩී. උපාලිගේ ‘පියාඹන අස්සයා’ නාට්යය නැරඹුවේ මා සමඟිනි. එම නාට්යය නරඹා සතියක් යන්නටත් පෙර දිනෙක දී මගේ නිවෙසේදී සමරකෝන් හට උපාලි මුණගැසුණි. මගේ හඳුන්වා දීමෙන් පසු උපාලි දෙස බලා සුහදව සිනාසුණු ඔහු මෙසේ කීවේය.
’ඉළන්දාරියා මම බැලුවා ඔයාගෙ නාට්යය. ඒකෙ තේමාව, ඉදිරිපත් කරලා තිබුණු ආකාරය, ප්රධාන නළු නිළියන් ගෙ රංගනයන් බොහොම අපූරුයි. හැබැයි පුතෝ ඒකෙ අර වැඩකාරයගෙ චරිතය රඟපාපු හාදයව තෝරගත්ත එකටනං ඔහේට කිසිම සමාවක් දෙන්ඩ බැහැ. ඒ යකා නාට්යය කෑවනෙ. කැපිච්ච පණුවෙක් වගෙ දැඟලුවා මිසක් ඒ පෝරිසාදයා රඟපෑවයැ.’
සමරකෝන් මහතාගේ තියුණු ප්රතිචාරය හමුවේ උපාලි ලජ්ජාවෙන් රතුවී ඇඹරෙන්නට විය.
’නෑ මිස්ටර් සමරකෝන් එදා ඒ චරිතෙට නියමිත නළුවා ඇවිල්ලා නැතුව, ඒක රඟපාන්න වුණෙත් මේ උපාලිටමයි.’ මගේ කරුණු පැහැදිලි කිරීමෙන් උපාලිටත් වඩා අපහසුතාවයට පත්වූයේ සමරකෝන්ය.
Silumina
සිංහල සංගීත ක්ෂේත්රයේ ගායන ප්රතිභාවෙන් අනන්ත වූ ඇය අපි “හෙළයේ මහා ගායිකාව“ යයි හඳුන්වමු. ඒ ඇය ගායනා කළ සුභාවිත ගීතාවලියෙන් අපේකම ලොවට කියා පෑ නිසා ය. එපමණින් නොනැවතී ලෙයින්, මසින් නිර්මිත සැබෑ මිනිසුන්ගේ හැඟීම් සමඟ ඇය ගීතමය ගනුදෙනුවක් ආශ්චර්යවත් අයුරින් කරන්නීය. එවැනි ආශ්චර්යයන් අඩ සිය වසරකටත් වැඩි තම සෞන්දර්ය චාරිකාවේදී ඈ විසින් සිදු කරනු ලබන ඉසව්ව වී ඇත්තේ ඒක පුද්ගල ගීත ප්රසංග කලාවයි. මීට ඉහතදී ඇය ඉදිරිපත් කළ “ශ්රවණ ආරාධනා” – “සත්යයේ ගීතය” සහ “පවන” ඒක පුද්ගල ගීත ප්රසංග මෙන්ම “ශ්වේත රාත්රිය” ප්රසංගය ද ආශ්චර්යයක් බවට පත් කරමින් ඈ ඉන් සමුගන්නීය. එහෙයින් මෙවර “ස්වර වර්ණ” වර්ණවත් කරන්නට අපි ඇයට ආරාධනා කරමු. ඇය ප්රවීණ ගායන ශිල්පිනී විශාරද නන්දා මාලිනී ය.
ධර්මසිරි බණ්ඩාරනායකගේ ‘ධවලභීෂණ’ නාට්යය නව නිෂ්පාදනයේ මංගල දැක්ම මෙම 1 සහ 2 දිනවල කොළඹ ලයනල් වෙන්ඩ්ට් රඟහලේදී පැවැත්වෙයි. මෙම නාට්යයට පාදක වූයේ ප්රංශ මහා ලේඛක ශොන් පෝල් සාර්ත්රේගේ කෘතියකි. පහත යෙදෙන්නේ ‘ධවල භීෂණ’ නව නිෂ්පාදනය අළලා ධර්මසිරි බණ්ඩාරනායක සමඟ කළ කතාබහකි.
කෙසේ වෙතත් පසුගිය දශක දෙක තුළ සිංහල වේදිකාවේ අඛණ්ඩව රැඳී සිටියේ ඔබත් ජයලත් මනෝරත්නත් පමණයි.
දවසක් ඈත පළාතක නාට්යයක් අහවර වී එළිවෙන ජාමෙට රොඩ්නි ඇතුළු පිරිස කොළඹට සේන්දු වුණා.
ගිවන්තට, අර්ථසාද් පැටලිලා
සැන්ඩෝ හැරිස් සමඟ ‘අයුක්තියට හිස නමන්නේ නැහැ’ ගීතය ගයා, රඟන ප්රේමදාස විතානගේ අපේ රටේ පැරැණි රංගන ශිල්පියෙක්.
ලොස් ඇන්ජලීස් ජාත්යන්තර ගුවන් තොටුපළ, කැලිෆෝනියා මුහුදු තීරය, යුනිවර්සල් චිත්රාගාරය, බ්රිතාන්යයේ බකිංහැම්ෂයර්, ඩවර් සහ සවුත් හැම්ප්ටන්, ප්රංශය, ජර්මනිය සහ ඇම්ස්ටර්ඩෑම්හිදී සිදු කරන ලද රූගත කිරීම් අවසන් වුණේ අගෝස්තු 13 දා. අමෙරිකාවේ ලාස්වේගාස්හි හෝටල් සමූහයක හිමිකරු වූ කෝටිපති ව්යාපාරික හෝවාර්ඩ් හියුස් කබී බ්රොකොලිගේ ගජ මිතුරකු වූ හෙයින් එහි රූගත කිරීම් සඳහා අමිල සහයෝගයක් ඔහු කෙරෙන් ලැබුණා.
සියලු වාහන සඳහා අනුග්රහය දැක් වූයේ අමෙරිකානු ෆෝඩ් සමාගම විසිනි. මෙහිදී බොන්ඩ් විසින් පදවන ලද්දේ අලුත්ම ෆෝඩ් මස්ටෑන්ග් ස්පෝට්ස් රථයක්. පුරා රාත්රි තුනක් තිස්සේ මෙම කාර් ලුහුබැඳීමේ දර්ශන රූගත කෙරුණු අතර ප්රධාන නිළි ජිල් සෙන්ට් ජෝන්ස් හට මෙය අපූරු අත්දැකීමක් වූ බවට කිසිම සැකයක් නැහැ. ජේම්ස් බොන්ඩ් රූමතිය වන ටිෆනි කේස් ලෙස රඟපෑ ජිල් සෙන්ට් ජෝන්ස් ගේ වාසභවනය ලෙස යොදා ගත්තේ ජනප්රිය නළු කර්ක් ඩග්ලස්ගේ සුඛෝපභෝගී නිවසයි.
මෙම ජවනිකාව රූගත කළ ලන්ඩනයේ ලෝන්ග් අයිලන්ඩ් කාස්කට් කොම්පනි නමැති අවමංගල නියෝජිත සමාගමේ වසර ගණනාවකට පෙර වෙළද නියෝජිතයකු සහ කළමනාකාරවරයකු ලෙස බ්රොකොලි සේවය කොට ඇති අතර, ෂෝන් කොනරි ද එම සමාගමේ කම්කරුවකු ලෙස සේවයේ යෙදී සිට ඇත.
නිෂ්පාදනයට අදාළ යම් කරුණු සහ අදහස් පිළිබඳ දෙදෙනා අතර යම් මත ගැටුම් පැන නැගුණු හෙයින් ඩයමන්ඩ්ස් ආ ෆොඑවර් චිත්රපටයේ කටයුතු බොහොමයක් බ්රොකොලිගේ අභිමතය අනුව සිදු වු නමුදු ඊළඟ චිත්රපටය වන ‘ලිව් ඇන්ඩ් ලෙට් ඩයි’ චිත්රපටයේ නිෂ්පදන කටයුතු සියල්ල හැරී සොල්ට්ස්මන් තම අත යටතට පවරා ගත්තේය.
ගීත රචක නිරිමාණ කේන්ද්රය මඟින් සංවිධානය කරනු ලබන ඔස්කා රිද්ම රැයක් විචිත්රවත් සංගීත සැඳෑව සැප්තැම්බර් 07 වැනිදා ආනන්ද විද්යාලයීය කුලරත්න ශාලාවේදී පැවැත්වේ.
ඉතිං භාෂිණි බහ තෝරන වියේදී ඉදිරිපත් කළ වැඩසටහන් ගැන මතකය අවදි කළොත්?
පුංචි කාලෙ පටන් මේ දක්වා කරන්නට ලැබුණ වැඩසටහන් ගැනත් කියමු?
