Lanka Art Diary - ලංකා කලා දිනපොත

අවංක ප්‍රේමය හරිම සුන්දරයි

2012-01-20T22:31:00.001+05:30

අවංක ප්‍රේමය හරිම සුන්දරයි

ශ්‍යාමා සෆ්නා

රූපවාහිනී වෙළෙඳ දැන්වීම් වලට රංගනයෙන් දායක වෙමින් කලා ක්ෂේත්‍රයට පිවිසුණු ශ්‍යාමා සෆ්නා මහනුවර ප්‍රදේශයේ උපන් යොවුන් නිළියකි. ශ්‍යාමා මේ වනවිට ටෙලිනාට්‍යය 10 ක් වැනි සංඛ්‍යාවකටත් චිත්‍රපට 4 කටත් තම රංගන දායකත්වය ලබා දී ඇත. ප්‍රධාන ප්‍රබල චරිතයක් නිරූපණය කිරීමට සෆ්නාට මෙතෙක් අවස්ථාව නොලැබුණ ද, ටෙලිනාට්‍ය සහ චිත්‍රපටවල මෙතෙක් නිරූපණය කර ඇති චරිතවලට සාධාරණයක් ඉටු කිරීමට ඇය සමත්ව ඇත.

ඔබ කලාවට එන්න පෙරුම් පිරූ කෙනෙක් ද?

මම පාසල් ගියේ ගම්පොළ සහිරා විදුහලට. පාසල් යන කාලෙ රංගනයට යොමු නොවුණත් නැටුම් සහ ගායනාවලට මම යම් කිසි හැකියාවක් පෙන්වූවා. පුංචි කාලෙ මගෙ හීනය වුණේ ගුවන් සේවිකාවක් වෙන්නයි. ඒත් ඒ සිහිනයට ළඟා වෙන්න මට බැරිවුණා. ඉන්පසුවයි මම වෙළෙඳ දැන්වීම් වලට රංගනයෙන් එක් වෙමින් ටෙලිනාට්‍ය සහ චිත්‍රපට රංගනයට සම්බන්ධ වුණේ.

මේ දවස්වල ඔබ මොනවද කරන්නෙ?

‘සිහින පියාපත’ ටෙලිනාට්‍යයේ රූපගත කිරීම්වලට විටින් විට සහභාගි වෙනවා. ඉදිරියේදී තවත් ටෙලිනාට්‍ය කීපයකටම මට ආරාධනා ලැබී තියෙනව.

ඔබ මෙතෙක් රඟපෑ නිර්මාණ මොනවාද?

මට මුලින් ම රඟපාන්න ලැබුණේ සිරස නාලිකාවෙන් විකාශනය වුණු ‘හිනා ඉනා’ වැඩසටහනේ. ඉන්පසුව යසෝධරා, උත්පලා, සඳුනි, බොඳ මීදුම් වැනි ටෙලිනාට්‍ය වලත් ‘කොමන් මෑන්’, ‘සුළඟ’ ‘දාසි’ වැනි චිත්‍රපට කීපයකටත් රංගනයෙන් දායක වුණා. හැබැයි මම මෙතෙක් රඟපා ඇති චරිත ප්‍රධාන චරිත නෙමෙයි. ප්‍රධාන චරිතයක් රඟපාමින් මගේ රංගන හැකියාව පෙන්වන්න මට ආසයි. ඒ අවස්ථාව ළඟදීම උදාවෙයි කියල මම බලාපොරොත්තුවෙනුයි ඉන්නෙ.

ඔබ රංගනය හදාරල තියෙනවද?

නැහැ. ඒත් රංගන ක්ෂේත්‍රයේ ඉදිරියට යන්න ඒ පිළිබඳව හැදෑරීම අවශ්‍යයි. ඉදිරියේදී මම බලාපොරොත්තු වෙනව රංගනය ගැන ඉගෙන ගන්න.

ඔබ සතු වෙනත් කලා හැකියාවන් මොනවද?

මට බටහිර නර්තනය පුළුවන්. ඒ වගේ ම ගීත ගායනයටත් මම දක්ෂතාවයක් දක්වනවා.

විලාසිතා වලට ඔබ කැමතිද?

මෝස්තර නිරූපණය මම නියැලිලා ඉන්න තවත් ක්ෂේත්‍රයක්. නවීන විලාසිතා වලට මම කැමැතියි. හැබැයි මට ගැළපෙන විලාසිතා පමණයි මම තෝරා ගන්නේ.

ඔබේ පවුලේ තොරතුරු මොනවද?

මගෙ තාත්ත සිංහල. අම්ම ඉන්දීය මැලේ කාන්තාවක්. මට එක මල්ලි කෙනෙක් ඉන්නව. තාත්තා වැඩ කරන්නෙ විදෙස් රටක.

ඔබට භාෂා කීයක් හැසිරවිය හැකි ද?

සිංහල දෙමළ ඉංග්‍රීසි හින්දි කියන භාෂා කතා කිරීමේ හැකියාව මට තියෙනව.

ඔබට පෙම්වතෙක් ඉන්නවද?

හිටියා. දැන් ඒ සම්බන්ධය නැහැ.

ප්‍රේමය පිළිබඳව ඔබට මොනවගේ අදහසක් ද තියෙන්නෙ?

ප්‍රේමය ඉතාම අවශ්‍ය දෙයක්. අවංක ප්‍රේමය හරිම සුන්දරයි.

නිළියක් වීම පිළිබඳව ඔබ සතුටු වෙනවාද?

ඇත්තෙන් ඔව්. රංගන ක්ෂේත්‍රයට එන්න පුංචි කාලෙ බලාපොරොත්තුවක් නොතිබුණත් දැන් මම ගොඩක් සතුටු වෙනවා මේ ක්ෂේත්‍රයට පැමිණීම ගැන. ඒ මොකද කලාකරුවෙක් හෝ කලා කාමියෙක් වෙන්න හැමෝටම අවස්ථාව නොලැබෙන නිසා.

ක්ෂේත්‍රයේ ප්‍රවීණයන්ගෙන් ඔබට සහයෝගයක් ලැබෙනවද?

ඇත්තෙන් ම ඔව්. ප්‍රවීණයින් සමඟ වැඩ කරන්න මට අවස්ථාව ලැබිල තියෙනව. ඔවුන්ගෙන් ලැබෙන උපදෙස් වලට මම හොඳින් ඇහුම්කන් දෙනව. මම හැම විටම ප්‍රවීණයින්ට ගරු කරන කෙනෙක්. ඒ නිසා ඔවුන් මට ගොඩක් ආදරෙයි.

රංගනයෙන් ඉදිරියට එන්න ඔබට බොහෝ දෙනෙක් උදව් කරන්නත් ඇති?

ඔව්. රොෂාන් පිලපිටිය, ආනන්ද කුමාර, කපිල සමරකෝන්, සමන්ත වැනි අයගේ උදව් මට ලැබිල තියෙනවා.

ඔබ වඩාත් ම කැමැති නළු නිළියන් කවුද?

ගාමිණී ෆොන්සේකා, මාලිනී ෆොන්සේකා කියන ප්‍රවීණ රංගන ශිල්පීන්ට මම ගොඩක් කැමතියි. ඔවුන්ට මම ගොඩක් ගරු කරනවා.

ඔබේ ඉදිරි බලාපොරොත්තු මොනවාද?

ටෙලිනාට්‍ය සහ චිත්‍රපටවල විවිධ චරිත නිරූපණය කරමින් රංගන ක්ෂේත්‍රයේ ඉදිරියට යන්න තමයි මගේ ආශාව බලාපොරොත්තුව.

ගාමිණී සුසන්ත

ඡායාරූපය - ඉන්දික මල්ලවආරච්චි

මට කවදාවත් හෘද සාක්ෂියෙන් බේරෙන්න බැහැ

2012-01-20T22:25:00.000+05:30

රන්ජන් රාමනායක

මගේ ජීවිතය ආදරෙන් පිරිලා

සිනමාවේ මෙන්ම දේශපාලන සටන් බිමේ ද රන්ජන් රාමනායක පෙරළිකාර චරිතයක් බව අමුතුවෙන් කිව යුතු නැත. එහෙත් පසුගිය කාලයේ ඔහු රටේ පුවත් මවන්නෙකු වූයේ සිය පෞද්ගලික ජීවිතයේ හැලහැප්පීම් නිසාවෙනි. නමුදු ඒ සියලු අභියෝගයන්ට පෙරලා අභියෝග කළ ඔහු ජීවිතය දෙස බලන්නේ අකම්පිතවය.

‘ජීවිතය කියන්නේ අපි බලාපොරොත්තු වන දේට නෙවේ. අපට ලැබෙන දේට.’

ඔහු මදෙස බලමින් පවසන්නේ සිනහ මුවිනි. මා රන්ජන් සමඟ අවසන් වරට පැවැත් වූ සංවාදයේදී ඔහු පැවසූ මෙවදන් තවමත් මා මතකයේ රැඳී තිබේ. ‘මම දේශපාලනයට ආවේ ජනතාවට සේවයක් කරන්න’ අද ඔහු පාර්ලිමේන්තු මන්ත්‍රීවරයෙකි. කාලයත් සමඟ බොහෝ දේ වෙනස්ව ඇත. සිනමා නළු රන්ජන් රාමනායක, මහරගම ඔහු පදිංචිව සිටි කුලී නිවසින් පිටමංව අද වෙසෙන්නේ මාදිවෙල මන්ත්‍රී නිල නිවසකය.

පසුගිය කාලේ ඔබ කලා ලෝකයෙන් ටිකක් දුරස් වෙලා සිටි බවක් අපට දැනුණා?

දේශපාලන කටයුතු නිසා මම ටිකක් කාර්ය බහුල වෙලා හිටියා පසුගිය කාලේ. නමුත් ගොඩක් අධ්‍යක්ෂවරුන්ගේ ඉල්ලීම මත මම තීරණය කළා නැවත සිනමාවට එන්න. ‘කිව්වද නහී නොකිව්වද නහී’ සාර්ථකත්වයෙන් පස්සේ එවැනි චිත්‍රපට හතක් පමණ මට ලැබුණා. ප්‍රථම චිත්‍රපටය සුනිල් ටී ප්‍රනාන්දු මහත්මයාගේ ‘ජීවිතය ලස්සනයි’ ෂූටිං ඉවරයි. ක්ලීටස් මෙන්ඩිස්ගේ ‘පරපුර’ චිත්‍රපටයේ මම ද්විත්ව චරිත නිරූපණය කරනවා. ඊට පස්සේ මම සතිස් කුමාර්ගේ ‘සිංහ’ කියන හයිබජට් ෆිල්ම් එකේ රඟපාන්න පොරොන්දු වුණා. උපුල් ජයසිංහ, සුරංග අල්විස්, ජී. නන්දසේන එයාලගේ අලුත් චිත්‍රපට සඳහා දැනටමත් මට ආරාධනා කර තිබෙනවා. ඒ වගේම බූඩි කීර්තිසේනගේ අලුත්ම චිත්‍රපටයේ ප්‍රබල චරිතයකටත් මට ඇරැයුම් ලැබුණා.

අතීතයේ මෙරට විසූ යතිවරයකුගේ චරිතයකුත් ඔබට නිරූපණය කරන්න අවස්ථාව ලැබුණා?

ඔව්. ඒකත් මට සුවිශේෂයි.

කොන්ඩදෙණියේ හාමුදුරුවන්ගේ චරිතය. එහි රූගත කිරීම් ආරම්භ කරන්න නියමිතයි. මගේ පොඩි දින ප්‍රශ්නයකුයි තියෙන්නේ?

මේ චරිතවල විශේෂත්වයක් තියෙනවාද?

‘සිංහ’ චිත්‍රපටය බොලිවුඩ්, හොලිවුඩ් රීමික්ස් එකක්. දැන් එහෙම ට්‍රෙන්ඩ් එකකුත් තියෙනවනේ. එතකොට කොන්ඩදෙණියේ හාමුදුරුවෝ වෙනස්ම මාදිලියේ චරිතයක්. ඒක ඉතාම හොඳ රංගනයක් කරන්න පුළුවන් චරිතයක් කියා මට හිතෙනවා. ‘ජීවිතේ ලස්සනයි’ විනෝදාත්මක චිත්‍රපටයක්. උපුල් ජයසිංහගේ චණ්ඩියා වර්ගයේ චිත්‍රපටයේත් වෙනම රංගනයක් තියෙයි.

කලක් ඔබ හැඳින්වූවේ අපේ සිනමාවේ ‘සිහින කුමරා’ ලෙස. තවමත් ඒ විශේෂණය ඔබට සුදුසුද? නැතිනම් දැන් එය වෙන කිසිවකුට හිමිද?

මම දන්නේ නෑ ඒක ඉතින්. මාව මිනිසුන්ට පේන හැටි මට තීරණය කරන්න බැහැ. මට රසිකයන්ගේ ඔළුවට පිස්තෝලයක් තියලා කියන්න බැහැ ‘මාව සිහින කුමාරයා කරපියව්’ කියලා. ඒ තීරණය තියෙන්නේ එයාලගේ අතේ.

නෑ ඔබ හිතන විදිහ මම අහන්නේ. රසිකයන්ගේ පැත්තට ඕක දාන්න බැහැ?

ඇත්තටම ඒ විශේෂණයට මම ආසයි. නෑ කිව්වොත් ඒක බොරුවක්.

නමුත් මම දැන් හිතන්නේ නෑ ඒකට සුදුසුයි කියලා. මොකද මම මැදි වියේ පුද්ගලයෙක්. හැබැයි ඉන්දියාවේ නම් ඔය වයස කියන එක නළුවන්ට තාම ප්‍රශ්නයක් වෙලා නැහැ. හොඳම උදාහරණය රැජිනි කාන්ත්. ඔහු තමා ඉන්දියාවේ ඉහළම ගෙවීම් කරන නළුවා. ඉන්දියානු රුපියල් කෝටි විසි පහක් ඔහු අය කරනවා. ෂාරුක් ඛාන්වත් තාම එතැන නැහැ.

ඉතින් ඔහුට ‘සිහින කුමරා’ එහෙම නැතිනම් ‘සුපිරි වීරයා’ කියන ඒක තවමත් අදාලයි. අවුරුදු හැට අටක මිනිහෙක් සිහින කුමරා වෙලා තියෙනවා. අමිතාබ් භච්චන්ටත් එහෙමයි. ෂාරුක්, අමිර්, සල්මන් මේ ත්‍රිත්වයටත් දැන් වයස අවුරුදු පනහට කිට්ටුයි. එත් තවම තියටර් ඕන(ර්)ස්ලා ඉල්ලන්නේ මේ අය.

මෙහෙත් එහෙමද?

නෑ, මම ඒ තත්ත්වයට ආදේශ වෙන්න උත්සාහ කරනවා නෙවෙයි. නමුත් සියල්ල තියෙන්නේ රසිකයන් අතේ.

ඔබ කිව්වට මේක රසිකයන්ට බාර කරන්න එපා කියලා, ඒක කරන්නම වෙනවා. මොකද ඔවුන් හෙට මාව ප්‍රතික්ෂේප කළොත් මට විශ්‍රාම යන්න වෙනවා. ඒක කාටත් එකයි.

ජනප්‍රියත්වය කලින් කලට එහා මෙහා වෙන දෙයක්. ඔබේ දැක්මට අනුව මීළඟ සිහින කුමරා කවුරු කියලද හිතෙන්නේ?

බොහෝ අය ඉන්නවා. ඔවුන්ගේ හොඳ රංගනයන් මම දැක තිබෙනවා. චන්න පෙරේරා, රොෂාන් රනවණ, රොෂාන් පිලපිටිය, රොෂාන් රවීන්ද්‍ර, අර්ජුන් කමලනාත්, සුරාජ් මාපා, සුරේෂ් ගමගේ, පුබුදු චතුරංග, වගේ ටැලන්ට්ස් තියෙන අයට ඒ ජනප්‍රිය කිරුළට අත පොවන්න පුළුවන්. බූදලයක් වගේ අපට මේක අයිති කර ගන්න බෑ. රිලේ එකක් වගේ බැට්න් එක මාරු කර ගන්න ඕනෑ.

හැබැයි තාම අපේ තරුණ, නවක නිළියෝ අතර ජනප්‍රියම නළුවා රන්ජන් රාමනායක. මොකක්ද මේකේ රහස?

එක හොඳ සුන්දර ප්‍රශ්නයක්. මම වැඩ කරන සෙට් එකක නම් කවුරුවත් නිද්‍රාවට පත් වෙන්නේ නැහැ. විහිළු, තහළු කරලා සුන්දර වටපිටාවක් මම හදා ගන්නවා. මට එහෙම වාතාවරණයක් නැතිනම් ඒ චිත්‍රපටයෙන් අයින් වෙනවා. හිතේ තියෙන නිදහස තමයි මගේ ජීවිතේ ලොකුම දේ. මේ වෘත්තියේ මම නියැළෙන්නේ කිසිම ආතතියකින් තොරව. ඔය නිළියෝ මම හිතන්නේ ඒ දේවල් අගය කරනවා. ඒ අය මා එක්ක වැඩ කරන්න කැමැති ඒ නිසා වෙන්නැති.

තාමත් ඔබට පෙම්වතාගේ චරිත ලැබෙනවා?

පුළුවන් නම් මේක ලියන්න. දිනේෂ් ප්‍රියසාද්ගේ දියණිය ශේෂාද්‍රි, ඇයව මුලින්ම පල්ලියට අරගෙන ගියේ මම. එයාගේ ගෝඩ් ෆාගදර් මම. දැන් ඇයත් සමඟ පෙම්වතාගේ චරිතයට මට කතා කර තියෙනවා. ඒක ලොකු රෙකෝඩ් එකක් වෙයි. මරු නේද . . .?

‘ලීඩර්’ චිත්‍රපටයෙන් පසුව නැවත චිත්‍රපට අධ්‍යක්ෂණයට පිවිසීමේ අදහසක් ඔබේ නැද්ද?

මගේ චිත්‍රපටයට වුණ දේ ලංකාවේ බොහෝ දෙනෙක් දන්නවා. මම තිත්ත ඇත්ත කතා කරන පුද්ගලයෙක්. බොරුවක් කරලා මට චිත්‍රපටයක් කරන්න පුළුවන්. එතකොට ඒක මගේ චිත්‍රපටයක් නෙවේ වාගේ. මම ‘පාර්ලිමන්ට් ජෝක්ස් 01’ ‘වන්ෂොට් වන්’ සහ ‘ලීඩර් වන්’ අධ්‍යක්ෂණය කළා. ‘පාර්ලිමන්ට් ජෝක්ස්’, ‘වන්ෂොට් වන්’ චිත්‍රපටයේ දර්ශන එවකට රැඟුම් පාලක මණ්ඩලයේ සභාපතිවරයා වූ මහාචාර්ය සෝමරත්න බාලසූරිය කපා දැමුවේ නෑ.

ඔහු ඉතාමත් ප්‍රජාතන්ත්‍රවාදීව තමන්ගේ කටයුත්ත කළා. එතුමා කිව්වේ අපි මේවා කපන්න, කොටන්න මස්කඩ කාරයෝ නෙවෙයි කියලයි. ආගමකට පහර දෙනවා නම්, කිසියම් සංස්කෘතියකට අගෞරව කරනවා නම් එහෙම නැතිනම් කිසියම් මිය ගිය පුද්ගලයකුගේ නමට හානි වෙන දෙයක් කරනවා නම් අපි එය එක හෙළා ප්‍රතික්ෂේප කරනවා. නමුත් කලාකරුවාගේ නිදහසත්, නිර්මාණ අයිතියත් කප්පාදු කරන්න අපට අයිතියක් නෑ කියන මතයේ පිහිටා තමයි එදා සෝමරත්න බාලසූරිය මහතා ක්‍රියා කළේ. ඔහු වැඩිදුරටත් කිව්වේ ‘ඔබ වැරැදි දෙයක් කර තිබෙනවා නම් මිනිස්සු පාරෙදි අල්ලගෙන ගහයි, නැතිනම් ගෙදරට ගල් ගහයි’ කියලයි.

ඒ කියන්නේ නැවත ඔබ අධ්‍යක්ෂණය පැත්තට යොමු වෙන්නේ නැහැ?

මම කියන්නේ අසංක, සිනමාවේ හොඳ මත ගැටුමක් තියන්න ඕනෑ. විවිධ වර්ගයේ චිත්‍රපට හැදෙන්න ඕනෑ. අපි සත්‍යය මතු කර ගන්න ඕනෑ ඒ හැලහැප්පීම් මැද්දේ. මයිකල් මුවර්, ජෝර්ජ් බුෂ්ව විවේචනය කළේ ඔහු ජනාධිපතිවරයාව සිටියදී. දැන් චිත්‍රපටයක් එනවා ‘කිල් බින් ලාඩ්න්’ කියලා.

අමෙරිකානුවෝ තිස් හතර දෙනෙක් පාකිස්ථානයට හොරෙන් ඇතුළු වෙලා බිල් ලාඩ්න් මරා දැමූ හැටි ඒකේ රඟ දැක්වෙනවා. එතකොට ‘ෆ්ලයිට් 92’ චිත්‍රපටය. එතකොට ‘ඩා වින්සිකෝඩ්’ චිත්‍රපටය. ඒක ලොකු ආන්දෝලනයක් ඇති කළා මුළු ලෝකයේම. මෙහෙ තහනම් කළ නිසා අමෙරිකාවේදී ඒ ෂෝ එක් බැළුවෙ කාංචනායි, දමිතායි එක්ක. මට තාමත් මතකයි. ඉතින් මම කියන්නේ නිර්මාණකරුවකුගේ අත් බඳින්න හොඳ නෑ. ඒ නිසා බොහෝ විට ඉදිරියේදී මම අධ්‍යක්ෂණය පැත්තට යොමු වෙන එකක් නෑ.

තව නොබෝ දිනකින් ඒ කියන්න් මේ 21 වැනිදාට අපේ සිනමාවට හැට පස් වසරක් සපිරෙනවා. වර්තමානයේ තිබෙන සුබවාදී පරිවර්තනයත් එක්ක අපේ සිනමාවට ඉදිරියේ හොඳ කලක් යාවි?

මම ඔබ එක්ක එකඟ වෙනවා. ඇත්තෙන්ම අද චිත්‍රපට හැදෙනවා. ඒක හොඳ ලකුණක්. අපි අවුරුදු තිහක් යුද්දෙන් බැට කැවා.

ඒ කාලේ රාත්‍රී 9.30 දර්ශන අවලංගු වුණා. 83 ට කලින් අපේ සිනමා ශාලා තුන්සිය ගණනක් තිබුණා. ඒකෙන් එකසිය ගණනක් ජාතිවාදී කෝලාහල හින්දා ගිනි බත් වුණා. අද ඒ ශාපලත් යුද්ධය අවසන්. මේ යුද්ධය දිනන්නට දායක වූ සියලුම දෙනා අපට මිල කළ නොහැකි සාමයක් ගෙනල්ලා දුන්නා. හැබැයි දැන් චිත්‍රපට දුවන්නේ නැතිනම් ඒ වරද අපි පිළිගන්න ඕනෑ. මම හිතන්නේ සිංහල සිනමාවේ අනාගතය ඉතාම සුබයි. නමුත් ඒක අතිශයෝක්තියෙන් තක්සේරු නොකර හොඳ නිර්මාණ කළොත් වැඩි ප්‍රේක්ෂක පිරිසක් සිනමා ශාලාවලට ගෙන්වා ගන්න පුළුවන් වෙයි. සිනමා කර්මාන්තයත් හොඳ අතට හැරෙයි.

පසුගිය කාලයේ ඔබ රියැලිටි ප්‍රසංග වේදිකාවල ආන්දෝලනාත්මක චරිතයක් බවට පත්වෙලා හිටියා. නැවත එවැනි ප්‍රසංගයකට ඇරැයුම් ලැබුණොත්?

එක්තරා අවස්ථාවක ස්වර්ණවාහිනී ආයතනයෙන් මට ආරාධනාවක් ලැබුණා පෝග්‍රෑම් එකක් ප්‍රසන්ට් කරන්න. ෂාරුක් ඛාන් පවා එවැනි වැඩ සටහන් මෙහෙයවා තිබෙනවා. මම කලාවේ විවිධ ඉසව් අත පත ගෑ පුද්ගලයෙක්. ඉතින් මම මේ අත්දැකීමත් ලබා ගත්තා. ඒ අතරේ යම් යම් ආන්දෝලනාත්මක දේවලුත් වුණා. මම හිතන්නේ නෑ මේ ඉදිරියේ තිබෙන කාර්යබහුලත්වයත් එක්ක එවැනි දේකට නැවත කාලය මිඩංගු කරන්න හැකි වෙයි කියලා.

පෞද්ගලික ජීවිතයේ ඔබ නොයෙක් අභියෝගවලට මුහුණ දුන්නා පසුගිය කාලයේ. ඒ කටුක, අමිහිරි අතීතය ගැන මොකද හිතෙන්නේ දැන්?

ඇත්තටම අසංක, ජීවිතය කියන්නේ අපි බලාපොරොත්තු වන දේ නෙවෙයි, අපිට ලැබෙන දේ. ඒ ස්ක්‍රිප්ට් එක ලියලා ඉවරයි. රන්ජන් රාමනායක රජ ගෙදරට යනවද, මහ පාරේ මිය යනවද කියන එක තීරණය කරන්නේ මහ බඹු නොහොත් ස්වභාව ධර්මය. මට පහළ උසාවියෙන් නැතිනම් ඉහළ උසාවියෙන් බේරෙන්න පුළුවන්.

ඊට පස්සේ ඉන්ටර්පෝල් එකට ගිහිල්ලා ජිනීවා එකෙනුත් බේරෙන්න පුළුවන්. ලෝකයේ හොඳම නීතිඥයෝ දාලා මට බේරෙන්න පුළුවන්. ඒත් මට කවදාවත් හෘද සාක්ෂියෙන් බේරෙන්න බැහැ. මම බයම ස්වභාව ධර්මයට. මට වින කටින්න ගිය කෙනා ප්‍රශ්න ගොඩකට මැදි වුණා. මගේ ජීවිතයේ කෙටි මාර්ග නැහැ. මම හැමදාම හෘද සාක්ෂිය සමඟ ඉන්න කෙනෙක්.

එකිනෙකාට එරෙහිව යුද ප්‍රකාශ කර ගන්නා අද ‘රට හදන තැන’ ඔබ බොහොම නිහඬ චරිතයක් විදිහටයි අපි දකින්නේ?

දැන් පාර්ලිමේන්තුව තුළ තියෙන්නේ මාධ්‍ය සංදර්ශනයක්. සමහරු හිතනවා ටී. වී. කැමරාවක් ඉස්සරහට කාට හරි අපහාස කරලා, මඩක් ගැහුවොත් පොරක් වෙන්න පුළුවන් කියලා. තමන්ට ලකුණු දාගන්න පක්ෂයේ නායකයා එහෙම නැතිනම් ව්‍යවස්ථාව පවා විවේචනය කරන්න ඔවුන් පසුබට වෙන්නේ නෑ. නමුත් මම අවුරුදු විසි පහක් තිස්සේ කැමරා දැකලා තියෙනවා. ඒ නිසා ටී. වී. කැමරාවක් දැක්කම මම කපුවෙක් වගේ පරල වෙන්නෙවත්, මයික් ටයිසන් කෙනෙක් වෙන්නෙවත් නෑ. මැද පෙරදිග විපතට පත් කාන්තාවන් ගැන මම කතා කරනවා. ඒ මම දන්න විෂයය වෙනුවෙන් පෙනී සිටිනවා. රිසානලා, ආරියවතීලාගේ අයිතීන් සුරක්ෂිත කරන්න මම මැදිහත් වුණා.

ආරියවතීට ලක්ෂ හයහමාරක් වටිනා ගෙයක් මගේ වියදමෙන් හදලා දුන්නා, මටවත් ගෙයක් නැතිව. ඒ ගෙදර හදලා දැන් මාස අටක් විතර ඇති. ඇය තාමත් මග බලාගෙන ඉන්නවා මම ඒ ගෙදරට කිරිබත් කෑල්ලක් කන්න එනකල්. මෙවැනි දේවල් මම කරන්නේ මාධ්‍යය සංදර්ශන පවත්වන්න නෙවෙයි.

දැන් හැමදාම පාර්ලිමේන්තු මන්ත්‍රී රන්ජන් රාමනායක හැටියටම ඉන්නද බලාපොරොත්තුව?

මේ ලෝකයේ වෙනස් නොවන එකම දේ වෙනස්වීම. ස්ක්‍රිප්ට් එක මම ලියන්නේ නැති හින්දා ස්ක්‍රිප්ට් එක මම තාම දැකලත් නැති හින්දා මේ චිත්‍රපටයේ ක්ලයිමැක්ස් එක මොකක්ද කියලා මම තාම දන්නේ නැහැ. අවසානය දුක්ඛාන්තයක් ද, සුඛාන්තයක් ද කියලා මම දන්නේ නැහැ. මොකද මේ චිත්‍රපටයේ අධ්‍යක්ෂවරයා පේන්න නැහැ. මම නළුවා පමණයි.

ඔබ ඡ්‍යොතිෂය විශ්වාස කරන, ඒ පිළිබඳ අධ්‍යයනය කළ කෙනෙක්. කොහොමද නව වසර සුබද?

තමුන්ගේ අනාගතය ගැන දැනගන්න ජ්‍යෙතිෂ්‍යවේදියෙකුම වෙන්න ඕනෑ නෑ අසංක. උදේ නැගිට්ටම තේරෙනවා.

අපි කණ්නාඩියෙක් ගිහින් බලද්දී දවස කොහොමද කියලා අපට දැනගන්න පුළුවන්. එතකොට ලැබෙන මුල්ම දුරකතන ඇමැතුම, ගෙදර සේවකයෝ හැසිරෙන හැටි දැක්කම දවස සුබ ද, අසුබ ද කියලා මට නම් තේරෙනවා.

ඡ්‍යොතිෂය මම විශ්වාස කරනවා. අපට හඳහන වෙනස් කරන්න බෑ. ඒත් වැස්සක් ළඟ බව දැනුනොත් අපිට කුඩයක් අරගෙන පාරට බහින්න පුළුවන්. අන්ධකාරයේ යන කොට අපට විදුලි පන්දමක් ගෙන යන්න පුළුවන්. ඡ්‍යොතිෂයෙන් කෙරෙන්නේ ඒ වගේ දෙයක්. පහුගිය කාලේ මට ඒරාෂ්ටකයක් තිබුණා. දැන් ඒ සේරම ඉවරයි. ඒ කාලේ මට චිත්‍රපට රැසක් අහිමි වුණා. ඒත් මේ අවුරුද්දේ ආරම්භයේදීම චිත්‍රපට අටක් ලැබුණා.

එතකොට මේ වසර ඔබේ පෞද්ගලික ජීවිතයටත් සුබදායී වෙයි?

ගොඩක් දුරට එහෙම වෙයි.

ඒ කියන්නේ මේ වසරෙදී ජීවිතයේ එකලාසයක් වෙනවා?

ඔබ අදහස් කළේ විවාහය ගැනද?

ඔව් . . . ඔව් . . .

මගේ ජීවිතය ආදරෙන් පිරිලා. මට පාළුවක් දැනිලම නැහැ. මට හැබැයි බ්‍රිජට් කියන මාතාව තරම් ආදරය කරපු ජීවියෙක් තාම හමුවෙලා නැහැ. ඒ මගේ අම්මා. මම විවාහ වෙයිද, සමහර විට විවාහ නොවීම හිඳීද කියන්න මම දන්නේ නැහැ. හැබැයි දැනටත් මගේ ජීවිතයේ ඉතාම කිට්ටු, සමීප ඇසුරක් තියෙනවා.

ඒ සමීප ඇසුර ඔබ පවත්වන්නේ ඇය අනාගත සහකාරිය කර ගැනීමේ බලාපොරොත්තුවෙන් නෙවෙයිද?

ඒක මම සොභා දහමට බාර දීලා තියෙන්නේ. හිතට එක එක දේවල් ගලාගෙන එනවා. ‘තනිකම වගේ සුවක් ලොවේ – මිනිසත් බවේ තවත් කොහේ’ කියලත් හිතෙනවා.

ඒකටත් මම ආසයි. හරි සුන්දර, බැඳීමක් නැති නිදහස් හැඟීමක් ඒක. අර ‘කවාලා විළඳ ජාති ඇති කළත් රන් කූඩුවේ ගිරවා දමාලා යන්නේ ඉගිලී රැව් දිදී ලබනා සේ වන සැපතා’ එහෙමත් හිතෙනවා. මගේ මුණ තියෙන, මම වගේම කොලු පැටව් හතර පස් දෙනෙක් හදාගෙන ඉන්න ඇත්නම් ඒකත් හරි ජොලි දෙයක්. මොකද මම වඩාත් ඇළුම් කරන්නේ දරුවන්ට. කාගේ හරි චීස් බෝලයක් වගේ දරුවෙක් දැක්කම මට ලෝභ හිතෙනවා, අනේ මට මේ ලෝකේ මිස් වුණ දෙයක් නේ මේ කියලා. ඒක සුන්දර බිරියක් අහිමිවීමට වඩා වැඩි වේදනාවක්.

සංවාදය - අසංක දේවමිත්‍ර පෙරේරා

ඡායාරූප - ඉන්දික මල්ලවආරච්චි

කාගෙ ගෑනි කාට ගියත්>>>>>>>>>>>>>>>>>>>>

2012-01-20T22:24:00.000+05:30

ජයශ්‍රී චන්ද්‍රජිත් තෙමෙනු ඇත

ජයශ්‍රී චන්ද්‍රජිත් වේදිකාව වෙනුවෙන්ම උපන් ප්‍රතිභාපූර්ණ රංගවේදියකු යැයි හැඳීන්වීම අතිශයෝක්තියක් නොවනා වග මෙරට වේදිකා නාට්‍ය ඉතිහාසය දන්නෝ අනුමත කරති. එදා මෙදාතුර වේදිකාව තුළ රංගනයෙන් කදිම දස්කම් විස්කම් පෑ ජයශ්‍රී මෑත භාගයේදී අපට හමු වන්නේ උමතුසං වරුසාව වේදිකා නාට්‍යයේ නව නිෂ්පාදනයේ අධ්‍යක්ෂවරයා ලෙසිනි.

හැත්තෑව දශකයේ ජයශ්‍රී රංගනයෙන් දායක වූ උමතුසං වරුසාව මෑත වකවානුවේ ජයශ්‍රී අතින් අධ්‍යක්ෂණය වීමද දෛවෝපගත සිදුවීමකි.

මේ ජයශ්‍රී චන්ද්‍රජිත් සමඟ උමතුසං වරුසාව සහ තවත් කරුණු පිළිබඳ කරනු ලැබූ සංවාදයකි.

* මුලින්ම අපි උමතුසං වරුසාවෙන් කතාව අරඹමු.

හැත්තෑව දශකයේදී උමතුසං වරුසාවේ රංගනය වෙනුවෙන් මා දායක වුණා. එදා මෙම වේදික නාට්‍ය අධ්‍යක්ෂණය කරනු ලැබුවේ පද්මසීලි ද සිල්වා මහතා. පසුව මෑත වකවානුවේදී මා තරමක විවේකීව කාලය ගත කළා.

හොඳ වේදිකා නාට්‍යයක් නිර්මාණය කිරීමේ අදහසක් නොතිබුණාත් නොවෙයි. මේ අතරේද උමතුසං වරුසාව අධ්‍යක්ෂණය කරන්නට ආරාධනා ලැබුණේ.

මේ ආරාධනා ලද මොහොතේම මම බොහෝ කල්පනාකාරී වුණා. මුලින්ම මේ පිටපත අදට ගැළපෙනවාද යන්න පිළිබඳ හොඳින් විමසුවා. ඉතාමත් සංයමයෙන්, සුපරික්ෂාකාරීව විමසීමේදී මේ පිටපත අදට ගැළපෙන බව මට දැනුණා. ඒ ගැළපීම නිසාම මේ නාට්‍යය අධ්‍යක්ෂණය කිරීමට බාර ගත්තා.

මේ පිටපත තුළ තිබෙන කාලීන බව තමයි නිර්මාණයට මාව පොලඹවා ගත්තේ.

අපේ රටට කලින් කලට අලුත් වැහි වැටෙනවා. මේ වැහිවලට අපේ මිනිස්සු තෙමෙනවා. ඒ කාලේ ඉඳලම එහෙමයි. ඇතැම් වෙලාවට කලාකරුවන් සාමාන්‍ය ජනතාවට පෙර අනාගතය දකිනවා. ඔවුන් අනාගතය ගැන කියනවා, නමුත් ඒ දේවල් ඒ කාලයේදී පිළිගන්න සාමාන්‍ය ජනතාව කැමැති නැහැ.

* මේ නාට්‍යයේ ඔබ රංගනයෙන් දායක වෙන්නේ නැහැ.

ඔව්. මම හිතන්නේ නළුවෙක් හෝ නිළියක් නිරතුරුවම අධ්‍යක්ෂණය විය යුතුයි. මගේ නාට්‍යයේ මම රඟපෑවොත් මාව අධ්‍යක්ෂණය වෙන්නේ නැහැ. එවිට එය අසාර්ථකයි.

මම කාටවත් දොස් කියනවා නෙවෙයි. අධ්‍යක්ෂණය නෙවෙන රංගන ශිල්පියකුගේ රංගනය පිළිබඳ මට වගකීමක් දෙන්නට බැහැ. ඒ නිසාම උමතුසං වරුසාවේ අධ්‍යක්ෂවරයා මම. ඒ නිසා එහි නළුවකු වීමට මා උත්සාහ කළේ නැහැ.

* දිගටම ලංකවේ ඉන්නද කල්පනාව?

ලෝකේ කොහේ සිටියත් ලංකාව අමතක වෙන්නේ නැහැ. ඕස්ට්‍රේලියාවේ වසනා කාලයේත් නිරතුරුවම සිතින් හිටියේ ලංකාවේ. මට ඕන නිදහස තිබෙන්නේ මගේ රටේ.

ඒ නිසාම වැඩිපුර කාලයක් ලංකාවේ ජීවත් වන්නට තීරණය කළා.ලංකාවේ ඉන්න අතරේ අපේ රටේ කලාවට මගෙන් ඉටු විය යුතු දෙයක් තිබේ නම් එය ඉටු කරන්නට මා බැඳී ඉන්නවා.

* බොහෝ දෙනෙකු පවසන්නේ නවීන සන්නිවේදන තාක්ෂණය හරහා ප්‍රේක්ෂකයා වේදිකාවෙන් ඉවත් වෙලා කියායි.

නැහැ. එය මා පිළිගන්නේ නැහැ. අපි හරි දේ කළොත් නරඹන්නා ආසවෙන් පොදිකකා බලන් ඉන්න ප්‍රේක්ෂක පිරිසක් අපට ඉන්නවා. ඔවුන් නාට්‍යාගාරයට කැඳවා ගැනීමට නිර්මාණකරුවා නිවැරැදි රසවත් මෙන්ම අර්ථවත් දේ කළ යුතුයි.

* වත්මන් පරපුර ගැන මොකද හිතෙන්නේ?

කලාව කියන්නේ පරපුරෙන් පරපුරට ප්‍රගුණව ඉදිරියට යා යුතු දෙයක්. අනිවාර්යයෙන්ම පරපුරක ආරම්භය සිදු විය යුතුමයි. අද අපේ රටේ සිටින නවක නාට්‍යකරුවන් හොඳ තත්ත්වයක ඉන්නවා.

* බොහෝ දෙනකු වැඩේට අවංකව කටයුතු කරන බවකුත් පෙනෙනවා.

ඒ අයට ශක්තිමත්ව අතදී නිවැරැදි මාවතකට යොමු කිරීමට ප්‍රවීණයන් වග බලා ගත යුතුයි. නමුත් ඔවුන් සමඟ හරියාකරව සන්නිවේදනය කිරීමේ සංඝටයක් ප්‍රවීණයන්ට තිබීම ඉතා වැදගත්.

* බොහෝ දෙනකු පවසන්නේ හරියට රංගනය අධ්‍යයනය කිරීමට තැනක් නෑ කියායි.

ඔව්. තැන් ඕනෑ තරම් තිබෙනවා. හරි තැන් අඩුයි.

* ඔබ ප්‍රවීණයෙක්. අත්දැකීම් පරිපූරණ රංගන ශිල්පියෙක්. මේ තත්ත්වයට මැදිහත් වෙන්න අදහසක් නැද්ද?

ඕනෑම මොහොතකදී නවකයන්ට දැනුම ලබා දෙන්න මං සූදානම්. පන්ති පවත්වන්නට නෙවෙයි, අපේ රටේ වේදිකාව වෙනුවෙන් යමක් කරන්න මා බලාගෙන ඉන්නවා.

* ඉදිරිය කොහොමද සැලසුම් කරලා තිබෙන්නේ?

ඉදිරියේදිත් ටෙලි නාට්‍ය කිහිපයකට ආරාධනා ලැබී තිබෙනවා. නමුත් ඇතැම් පිටපත් කියවා බලා ප්‍රතික්ෂේප කරන තත්ත්වයට පත් වුණා. ඇතැම් ටෙලි නාට්‍ය භාර ගත්තා. මම නිරතුරුවම අර්ථවත් දෙයට මූලිකත්වය දෙන කෙනෙක්. ඒ නිසාම නිර්මාණ භාර ගන්නේ පරිස්සමෙන්. මා ගැන දන්න උදවිය ඒ කාරණා හොඳින් දන්නවා.

* රංගනය පිළිබඳ දැනුම අවශ්‍ය කණ්ඩායමකට නිවැරැදිව ඒ දැනුම දෙන්න ඔබ ඕනෑම වෙලාවක සූදානම්ද?

ඔව්. මා පෙර දී කීවා වගේ ඒක රංගන පාසලක ස්වරූපයෙන් කරන්න මගේ කැමැත්තක් නැහැ. නමුත් කවුරුන් හෝ සංවිධාන ගත වුණොත් මා උදව් කරනවා.

* උමතුසං වරුසාව සාර්ථකයි කියලා ඔබ හිතනවාද?

ඔව්, මට එහෙම දැනෙනවා.

චතුර ගීතනාත් බණ්ඩාර

ඡායා - ටෙනිසන් එදිරිසිංහ

වයි දිස් කොලවරි ඩී

2012-01-20T22:23:00.000+05:30

Why this Kolavari

Hello Boys . . I am Singing Song
Soup Song . . Flop Song

Why This Kolaveri Kolaveri KolaveriDee?
Why This Kolaveri Kolaveri KolaveriDee?
Rhythm Correct . . .
Why This Kolaveri Kolaveri Kolaveri Dee?
Maintain This . . .
Why This Kolaveri? Dee

Distance’la Moon’nu Moon’nu
Moon’nu Color’ru White’tu
White’tu Background Night’tu Night’tu
Night’tu Color’ru Black’ku
Why This Kolaveri Kolaveri KolaveriDee?
Why This Kolaveri Kolaveri KolaveriDee?

White’tu Skin’nu Girl’lu Girl’lu
Girl’lu Heart’tu Black’ku
Eyes’su Eyes’su Meet’tu Meet’tu
My Future Dark’ku . . .
Why This Kolaveri Kolaveri KolaveriDee?
Why This Kolaveri Kolaveri KolaveriDee?

Mama, Notes Eduthuko . . .
Apdiye Kaila Snacks Eduthuko
Papapa Papapapa Papapa Pa Pa
Seriya Vaasi
Super Mama Ready . . Ready 1 2 3 4,
What A Change Over Mama
Ok Mama . . . Now Tune Change’ju . . .

Kaila Glass’su, Only English’sa
Hand’la Glass’su
Glass’la Scotch’chu
Eyes’su Full’la Tear’ru
Empty Life’Fu, Girl Come’mu
Life’fu Reverse’su Gear’ru
Love’vu Love’vu Oh My Love’vu
You Show To Me Bow’vu
Cow’vu Cow’vu Holy Cow’vu
I Want You Here Now’vu
God I am Dying Now’vu
She Is Happy How’vu
This Song’gu For Soup Boys’su
We Don’t Have Choice’su

Why This Kolaveri Kolaveri KolaveriDee
Why This Kolaveri Kolaveri KolaveriDee
Why This Kolaveri Kolaveri KolaveriDee
Why This Kolaveri Kolaveri KolaveriDee

Flop Song

Ni Tamil . . . Only English’su . . .

ඔවුන්ට තිබුණේ එක් මවුස බොත්තමක් තෙරපීම පමණි. යූ ටියුබය වහා ඉදිරියට පැමිණ සෙසු සියල්ල ඉටු කර දී තිබුණි. පසුගිය නොවැම්බර් 16 වැනිදා ඒ උමතුව පටන් ගැනුණි.

පළමුව ඉන්දියාවත්, දෙවනුව අනෙකුත් බොහෝ රටවල

තරුණ පරම්පරාව එකම ගීතයක් මුමුණන්නට පටන් ගති. ඒ තාලයට හිස වනමින් උමතුවේ ඉතිරි අඩ ද සම්පූර්ණ කිරීමට නියමාකාරයෙන් කටයුතු යෙදුණි. කවුරුත් කාගෙනුත් ඇසුවේ එකම සරල පැනයකි.

‘වයි දිස් කොලවරි ඩී?’

සැබවින්ම කුමක් ද මේ මිනීමරු ආශාව? ඇයි මෙතරම් ප්‍රචණ්ඩ ආශාවක්?

අතිශය ප්‍රකට දමිළ නළුවකු වන ධනුෂ් තම නවතම චිත්‍රපටය ‘3’ වෙනුවෙන් ගායනා කළ ‘කොලවරි’ ගීතය සැබැවින්ම අහම්බයකි. 18 වියැති අනිරුද් රවිචන්ද්‍ර පළමුව සංගීතය නිර්මාණය කළේය. ඒ සඳහා ඔහු භාවිත කළේ දකුණු ඉන්දියානු ජන ගායනා රටාවන් සහ බටහිර සංගීත භාණ්ඩයන්ගේ සම්මිශ්‍රණයකි. එමෙන්ම පැරැණි දකුණු ඉන්දියානු සංගීත භාණ්ඩ බොහොමයක් ද අනිරුද් භාවිතයට ගෙන තිබුණි. ඒ අතර නදාස්වරම් නම් දිගු නලාව, ශෙහානි නම් නලාවක්, උරුමී සහ තවීල් නම් බෙර විශේෂ දෙකක් මේ සඳහා යොදා ගෙන තිබුණි.

අනිරුද් විසින් ශබ්දාගාරයේ සිට තමා නිර්මාණය කළ සංගීතය ධනුෂ් හට ඇසෙන්නට සැලැස් වූ විට ධනුෂ් එක් වරම ‘වයි දිස් කොලවරි’ නමින් ගැයුම පටන් ගති. ඒ සංගීතයට නියමෙට කැපෙන වචන තිබුණේ ධනුෂ් ළඟ බව අනිරුද් ඒ මොහොතේම තීරණය කරනු ලැබීය. නළුවා ගායකයකු වූයේත්, ගීත රචකයකු වූයේත් මේ අහම්බයෙනි.

මා ගීතය ලියූ හැටි ධනුෂ් කියන්නේ මේ ආකාරයෙනි. ‘මම කොලවරි සිංදුව ලියද්දී මුලින්ම මතක තියා ගත්තේ දමිළ ශබ්ද කෝෂයේ තියෙන ඉංග්‍රීසි වචන ගැනයි. ඒ වචන ගීතයේ රිද්මෙට ගැළපෙන්න තැන් තැන්වල දාලා වාක්‍යය හදා ගත්තා. නොහිතුව විදිහට ඉතාමත් ඉක්මනින් මං සිංදුව ලිව්වා. ඒත් මේ සිංදුව මෙච්චර ජනප්‍රිය වෙයි කියලා නම් කවදාවත් හිතුවෙ නෑ. ඇත්තටම මට මේක හරි පුදුමයක් වුණා.’

ඔහු ගයන්නේ දමිළ සහ ඉංග්‍රිසි එකට අනාගත් අසම්පූර්ණ භාෂාවකිනි. එනම් ටැන්ග්ලිෂ්වලිනි.ඔහු මෙය හඳුන්වන්නේ ‘සුප් ගීතය’ නමිනි.

දමිළ භාෂාවේ යෙදෙන යෙදුම් අතර සුප් යන්න අර්ථ ගැන්වෙන්නේ පෙම් සබඳතාවක් බිඳ වැටුණු තරුණයෙක් හඳුන්වන්නටය. ‘3’ නමින් හඳුන්වන ධනුෂ්ගේ නවතම සිනමාපටයේ මුලික කතාන්දරයේ සිටින්නේ ද මෙවන් පරාජිත පෙම්වතෙකි.

ඔහු තම ප්‍රේම සම්බන්ධතාවය බිඳ වැටීමෙන් ඉක්බිතිව බීමතින් ගයන ‘වයි දිස් කොලවරි ඩී’ ගීතය සිනමාපටය තිරගත වීමට පෙර එළිදැක්වීමට ඔවුන් තුළ අදහසක් නොතිබූ මුත් කුමක් හෝ හේතුවක් මත එම ගීතය කවුරුන් විසින් හෝ අන්තර් ජාලයට මුදා හැර තිබුණි. ඉන් කිහිප දිනකට පසුව ධනුෂ් ඇතුළු චිත්‍රපට කණ්ඩායම කොලවරි ගීතයේ නිල වීඩියෝව යූ ටියුබ් වෙත මුදා හරින ලදී.

මොහොතකින් සියලුම සමාජ ජාල වෙබ් අඩවි, බ්ලොග් අඩවි, ඊ-මේල ආදිය මගින් කොලවරි ගීතය ලෝකයේ සියලුම අහු මුලු කරා පැතිර යාම ඇරැඹුණි. ගීතය නිකුත් කර පළමු සතිය ඇතුළත පමණක් යූ ටියුබය හරහා මේ වීඩියෝව නැරැඹූ සංඛ්‍යාව මිලියන 1.3 කි. මිලියනයකට අධික ෆේස් බුක් බෙදා ගැනීම් ප්‍රමාණයකි. 2012 වසර ආරම්භය වන විට යූ ටියුබය හරහා මිලියන 30 ක් මේ ගීතය නරඹා තිබුණි. වැඩිම වාර ගණනාවක් ජංගම දුරකතන හරහා බාගත කළ ගීතය ලෙස ‘කොලවරි ඩී’ පත් වූයේ අසුරු සැණිනි. ගීතය නිකුත් කර නොබෝ දිනකින්ම එහි වෙනත් භාෂාවල දිගුවන් ද දැක ගත හැකි විය. ජපානය, නවසීලන්තය ආදී රටවල පවා මේ ගීතය ඇති කළ බලපෑම සුලුපටු නොවේ. එය සුන්දර උමතුවක් තරමටම පැතිර යන්නට විය.

කොලවරි ගීතය නිකුත් වීමත් සමඟ ම ඉන්දියාව පුරා හෑෂ් ටැග් භාවිත කරමින් ට්වීටර් දස දහස් ගණනක් සයිබර්ගත කර තිබුණි. ටයිම් මැගසිනය සහ බී. බී. සී ය පවා ‘කොලවරි ඩී’ ගැන තම අවධානය යොමු කර තිබිණි. සත්‍ය වශයෙන්ම කිවහොත් ධනුෂ් රඟන ඉදිරියේදී නිකුත්වීමට නියමිත ඔහුගේ නවතම සිනමාපටයවත් මෙතරම් ජනප්‍රියත්වයක් හිමි කර ගනී යැයි කිව නොහැකිය.

මේ සියලු කාරණා සැලකිල්ලට ගෙන පසුගියදා යූ ටියුබය විසින් කොලවරි ගීතයට රන් සම්මානයක් පිරිනමනු ලැබීය.

‘. . . වයි දිස් කොලවරි . . . කොලවරි ඩී . . .’

ධනුෂ් අසන්නේ පැනයකි. ගීතය නිවා දමා මා නික්මෙමි. ඔබට ඒ පැනයට පිළිතුරු සැපයිය හැකිය. නැත්නම් යළිත් යූ ටියුබය හරහා ගීතය නැරැඹිය හැකිය.

‘3’ චිත්‍රපටය අධ්‍යක්ෂණය කරනුයේ ධනුෂ්ගේ භාර්යාව අයිශ්වර්යායි. මේ අයිශ්වර්යා යනු දෙමළ සිනමාවේ සුපිරි තරුව රජිණි කාන්ත්ගේ වැඩිමහලු දියණියයි. ගායිකාවක ද වන අයිශ්වර්යා ගේ මුල්ම අධ්‍යක්ෂණය ‘3’ ය. ඈ මෙන්ම තවත් සිනමාකාරිණියක වන ඇගේ නැඟණිය සෞන්දර්යා ද ‘කොලවරි’ ගීතය යූ ටියුබ් මගින් දකිද්දී ඔබට පෙනෙනු ඇත. මේ ගීතය පුරා ගීතය ගයද්දී ධනුෂ්ට සිදුවන වැරැදීම, ලැබෙන උපදෙස් සියල්ලම අසන්නට සැලැස් වේ.

කාංචනා අමිලානි

ඩින්නි අහිංසකයි - පණ්ඩිතයි

2012-01-20T22:22:00.000+05:30

ඩිනක්ෂි ප්‍රියසාද් අම්මා ශිරානි ප්‍රියසාද්

එදා දෙසැම්බර් 24 වැනිදා රාත්‍රියේ පැංචියො තුන්දෙනාම රාත්‍රී නින්දට වෙනදාට කලින් ගියේ නත්තල් සීයාට කාමරේට එන්න කවුළුවත් ඇරලා.

වේලාව අලුයම තුනයි. ඩින්නිගේ කාමරේ බිත්තියෙන් මතු වුණේ ඩින්නි පුළ පුළා බලා සිටිය නත්තල් සීයා. පුංචි පැංචියන්ට තෑගි බෝගත් අරගෙන නත්තල් සීයා ආවේ පිනි මුවන් බැඳි රනින් දිලසෙන අපූරු කරත්තයක.

ඩින්නි ඇඳෙන් පැන්නේ නත්තල් සීයා එක්ක පුංචි රවුමක් යන්නත් හිතාගෙන. පුංචි ඩින්නි ඇෙඳන් පැන්න සද්දෙට අම්මාට ඇහැරුණා. හරි වැඩේ නත්තල් සීයා අතුරුදහන්. ඩින්නි අම්මාට තුරුළු වුණේ ඇස් දෙකේ කඳුළු පුරෝගෙන. හැබැයි ඉර පායාගෙන එන කොට පුංචි ඩින්නිගේ මූණ හරියට පුංචි රෝස මලක් වගේ.

ඒ නත්තල් සීයා එයාට ලස්සන ලස්සන තෑගි ගොඩක් ගෙනත් දීලා නිසා. අදටත් ඩින්නි විශ්වාස කරනවා එයා පුංචි කාලේ ඇත්තටම නත්තල් සීයාව දැක්කා කියලා.

ගෙදරදි ආදරේට ඩින්නි කියන්නේ ඩිනක්ෂි ප්‍රියසාද්ට. ඩින්නිගේ නත්තල් සීයා ගැන කතාව අපිට කිව්වේ ශිරානි ප්‍රියසාද්. ඇය චිත්‍රපට අධ්‍යක්ෂක දිනේෂ් ප්‍රියසාද්ගේ ආදරණීය බිරිඳ සහ ඩිනක්ෂිගේ මෑණියන්. පුංචි දවස්වල විශේෂාංගයෙන් ඩිනක්ෂිගේ පුංචි කලේ මතකයන් පෙළ ගස්වන්නේ ශිරානි ප්‍රියසාද්.

ඉතින්, පුදුම වැඩේ කියන්නේ පහුවෙනිදා උදේ, ඒ කියන්නේ 25 අපේ බිත්තියේ ලොකු අඩි පාරවල් තිබුණා. තව චූටි චූටි අඩි පාරවලුත් තිබුණා. ඩිනක්ෂි නම් අදටත් කියන්නේ ඒ තිබුණේ නත්තල් සීයාගෙයි පිනි මුවන්ගෙයි අඩි පාරවල් කියලාමයි.

ඩින්නි පුංචි කාලේ හරිම අහිංසකයි. අපේ දෙවෙනි දූ ඉපදුණාම මම ඩින්නිට සූප්පුවෙන් කිරි බොන්න දෙන එක නැවැත්තුවා. දුව චූටි කාලේ ඉඳන්ම හරිම කීකරුයි. මගේ කීමට සූප්පුවෙන් නොබිව්වට කෙලි පැටියා සූප්පුවෙන් කිරි බොන්න හරි ආසයි.

සමහර වෙලාවට ශේෂාද්‍රිව නිදි කරවද්දි සූප්පුව කටට දෙනවා. ශේෂාද්‍රි නිදා ගත්තාම සමහර දවස්වලදී ඩින්නි මගේ ළඟට ඇවිත් ‘අම්මෙ මම චුට්ටක් සූප්පුව උරන්නද?’ කියලා අහනවා.

මම ඉතින් පොඩි එකාගේ ආසාව නිසා එපා කියන්නේ නෑ. එසැනින් නංගිගේ කටේ තියෙන සූප්පුව අරගෙන දුවන්නේ අල්මාරිය පිටිපස්සට. අනේ ඉතින් චුට්ට වෙලාවක් සූප්පුව උරලා ආයිත් එයාම ඒක නංගිගේ කටේ තියනවා.

ඩින්නි මම කියන දෙයක් අහන්නෙ නැති එක වෙලාවක් තියෙනවා. ඒ තමයි එයාට ඉන්ජක්සන් එකක් විදින වෙලාව.

එක දවසක් දූට ඉන්ජක්සන් එකක් විදින්න ගිහින් හොස්පිට්ල් එකේ යුද්දයක් කළා. ඩින්නිව මට කිසිම විදිහකට පාලනය කර ගන්න බැරි වුණා.

ඩින්නි මේස යටිනුත් රිංගුවා. එදා එයාව අල්ලන්න ඇටෙන්ඩන්ලයි නර්ස්ලයි දිව්වා. කොහොම හරි අන්තිමේදී ඇටෙන්ඩන් කෙනෙක් මේසෙ යටින් රිංගද්දී ඔළුව හැපිලා තුවාලවෙලා මැහුණුත් දැම්මා.

එදා ඩින්නි හොස්පිට්ල් එකේදී දිව්වෙ නැති තැනක් නැති තරම්. දඟ නැති වුණාට ඩිනක්ෂි පුංචි දවස්වල චුට්ටක් විතර පණ්ඩිතයි. පණ්ඩිතයාට ඉතින් ඒදණ්ඩෙ යන්න බෑනේ. ඩින්නි පුංචි කාලේ හවසට ස්විමිං යනවා.

මම එයාව එක්කගෙන ගිහින් එයත් එක්කම ඉඳලා හැන්දෑවට එක්ක ගෙන එනවා. ඒ වෙලාවේ මගේ ඇස් දෙක හැම තත්පරේම තියෙන්නේ මගේ දෝණි ළඟමයි. දවසක් මගේ පණ්ඩිත කෙලි පැටික්කි පූල් එකේ ගැඹුරු පැත්තට පීනුවා.

එයා ඊට කලින් කවදාවත් ගැඹුරු පැත්තේ පීනලා නෑ. ‘අනේ දෙයියනේ මම එක පාරටම දැක්කා, මගේ පොඩි එකීව වතුරෙ ගිලෙනවා.’ මම කෑ ගහගෙන ස්විමිං පූල් එක පැත්තට දිව්වා.

මගේ කෑගැහිල්ලේ සද්දෙට පුහුණුකරුත් එතනට දුවගෙන ඇවිත් මගේ කෙලි පැටික්කි බේර ගත්තේ. හැබැයි එදා මමත් ස්විමිං පූල් එකට නොවැටි බේරුණේ අනූනවයෙන්. මොන දේ වුණත් ඩින්නි වචනයේ පරිසමාප්ත අර්ථයෙන්ම අදටත් හරිම අහිංකයි.

නිශංකා උඩුගම්පල

ඡායාරූපය - ප්‍රසාද් සමරතුංග

2011 ජාතික නාට්‍ය උළෙල

2012-01-20T22:16:00.001+05:30

2011 ජාතික නාට්‍ය උළෙල

මෙ මස 31 දා දක්වා ජෝන් ද සිල්වා සමරු රඟහලේ දී දිනපතා පස්වරුවේ පැවැත්වේ.

මෙවර ජාතික නාට්‍ය උළෙල සඳහා දිගු නාට්‍ය 7ක්, කෙටි නාට්‍ය 24ක් හා ආරාධිත නාට්‍ය 2ක් ප්‍රදර්ශනය සඳහා තෝරාගෙන ඇත.

ඒ අනුව, හෙට (20) ධනුෂිකා නයන කුමාරි ගේ ‘ජනේලයෙන් පනින්නද’ , 21 ජගත් බණ්ඩාර ගේ ‘බෝනිකි ගෙදර’ , 22 උදයසිරි වික්‍රමරත්න ගේ ‘සුද්දෙක් ඔබ අමතයි’ , 23 ජෙහාන් ශ්‍රීකාන්ත ගේ ‘හැපි ජර්නි’ ද වේදිකා ගතවේ.

කෙටි නාට්‍ය වේදිකාගතවන දිනයන්,

ජනවාරි 24 සුදත් අබේසිරිවර්ධන ගේ ‘මගේ කාලයේ වීරයෙක්’ , ටී කයුරියා ගේ ‘ඒකලයිවන්(දමිළ) , රෝහන් ද සිල්වා ගේ ‘අපි’ , කේ.තිරිච්චේන්දුරන් ගේ ‘කඩලින් අක්කරෙයි පෝවෝර් (දමිළ)

ජනවාරි 25 බැසිල් රත්නවීර ගේ ‘උන්වහන්සේ’ , එන්. කුලරත්න හා ඒ සනත් කුමාර ගේ ‘කල්යාණ කදෙයි(දමිළ), එස්.ඒ සම්පත් චතුරංග පෙරේරා ගේ ‘ඇයි උඹලා ආවේ’ , එම්.සී.නජිමුඩීන් ගේ ‘සලෝමි’

ජනවාරි 27 උපුල් සංජීව ගේ ‘ගැබ්බර’ , එස්.ලීලවතී හා ආර්.චමලි ගේ ‘පයනිහල්’ , නුවන් දර්ශන ලියනාරච්චි ගේ ‘ඩයිනෝසර ප්‍රේමය’ , කේ මොහාන් කුමාර ගේ ‘පවක්කරයි(දමිළ)’

ජනවාරි 28 ආසිරි උදාකර ජයරත්න ගේ ‘සද එල්ලා මරයි’ , කේ.ශ්‍රී කන්දවේල් ගේ ‘සීලම්බින් කනල්(දමිළ), සජීව රෝෂාන් ගේ ‘ඩීසන් දෙන්නෙක්’ , නෙරන්ජන් චන්ද්‍රාදිත්‍ය ‘බර්දනුම් සීදෛයුම්(දමිළ)

ජනවාරි 29 අමිතා රබ්බිඩිගල ගේ ‘පේ‍්‍රමය නම්’ , පී.සිවනේෂන් ගේ ‘තාගම්(දමිළ), චාලක රණසූරිය ගේ ‘හෙලෝ’, කේ.සුනෙත් දේශප්‍රිය ගේ ‘අඳුර සහ එළිය

ජනවාරි 30 රුවන් හෙට්ටිආරච්චි ගේ ‘මැරෙන්න විදියක් කියන්න’ , ;නරන්ජන් චන්ද්‍රාදිත්‍ය ගේ ‘රියලිටි’ , කේ.ඒ.කේ.ජයසිංහ ගේ ‘ඩාක්නස්’ , කේ.ඒ.ජී. ආනන්ද චන්ද්‍රකුමාර ගේ ‘බල්ලෝ දෙන්නෙක්’ , ගයාන් දේශප්‍රිය ගේ ‘කූඩුවට එනකම් (ආරාධිත)

ජනවාරි 31 ඉන්දික ෆර්ඩ්නැන්ඩු ගේ කලම්බො කලම්බො (ආරාධිත)

2011 ජාතික නාට්‍ය උළෙල සංස්කෘතික කටයුතු දෙපාර්තමේන්තුව හා එක් ව ජාතික නාට්‍ය අනු මණ්ඩලය විසින්

Source From

Mÿ Stage (මගේ වේදිකාව)

වේදිකාවට ආදරය කරන ජනතාවගේ රසඥතාව ගැන සතුටුවන්න ඕනෑ

2012-01-05T00:36:00.001+05:30

වේදිකාවට ආදරය කරන ජනතාවගේ
රසඥතාව ගැන සතුටුවන්න ඕනෑ
- ජයලත් මනෝරත්න

"ජයලත් මනෝරත්නයන්ගේ නමට ඉදිරියෙන් ලිවිය හැකි බොහෝ කරුණු කාරණා ලිවිය හැකි වුවද, ඒ ඉදිරියෙන් ලිවිය හැකි හොඳම අකුරු පෙළ වන්නේ "විශිෂ්ට රංගධරයකු" යන්නය. හේ කිසිවිටෙකත් රංගනය අත් නොහල අතර, ඒ හැරුණු විට විවිධ කලා ඉසව් ජයගත් ප්‍රවීණයකු ද වන්නේය.

ජයලත් මනෝරත්නයන් ගැන මේ සටහන තැබෙන්නේ සුවිශේෂී අවස්‌ථාවක්‌ ගැන සටහන් තබන්නටය. ඒ 2012 ජනවාරි මස 5, 6, 7 යන දිනවල ඔහු ඇගැයීමට ලක්‌වෙමින් පැවැත්වෙන නාට්‍ය උළෙලකි. ඒ අනුව ජනවාරි පස්‌වැනි දින "බූරුවා මහත්තයා" නාට්‍යයද, හයවැනිදා "සුද්දෙක්‌ ඔබ අමතයි" ද, හත්වැනිදා "අන්දරේලා" නාට්‍යය ද වශයෙන් ලයනල් වෙන්ට්‌ඩ් රඟහලේදී සවස 6.45 සිට පැවැත්වෙන නාට්‍ය උළෙලයි එය සංවිධානය කරනු ලබන්නේ "සත්ජන සහෘද සංසදය" යි.

ප්‍රශ්නය - ඔබ වෙනුවෙන් නාට්‍ය උළෙලක්‌ සංවිධානය වෙනවා. ඒ ගැන යමක්‌ දැනගන්න කැමැතියි.

පිළිතුර - ජනවාරි මාසයේ 5, 6, 7 දිනවල මේ කටයුත්ත සිදුකිරීමට නියමිතයි. ඇත්තටම වේදිකා නාට්‍ය ක්‍ෂේත්‍රයේ යම් වර්ධනයක්‌ පෙන්වන වකවානුවක මේ වගේ නාට්‍ය උළෙල පවත්වන එක ගැන සතුටු වෙන්න ඕන. අපි කොළඹින් පිට ගම් ඇතුළට යනකොට අපි දකිනවා නාට්‍ය ශාලා පිරී ඉතිරී යන තරමට සෙනඟ ඉන්නවා. මිනිසුන්ගේ රසවින්දනය හා රසඥතාව, හීනවේගෙන යන කාලවකවානුවක නිර්මාණ කරණයේ නව ඉසව් සොයා යැමට නාට්‍යකරුවා දක්‌වන උනන්දුව ගැන අගය කළ යුතුයි.

ප්‍රශ්නය - අපි මේ වේදිකාගත කරන නාට්‍ය ත්‍රිත්වයේ විවිධත්වයක්‌ දකිනවා. මොකක්‌ද මේ තෝරා ගැනීම.

පිළිතුර - ඇත්තටම විවිධ ආකෘතියේ නාට්‍ය තුනක්‌ මෙහි අඩංගු වෙන්නේ. බූරුවා මහත්තයා, සුද්දෙක්‌ ඔබ අමතයි, අන්දරේලා කියන නාට්‍ය තුන තේමාවන් අතින් වෙනස්‌. හැබැයි මේ හැම එකක්‌ම ප්‍රේක්‌ෂකයාගේ හදවතට පමණක්‌ නොවෙයි බුද්ධියටත් ආමන්ත්‍රණය කරනවා.

තවත් විශේෂ දෙයක්‌ තමයි මේ නාට්‍ය ත්‍රිත්වයේම මම ප්‍රධාන චරිතවලට ඉන්නවා. ඒත් එක්‌කම ඒ හැම චරිතයක්‌ම බොහෝම සංකීර්ණ යටිපෙළ අරුත් දනවන චරිත.

ප්‍රශ්නය - තමන්ගේ නාට්‍ය උළෙලක්‌ තමන් සංවිධානය කරනවාට වඩා වෙනත් සංවිධායකයන් පිරිසක්‌ එය මෙහෙයවීම අපූරු කටයුත්තක්‌. මේක දැනෙන්නේ කොහොමද?

පිළිතුර - ඇත්තටම මේ කිසිම දෙයක්‌ මගේ යෝජනාවක්‌ නිසා වෙච්ච දේවල් නොවේ. මේක මටත් අපූරු ආශ්වාදයක්‌ ගෙන දෙන කටයුත්තක්‌. නාට්‍ය කලාවට, වේදිකාවට ඇලුම් කරන පිරිසකගේ සහභාගිත්වයෙන් තමයි මේ කටයුත්ත සිද්ධ වෙන්නේ.ඒ අයගේ නිර්මාණකරණයට ඇති ඇල්ම, ආදරය ගෞරවය මට දැනෙනවා. තමන්ගේ නාට්‍ය දර්ශනයක්‌වත් සංවිධානය කරන්න අපහසු මොහොතක හොඳ රංග ශාලාවක මෙවැනි නාට්‍ය උළෙලක්‌ පැවැත්වීමට ගන්නා වෙහෙසම ඒ ගෞරවයට හේතු වෙනවා.

ප්‍රශ්නය - ඔබ සඳහන් කළ වේදිකා නාට්‍ය ක්‍ෂේත්‍රයේ ප්‍රබෝධයට හේතුව මොකක්‌ හැටියටද දකින්නේ.

පිළිතුර - මම දශක 4 ක්‌ පමණ මේ ක්‍ෂේත්‍රයේ කටයුතු කරන කාලය අතරතුර වේදිකා නාට්‍ය විවිධ උච්චාවචනයන්ට හසුවෙලා තියෙනවා. මූලික වශයෙන් නාට්‍ය කලාවට විශේෂයෙන් වේදිකාව කරා පිරිස අඩුවීමට හේතු කිහිපයක්‌ දකින්න පුළුවන්. ගමනාගමන පහසුකම් නොමැතිවීම, ඊළඟට පහුගිය කාලය පුරාම පැවතුනු යුද්ධය මේ ආදී වූ විවිධ කාරණා එයට බලපෑවා. නමුත් මේ මොහොත වනවිට ජනතාව තුළ තිබුණු පීඩනය යම් පමණකට අඩුවෙලා තියෙනවා.

අපි පිට පළාත්වලට ගියාම හමුවෙන පිරිස්‌ සමඟ නාට්‍ය පිළිබඳව කතාබහ කරද්දී ඒ අය කොයිතරම් මේ ගැන දැනුමෙන් ද අවබෝධයෙන්ද ඉන්ධන කියන එක වැටහෙනවා. අනික මේ වෙනකොට රූපවාහිනියේ මිනිසුන්ට බලන්න දෙයක්‌ නෑ කියලා මැසිවිල්ලක්‌ තිබෙනවා. ඒකත් කිසියම් ආකාරයක හේතු=වක්‌ වෙන්න ඇති නාට්‍ය කලාව මෙතරම් වර්ධනයක්‌ අත්පත් කර ගන්න. විශේෂයෙන් ඒ ඒ ප්‍රදේශවල ජනතාවගේ රසඥතාව ගැන අපි සතුටු වෙන්න ඕන. නාට්‍යයක යටිපෙළ අරුත කවරාකාරදැයි වටහා ගැනීමේ හැකියාව ඔවුනට තිබෙනවා. එය නාගරික සමාජයේ ඉතා අවම වශයෙන් දකින්න ලැබෙන කාරණයක්‌.

ප්‍රශ්නය - නමුත් ඔබේ "බූරුවා මහත්තයා" නාට්‍යය මේ ප්‍රේක්‌ෂකාගාරය හරි හැටි ස්‌පර්ශ කළේ නෑ කිව්වොත් ඔබ එකඟද?

පිළිතුර - අපි මේ වෙනකොට දකිනවා විශාල සමාජ විපර්යාසයක්‌. ඒක පරිහානියක ලක්‌ෂණවලින් යුක්‌තයි. විශේෂයෙන් පාසල් ශිෂ්‍ය ශිෂ්‍යාවන්a අතර රසවින්දන රුචිකත්වය පිළිබඳ විශාල අර්බුද තිබෙනවා. ඒ අයගෙන් ආරම්භ වුණු පරම්පරාවක්‌ මේ වගේ නාට්‍යයක්‌ ග්‍රහණය කර නොගැනීම ගැන පුදුම වෙන්න දෙයක්‌ නෑ.·

නාට්‍යයේ පමණක්‌ නොව කවියේ විශේෂයෙන් ගීතයේ යටිපෙළ අරුත ග්‍රහණය කරගන්නා පිරිස අඩුයි. මේ තත්ත්වය අපිට දශක වලින් ගණනය කරන්න පුළුවන්. හැබැයි මම අර මුලින් කිව්වා වගේ ප්‍රාදේශීයව මේ තත්ත්වයේ වෙනස්‌වීමක්‌ දක්‌නට ලැබෙනවා. ඒ අර්ථයෙන් ගත්තොත් විශාල වෙනසක්‌ දකින්න බැහැ.

- සංවාදය උදේශ සංජීව ගමගේ

යෞවන සම්මාන උළෙලේ දී ජය ලබා...

2012-01-05T00:33:00.000+05:30

යෞවන සම්මාන උළෙලේ දී ජය ලබා...

ඉකුත්දා මහරගම යොවුන් රඟහලේ පැවැති 33 වැනි ජාතික යෞවන සම්මාන ප්‍රදාන උළෙලේ දී හොඳම කෙටි නාට්‍ය නළුවා ලෙස "ඩක්‌තස්‌" නාට්‍යයේ සම්පත් චමින්ද සහ හොඳම කෙටි නාට්‍ය නිළිය ලෙස "ෙµdaමැට්‌" නාට්‍යයේ එස්‌. එන්. නිරංජනී, ළමා සංවර්ධන හා කාන්තා කටයුතු නියෝජ්‍ය අමාත්‍ය එම්. එල්. එස්‌. එම්. හිස්‌බුල්ලා මහතා අතින් සම්මාන ලබාගන්නා අයුරු සහ එම අවස්‌ථාවට සහභාගි වූ යෞවන කටයුතු හා නිපුණතා අමාත්‍යාංශයේ ලේකම් හේවාපතිරණ මහතාද, අනෙක්‌ ඡායාරූපයෙන් "වහළ උඩ වාදකයා" නාට්‍ය නිෂ්පාදනය තුළ එස්‌. එම්. විචිත්‍ර බණ්‌ඩාර හොඳම දිගු නාට්‍ය නිෂ්පාදනය ලෙස යෞවන කටයුතු අමාත්‍ය ඩලස්‌ අලහප්පෙරුම මහතා අතින්ද සම්මානය ලබා ගන්නා අයුරු ඡායාරූපයේ දැක්‌වේ. සටහන හා ඡායා මහරගම - උදේනි චන්ද්‍රසිරි

යෞවන සම්මාන උළෙලේ හොඳම නළුවා සහ නිළිය

පෙරේදා (28 දා) මහරගම යොවුන් රඟහලේ පැවැති 33 වැනි ජාතික යෞවන සම්මාන උළෙලේදී හොඳම නිළිය සහ නළුවා ලෙස "වාදකයා වහල උඩ" නාට්‍යයේ සලීන් ලුසේකා සහ හොඳම දිගු නාට්‍ය නිළිය ලෙස "තව ටිකක්‌ හිතන්න" නාට්‍යයේ නදීශානි තෙලියආරච්චි යෞවන කටයුතු හා නිපුණතා අමාත්‍ය ඩලස්‌ අලහප්පෙරුම මහතා අතින් සම්මාන ලබා ගන්නා අයුරු. එම අවස්‌ථාවට සහභාගිවූ ජාතික තරුණ සේවා සහාවේ සභාපති අධ්‍යක්‍ෂ ජනරාල් නීතිඥ ලලිත් පියුමි පෙරේරා මහතාද ඡායාරූපයේ සිටී.

මහරගම - උදේනි චන්ද්‍රසිරි

Antigoni

2011-12-17T01:50:00.002+05:30

‎Antigone | ඇන්ටිගනී
27th January, 2012 at Lionel Wendt
[3.30pm/7.00pm]

Journalist covering the murder on the 12th Attacked!!!

2011-11-11T03:35:00.002+05:30

Journalist covering the murder on the 12th Attacked!!!

For the full story visit Page 12

බකමූණා වීදි බසියි

2011-07-19T04:56:00.003+05:30

රාජිත දිසානායක නවතම නාට්‍ය නිර්මාණය,
බකමූණා වීදි බසියි
අගෝස්තු 4,5,6 සවස 7:00ට
ලයනල් වෙන්ඩ්ට් රංග ශාලාවේදී.

Freedom Theater Group ඉදිරිපත් කිරීමක්.

Rajitha Disanayaka’s latest drama
‘Bakamuna Veedi Basee’
will be staged on August 4, 5 and 6 at 7.00 p.m.
at Lionel Wendt, Colombo.
The cast includes Priyankara Ratnayake,
Jayani Senanayake,
Sham Fernando,
Dharmapriya Dias and several others.
Music by Kapila Poogalaarchchi.

ජනකරළිය නාට්‍ය මාලාව

2011-06-23T23:49:00.001+05:30

පුවත, බූන්දිගෙන්......

ජුනි මස 23 වන දා සිට ජුලි මස 13 දා දක්වා හෝමාගම දී, ජනකරළිය නාට්‍ය කණ්ඩායම මෙහෙයවන නාට්‍ය මාලාවේ, හෙන්රි ජයසේන ගේ හුණුවටයේ කතාව, සෝමලතා සුබසිංහ ගේ තොප්පි වෙළෙන්ඳා සහ පුංචි අපට දැන් තේරෙයි, පරාක්‍රම නිරිඇල්ලගේ සෙක්කුව, මැටි කරත්තය, අන්දර මල්, ඉන්දික ගේ කලම්බෝ.. කලම්බෝ, ප්‍රියන්ත සිරිකුමාරගේ බර්නාඩාගේ සිපිරි ගෙය ආදී නාට්‍ය ගණනාවක් වේදිකාගත වේ.

Janakaraliya Drama Festival

From 23^rd June to 13^th July in the Janakaraliya Mobile Theatre

Installed on the New Urban Project Grounds – Homagama

Charandas

Adapted & Directed by

Parakrama Niriella

(Awarded Best Drama at the State Drama Festival 2006Winner of

09 award Represented International Drama Festival New Delhi 2008)

23^rd Thursday 9.30am /6.30pm

Sekkuwa

(Oil Press)

Written & Directed by

Parakrama Niriella

(Most Outstanding Drama in State Drama Festivals 1976 & 2010

Winning 11 Awards for Sinhala and Tamil productions)

24^th Friday 9.30am /6.30pm

Andara mal

(Andara Flowers)

Directed by Parakrama Niriella

('Andara mal' is one of the most performed popular Janakaraliya dramas)

Short Plays

Samanthara

(Parallel)

Directed by

Rathna Pushpa Kumari

Thavama

Merila ne

(Not Yet Dead)

By the drama group of Jaffna State Security Headquarters

25^th Saturday 6.30pm

Short Plays

Thaniyek Visishtai

(A Loner is Great)

Written & Directed By

Aloka Sampath

Kochchiya Enkan

(Awaiting the Train)

Written & Directed by

Lasantha Francis

Dinosaur Premaya

(Dinosaur Love)

Written & Directed By

Nuwan Dharshana

(Three of the Best Short Plays Winning number of awards

at State Drama Festivals and Youth Drama Festivals 2003 through 2010)

26^th Sunday 2.30pm/6.30pm

Metikaraththaya

('The Little Clay Cart' of Shudraka)

Directed By

Parakrama Niriella

(Adjudicated the best non original drama in

the State Drama Festival, 2010 winning 06 awards)

27^th Monday 9.30am/ 6.30pm

Soru Evilla

(Thieves are Here)

And

Devlova Gamana

(Journey to Heaven)

Children’s plays created by Janakaraliya Drama Group

('Soru Evilla' Awarded ‘Best Children’s Drama’

at State Children’s Drama Festival 2001

-Written by Sumith Samarasinghe)

28^th Tuesday 9.30am/6.30pm

Seethambarapata

(Heavenly Clothes)

and

Andara Mal

(Andara Flowers)

Directed by

Parakrama Niriella

(Two of the most performed popular Janakaraliya plays

– Heavenly Clothes written by Mangala Senanayake)

29^th Wednesday 9.30am/6.30pm

Sekkuwa

(Oil Press)

Written & Directed by

Parakrama Niriella

(Most Outstanding Drama in State Drama Festivals 1976 & 2010

Winning 11 Awards for Sinhala and Tamil productions)

30^th Thursday 9.30am/6.30pm

Charandas

Adapted & Direct red by

Parakrama Niriella

July 1^st Friday 9.30am -6.30pm

Hunuwataye Kathawa

(Caucasian Chalk Circle

of Bertolt Brecht)

Adapted & Directed by

Henry Jayasena

(Most performed drama throughout more than 40 years

and a land mark in the history of the Sri Lankan drama.)

2^nd Saturday 6.30pm

Short plays of Janakaraliya

Siththarage Sihinaya

(Artist’s Dream)

Andura Saha Eliya

(Gloom and the Light)

Madhura Jame

(Sweet times)

Thaham

(Thirst)

(A series of experimental short dramas and performances by Janakaraliya team)

Ape Kalaye Weerayek

(Hero of Our Time)

(Best Short Play Winning 6 awards at Youth Drama Festivals in 2010)

3^rd Sunday 6.30pm

Eheth Ehemai

(There’ too like ‘Here)

By Sunil Chandrasiri

(An Adaptation of Nikolai Gogol’s Drama ‘Government Inspector’)

4^thMonday 9.30am – 6.30pm

Metikaraththaya

('The Little Clay Cart' of Shudraka)

Directed By

Parakrama Niriella

5^th Tuesday 9.30am – 6.30pm

Thoppi Welenda

(Hat Seller)

And

Punchi Apata Den Therai

(Little Us Know that Now)

Directed By

Somalatha Subasinghe

(These children’s plays have made representation at International Children’s Drama Festivals

in France, Korea, Australia and India. Two very popular and precedential Children's drams performing

for over 20 years by the ‘Children's & youth Theatre Foundation.’)

6^th Wednesday 9.30am – 6.30pm

Colombo Colombo

Directed By Indika Fernando

(Adjudicated Best Drama at the State Drama Festival 2010 Winning 10 awards

Represented New Delhi Drama Festival on Asian Women – 2009

and International Drama Festival – Kathmandu, Nepal – 2010)

7^th Thursday 9.30 -6.30pm

Bernadage Sipiri Ge

(House Bernada Alba)

Directed By

Priyantha Sirikumara

(Adaptation of French playwright Fredrico Gartia Loca's play)

9^th Saturday 6.30pm

Sekkuwa

(Oil Press)

Written & Directed by

Parakrama Niriella

10^th Sunday 6.30pm

Metikaraththaya

('The Little Clay Cart' of Shudraka)

Directed By

Parakrama Niriella

11^th Monday 9.30am/6.30pm

Soru Evilla

(Thieves are Here)

and

Devlova Gamana

(Journey to Heaven)

Children’s plays created by Janakaraliya Drama Group

12^th Tuesday 9.30am/6.30pm

Charandas

Adapted & Direct red by

Parakrama Niriella

13^th Wednesday 9.30am/6.30pm

හෝමාගමට පිවිසෙන "ජන කරළිය"

2011-06-23T23:22:00.000+05:30

වසර අටක්‌ තිස්‌සේ ශ්‍රී ලංකාවේ දිස්‌ත්‍රික්‌ක ගණනාවක සංචාරය කළ ජනකරළිය දැන් හෝමාගමට පැමිණ සිටියි. හෝමාගම නගරයේ හයිලෙවල් පාර අද්දර, නාගරික සංවර්ධන අධිකාරියට අයත් භූමියේ දැන් ජන කරළිය ජංගම රඟහල ස්‌ථාපනය කර තිබෙන අතර ජුනි 23 වැනිදා සිට ජූලි 13 වැනිදා දක්‌වා පාසල් ළමුන් සහ සාමාන්‍ය ජනතාව සඳහා එහි නාට්‍ය උළෙලක්‌ පැවැත්වේ.

මෙවර ජන කරළිය නාට්‍ය උළෙලේ විශේෂත්වය වන්නේ ජන කරළියෙන් පරිබාහිර නාට්‍යකරුවන් රැසක්‌ එම නාට්‍ය උළෙලේ තමන්ගේ නාට්‍ය රඟ දැක්‌වීමට ඉදිරිපත් වීමය. ළමා නාට්‍ය, කෙටි නාට්‍ය සහ දිගු නාට්‍ය වැඩිම ප්‍රමාණයක්‌ රඟදක්‌වනු ලබන දීර්ඝතම ජනකරළිය නාට්‍ය උළෙල මෙයයි.

සිරිත් පරිදි "චරන්දාස්‌, සෙක්‌කුව, මැටිකරත්තය, සීතාම්බරපටය" (රචනය මංගල සේනානායක), "අන්දරමල්" යන ජන කරළිය නාට්‍ය නිෂ්පාදන සුපුරුදු පරිදි මෙවර රංගගත වන අතර හෙන්රි ජයසේනගේ "හුණුවටයේ කතාව", ඉන්දික µර්ඩිනැන්ඩුගේ "කොළම්බො කොලම්බෝ", සුනිල් චන්ද්‍රසිරිගේ "එහෙත් එහෙමයි", ප්‍රියන්ත සිරිකුමාරගේ "බෙර්නාදාගේ සිපිරි ගේ" යන නාට්‍ය හතරද ජනකරළිය නාට්‍ය උළෙලේ රඟ දැක්‌වේ. එමෙන්ම රත්නා පුෂ්පකුමාරිගේ "සමාන්තර", ආලෝක සම්පත්ගේ "තනියෙක්‌ විශිෂ්ටයි", ලසන්ත µ්‍රeන්සිස්‌ගේ "කෝච්චිය එනකං", නුවන් දර්ශනගේ "ඩයිනෝසර් ප්‍රේමය", යාපනය රාජ්‍ය ආරක්‍ෂක මූලස්‌ථාන නාට්‍ය කණ්‌ඩායමේ "තවම මැරිලා නෑ" යන ආරාධිත කෙටි නාට්‍ය සහ "සිත්තරාගේ සිහිනය", "අඳුර සහ එළිය, මධුර ජාමේ" සහ "තාහම්" යන ජනකරළිය කෙටි නාට්‍ය නිර්මාණද මෙම උළෙලේ රඟ දැක්‌වීමට නියමිතය.

කුඩා ළමුන් සඳහා "තොප්පි වෙළෙන්දා" සහ "පුංචි අපට දැන් තේරෙයි" යන සෝමලතා සුබසිංහගේ ළමා නාට්‍ය සහ "සොරු ඇවිල්ලා" සහ "දෙව්ලොව ගමන" යන ජනකරළිය ළමා නාට්‍ය මෙම උළෙලේ රඟ දැක්‌වේ.

ජුනි මස 23 වැනි බ්‍රහස්‌පතින්දා සවස 6.30 ට අධ්‍යාපන කටයුතු පිළිබඳ අමාත්‍ය බන්ධුල ගුණවර්ධන මහතාගේ සහ විශේෂ ආරාධිත කලාකරුවන්ගේ ප්‍රධානත්වයෙන් ආරම්භ වේ. එදිනට නියමිත සුවිශේෂතම කාර්යය වන්නේ ශ්‍රී ලාංකේය නාට්‍ය ක්‍ෂේත්‍රයට නව පරපුරක්‌ හඳුන්වා දුන්නා වූද ළමා හා යොවුන් නාට්‍ය කලාව වෙනුවෙන් තම ශ්‍රමය හා කාලය කැප කළා වූද සෝමලතා සුබසිංහ නාට්‍යවේදිනිය අගයමින් ජනකරළිය ජංගම රඟහලේදී ඇයට විශේෂ ගෞරවයක්‌ පුද කිරීමයි.

"ජන කරළිය" නාට්‍ය හා රංග කලා වැඩසටහන මෙහෙයවනු ලබන්නේ පරාක්‍රම නිරිඇල්ල, අමිත්ත වීරසිංහ සහ දිලිප් රෝහණ විසිනි. නිශාන්ත කුලරත්න, පාලිත අබේලාල්, ජයන්ත මුතුතන්ත්‍රි, මුනියන්ඩි කාලිදාස්‌, සොක්‌කාලිංගම් ක්‍රිෂාන්තන්, අජන්තන් ශාන්ති කුමාර්, වර්නි තෙරේසා, අරෝෂා තරංගනී, රොනිකා චාමලී, සිනෙත් දේවින්ද, ත්‍යාගරාජා ශිවනේශන්, මංජුල රණසිංහ, රාසයියා ලෝහානන්දන්, සුමුදු මල්ලවාරච්චි, මලිති කුමාරි, සෙල්වරාඡ් ලීලාවතී, ඉනෝකා ලංකාපුර, චාන්දනී මල්කාන්ති, රංජිත් සුමිත් ප්‍රනාන්දු, දිනේෂ් ශ්‍රී ලිවේරා, සුනෙත් ශාන්තප්‍රිය, අසේල චතුරංග, බුද්ධික රත්නසේකර, සුරේෂ් අසංග, රුවිනි දිලන්ති, අමිල දිනේෂ්, සරත්කුමාර සහ දිනේෂ් කුමාර යන ජනකරළිය නාට්‍ය කණ්‌ඩායමේ සාමාජික සාමාජිකාවෝ මෙම වැඩසටහනට පූර්ණ දායකත්වය දක්‌වති.

සචිත්‍ර ඇල්වලගේ

Copy Rights - Divayina

ජනප්‍රියත්වය බොරුවක්‌

2011-06-23T23:20:00.000+05:30

ජනප්‍රියත්වය බොරුවක්‌
නදීශා යාපගේ

රංගන ශිල්පිනියක්‌ මුල්වරට සම්බන්ධ වුණු නිර්මාණයෙන්ම ජනප්‍රිය වෙන්න ලැබීම කොතරම් ලොකු වාසනාවක්‌ද? හැකියාව තුළින් ලද ඒ වාසනාව නිසාම නවක ශිල්පිනියන් අතර ඉහළම තලයක රැදීසිsටින්නට සමත් වූ ඇයව බොහෝ දෙනා හඳුනන්නේ අමන්දා හි කැතී නමින්. එලෙසින් දඟකාර කෙළිලොල් චරිතයකට පණ පොවන ඇය නමින් නදීශා යාපගේය.

නදීශා කියන්නද කැතී කියන්නද?

නදීශා කියන්න.

නමුත් ඔබව බොහෝ දෙනා හඳුනන්නේ කැතී නමින්?

කැතී කියන්නේ මම රඟපාන චරිතයක්‌. ගොඩක්‌ අය මට කැතී කියලා කතා කරනවා. චරිතයේ තියෙන දඟකාරකම නිසා වෙන්න ඇති ප්‍රේක්‍ෂකයා අතර කැතී ඉක්‌මණින්ම ජනප්‍රිය වෙන්න ඇත්තේ. කැතීට මම ගොඩක්‌ අදරය කරන්නෙ මේ චරිතය හරහා මට ප්‍රේක්‍ෂකයා පිනවන්න අවස්‌ථාව ලැබුණු නිසයි.

පළමු නාට්‍යයෙන්ම මෙවැනි ප්‍රතිචාරයක්‌ ලැබෙයි කියලා හිතුවද?

නැහැ. මම ජනප්‍රියත්වය හොයාගෙනවත් සල්ලි හම්බකරන්නවත් නෙමෙයි රංගනයට පිවිසුණේ. රඟපාන්න මගෙ හිතේ තිබුණු ආසාව නිසා තමයි ආවේ. මටත් පුදුමයි. ජනප්‍රියත්වය හොයාගෙන එන අය තාමත් එක තැන ඉද්දි මට ලැබෙන ජනතා ආදරය ගැන.

ඒ ජනප්‍රියත්වය දැනෙන්නේ කොයි විදිහටද?

කෙනෙකුගේ ආදරයක්‌ ලබන්න ගිය ආත්මෙක අපි පිං කරලා තියෙන්න ඕන. ඒ පින මගෙ වාසනාවකට මේ ආත්මෙ ලැබිලා තියෙනවා.

රංගනයට එක්‌වීම ගැන අද මොකද හිතෙන්නේ?

සතුටුයි. අවුලකට තියෙන්නේ ජනප්‍රියත්වය තමයි.

ජනප්‍රියත්වයට අකමැතිද?

අකමැත්තක්‌ නැත්තෙමත් නැහැ. එහෙම දෙයක්‌ ගැන බලාපොරොත්තු නොවුණු නිසා පුරුදු නැහැවගේ.

නමුත් නිළියකගේ පැවැත්ම තියෙන්නේ ජනප්‍රියත්වය මත නේද?

ඒ කතාව හරි. මම මගෙ පාඩුවේ ඉන්න කැමති කෙනෙක්‌. නමුත් ජනප්‍රියත්වය නිසා මාව හොයාගෙන ඇවිත් කතාකරන පිරිසක්‌ ඇති වෙලා තියෙනවා. ඒ පසුබිමට මම කැමති නැහැ. රංගනයට එන්න කලින් හිටියා වගේ සාමාන්‍ය මනුෂ්‍යයෙක්‌ හැටියට කතා බහ කරනවනම් තමයි මම කැමති. ජනප්‍රියත්වය නිසා නැති යාළුවොත් නැති නෑදෑයොත් ඇති වෙනවා. ඒ නිසා ජනප්‍රියත්වය බොරුවක්‌ කියලයි මට නම් හැඟෙන්නේ.

නදීශාත් කැතී වගේ දඩබ්බර චරිතයක්‌ද?

කැතී තරම්ම ආවට ගියාට වැඩ කරන කතා කරන කෙනෙක්‌ නම් නෙමෙයි. මම හැම දේකදිම ටිකක්‌ හිතලා බලලා තමයි වැඩකරන්නේ.

අමන්දාගෙන් එහා ගිය නිර්මාණයකට එකතුවුණේ නැද්ද?

ආරාධනානම් කිහිපයක්‌ ලැබුණා. මගෙ බලාපොරොත්තුවක්‌ තියෙනවා වැඩිදුර අධ්‍යාපනයට. ඒ නිසා අධ්‍යාපන කටයුතුවලට යොමු වුණොත් රංගනයට තිත නෙමෙයි ටික කාලෙකට කමාවක්‌ තියන්න සිද්ධ වෙයි.

වැඩිදුර අධ්‍යාපනය ලබන්න බලාපොරොත්තු වෙන්නේ මොන විෂය පථයක්‌ ඔස්‌සේද?

වීඩියෝ එන්ජිනියරින් ගැන ඉගෙන ගන්න තමයි බලාපොරොත්තු වෙන්නේ.

රංගනයට යොමුවීම නිසා සංගීතය අමතක වෙලාද?

සංගීතයට තමයි මම පුංචි කාලේ ඉඳලම ආස කළේ. ඒවගේම තමයි කැතී චරිතය දඟකාර වුණත් බොක්‌ස්‌ ගිටාර් එක ප්ලේ කරන සංගීතයට ලැදියාවක්‌ දක්‌වන කෙනෙක්‌. ඒ නිසා රඟපෑම තුළත් සංගීතය බද්ධ වෙලා තිබුණා.

නදීශා අද ලංකාවේ ජීවත් වුණත් ඔබ ඉපදුණේ හැඳුණේ වැඩුණේ පිට රටක?

ඔව්. මම ඉපදුණේ ලෙබනන්වල බේරූට්‌ නගරයේ. මගෙ අම්මයි තාත්තයි ඒ රටේ තමයි රැකියා කළේ. මට ඉන්නේ අයියා විතරයි. අපි දෙන්නම ඉස්‌කෝලේ ගියේ එකට. අවුරුදු 15 දී තමයි මම ලංකාවට ආවේ.

ජීවිතේ අරමුණ වුණු ගමන් මාවතේද අද ඔබ ගමන් කරන්නේ?

කොහෙත්ම නැහැ. පොඩිකාලේ මම හරි ලැ-ජයි. ඒ තත්ත්වය තිබියදීත් අද මම රඟපානවා කිව්වහම පොඩිකාලේ මාත් එක්‌ක හිටපු කවුරුත් විශ්වාස කරන්නෙ නැහැ. මගෙ අරමුණ වුණේ ඔෆිස්‌ එකක කැරකෙන පුටුවක වාඩිවෙලා රැකියාවක්‌ කරන්න. නමුත් යන්න බලාපොරොත්තු වුණු පාරේ නෙමෙයි වෙනත් පාරක තමයි යන්න සිද්ධ වුණේ. නමුත් පාර වෙනස්‌ වුණාට වැරදුණේ නම් නැහැ.

ආගම දහමට තියෙන නැඹුරුවීම මොනවගේද?

මගෙ අම්මා තාත්තා දෙන්නම බෞද්ධ. නමුත් මම ඉගෙන ගත්තේ ලෙබනන්වල නිසා කතෝලික ආගම තමයි හදාරන්න සිද්ධ වුණේ. පුංචි කාලේ ඉඳන්ම ඉගෙන ගත්ත නිසා කතෝලික ආගම තමයි අදහන්නේ. ඒකට පවුලේ කිසිම ප්‍රශ්නයක්‌ නැහැ.

රංගන කටයුතුවල නිරත වුණොත් ටෙලිනිර්මාණ අතර පමණද රැඳෙන්න බලාපොරොත්තුව?

හැමදේම බදාගෙන කරන්න ඕන අදහස මට නැහැ. ඒ වගේම තමයි එකවගේ චරිත රඟපාන්නත් කැමැත්තක්‌ නැහැ. හොඳ නිර්මාණ ලැබුණොත් නිතර නැති වුණත් කලාතුරකින් හෝ රැඳී ඉන්නවා.

වෘත්තිය කුමක්‌ වෙයිද?

තාම හිතාගන්න බැහැ. ගුවන් සේවිකාවක්‌ වෙන්නත් කැමැත්තක්‌ තිබුණු නිසා ඒ බලාපොරොත්තුව ඉෂ්ට කරගන්නත් පුළුවන්.

රංගනයෙදි උස බාධාවක්‌ වුණේ නැද්ද?

නැහැ. මගෙ උස අඩි පහයි අගල් අටයි. සමහර තැන්වලදි පොඩි පොඩි ගැටලු මතුවුණත් පොදුවේ වාසියක්‌ වුණා. බාස්‌කට්‌ බෝල් ක්‍රීඩා කරපු නිසා වෙන්න ඇති මෙච්චර උස යන්න ඇත්තේ.

නමුත් විවාහයේ දී නම් උස ගැන වැඩි සැලකිලිමත් වෙන්න වෙයි නේද?

සමහර විට. උස අය දැකලනම් තියෙනවා. ඒත් මට හරියන කෙනෙක්‌ තාම හම්බ වුණේ නම් නැහැ. කොහොම වුණත් ඒ ගැන හිතන්න කලින් තව ගොඩක්‌ දේවල් තියෙනවා ඉෂ්ට කරගන්න.

දැන් ඔබ නිරූපිකාවක්‌ නොවේද?

රංගනයෙන් ඈත් වුණත් නිරූපණයෙන් නම් කවදාවත් ඈත්වෙන්නේ නැහැ. හැමදේටම වඩා මම ඒකට ආසකරන නිසා.

ලක්‌මිණි අතුකෝරල
ඡායා - සමන් අබේසිරිවර්ධන

Copy Rights - Divayina

එහෙම යෝජනා එනවා

2011-06-23T23:18:00.002+05:30

ඔව් ඉතින් ...
එහෙම යෝජනා එනවා ඒත් මොනවා කරන්නද
සුපර් සික්‌ස්‌ තුළින් සිනමාවට එන මලීකා

සම්පූර්ණ නම - මලීකා සිරිසේනගේ
ගම - දෙහිවල
පාසල - ප්‍රෙස්‌බිටීරියන් කාන්තා විදුහල, දෙහිවල.
උපන් දිනය - 1984 නොවැම්බර් 16

හැඩකාර මලීකා වෘත්තියෙන් ගුවන් සේවිකාවක්‌. මේ අලුත් මුහුණ ගැන අද දවසේ කලා ක්‍ෂේත්‍රයේ බොහෝ පිරිස්‌ කතා බහට ලක්‌කරන්න පටන් අරගෙන තිබෙනවා. ඒ නුදුරේදීම තිරගතවීමට නියමිත සුපර් සික්‌ස්‌ චිත්‍රපටය හේතුවෙන්. ගුවනේ පියාඹන මලීකා සිනමාවට සම්බන්ධ වුණේ කොහොමද කියල වගේම ඇගේ පුද්ගලික විස්‌තර ටිකකුත් අපි ඔබට කියන්න අදහස්‌ කළා.

මලීකා කොහොමද ගුවන් සේවිකාවක්‌ වුණේ ?

පොඩි කාලේ ඉඳන්ම ආසාවක්‌ තිබුණා ගුවන් සේවිකාවක්‌ වෙන්න. ලොකු වෙලා කොහොම හරි ඒ ආසාව ඉටු කරගත්තා.

ගුවන් සේවිකාවක වීම සිහිනය සැබෑ වීමක්‌ කිව්වොත් ?

ඔව්. එයට සම්බන්ධ වෙන්න පෙර මම විදෙස්‌ගත වුණා වැඩිදුර අධ්‍යාපනයට. එහිදී කාලය ගත කරන්න අපහසු නිසා නැවත ලංකාවට ආවා. ඊට පසුව තමයි ගුවන් සේවිකාවක්‌ වුණේ.

ගුවන් සේවිකාවක්‌ වෙලා කොච්චර කල්ද?

අවුරුදු හයක්‌ විතර වෙනවා.

ගුවන් ගමන් අතරතුර සිදු වූ අමතක නොවන සිදුවීම් එහෙමත් ඇතිනේද?

අපේ රටේ යුද්ධය ජයග්‍රහණය කරලා කියලා ආරංචිය ලැබෙන කොට අපි හිටියේ ජනාධිපති මහින්ද රාජපක්‍ෂ මහතා සමග ජෝර්දානයේ. යුද්ධය ජයග්‍රහණය කළා කියලා ආරංචිය ලැබුණේ එහෙ ඉන්දෙද්දී. ඒ ආරංචියත් සමග අපි නැවත ලංකාවට ආවා. ඒ ගුවන් ගමන කවදාවත් අමතක වෙන්නේ නැහැ. මොකද ජනාධිපතිතුමාගෙ ඉඳලා හැමෝම හිටියෙ පුදුමාකාර සතුටකින්.

මතුපිටින් දකින අය මේ ගුවන් සේවිකා රැකියාව ගැන විවිධ දේ කියනවා. ඔබ මොකද ඒ ගැන හිතන්නේ ?

එහෙම බොරු කතා කියන්නේ මේ අංශයට සම්බන්ධ වෙන්න බැරි අය. ගුවන් සේවිකාවක්‌ වෙන්න ලස්‌සන විතරක්‌ නෙවෙයි, හැම දෙයක්‌ම බලනවා. සමහර අයට සම්බන්ධ වෙන්න බැරි වුණහම එවැනි කතා කියනවා. මම තරුණියක්‌ විදිහට ඕනෑම තරුණියකට කියනවා තමන් දන්නවා නම් කොහෙද යන්නේ, මොනවාද කරන්නේ කියලා ගුවන් සේවිකාවක්‌ වෙන්න කියලා. ඒ වගේම ලංකාවේ තරුණියකට හොඳම රැකියාව තමයි ගුවන් සේවිකා වෘත්තිය.

සුපර් සික්‌ස්‌ චිත්‍රපටයේ රඟපාන්න ආරාධනා ලැබුණේ කොහොමද?

ඒ ආරාධනාව නම් ලැබුණේ මගේ පෙම්වතා මාර්ගයෙන්. එයාගෙ හොඳම යාළුවා තමයි සදෙෂ් කුමාර්. චිත්‍රපටයට කට්‌ටිය තෝරනවා බලන්න මමත් ගියා. එතැනදී මාව දැකල ඒ ගොල්ලො මගෙන් ඇහැව්වා කැමතිද රඟපාන්න කියලා. ඊට පස්‌සේ තමයි මම සම්බන්ධ වුණේ.

මුලින්ම රංගනයට එන්නේ සිනමාවෙන්. ඉතිං බය හිතුණේ නැතිද ?

ගොඩක්‌ බය හිතුණා. හැබැයි මට රොෂාන්, සාරංග, පබෝධා, අරුණි, හේමාල් වගේම හැමෝම උදව් කළා. ඇත්තටම මම රංගනය ගැන කිසිම දෙයක්‌ දැනගෙන හිටියේ නැහැ. ඒ සම්බන්ධව හදාරලත් නැහැ. මම ක්‍රීඩා අංශයට තමයි දක්‍ෂ.

මේ සමග රංගනයට නැවත ආරාධනා ලැබුණාද?

ආරාධනා නම් ලැබෙනවා. ඒත් භාරගන්න සූදානමක්‌ නැහැ.

රංගන ශිල්පිණියක්‌ වෙන්න කැමති නැතිද?

අපි කරන රස්‌සාවත් සමග රඟපාන්න අමාරුයි. රස්‌සාව කරන්නේ නැති කාලෙක රඟපාන්න බලමු.

මේ දේවල් ලැබීමට ඔබේ රූපය හේතුවුණා කියලා හිතනවද?

අනේ මන්දා. ඔවුන් බලපු විදිහ මම දන්නේ නැහැ. අධ්‍යක්‍ෂතුමාත්, නිෂ්පාදකතුමාත් මාව මේ චරිතයට තෝරාගත්තේ ඇයි කියන්න මම දන්නේ නැහැ.

මලීකා ගුවන් සේවිකාවක්‌ නිසා සිරුර ගැනත් හිතන්න වෙනවා නේද?

පැහැදිලිවම. මොකද අපේ බර ප්‍රශ්නය හරියට එනවා. ඒ වගේම උසත් බලපානවා. කොහොම වුණත් බර පිළිබඳ විශේෂ සැලකිල්ලක්‌ දක්‌වන්න වෙනවා.

රට රටවල යන නිසා කෑම පාලනය කරන්න අමාරු නැද්ද?

එහෙම නම් නැහැ. මම නම් තවම නෙට්‌බෝල්, බාස්‌කට්‌ බෝල් ක්‍රීඩා කරනවා. ඒ නිසා මම ඒ ගැන වැඩිපුර බලන්නේ නැහැ. හොඳට කන එක නම් කරනවා.

යුවතියක්‌ මොන විදිහේ චරිතයක්‌ විය යුතුයි කියලද හිතන්නේ ?

ලංකාවේ කාන්තාවක්‌ මොන විදිහට ජීවත් වුණත් මිනිස්‌සු කියන දේවල් නවත්වන්න බැහැ. තමන් හරිනම් කාටවත් බයවෙන්න වුවමනා නැහැ.

පවුලේ විස්‌තර කිව්වොත් ?

අම්මයි, තාත්තයි, අක්‌කයි. අක්‌කා විවාහකයි.

මලීකා ආදරය ගැන හිතන්නේ කොහොමද?

ආදරය හරිම සුන්දරයි. මටත් පෙම්වතෙක්‌ ඉන්නවා. ලබන අවුරුද්දේ විවාහ වෙන්න තමයි හිතාගෙන ඉන්නේ. එයා මාව ගොඩක්‌ විශ්වාස කරනවා. නැතිනම් රඟපාන්න ලැබෙන්නේ නැහැනේ.

එය පළමු ආදරය කියලත් ආරංචියි?

ඔව්. උසස්‌ පෙළ කළාට පසුව තමයි ආදරය කරන්න පටන්ගත්තේ. නමුත් පොඩි කාලේ පටන් මම ඔහුව දන්නවා. කොහොම වුණත් අපේ ආදරයට අවුරුදු දහයක්‌ විතර වෙනවා.

ගෙදර අය මේ ගැන දන්නවාද?

අපොයි ඔව්.

ඒ වුණාට විවාහ යෝජනාත් එනවා ඇති නේ ?

ඔව්. ඉතිං එහෙම යෝජනා එනවා. මොනවා කරන්නද. එයත් එක්‌ක යද්දිත් එවැනි යෝජනා එනවා. ඒවා ඉතිං නවත්වන්න බැහැනේ.

දිනේෂ් විතාන
ඡායා - නදුන් බදුගේ

copy Rights - Divayina

වඩේ එකයි ප්ලේන් ටී යයි අපිට දිව්‍ය භෝජනයක්‌ !

2011-06-23T23:17:00.000+05:30

වඩේ එකයි ප්ලේන් ටී යයි
අපිට දිව්‍ය භෝජනයක්‌ !
සුමින්ද සිරිසේන

රූපවාහිනිය අපට හඳුන්වා දුන් වකවානුවේ සිට මේ දක්‌වා තම රංගන හැකියාව එක ලෙස පවත්වාගෙන එන රංගන ශිල්පීන් ශේෂය අතරේ ප්‍රමුඛයා ලෙස ඔහු හැඳින්වීම සැබවින්ම යුක්‌තිසහගතය. යථාර්ථවාදී රංගනය, ප්‍රහසන මැනවින් හඳුනාගෙන වත්මන් පරපුරට තම හැකියාවෙන් ගුරුහරුකම් දීමට සූදානමින් සිටී. අප මේ හේතුපාඨ කියන්නේ අන් කවරෙක්‌ ගැනවත් නොවේ, සුමින්ද සිsරිසේන ගැනය.

වෙනස්‌ ආකාරයේ තේමාවක්‌ රැගත් නිර්මාණයකින් ඔබ කරළියට ඇවිත්ෘ ඒ ගැන කතා කරමුද?

සමන් කුමාර ලියනගේ අධ්‍යක්‍ෂණය කරන, ස්‌වර්ණවාහිනිය නිෂ්පාදනය කරන මොනරතැන්න මේ දිනවල විකාශය වෙනවා. පිටපත ලැබුණු විටම මට හිතුනා මේක වෙනස්‌ ආකාරයක නිර්මාණයක්‌ කියලා. මොකද එක අතකින් බැලුවාම මේක සත්‍ය හා අද්භූත භාවය අතර දිගහැරෙන කතාවක්‌. මං හිතනවා මේ නිර්මාණය ප්‍රේක්‍ෂකයන්ගේ අවධානය දිනාගැනීමට හැකි විදිහේ නිර්මාණයක්‌ වේවි කියලා. ඒ වගේම මම තෘප්තියකින් රඟපාපු චරිතයක්‌.

දැන් දැන් ප්‍රේක්‍ෂකයා වට්‌ටෝරු නිර්මාණවලින් බැහැරව, වෙනස්‌ මානයන්ගෙන් යුත් නිර්මාණවලට ඇලුම් කරන්න පටන් අරන් නේද?

ඔව්! ඇත්තටම ඒක පසුගිය කාලෙ පුරාවටම අපිට දකින්න ලැබුණා. ඒකාකාර නිර්මාණ නරඹලා ප්‍රේක්‍ෂකයෝ හෙම්බත් වෙලා ඉන්නෙ. නමුත් යම් පිරිසක්‌ ඉන්නවා සාමාන්‍ය නිර්මාණ පමණක්‌ම නරඹන සහ එවා වැළඳ ගන්න. ඒ වගේම තවත් පිරිසක්‌ ඉන්නවා අතීතයේ ඉඳන්ම අර්ථවත් නිර්මාණ පමණක්‌ රස විඳපු.

ඔවුන් පසුගිය කාලෙ පුරාවටම ලොකු පිපාසයකින් තමයි හිටියේ ඔවුන්ට නරඹන්න නිර්මාණ බිහි නොවීම නිසා. ඉතිං එවැනි ප්‍රේක්‌ෂකයන්ට මෙවැනි නිර්මාණ බිහිවීම සුබ ආරංචියක්‌ බවට පත්වෙයි කියලා මම හිතනවා. කෙසේ වෙතත් ඒකාකාර නිර්මාණවලින් බැහැරව නව මානයන්ගෙන් යුත් නිර්මාණ කෙරෙහි නිර්මාණ කරුවන්ගේ අවධානය යොමුවිය යුතුයි.

නමුත් එවැනි නිර්මාණ සඳහා ගුණාත්මක භාවයකින් යුත් පිටපත් බිහිවෙන්නේ නැහැ නේද?

මෙතන වෙලා තියෙන්නෙ දැන් ටෙලි නාට්‍ය කර්මාන්තයක්‌ බවට පත්වෙලාෘ මීට කලින් චිත්‍රපටවලත් ඔහොම වෙලා තිබුණා. චිත්‍රපට කර්මාන්තයක්‌ වෙලා තිබුණු කාලේ මොකක්‌ හරි පිටපතක්‌ හදාගෙන ඒකට ප්‍රේම ජවනිකා ටිකක්‌, නැටුම් ටිකක්‌, සටන් ටිකක්‌ දාලා, මොකක්‌ හරි කරන්න දාගත්තනේ. මේක කර්මාන්තයක්‌ වුණාම වෙන්නෙ යෑපෙන පිරිස වැඩි වෙනවා. ඒ වගේම මුදල් යොදා ලාභ ලබාගන්න උත්සාහ කරන පිරිසත් වැඩිවෙනවා. මෑත කාලෙ ටෙලි නාට්‍යවලටත් ඕක තමයි වුණේ. පිටපතක්‌ ලියනවා කියන එක ලෙහෙසි පහසු කටයුත්තක්‌ නොවෙයි. ඒකෙ ගලායැමක්‌ තියෙන්න ඕන. ඝට්‌ඨනයක්‌ තියෙන්න ඕන. මිනිස්‌සුන්ට පිළිගන්න පුළුවන් චරිත නිරූපණ තියෙන්න ඕන. ඉතිං ලංකාවෙ හොඳ පිටපත් බිහිනොවෙන්න එක හේතුවක්‌ තමයි සාහිත්‍යය කියන දේ වළපල්ලට යැම. අද "සාහිත්‍යය" කියන විෂය ඇත්තෙම නෑ. ඉතිං සාහිත්‍ය ඇසුරු නොකරන පිරිසක්‌ බිහිවීම රටකට බොහොම නරක විදියට බලපානවා. මානසිකව යම් තලයකට යන පිරිසක්‌ නොමැතිවීම නිසා හොඳ පොතක්‌ ලියන කෙනෙක්‌, හොඳ ගීතයක්‌ ලියන කෙනෙක්‌, හොඳ නිර්මාණයක්‌ බිහිකරන කෙනෙක්‌ නැතිවෙලා යනවා. ඉතිං ඒවා තමයි විශේෂයෙන්ම බලපාල තියෙන්නෙ මේ ක්‍ෂේත්‍රයේ කඩාවැටීමට.

නමුත් වෙනත් රටවල කර්මාන්තයක්‌ හැටියට කලා ක්‍ෂේත්‍රය මීට වඩා ගුණාත්මකව පවතිනවා නේද?

ඒකට නං හේතු ගොඩක්‌ තියෙනවා. මේක ඉතිං වෙළඳ දැන්වීම් හා සම්බන්ධ කාරණාවක්‌නෙ. මේ ක්‍ෂේත්‍රය පවතින්නෙ විකිණෙන්නා වූ බඩු විකුණලා. මිනිස්‌සු බඩු විකුණුවොත් තමයි ඉන් පහළට මේක පවතින්නෙ. වෙළඳ දැන්වීම් ප්‍රචාරය සඳහා තමයි මේ සියල්ල සිදු කරන්නෙ. වෙළඳ දැන්වීම් නරඹන පිරිසක්‌ ඉන්නවා එක්‌තරා වයස්‌ මට්‌ටමක. ඔවුන් සඳහා තමයි බොහොමයක්‌ නිර්මාණ බිහිවෙන්නෙ. අද නිර්මාණ නිර්මාණය වෙන්නෙ ප්‍රේක්‍ෂකයා වෙනුවෙන් නොවෙයි ඉලක්‌ක පාරිභෝගිකයන් පිරිසක්‌ වෙනුවෙනුයි. බඩු මිලදී ගන්න පිරිස වෙනුවෙන් තමයි හැම දේම නිර්මාණය වෙන්නෙ. ඔවුන් සතුටු වන විදිහේ නිර්මාණ තමයි අද නිර්මාණය කරන්න වෙලා තියෙන්නෙ. වෙනත් රටවල පවතින ක්‍රමවේදයට වඩා වෙනස්‌ ක්‍රමවේදයක්‌ තමයි මෙහෙ භාවිත වෙන්නෙ.

ඔබ චරිතාංග රංගන ශිල්පියෙක්‌ සහ හාස්‌යෝaත්පාදක රංගන ශිල්පියෙක්‌ විදිහට අති සාර්ථකයි. කොහොමද මේ අන්ත දෙකම සමබරව පවත්වාගන්නෙ?

ඒක ඉතිං පළපුරුද්ද සහ කළ පුරුද්දෙන් තමයි එන්නෙ. ප්‍රහසනය ගත්තොත් ඒකත් ඉතිං අර රංගනයම තමයි. නමුත් එතනදී ප්‍රහසනය මතුවෙන්නෙ රංගන ශිල්පියා අනපේක්‍ෂිත ලෙස මුහුණ දෙන සිදුවීම් නිසා. කෙනෙක්‌ අස්‌වාභාවික සිදුවීමකට මුහුණදුන්නාම තමයි ඒක හාස්‍යයට ලක්‌වෙන්නෙ. ඒ වගේම ඉතිං තමා තුළත් හාස්‍ය මතු කිරීමේ කුසලතාවක්‌ තිබිය යුතුයි මොකද විකට නළුවෙක්‌ වීම හරි අමාරු දෙයක්‌.

ඔබගේ පරම්පරාවෙන් පසු මේ ක්‍ෂේත්‍රය භාරගන්න ඉන්න පිරිස ගැන ඔබට සතුටු විය හැකිද?

එහෙම සතුටු වෙන්න පුළුවන් පිරිසකුත් ඉන්නවා. ඇත්තටම ඔවුන් ඉදිරි පරම්පරාව හැටියට හොඳ දේ කරාවි යෑයි හිතන්න පුළුවන්. නමුත් අර මං මුලිනුත් කිව්ව වගේ ඔවුන්ගේ දක්‍ෂතා මතුවෙන්න හොඳ නිර්මාණ බිහිවිය යුතුයි. ඔවුන් පොතපත සාහිත්‍ය ඇසුරු කළ යුතුයි. එවිට මං හිතනවා ප්‍රතිභාපූර්ණ පිsරිසක්‌ බිහිවෙයි කියලා.

නමුත් ඔබ පරම්පරාවට සාපේක්‌ෂව අලුත් පරම්පරාවට විශාල ලෙස විනය පිළිබඳව චෝදනා එල්ල වෙනවා නේද?

මෙහෙමයි අපි අපේ ගමන පටන් ගත්තෙ වේදිකාවෙන්. ඒ කාලෙ වඩේ එකයි ප්ලේන්ටියයි තමයි අපිට දිව්‍ය භෝජනය වුණේ. ඉතිං එහෙම දුක්‌ විඳල විඳලා බෙහොම අමාරුවෙන් තමයි මෙතනට ආවෙ. නමුත් අද අලුත් පරපුර එහෙම දුක්‌ විඳලා නොමෙයි මෙතනට එන්නෙ. පෞද්ගලික හේතුකාරණා මත ඔවුන් ක්‍ෂේත්‍රයට එනවා. මනා සූදානමක්‌ හෝ අත්දැකීම් අඩු නිසා විනය පිළිබඳව ගැටලු ඇතිවෙනවා.

ඔබේ රංගන පාසල අතරමග නැවතුනා නේද?

ඔව් පසුගිය කාලෙ ඒක නතරවෙලා තිබුණා. නමුත් අගෝස්‌තු මාසෙ නැවත ඒක ආරම්භ කරනවා. ඉතිං ඒකට සම්බන්ධ වෙන්න කැමැති අයට පුළුවන් මගේ දුරකථන අංකය 071-8030610 ට කතා කරලා විස්‌තර දැනගන්න.

මොනවද ඉදිරි වැඩ කටයුතු?

මේ දිනවල ස්‌වර්ණවාහිනියෙ මොනරතැන්න ටෙලිනාට්‍යය විකාශය වෙනවා. ඊට අමතරව අජිත් ලොකුගේ අධ්‍යක්‍ෂණය කරන "පරණ ටවුම" ටෙලිනාට්‍යය විකාශය වෙන්න තියෙනවා. ඒකෙ ඉන්නෙ අපේ පරණ කට්‌ටියම තමයි. ඊට අමතරව ජාතික රූපවාහිනියේ වැඩ වගයකට කතා කරල තියෙනවා.

මාලක නන්දන

Copy Rights - Divayina

‘චතුරංග’ නමින් කෙටි නාට්‍ය 4k ජූලි 01ලූම්බිණි රගහලේදී

2011-06-23T22:31:00.005+05:30

‘චතුරංග’ නමින් කෙටි නාට්‍ය හතරක් රැගත් නාට්‍ය උළෙලක් 2011 ජූලි මස 01 වෙනි දින සවස 6.30 ට කොළඹ හැව්ලොක් ටවුන් ලූම්බිණි රගහලේදී වේදිකා ගත කිරීමට නියමිතය

පහත සඳහන් නාට්‍ය 4 උළෙල නියෝජනය කරනු ලබයි.

01 ඕෂදී ගුණසේකර විසින් රචනා කොට අධ්‍යක්ෂණය කරන ලද ‘සුභ උපන් දිනයක්’ කෙටි නාට්‍යයේ මංගල දර්ශනය මෙදින පැවැත්වෙන අතරල ඩිලූෂා නදීකමාලි අනුරාධ මල්ලවාරච්චි අරුනෝද් විජේසිංහ චරිත නිරූපණයෙහි යෙදෙති.

චින්තක ජයකොඩි සංගීතය නිර්මාණය කරනු ලබන අතර ආලෝක පාලනය රංග සමරකෝන් විසිනි. වේදිකා පසුතල නිර්මාණය චාමර ප‍්‍රසන්න සිදු කරනු ලබන අතර,
ඇඳුම් නිර්මාණය ඩිලූෂා නදීකමාලි ගෙනි.


02
ජෙහාන් ශී‍්‍රකාන්ත අප්පුහාමි විසින් රචනා කොට අධ්‍යක්ෂණය කරන ලද
‘සින්දු 5 යි Calls 5 යි’ කෙටි නාට්‍ය මෙදින වේදිකා ගත කෙරෙන අතරල ජෙහාන් ශී‍්‍රකාන්ත පාලිත අබේරත්න තුසිත ලක්නාත් ප‍්‍රසාදිනී අතපත්තු ලංකා බණ්ඩාරනායක මෙම නාට්‍යයෙහි චරිත නිරූපණයෙහි යෙදෙති.

සංගීතය නිර්මාණය පාලිත අබේරත්න ගෙනි. රංග සමරකෝන් ආලෝක පාලනය සිදු කරනු ලබන අතර ඇඳුම් නිර්මාණය ජෙහාන් ශී‍්‍රකාන්ත අප්පුහාමි විසිනි.

03
මහේෂ් උමගිලිය විසින් රංග වින්‍යාසය සිදු කරමින් අධ්‍යක්ෂණය කරන ලද
‘කඵ ලේ’ කෙටි මුද්‍රා නාට්‍යයද මෙම උළෙල නියෝජනය කරයි

දිනූෂා නදීකමාලි සුමින්ද නවරත්න දනුෂ්ක නුවන් අචලා උමයානි රංගනයෙහි යෙදෙන මෙම මුද්‍රා නාට්‍යයෙහි ආලෝක පාලනය සහ වේදිකා පසුතල නිර්මාණය මහේෂ් උමගිලිය විසින් සිදු කර ඇත.

04
‘එයත් එක්කත් යාඵ වෙන්න’ මෙම උළෙල නියෝජනය කරනු ලබන කෙටි ළමා නාට්‍යයි.

චූල දසනායක විසින් අධ්‍යක්ෂණය කරන ලද මෙම නාට්‍ය ජනක ප‍්‍රසාද් රචනා කොට ඇත

කවිශ්ක ධනංජය නිශාන්ත කමලිදු සුබෝධා චරිතපානි රංගනයෙහි යෙදෙන මෙම ළමා නාට්‍යයෙහි සංගීතය නිර්මාණය කර ඇත්තේ දිමුතු දේශපි‍්‍රය විසිනි.

ආලෝකකරණය රංග වස්ත‍්‍රාභරන නිර්මාණය චූල දසනායක විසින් සිදු කර ඇති අතර වේදිකා පසුතල නිර්මානය චාමික සංජීව ගෙනි.

‘එයත් එක්කත් යාඵ වෙන්න’ ළමා නාට්‍ය කුරුවිට රගමඩල සෞන්දර්යාශ‍්‍රමයේ නිෂ්පාදනයක්.

ඒක මට සුළු කැප කිරීමක්.

2011-06-12T00:51:00.001+05:30

නම?

සුබෝධි ප්‍රියදර්ශනී.

ගම?

නුවර.

දැන් ඉන්නේ?

මහරගම, නාවින්නේ.

උපන් දිනය?

1989. 07. 04

පාසල?

මැද මහනුවර මධ්‍ය මහා විද්‍යාලය.

ලග්නය?

කටක.

වෘත්තීය?

රංගනය.

රඟපෑ නාට්‍යය?

සිහින සිතුවම්, අහස් පව්ව, හිරු දුටු පිනි, සත් රළ පෙළ, සුන්දර සුවාරිස්.

චිත්‍රපට?

ඩෙන්සිල් ජයවීරගේ වස්සානයේ සෙනෙහස.

මුලින්ම කැමරාව ඉදිරියේ පෙනී සිටින්න අවස්ථාව දුන්නේ?

සුරේෂ් කුමාරසිංහ.

මුල්ම රංගන අත්දැකීම මතකද?

ඔව්, මට තිබුණේ පාසල් ළමයකුගේ චරිතයක්

කොහොමද ඒකට මුහුණ දුන්නේ?

ඒ චරිතය අමුතුවෙන් රඟපෑවේ නැහැ. ඒ දවස්වලනේ පාසලෙන් අයින් වුණේ.

ඇයි නිළියක් වුණේ?

ආසාවට.

රඟපානවාට ගෙදර අය මොනවද කියන්නේ?

අඩුපාඩු පෙන්වා දෙනවා. ඒ අය කැමැතියි මං නිළියක් විදියට ඉදිරියට යනවට.

එතකොට ඔබේ ප්‍රේමවන්තයා?

එහෙම කෙනකු නැහැ කියලා තමා කියන්න වෙන්නේ.

කොහොමද ක්ෂේත්‍රය?

හොඳයි.

අවස්ථාවාදීන් වැඩියි නේද?

ඒක නම් එහෙම තමයි. අවස්ථාවාදීන් මටත් හමු වෙලා තියනවා. මං ඒ අයව ගණන් ගන්නවා අඩුයි.

පොත පත කියවනවද?

ඔව්.

වැඩියෙන්ම කියවන්නේ?

මාර්ටින් වික්‍රමසිංහ මහතා ලියූ පොත්.

රංගනය හදාරනවාද?

ඔව්.

ආචාර්ය ලෙස්ටර් ජේම්ස් පීරිස් මහතා ගැන දන්නේ මොනවාද?

එතුමා අපට සිටන දක්ෂ අධ්‍යක්ෂවරයෙක්.

රුක්මණී දේවිය ගැන?

ඇය නිළියක්.

යළි යළිත් නරඹන්න කැමැති සිංහල චිත්‍රපටය?

තුෂාරා.

ඔබ රඟපෑවා නම් හොඳයි කියලා හිතෙන ගීතමය ජවනිකාව?

ඔබටයි ප්‍රියේ ආදරේ චිත්‍රපටයේ දිය කිඳුරිය සේ සාගරේ ගීතය.

විවාහ වන දවසේ අඳින්න හිතාගෙන ඉන්නේ?

උඩරට මනාලියක් විදිහට.

කොයි කාලෙද විවාහ වන්නේ?

තවම තීරණයක් නැහැ.

විවාහයෙන් පසුව රඟපානවාද?

ඔව්.

සහකරුවා රඟපාන්න එපා කිව්වොත්?

මං බඳින්නේ මාව තේරුම් ගත්ත කෙනෙක්ව පමණයි.

සමහර නිළියන්ගේ විවාහ ජීවිත බිඳී යන්නේ ඇයි?

තමන් හරියාකාරව තේරුම් නොගත් අයකු හා විවාහ නොවූ හින්දා වෙන්න ඇති.

පෞද්ගලික ජීවිතයට වඩා මුල් තැන දෙන්නේ රංගනයටද?

දෙකම සමබරව ගෙනි යන්නයි අදහස.

රඟපාන දර්ශන තලයක ඔබ අකැමැති කෙනෙකු සිටියොත්?

මොනවා කරන්නද, එයා ගැන හිතන්නේ නැතිව මගේ රංගන කටයුතු දිගටම කරගෙන යනවා.

රඟපාන්න ප්‍රිය කරන චරිතයක් තිබේද?

ඔව්. මං මෙහෙණින් වහන්සේ කෙනෙකු විදිහට රඟපාන්න ආසයි.

එතකොට කොණ්ඩය කපන්න වෙනවනේ?

ඒක මට සුළු කැප කිරීමක්.

ඔබ අගය කරන අධ්‍යක්ෂවරුන් තිදෙනෙක් නම් කළොත්?

නාලන් මෙන්ඩිස්

ජනක චමින්ද

රන්ජන් ප්‍රසන්න

දවස පටන් ගන්නේ?

ව්‍යායාම කරලා.

ගෙදර ඉන්න කොට?

ටී. වී. බලනවා.

කම්මැලි හිතුනම?

පංසල් යනවා.

නිළියක් වීම ගැන?

සතුටුයි.

දවසේ හොඳම වෙලාව?

රෑ.

පවුලේ තොරතුරු?

අම්මයි, අප්පච්චියි, අක්කලා දෙන්නයි.

ඔබ ගැන කෙටියෙන් හැඳින්වූවොත්?

අධිෂ්ඨනශීලි කෙනෙක්.

ලිපිනය?

02, උඩතැන්න,
මැද මහනුවර.

සේයාරුව - මාලන් කරුණාරත්න
ප්‍රසාද් සමරතුංග

Copy Rights - Sarasaviya

ජැකලයින්ට වැඩ ගොඩක්

2011-06-12T00:48:00.000+05:30

ජැකලයින් ෆර්නැන්ඩස්ගේ සිනමා ජීවිතයට තවමත් ඇත්තේ අඩු ආයු කාලයකි. 2009 දී හා හා පුරා කියා රැඟූ ‘ඇලඩින්’ සිනමා පටයත්, 2010 තිරගත වූ ‘ජානේ කාහාන් සෙ ආයි හයි’ සිනමා පටයත් ඇය තරුවක් කිරීමට සමත් නො වුණි.

බොලිවුඩයේ තම රංගන වාසනාව උරගාමින් සිටි අපේ රටේ ජැකී, (ජැකලයින්), දැන් බලාගෙන සිටින්නේ ‘මර්ඩර් 2’ තිරගත කෙරෙන තුරුයි. ‘මර්ඩර් 2’ ජූලි අට වැනිදා තිරගත කිරීමට නියමිතයි. සිනමා පටය පිළිබඳ අහස උසට බලාපොරොත්තු පොදි බඳිමින් සිටින ජැකීට, සිනමා පටය ළඟ ළඟම තිරගත වීමට නියමිතව තිබීම සතුටට කරුණකි. එහෙත් සිනමා පටය තිරගත වන දිනය සම්බන්ධයෙන් ඇය විශාල අකරතැබ්බයකට මුහුණ පා සිටින්නීය.

ජැකලයින් ෆර්නැන්ඩස්, සජිඩ් ඛාන්ගේ ‘හවුස්ෆුල් 2’ සඳහා ද තෝරා ගෙන ඇති අතර සිනමා පටයේ රූගත කිරීම් සඳහා දින හතළිහක කාලයක් එංගලන්තයේ නතර වී සිටීමට සිදු වී තිබේ. මේ නිසා ‘මර්ඩර් 2’ ප්‍රවර්ධන කටයුතුවලට සහභාගි වීමට ඇයට සිදු නො වෙයි.

‘මාව ලෝක අමාරුවක වැටිලා. එක අතකින් ‘මර්ඩර් 2’. අනිත් අතින් ‘හවුස්ෆුල් 2’. ‘මර්ඩර් 2’ ප්‍රවර්ධන කටයුතුවලට සහභාගි වීමට ‘හවුස්ෆුල් 2’ රූගත කිරීම් නිසා ඉඩක් ලැබෙන්නේ නැති පාටයි.

‘හවුස්ෆුල් 2’ හි රඟපාන්න ලැබීම අදහා ගන්න බැරි අත්දැකීමක්. අක්ෂේ කුමාර් කියන්නෙ විකට රජෙක්. ජෝන් ඒබ්‍රහම්, අක්ෂේ කුමාර් සමඟ වැඩ කරන්න ලැබීම හරිම සතුටක්.

‘රූගත කරන දින සහ ප්‍රවර්ධන කටයුතු සම්බන්ධව යම් සහනයක් ගන්න අධ්‍යක්ෂවරුන් සමඟ මේ දිනවල කතාබහ කරමින් සිටිනවා.’

ජැකී පැවසුවේ යම් සහනයක් ලැබේවි යන බලාපොරොත්තුව දෑස්හි දල්වාගෙනයි.

හවුස්ෆුල් පළමු සිනමා පටයේ ජැකලයින් පෙනී සිටියේ කෙටි ගීතමය ජවනිකාවකට පමණයි. ඒ නිසා රංගන ශිල්පිනියක ලෙස ඇයට හා හා පුරා කියා විකට චරිතයක් නිරූපණය කිරීමට ලැබෙනුයේ හවුස්ෆුල් දෙවැනි සිනමා පටයේයි.

ජැකලින් මෙහි ප්‍රථම වරට ජෝන් ඒබ්‍රහම්ගේ පෙම්වතිය බවට පත් වන්නීය.

‘මර්ඩර් 2’ හි ජැකලයින් ෆර්නැන්ඩස්ගේ රංගනය කවුරුත් බලා සිටින රංගනයකි. මල්ලිකා ෂෙරාවත්ගේ අනුරාගී රංගනයට නො දෙවෙනි රංගනයක් ජැකලයින්ගෙන් රසිකයන් බලාපොරොත්තුවෙන් සිටී.

2004 දී තිරගත වූ ‘මර්ඩර්’ පළමු සිනමා පටය මඟින් මල්ලිකා ෂෙරාවත් දිදුලන තාරකාවක බවට පත් වූවාය. ජැකී ‘මර්ඩර් 2’ හි රඟන්නේ එයට ඉතා වෙනස් චරිතයකි. එහෙත් එය සරාගී චරිතයකි.

‘මල්ලිකාවත් මාවත් සසඳන්න වැඩි දෙනෙක් උත්සාහ කරනවා. මං මර්ඩර් බැලුවා. ඇත්තෙන්ම මල්ලිකා එහි අපූරු රංගනයක් ඉදිරිපත් කරනවා.’

සහෝදර නිළියගේ රංගනය ගැන ජැකලයින් දරන්නේ එවන් අදහසකි. විසිපස් හැවිරිදි ජැකී, ප්‍රධාන නළු ඉම්රාන් හෂ්මි සමඟ ‘මර්ඩර් 2’ හි රැඟුවේ ප්‍රථම වරටය. එහෙත් දෙදෙනාගේ සරාගී දර්ශන බලන කාටවත්, මේ නම් නන්නාඳුනන යුවළක් නො වෙයි කියා කීයටවත් සිතෙන්නේ නැත. එයට හේතුව දෙදෙනා අනුරාගී දසුන් රූ ගත කිරීමට පෙර එකිනෙකා ගැන හොඳින් දැනුවත් වීමයි. සිනමා පටය රූගත කිරීමට පෙර දෙදෙනා එකිනෙකා සිප වැළඳ ගන්නා දර්ශන කිහිපයකට පෙනී සිටි බවට ද ආරංචියි.

හවුස්ෆුල් 2 තිරගත කෙරෙන්නේ ලබන වසරේදීයි. මේ වසරේ ඇයගේ බලාපොරොත්තුව ‘මර්ඩර් 2’ යි.

‘මං දැන් චිත්‍රපට මාලා රැජනක් බවට පත් වෙලා’ ජැකී සතුටින් කියන්නීය. ඇයට මාලා රැජනක ලෙසින් හෝ බොලිවුඩ් තාරකාවක ලෙස ස්ථාවර වී, ජය කෙහෙලි නංවන්න ලැබුණොත් එය ලාංකික අපට ද ආඩම්බරයක් ගෙන දෙයි.

ලංකාවේ බස්නාහිර පලාතේ, මැලේසියානු මවකගේ දියණියක වී ඉපදුණු ජැකලයින් තම රුවින්, ලෝකයේ මුලින්ම නමක් තැබුවේ 2006 දීයි. ශී‍්‍ර ලංකා රූ රැජන ලෙසිනි. දැන් ඇය තම හැඩකාර රුවින් බොලිවුඩයේ දිගු ගමනක් යාමට මුල පුරා ඇත. ඒ තමන් හැකියාවක් ඇති සුරූපිනියක බව ද ලොවට පෙන්වමිනි. පසුගිය අයිෆා සිනමා සම්මාන උළෙලේත්, ස්ටාර්ඩස්ට් සම්මාන උළෙලේත් හොඳම නවක නිළිය වූයේ අපේ ‘ජැකී’ ය.

අන්තර් ජාලයෙනි

- චම්පිකා දීපානි රණසිංහ

Copy Rights - Sarasaviya

ජනප්‍රිය වුණත් මම තවම ප්‍රවීණයෙක්‌ නොවෙයි

2011-06-12T00:36:00.000+05:30

ජනප්‍රිය වුණත් මම තවම ප්‍රවීණයෙක්‌ නොවෙයි
රොෂාන් රණවන

හිරිපොද වැස්‌සත් රැගෙන අපේ සිනමාවට පා තැබූ අලුත්ම තාරකාව හිරිමල් යෞවන හදවත් තුළ එදා මෙන්ම අදත් ලැගුම් ගෙන සිටී... සැණෙකින් පායා ක්‍ෂණිකව නිවී යන තාරකා ඇතත් මේ තරුව අවුරුදු පහක්‌ තිස්‌සේ මෙරට සිනමා අඹරට ප්‍රභාව එක්‌කරමින් දීප්තිමත්ව දිදුලන්නේ කවර හේතුවක්‌ නිසාද... ඉවසීම, නිහතමානිකම... කැපවීම රංගන ශිල්පියෙකුට අත්‍යවශ්‍ය අංග වලින් සම්පූර්ණ වීම නිසාය.

මේ අන් කිසිවකු නොව තාරුණ්‍යයේ ආදරය දිනා සිටින රොෂාන්ය... රොෂාන් රණවනය. රොෂාන් මේ දිනවල අලුත් කටයුත්තකට සූදානම් වෙමින් සිටී. ලද විවේකය 'මීවිත' සමග එක්‌වන්නටද හේ අමතක නොකළේය.

ඔබ මේ ක්‍ෂේත්‍රයට ඇවිත් අවුරුදු පහයි.... හිතනවාද මේ කාලය තුළ ඔබ නළුවෙක්‌ ලෙස ස්‌ථාවරයි කියලා?

නළුවෙක්‌ විදිහට... ඔව්.... මම හිතනවා ජනප්‍රියත්වය පැත්තෙන් මම ජනතාව අතර ඉන්නවා කියලා... ඒත් නළුවෙක්‌ විදිහට මම තවම ප්‍රවීණත්වයට පත්වෙලා නැහැ. ඒ සඳහා හොඳ චරිත රඟපෑමට අවස්‌ථාව ලබා ගත යුතුයි. මම මේ වනවිට රඟපාලා තියෙන්නේ චිත්‍රපට දහයකයි. ඒ එන්න තියෙන සුපර් සික්‌ස්‌ සමග. ඉතින් චිත්‍රපට දහයක රඟපෑ පමණින් ප්‍රවීණයෙක්‌ වෙන්න බැහැ.... මට තව යන්න බොහෝ දුරක්‌ තියෙනවා. කොටින්ම කිව්වොත් ජනප්‍රිය වුණත් මම තවම ප්‍රවීණ නැහැ.

හොඳයි ටෙලියක, චිත්‍රපටයක රඟපෑ පමණින් සමහරු අධ්‍යක්‍ෂවරු බවට පත්වෙනවා... චිත්‍රපට අධ්‍යක්‍ෂවරයෙක්‌ වෙන්න ඔබට අදහසක්‌ නැද්ද?

අපෝ නැහැ... තවම එහෙම අදහසක්‌ නැහැ... මට තියෙන්නේ හොඳ චරිත සෙයා යැමේ පිපාසාවක්‌... කොතරම් චරිත කළත් හොඳ නිර්මාණවලට වැඩි වැඩියෙන් දායක වෙලා නළුවෙකු කියන තැනට ආ යුතුයි. 'මහින්දාගමනයේ' මා කළ චරිත වැනි චරිත තව තවත් කළ යුතුයි. නළුවෙකු මෙහෙයවන්න කලින් නළුකම නිවැරැදි ලෙස දැනගත යුතුයි. අන්න ඒ දැනුම ලබා ගන්න නම් චිත්‍රපට දහයක රඟපෑම ප්‍රමාණවත් නැහැ.

එක රැයින් ජනප්‍රිය වෙන්න තමයි අද බොහෝ දෙනෙක්‌ රඟපාන්න එන්නේ. මේ අය ඔබ දකින්නේ කෙලෙසකද?

මේ රංගන වෘත්තිය අපි නිවැරදිව හඳුනාගත යුතුයි. වැරදි අදහසකින් මේ ක්‍ෂේත්‍රයට පා තැබුවාම වරදිනවා... සමහරු එන හැම චරිතයක්‌ම භාර ගන්නවා. කාලය පිළිබඳ කළමනාකරණයක්‌ නැහැ. තමන්ට වුවමනා දේ තෝරාගත යුතුයි. නිවැරැදි වැටහීමක්‌ නොමැතිනම් මේ ක්‍ෂේත්‍රයේ රැඳෙන්න අමාරුයි.

ඔබ නළුවෙක්‌... නර්තන ශිල්පියෙක්‌. ඒ හැරෙන්නට දැන් ඔබ ගායකයෙක්‌... රොෂාන් රණවන නමැති ගායකයා ඉස්‌මතු වෙන්න මෙතරම් කල් ගතවුණේ ඇයි?

මම කලින් කීවා වගේම අපි පළමුව තෝරාගැනීමක්‌ කළ යුතුයි... මම මුලින්ම රංගන ශිල්පියෙක්‌ වුණා... එය හරිහැටි කරන්න උත්සාහ කළා. ඒ උත්සාහය සාර්ථකයි කියා මම හිතනවා. ඉන්පසු නර්තනයට ආවා. නමුත් මම කුඩාකල පටන් දස්‌කම් දැක්‌වූයේ ගායනයට. නළුවෙක්‌ වෙන්න කිසිම අදහසක්‌ තිබුණේ නැහැ. මම පාසලේ ගායනා තරගවලින් ජයගත්තා. ගායකයෙක්‌ විදිහට හැකියාවන් පෙන්වන්න මැදිහත් වුණේ සහෝදර ශිල්පි ජීවන් හඳුන්නෙත්ති. මම රන් සමනළයෙක්‌... ගීය පළමුව ගැයුවා. දෙවනුව "නීල නෙත්" ගීය ගැයුවා. zආදරේ නාමෙන්Z චිත්‍රපටයේ මා එක්‌ක රඟපෑ ප්‍රෂාන් එක්‌ක ගීයක්‌ ගැයුවා. තව සිංදු ටිකක්‌ කරලා ඇලබම් එකක්‌ නිකුත් කරන්න තමයි ඉන්නේ...

මේ දිනවල තිරගතවන "මහින්දාගමනය" චිත්‍රපටයේ මෙතෙක්‌ රඟ නොපෑ ආකාරයේ චරිතයක්‌ ඔබ රඟපානවා. එය ඔබට දැනුණේ කොහොමද?

ඇත්තටම මට මතක්‌ වෙනවා පළමුවැනි දර්ශනය රූගත කරද්දී දෙබස්‌ හරිම අමුතුයි. ඒ වෙද්දි මම පෙම්වතෙක්‌ විදිහට තමයි චිත්‍රපටවල දෙබස්‌ උච්චාරණය කරලා තිබුණේ. දැන් මහින්දාගමනය දෙබස්‌ කියද්දී මට අමුත්තක්‌ දැනුණා.... මම හරියට කියනවද... දන්නේ නැහැ කියා මටම හිතුණා. මම හැම වෙලාවෙම අධ්‍යක්‍ෂ සනත් අබේසේකරගෙන් ඇහුවා හරි නේද... ෂුවර් නේද... කියලා... මේක ඓතිහාසික සැබෑ චරිතයක්‌.... චකිතයක්‌ ඇති වුණා. හුඟාක්‌ අමාරු වුණා දෙබස්‌ කියන එක. ඒත් මම හිතනවා මම ඒ චරිතයට සාධාරණය කරලා ඇති කියලා. හොඳ ප්‍රතිචාර ප්‍රේක්‍ෂකයාගෙන් ලැබෙමින් තිබෙනවා...

ඔබ නැවතත් පුංචි තිරයේ දකින්න ලැබෙනවා....?

ඔව්... "රන් සමනළයෝ" ටෙලි නාට්‍යය සඳරුවන් ජයවික්‍රම ස්‌වාධීන රූපවාහිනියට නිර්මාණය කරන්නේ... මේක කොටස්‌ එකසිය පනහක මෙගා නාට්‍යයක්‌.

ඔබ වඩාත් ජනප්‍රිය වුණේ නිතර නිතර ප්‍රේක්‍ෂකයාට මුහුණ පෙන්වලා නොවේ.... දැන් සතියේ දින පහක්‌ එකදිගට දකින්න ලැබුණාම කරමළෙත් සුදට පෙනෙනවා කියා හිතන්නේ නැද්ද?

නැහැ... මෙහෙමයි.... මම කලින් කිව්වා වගේ මම ටෙලි නාට්‍යයකින් එන්නේ කලකට පස්‌සේ. අනෙක මේක විකාශනය වෙන්නේත් ටික කාලයයි. අඩුම ගානේ කොටස්‌ 150 ක්‌ හෝ 200 ක්‌. මම රඟපාන්නෙත් මේ ටෙලි නාට්‍යයේ විතරයි. එනිසා මට හිතෙනවා ප්‍රශ්නයක්‌ නැහැ කියලා.... හරි හෝ වැරදි හෝ වේවා මම මේ අවදානම භාරගත්තා... මම හිතනවා මෙය මට හානියක්‌ වෙන එකක්‌ නැහැ කියලා.

නළුවෙකුට හෝ නිළියකට වෙබ් අඩවියක්‌ (web site) අවශ්‍යමද?

ඒක ඉතින් එක එක්‌කෙනාගේ හැටියට. වෘත්තීයමය නළුවෙක්‌ නම වෙබ් එකක්‌ අවශ්‍යයි. ඒක ඔහුගේ නිර්මාණ ජීවිතයට උපකාරි වෙනවා. ජාත්‍යන්තරවත් එය වැදගත්. අනෙක වෙබ් එකක අදාළ නළුවාගේ සෑම ජීව දත්තයක්‌ම අඩංගු වෙනවා. ඒක චිත්‍රපට අධ්‍යක්‍ෂවරයෙකුට විශාල උදව්වක්‌ වෙනවා ඒ නළුවා ගැන සොයා බලන්නට. අනෙක අද අපේ රටෙත් බොහෝ දෙනෙක්‌ නව තාක්‍ෂණය එක්‌ක සම්බන්ධයිනේ... ඉතින් රසික රසිකාවියන් වුණත් කැමැතියි වෙබ් එක හරහා තමන් ආදරය කරන ශිල්පියාගේ තොරතුරු දැනගන්න. මම හිතනවා නළුවෙකුට සීයට අනූවක්‌ විතර වෙබ් එක ප්‍රයෝජනවත්.

ඒකද ඔබත් දැන් වෙබ් අඩවියක්‌ නිර්මාණය කරන්නේ?

ඔව්... කලක ඉඳලා එවැන්නක අවශ්‍යතාව දැනුණා. කාලය එළැඹෙන තරු බලාහිටියා. මම හිතුවා දැන් ඒ සඳහා කාලය කියලා. මගේ වෙබ් සයිට්‌ එක මෙම 22 වැනිදා සිට අන්තර්ජාලයට මුදාහරිනවා... ඕනෑම කෙනකුට ඒ ඔස්‌සේ මා ගැන විස්‌තර දැනගන්න පුළුවන් වේවි. වෙබ් එකට පිවිසෙන අයුරු 22 වැනිදාට කියන්නම්.

විවාහය කෙනකුගේ ජීවිතයේ වැදගත්ම අවස්‌ථාවක්‌. මේ වැදගත් මොහොතට ඔබ තවම සූදානම් නැද්ද?

ඇත්තම කිව්වොත් ඇත්තටම නැහැ. වයස හරි කියලා හිතුවත් විවාහය සඳහා මනසින් සූදානම් විය යුතුයි. විවාහය කියන්නේ කාර් එකක්‌ ගන්නවා වගේ වැඩක්‌ කියලා සමහරු හිතනවා. කෑම කනවා වගේ කරන්න ඕන නිසාම කළ යුත්තේ කියලත් ඇතැමුන් හිතනවා. ඒත් විවාහය කියන්නේ වගකීමක්‌.... අපි කරන හැම කාර්යයකටම වඩා වැදගත් දෙයක්‌. කෙනකුගේ විවාහය නිසා ඔහුගේ ජීවිතය ඇතිවෙන්නත් පුළුවන් නැති වෙන්නත් පුළුවන්. එම නිසා මම තවම මේ වගකීම භාරගන්න සූදානමක්‌ නැහැ. නළුවෙකු විදිහට මම තව දුර යායුතුයි.

විවාහය නිසා ඔබට ඔබේ රසික රසිකාවියෝ අහිමි වේයි කියා හිතනවද?

නැහැ... මම එහෙම හිතන්නේ නැහැ... දැන් බලන්න ඉන්දියාවේ ඉහළින්ම ඉන්න නළු නිළියෝ. ඒ අය ඔක්‌කොම කසාද බැඳලා... ඒ වුණාට මම තවම විවාහයක්‌ ගැන හිතන්නේ නැහැ.

අජිත් අලහකෝන්
ඡායා - දිනේෂ් ගමගේ

Copy Rights - Divayina

ගින්නක් නැතිව නඟින දුම් මේ වෙබ් පිටු අතර තියෙනවා

2011-06-12T00:34:00.002+05:30

ගින්නක් නැතිව නඟින දුම් මේ වෙබ් පිටු අතර තියෙනවා

ජැක්සන් ඇන්තනී

අන්තර්ජාලය කියන්නේ වර්තමාන ලෝක සන්නිවේදනයේ ඉහළම තාක්ෂණික දියුණුවයි. මේ සුපිරි තාක්ෂණය හසුරුවන්න ඕනැත් සුපිරි ජනමාධ්‍ය දැනුමක් ඇති පළපුරුදු වෘත්තිය මාධ්‍ය කරුවන්මයි. ලෝකයේ එහෙම වෙනවා ඇති.

අපේ රටේ එහෙම වෙනවද කියලා සැක සහිතයි. ගම්මැද්දේ ගහක එල්ලා තිබුණු කැලෑ පත්තරයත් සන්නිවේදන මාධ්‍යයක් තමයි. හැබැයි ඒක ජන සන්නිවේදනය නොවෙයි. ජන සන්නිවේදන ශිල්පියාට කැලෑ පත්තර කාරයාට වඩා සමාජ මානව වගකීමක් තියෙනවා.

හැබැයි අපේ රටේ මේ සුපිරි අන්තර්ජාල සන්නිවේදනයේ කැලෑ පත්තරෙන් එහාට නොගිය පහත් සන්නිවේදනත් තියෙනවා. ප්‍රවෘත්තියක් පළ කරන කොට එහි සත්‍ය අසත්‍ය භාවය පිළිබඳ වගකීමක් තියෙන්නේ වගකීම් සහිත ජන සන්නිවේදකයාටයි. කැලෑ පත්තර කාරයාට ඒ වගකීම නෑ.

ප්‍රතිරූප වලට ගල් ගැසීම හෙවත් ‘ඵල ඇති රුකට වවුල්ලු වැහීම’, ‘කිරි ගස් වලට හෙණ ගැහීම’ අද අන්තර්ජාලයේ අලුත් ම මෝස්තරය වෙලා. ගින්නක් නැතිව නගින දුම් මේ වෙබ් පිටු අතර තියෙනවා. ‘බොරුව‘ සහ ‘අමූලික බොරුව‘ අතර තියෙන වෙනසවත් මේ අය දන්නේ නෑ. කාට හෝ අනියත චෝදනාවකින් මඩ ගසා තමන්ගේ වෙබ් පිටුව ප්‍රසිද්ධ කර ගැනීමේ මෝස්තරය හරි අනුවණයි.

මේ අය දන්නෙ නෑ ‘ප්‍රසිද්ධිය’ සහ ‘ජනප්‍රියත්වය’ කියන වචන දෙකේ වෙනස. පාර මැද්දෙ හෙලුවැල්ලෙන් හිට ගත්තහම ජනපි‍්‍රය වෙන්නෙ නෑ. හැබැයි ප්‍රසිද්ධ වෙනවා. ‘හිට්ලර් ජනප්‍රිය නෑ. හැබැයි ප්‍රසිද්ධයි.

මතක තියාගන්න ඕනෙ මේ සයිබර් අවකාශයේ ඉතාමත් ප්‍රයෝජනවත් තොරතුරු තියෙනවා. ලංකාවේ ඉන්න වෙබ් මාධ්‍ය කරුවන් හැමෝටම මේ චෝදනාව එල්ල කිරීම වැරදියි. මා පවා පෞද්ගලිකව වෙබ් පිටු වලින් අධ්‍යාපන ලබනවා. විද්‍යුතයට ගැළපෙන දියුණු වූ මාධ්‍ය අවබෝධයෙන් යුතු නිවැරදි මාධ්‍ය කරුවන් අතරින් මේ නිර්නාමික කැලෑ පත්තර කාරයා වෙන් කොට හඳුනා ගත යුතු වෙනවා.

මේ මාධ්‍ය විරෝධී මඩ ව්‍යාපාරවලින් සයිබර් අවකාශය බේරා ගන්න වෙනවා. මේ නිර්නාමික විද්‍යුත් කැලෑ පත්තර වලින් හානි වෙන්නෙ ලංකාවේ ජනමාධ්‍ය කලාවයි. සියලුම ජනමාධ්‍ය ප්‍රාමාණිකයින්, වගකිව යුත්තන් මේවාට විරුද්ධව ප්‍රතිපත්තිමය ලෙස නැගී සිටීමක අවශ්‍යතාව පෙනෙනවා. නැත්නම් මේ රටේ අනාගත පරම්පරාවත් විනාශයි, මාධ්‍ය ප්‍රජාවත් විනාශයි, සයිබර් අවකාශයත් විනාශයි.

Copy Rights - Silumina

අපි කරන හොඳ දේවල් වෙබ් අඩවිවල යන්නේ නෑ

2011-06-12T00:34:00.001+05:30

අපි කරන හොඳ දේවල් වෙබ් අඩවිවල යන්නේ නෑ

අයෝමි ශානිකා

මම හිතන විදිහට මේ වගේ වෙබ් අඩවි පවත්වා ගෙන යන පුද්ගලයන්ට උපරිම දඬුවම් දෙන්න ඕන.

එක් කෙනකුට දඬුවමක් දුන්නට පස්සෙ නැවතත් මේ අය මේ වගේ වැඩ කරන්නේ නැහැ.

මම දැනුවත්ව නරක විදිහට මගේ නම කැත කරන ප්‍රවෘත්ති අන්තර් ජාලයේ පළ නොවුණත් මගේ වෙබ් අඩවියට හොරෙන් ඇතුළු වෙලා මම වගේ පෙනී සිටිමින් මගේ රසිකයන් මුලා කරපු පිරිසක් හිටියා.

ඇත්තටම ඒ වගේ නරක නීති විරෝධී වැඩ අන්තර්ජාලය හරහා සිදුවෙනවා. අපි කරන හොඳ දේවල් මේ වෙබ් අඩවිවල යන්නේ නැහැ.

ඉතාම බොරු ගොතමින් අපේ නම කැත වෙන ආකාරයේ අසත්‍ය ප්‍රවෘත්ති නිර්මාණය කරමින් ප්‍රචලිත කිරීම සිදුවෙනවා.

මේ අයට දඬුවම් කරන්න කටයුතු කළ යුතුයි කියා මම සිතනවා.

Copy Rights - Silumina

මේ කැත වැඩවලට රජ කාලෙ දඬුවම් දෙන්න ඕන

2011-06-12T00:33:00.000+05:30

මේ කැත වැඩවලට රජ කාලෙ දඬුවම් දෙන්න ඕන

උදයන්ති කුලතුංග

මගේ නමට මේ දවස්වල ඇති කරල තියෙන කැළල නම් හරිම දරුණුයි. හරිම කැත විදිහට මමත් සංගීත අංශයේ ප්‍රවීණයකුත් සම්බන්ධ කරලා. ඉතාම අශෝබන අන්දමේ ඕපාදූපයක් වෙබ් අඩවියක ප්‍රචලිත කරලා තියෙනවා.

ඇත්තටම මේ වෙබ් අඩවි පවත්වාගෙන යන අසීලාචාර මිනිසුන් ගැන මට නම් තියෙන්නේ හරිම කනගාටුවක්. මම මේ දේවල් මට කලා කියලා මානසික අතින් වැටෙන කෙනෙක් නෙමෙයි.

ඇත්තටම මේ දේ සාමාන්‍ය ගැහැනියකට වුණා නම් ඇය ගෙල වැළලා ගන්නවා. හැමෝම මේ ගැන දුරකතනයෙන් මගෙන් විමසනවා. ඇත්තටම එය හරිම දුකක්. මේ වගේ වෙබ් අඩවි පවත්වා ගෙන යන මිනිසුන්ට රජ කාලෙ දඬුවම් දෙන්න ඕන.

මම නං කැමැති ඒ වගේ කැත මිනිසුන්ව එල්ලලා මරනව නම් මගේ ජනප්‍රියත්වය, හැකියාව, ක්ෂේත්‍රයේ ඉහළට යන එක දැක ගන්න බැරිව, දරාගන්න බැරිවයි මේ වගේ වැඩ කරන්නේ.

මම වගකිව යුත්තන්ගෙන් ඉල්ලා හිටිනවා මේ වගේ ඉතාම අමානුෂික බොරු ප්‍රචාර ගෙන යන මිනිසුන්ව හොයලා ඒ අයට විරුද්ධව කටයුතු කරන්න කියලා. අද මට වුණු දේ මේ ක්ෂේත්‍රයේ ඉන්න වෙන කලා ශිල්පිණියකට හෙට වෙනවා දකින්න මම කැමැති නැහැ.

Copy Rights - Silumina

මම ඔය ඕපාදූපවලින් සැලෙන කෙනෙක් නෙමෙයි

2011-06-12T00:27:00.000+05:30

මම ඔය ඕපාදූපවලින් සැලෙන කෙනෙක් නෙමෙයි

උදාරි වර්ණකුලසූරිය

මේ දවස්වල වෙබ් අඩවිවල මගේ නමට වැඩි ඉඩකඩක් දීලා තියෙනවා, අපහාස කිරීම් වලින්ම. හැම මාසයකම ‘උදාරි වර්ණකුලසූරිය’ කියන නමට නම් මොනවා හරි අපහාස කිරීමක් නම් අනිවාර්යයි.

ඇත්තටම වෙබ් අඩවි වල ඕපාදූප යන්න ඕන. නමුත් ඉතාම කැත විදිහට අපිට කෙනකුගෙ මූණ බලන්න බැරි වෙන විදිහට තමයි මේ වෙබ් අඩවිවල විවිධ ප්‍රවෘත්තී අපේ නම අළලා පළ වෙන්නේ.

මෙය ඇත්තටම නවත්තන්න ඕන. ඇයි අපිට මේ විදිහට අපහාස කරන්නේ. එක දවසක ඇමැති කෙනෙක් ගෙ නමක් එක්ක මගේ නම ඈදල ප්‍රවෘත්ති පළ කරනවා. තවත් දවසක රටේ ජනප්‍රිය පුද්ගලයකු එක්ක ගියා කියල ඕපාදූප කතන්දර හදනවා.

ඇත්තටම අපේ ජනප්‍රියත්වය උහුලගන්න බැරි අය තමයි මේ වැඩ කරන්නේ. ඒ අයට අපි ඉහළට යනව දකින්න අපහසුයි. මම හිතන්නේ පල ඇති රුකටනේ ගල් ගහන්නේ.

මම මේ දේවල්වලින් සැලෙන කෙනෙක් නෙමෙයි. මම හැමදේම ධනාත්මකව හිතන කෙනෙක්. මගේ ගමන මේ වගේ බොළඳ පහත් දේවල්වලින් නවත්වන්න කිසිවෙකුට බැහැ. ඇත්තටම මගේ නම විකුණලා තමන්ගේ ලාභය තකා තමන්ගේ වෙබ් අඩවි ප්‍රචලිත කරගන්න හදන ඒ අශීලාචාර මිනිසුන්ට මම අනුකම්පා කරනවා

Copy Rights - Silumina

යෞවන ප්‍රේමය ඔබට තවමත් ආගන්තුකද?

2011-06-11T15:44:00.001+05:30

මම ආදරය කරනවා ඒ වගේම ආදරය ලබනවා

ආශා එදිරිසිංහ

අද ‘සතුටු සාමීචිය’ට එක්වන කලා ශිල්පිනිය ආශා එදිරිසිංහ. ආශා රූපවාහිනී නිවේදිකාවක ලෙසත් ටෙලිනාට්‍ය රංග ශිල්පිනියක ලෙසත් ප්‍රේක්ෂකයින් අතර ප්‍රසාදයට ලක්වී ඇති සුරූපී යෞවනියකි. ‘නිල් නෙතු’, ‘සුළඟ’ වැනි ටෙලිනාට්‍ය ආශාගේ රංගන හැකියාව පිළිබඳව සාක්ෂි දරයි. ආශා කළමනාකරණය පිළිබඳ උපාධිධාරිනියක ද වන්නීය.

ඔබ කලාවට එක්වුණේ පුංචි අවධියේදීම නේද?

ඔව්. මට වයස අවුරුදු 11දී තමයි මම ටෙලිනාට්‍ය රංගනයට දායක වුණේ. ඒ; සතිස්චන්ද්‍ර එදිරිසිංහ සර්ගෙ “ගිරිකුළ අන්දරය” ටෙලි නාට්‍යයේ උප ප්‍රධාන චරිතයක් නිරූපණය කරමින්. උසස් පෙළ හදාරන විටයි විශ්වවිද්‍යාලයේ මුල් අවුරුද්දෙ ඉගෙන ගන්නා විටයි කලා කටයුතුවලට එක්වුණේ නෑ. පසුව ‘සසඳරා’, ‘යශෝ මන්දිර’ වැනි ටෙලිනාට්‍යවලට දායකවෙන්න අවස්ථාව ලැබුණා.

ඒ විශ්වවිද්‍යාලෙ ඉගෙන ගන්නා කාලෙදිමයි. පසුව අධ්‍යාපන කටයුතු නිසා රංගන කටයුතුවලින් තාවකාලිකව ඉවත්වුණා. විශ්වවිද්‍යාලයෙන් පිටවුණාට පස්සෙ නිවේදිකාවක් හැටියට ස්වාධීන රූපවාහිනියට සම්බන්ධ වුණා. ඒ වගේම ගීතවල රූප රචනාවලට රංගනයෙන් දායක වුණා.

ඒ අතරේ තමයි මහේෂ් සත්සර අයියගෙයි එරංග සේනාරත්න අයියගෙයි ආරාධනයට ‘නිල් නෙතු’ ටෙලිනාට්‍යයට සම්බන්ධ වුණේ. මම ඉතාම ආශාවෙන් ‘නිල් නෙතු’ ටෙලිනාට්‍යයේ වැඩ කළා. ඉන්පසුව තමයි ‘සුළඟ’ ටෙලිනාට්‍යය කළේ.

’සුළඟ’ ටෙලිනාට්‍යය නිෂ්පාදනය කළේ ඔබද?

නැහැ. මගෙ තාත්ත තමයි එය කළේ.

’සුළඟ’ කළේ ඔබට රඟපාන්නද?

ඇත්තටම නෑ. මටත් තාත්තටත් ලොකු ආශාවක් තිබුණා හොඳ ටෙලිනාට්‍යයක් නිර්මාණය කරන්න හොඳ ලස්සන රූපරාමු තියෙන. සඳරුවන් අයිය තමයි ‘සුළඟ’ අධ්‍යක්ෂණය කළේ. ඒකෙ හොඳ චරිතයක් මටත් ලැබුණා. එහෙම නැතිව මට රඟපාන්න ‘සුළඟ’ නිර්මාණය කළේ නෑ.

ඔබ රූපවාහිනී නිවේදිකාවක් ලෙස කටයුතු කරන වැඩසටහන් ගැන කතා කළොත්..?

බොහොමයක් රූපවාහිනී ප්‍රේක්ෂකයින් අතරට යන්න මට අවස්ථාව ලැබුණේ “හීන හතක්” රූපවාහිනී වැඩසටහන නිසා. මුලපටන්ම මම ඉතාම ආශාවෙන් කළ වැඩසටහනක් ඒක. ටෙලි නාට්‍යයකට සම්බන්ධ වෙන්න සිදුවුණොත් ඒකට දින වෙන් කරගත්තෙ ‘හීන හතක්’ වැඩසටහනට බාධාවක් නොවන විදියට. ඒ තරම්ම මම ‘හීත හතක්’ වැඩසටහනට ආදරෙයි. ‘හීන හතක්’ ස්වාධීන රූපවාහිනියේ සංගීත වැඩසටහනක්. මම ඉතාම ආශාවෙන් කළ තවත් වැඩසටහනක් තමයි ස්වාධීන රූපවාහිනියෙන්ම විකාශය වන”ඉබභඤඪධ-01” සංගීතමය වැඩසටහන. ඒක උසස් රසවින්දනයකට මඟ කියාදෙන වැඩසටහනක්.

ඔබ වඩාත් කැමැති නිවේදන කටයුතුවලට ද, රංගනයටද?

මට හිතෙන විදියට නිවේදන කටයුතුවලට මා තුළ ලොකු හැකියාවක් නෑ. ඒත් ගොඩක් දෙනෙක් මට කියනව “ඔයා වැඩසටහන් ඉදිරිපත් කරන හැටි හොඳයි සරලයි” කියල. ඒත් මට හිතෙනව නිවේදන කටයුතුවලට වඩා පුංචි හෝ හැකියාවක් රංගනයට තියෙනව කියල. ඒ නිසා මම රංගනයට වැඩියෙන් කැමැතියි.

ඔබ රංගනයෙන් දායකවී ඇති ඉදිරියේ දී විකාශය වීමට නියමිත ටෙලිනාට්‍ය මොනවාද?

මම රංගනයෙන් දායකවුණු ’රන් සමනළයෝ’ ටෙලිනාට්‍යය ළඟදීම ස්වාධීන රූපවාහිනියෙන් විකාශය වීමට නියමිතයි. එය ආදරය ගැන කියවෙන ලස්සන ටෙලිනාට්‍යයක්.

රංගනයේදී ඔබ ඔබටම සීමා පනවාගන්නවාද?

ඇත්තෙන්ම ඔව්. නමුත් ඒක ලොකුකමකට කරන දෙයක් නෙමෙයි. රංගනයේ මම දීර්ඝ කාලයක් යෙදෙන්න බලාපොරොත්තුවක් නෑ. නමුත් මම කැමැතියි මගෙ සීමා, මගෙ ප්‍රතිපත්ති ඇතුළෙ මම කරන දේ හරියට කරන්න. ටෙලිනාට්‍යයකට මට ආරාධනා ලැබුණු විට අධ්‍යක්ෂවරයා එක්ක කතාකරල මට ඒ චරිතය හොඳින් කරන්න පුළුවන් කියල හැඟුණොත් මම ඒ චරිතය අනිවාර්යයෙන්ම බාරගන්නවා.

චිත්‍රපට සඳහා තවම ඔබට ආරාධනා ලැබී නැතිද?

චිත්‍රපට කීපයකටම ආරාධනා ලැබුණා. ඒත් ඒවා බාරගන්න මට හැකියාවක් තිබුණේ නෑ. ඒකට හේතුව තමයි එම චිත්‍රපටවල තේමා මට නොගැළපීම. ඒ වගේම ඇතැම් චිත්‍රපට විදෙස් රටවල රූගත කිරීම් තිබු ඒවා. මගෙ අම්ම හෝ තාත්ත හෝ සමඟ ඒවාට සහභාගි වෙන්න ලැබුණ නම් මම සහභාගි වෙනවා. ඉදිරියේදී හොඳ චිත්‍රපටයකට ආරාධනයක් ලැබුණොත් ඒ ආරාධනය බාරගන්න මම සුදානම්.

ඔබ උපාධිය ලබාගත්තෙ කුමන විෂයයෙන්ද?

මම ලබාගෙන තියෙන්නෙ කළමනාකරණ වාණිජවේදී විශේෂ උපාධියක්.

ඔබ උසස් අධ්‍යාපනය ලද ක්ෂේත්‍රයෙන් රැකියාවක් කරන්න බලාපොරොත්තුවක් නැතිද?

මම ගොඩක් කැමැතියි මානව සම්පත් කළමනාකරණය කියන විෂයෙන් රැකියාවක් කරන්න. විශේෂයෙන්ම එය රජයේ රැකියාවක් වුණොත් වඩාත් කැමැතියි.

ඔබේ පවුලේ තොරතුරු?

අම්ම, තාත්ත, අයිය, අක්කා, මම තමයි අපේ පවුල. අපි හරිම සතුටින් ඉන්නවා.

යෞවන ප්‍රේමය ඔබට තවමත් ආගන්තුකද?

නැහැ. මම ආදරය කරනව. ආදරය ලබනව.

ජීවිතයේ මොනවගේ අරමුණු ද බලාපොරොත්තු ද ඔබට තියෙන්නෙ?

’සුළඟ’ ටෙලිනාට්‍යයට එහා ගිය හොඳ ටෙලිනාට්‍යයක් නිෂ්පාදනය කිරීම එක් බලාපොරොත්තුවක්. ඒ වගේම ටෙලිනාට්‍ය අධ්‍යක්ෂණය පිළිබඳව හොඳ හැදෑරීමක් කරන්න බලාපොරොත්තු වෙනවා. ඒක ළඟදීම ඉටුකරගත හැකි බලාපොරොත්තුවක් නෙමෙයි. ඒකට තව අවුරුදු ගණනාවක්ම යාවි. කවදාහරි හොඳ නිර්මාණයක් කිරීමයි මගේ අරමුණ. ඒ වගේම ජීවිතයට සාර්ථකව මුහුණදීමයි මගේ ප්‍රධානම අරමුණ.

ගාමිණී සුසන්ත

ඡායාරූපය - ටෙනිසන් එදිරිසිංහ

Copy Rights - Silumina

මාලී රුවන්මාලි.... මගේ ජීවිතය වෙනසකට ලක්‌කළා

2011-06-10T12:31:00.001+05:30

මාලී රුවන්මාලි.... මගේ ජීවිතය වෙනසකට ලක්‌කළා

- ක්‍රිස්‌ටීන් ගුණවර්ධන

ක්‍රිස්‌ටීන් - එදා සුමනා අමරසිංහ සහ නීටා ප්‍රනාන්දු සමඟ විමලදාස පෙරේරාගේ "සමනළ කුමරියෝ" චිත්‍රපටයේ රඟපෑ අවස්‌ථාවකි.

ප්‍රවීණ ගායන ශිල්පිනියක වූ ක්‍රිස්‌ටීන් ගුණවර්ධන ගැයූ ජනප්‍රිය ගීත සමුච්චයක්‌ රැගත් "ආරාධනා 2" සංයුක්‌ත තැටිය ඉකුත්දා එළිදැක්‌විණි. "ආරාධනා, මා ඉපදුන රට, මාලි, නෑ වාසනා, පෙම් රජදහනේ මගේ ශ්‍රී ලංකා, ලස්‌සන දවසක්‌, පොල්කිචි කිරිල්ලියේ, ඡේසු බිළිඳා ඔබයි, මංගල මහ තරු වේ, නත්තල් ජයශ්‍රී ආදී ගී එහි ඇතුළත්ය. මේ ක්‍රිස්‌ටින් සමග කළ පිළිසඳරකි.

කණ්‌ඩායම් සංගීතය අපේ රටේ සංගීත ක්‍ෂේත්‍රයට අලුත් අත්දැකීමක්‌ එක්‌ කළේය. ඒ මීට දශක තුනහතරකට පමණ පෙරය. එදා වෙනස්‌ ආකාරයේ අත්දැකීමක්‌ වුවත් කල්ගත වෙද්දී කණ්‌ඩායම් සංගීතය අප හදවත්වල ප්‍රබෝධයක්‌ ඇති කරවන්නට සමත් ගීත ශෛලියක්‌ විය. අද ද එය ඒ තරමටම ජනප්‍රියය.

ඉඳුනිල් මිණි කැට පරදවන
ඇගෙ නෙත් යුවළින් කැළුම් විහිදුන
සිහිනිඟ සුඟ ගත හැකි මිටින
ඒ තොල් නාදළු පරදවන
මාලී..... රුවන් මාලි...... මාලී රුවන් මාලී....

මේ කණ්‌ඩායම් සංගීතය නිසා මීට දශක හතරකට පමණ පෙර අපට දායාද වූ ගීයකි. පරම්පරා ගණනාවක්‌ ඉතා කැමැත්තෙන් මිමිණු ගීයකි. මෙතරම් ජනප්‍රිය වූ මේ ගීය ගයන්නේ ක්‍රිස්‌ටීන් ගුණවර්ධනය. ඕ මාධ්‍ය ඔස්‌සේ වැඩිපුර කතාබහට ලක්‌ නොවූ චරිතයකි. එය ඇගේ වරදක්‌ද මාධ්‍යයේ වරදක්‌ද යන්න සොයා බැලීම පසෙකලා අපි ඇය හමුවූයේ ඒ ගීයට හා ගී හඬට ආදරය කරන රසික සමූහයා වෙනුවෙනි. සැබවින්ම ඕ ප්‍රචාරය ඉල්ලා මාධ්‍ය පසුපස හඹා යන්නියක්‌ නොවූවාය.

මගේ පියා ක්‍රිස්‌ටෝපර් ප්‍රනාන්දු. හොඳ වයලීන වාදකයෙක්‌. අපේ ගෙදර නිතරම සංගීත නාදයෙන් පිරිලා. මට පුංචි කාලෙ ඉඳලාම සංගීතය හුරු වුණා. තාත්තා සමහර අවස්‌ථාවල විවිධ සංගීත ප්‍රසංග බලන්න මාවත් කැඳවාගෙන ගියා. මගේ දස්‌කම් පෙන්වීම ආරම්භ කළේ පාසලේදී. මෝදර ශාන්ත අන්තෝනි කන්‍යාරාමයේ කන්‍යා සොයුරියන් හැම ගායනා තරගයකටම මාව යොමු කළා. ඒ තරගවලින් ජය ගත්තා.

ක්‍රිස්‌ටීන්ගේ ගම මෝදරය. ප්‍රවීණ නළු ටෝනි රණසිංහ, ග්‍රැන්විල් රුද්‍රිගු, හයසින්ත් විජේරත්න, වොලී බැස්‌ටියන් ආදී ශිල්පීන් ගණනාවක්‌ම මෝදර ග්‍රාමයෙන් කලා ලොවට දායාද කළ අයය.

මාලී ගීය මුල්වරට මම ගැයුවේ පාසල් යද්දී. මම ප්‍රසංගවලට ගී ගයද්දී ලා සිලනියස්‌ සංගීත කණ්‌ඩායම මාලී ගීය ගයන්න ගායිකාවක්‌ සොයමින් සිටියා. ඒ වෙද්දී මම ලාබම්බාස්‌ කණ්‌ඩායමටත් ගී ගයමින් සිටියා. පසුව එය තැටිගත කළා. මම මේ ගීතය ගයද්දී මිල්ටන් මල්ලවාරච්චි ප්‍රසිද්ධියට පත්වෙලා නැහැ. "මාලි රුවන් මාලී" කියන කෝරස්‌ එකට මිල්ටනුත් සම්බන්ධ වුණා. ගුවන් විදුලියට මම පළමුවරට තැටිගත කළේත් මේ ගීය. "ලාබම්බාස්‌" සමගත් මම ගීත හතරක්‌ තැටිගත කළා.

ක්‍රිස්‌ටීන් චිත්‍රපට රංගනයට ද සම්බන්ධ වූවාය. හැත්තෑව දශකය අපේ ගීතයේත්, සිනමාවේත් ස්‌වර්ණමය යුගයයි. එවන් යුගයක සිනමාවට ආ ඕ.... ඒ ගැනද ඉතා අභිමානයෙන් යුක්‌තව සිහිපත් කළාය.

මම ලස්‌සන මුහුණු තරගයට සහභාගි වුණා. ඒ තරගයෙන් ජයග්‍රහණය කරන තුන්දෙනකුට විමලදාස පෙරේරාගේ "සමනල කුමරියෝ. චිත්‍රපටයේ රඟපාන්න අවස්‌ථාවක්‌ ලබා දුන්නා. මේ තරගයෙන් මමත්, සුමනා අමරසිංහත් නීටා ප්‍රනාන්දුත් තේරුණා. අපි තුන්දෙනාම සමනල කුමරියෝ චිත්‍රපටයේ ප්‍රධාන චරිත නිරූපණය කළා. ඉන් පස්‌සේ ධර්ම ශ්‍රී කල්දේරාගේ, මී මැස්‌සෝ චිත්‍රපටයට මාව තෝරා ගත්තා. සෝනියා දිසානායක සහ ගාමිණී ෙµdන්සේකා සමග මම ඒ චිත්‍රපටයේ රඟපෑවා.

ඒත් මම වඩාත් කැමති වුණේ ගීත ගයන්න..... රුක්‌මණී දේවියගේ ගීත තමයි මම වැඩිපුරම ගායනා කළේ. එඩී ජයමාන්න මහතා මගේ අම්මාගේ පැත්තෙන් නෑයෙක්‌ වෙනවා. සඳක්‌ නැගී, මල්බර හිමිදිරියේ වැනි ගීත මම ගායනා කළා. ඒත් විවාහවීමත් සමග මට වැඩිපුර ගත කරන්න වුණේ විදේශවල. ඒ නිසා කලා ක්‍ෂේත්‍රයෙන් ඈත් වෙන්න සිදු වුණා.

ක්‍රිස්‌ටීන් පවුලේ තොරතුරු අප හමුවේ හෙළිකළා. ඒ මේ ආකාරයටයි.

මගේ මහත්තයා ඇනස්‌ලි ගුණවර්ධන රබර් කර්මාන්තයට සම්බන්ධ ව්‍යාපාරිකයෙක්‌. මාලී ගීය ලස්‌සන දියණියක ගැන කියෑවෙන ගීයක්‌. ඒ නිසාම මම අපේ දුවටත් මාලි කියන නම තැබුවා.

මගේ පුතා මාලන් ගුණවර්ධන. මට වගේම ඒ තුන්දෙනාටත් ගීත ගයන්න පුලුවන්. පුතා නම් ලස්‌සනට ගී ගයනවා. මා සමග රූපවාහිනි වැඩසටහන්වලත් පුතා ගීත ගැයුවා. මාලන් එංගලන්තයේත්, ඕස්‌ටේ්‍රලියාවේත් ඉංජිනේරු තාක්‌ෂණය පිළිබඳ විශේෂ උපාධියක්‌ ලබාගත් කෙනෙක්‌. ඒත් පුතා නියෑලී ඉන්නේ සංගීත ක්‍ෂේත්‍රයේ. පුතා දක්‍ෂ ගීත ගයන අය සහ සංගීත කණ්‌ඩායම් තෝරාගෙන ගීත නිර්මාණය කරදී ඔවුන් ජාත්‍යන්තර තලයට ගෙන යැමේ කටයුත්තක නියෑලී ඉන්නවා. පුතාටම අයත් ලේබලයක්‌ තියෙනවා. මාලින් රෙකෝඩින් කියලා. පුතා මේ වන විටත් නිව්යෝර්ක්‌, එංගලන්තය සහ ඕස්‌ටේ්‍රලියාවේ ප්‍රසිද්ධ නමක්‌ දිනාගෙන ඉන්නවා. ඕස්‌ටේ්‍රලියාවේදී පුතාගේ නිර්මාණයකට සම්මානයක්‌ ලැබුණා. ඒ අවස්‌ථාවේ ඒ රටේ ටී. වී. එකේ පෙන්වද්දී ගුණවර්ධන කියන නම නිසා එරට පදිංචි ශ්‍රී ලාංකිකයන් මේ ලංකාවේ කෙනෙක්‌ කියලා දැනගෙන සුබ පතන්න පටන් ගත්තා. එය මට අමතක නොවන සිද්ධියක්‌. මා ජීවත්ව සිටියදීම මගේ පුතාට මෙවැනි ප්‍රසාදයක්‌ ලැබීම මගේ රටටත් ගෞරවයක්‌.

මාලී...... ගීය ක්‍රිස්‌ටීන් වඩාත් ආදරය කරන ගීයක්‌. ඒ බව අපට දැනුණේ ඇය කතා කළ සෑම අවස්‌ථාවකදීම මාලී ගීය ගැනද සඳහන් කිරීම නිසාය. මම මාලි ගීතය නිසා වඩාත් ජනප්‍රිය වුණේ රූපවාහිනි වැඩසටහන්වලට. ඒ ගීය ගැයීම නිසා ප්‍රේක්‍ෂකයන් මාව හඳුනා ගත්තා. හැත්තෑව දශකයේ පටන් අද දක්‌වාම වාදක කණ්‌ඩායම් වැඩිම වාර ගණනාවක්‌ ගායනා කළ ගීය "මාලී" වෙන්න ඇති. මගේ මේ ගීතය තවත් අය ගායනා කිරිම ඇත්තෙන්ම මට පුදුමාකාර සතුටක්‌. එහෙම ගයද්දී මුල් ගායකයා හෝ ගායිකාව ගැනත් සඳහනක්‌ කරනවා නම් ...... හොඳ දෙයක්‌.

ඕනෑම සාදයකදී මගේ ගීයක්‌ තව කෙනෙක්‌ ගයනවාට මම විරුද්ධ නැහැ. ඒත් කෙනෙක්‌ට අයිති ගීයක්‌ තවත් කෙනකු විසින් තැටිගත කරනවාට මම විරුද්ධයි. සුපිරි තරු තෝරන ගායනා තරගවලදී මගේ ගීත තරුණ ළමයින් ගයනවා. ඒ අවස්‌ථාවලදී මට ඒ විනිශ්චය මණ්‌ඩලවලත් ඉන්න ලැබිලා තියෙනවා. ඉතින් මා ඉදිරියේ මගේ ගීයක්‌ තරුණ දරුවෙක්‌ ගායනා කරද්දී දැනෙන හැඟීම හරිම හැඟුම්බරයි. මේ තරුණ අය හරිම දක්‍ෂයි. මා ජීවත්ව සිටියදීම මේ දක්‍ෂ ළමයින් මගේ ගීතයක්‌ ගැයීම.... කියන්න බැහැ ඒ සතුට......

ක්‍රිස්‌ටීන්......නිහතමානී ගති ගුණ ඇති නව පරපුර පිළිබඳ ද්වේෂයක්‌ හෝ ඊර්ෂ්‍යාවක්‌ නොමැත්තියක බව ඈ හා කතා බහ කරද්දී වැටහේ.

මට ප්‍රසංගවලට ආරාධනා ලැබෙනවා. මේ ප්‍රසංගවලට මගේ සහෝදර ශිල්පීන් සමග සහභාගිවෙද්දී හරිම සුන්දර අත්දැකීම් ලබනවා. මා බණ්‌ඩාරනායක සම්මන්ත්‍රණශාලාවේ පැවැති හා බුත්තල පැවැති දැයට කිරුළ ප්‍රසංගවල දහස්‌ ගණනක්‌ ඉදිරියේ ගීත ගැයුවා. දහස්‌ ගණනකගේ අත්පොළසන් නාදයෙන් මට ප්‍රතිචාර එද්දී ඇතිවුණ හැඟීම වචනයෙන් විස්‌තර කරන්න බැහැ.

ක්‍රිස්‌ටීන් පසුගියදා ආරාධනා නමින් තැටියක්‌ වෙළෙඳපොළට නිකුත් කළාය. ඒ තැටියේ ගීත කිහිපයකම පදමාලා සහ තනු නිර්මාණ ක්‍රිස්‌ටීන්ගේය.

සංගීත ක්‍ෂේත්‍රයේ ඉන්න දක්‍ෂතම වාදක ශිල්පීන් යොදාගෙනයි මම මේ තැටිය කළේ. මට ඕනෑ වුණේ හොඳ දෙයක්‌ කරන්න. ටොරානා සහ කීල්ස්‌ වෙළෙඳ සල්වලින් මේ තැටිය ලබා ගන්න පුලුවන්.

ව්‍යාජ තැටිවලට රැවටෙන්න එපා කියලා මම මගේ රසිකයන්ගෙන් ඉල්ලා සිටිනවා. මේ තැටිය නිෂ්පාදනය කළේ මගේම ශබ්දාගාරයේ. මගේ සැමියා මට ලෝකයේ විශිෂ්ටතම ශබ්දාගාරයක්‌ තෑගි කළා. මේ ශබ්දාගාරයේ උපකරණ ශ්‍රී ලංකාවේ කිසිම තැනක නැති බව මම වගකීමෙන් කියනවා. මම කැමතියි හොඳ නිර්මාණ කරන්න කැමැති අපේ සහෝදර ශිල්පීන්ගේත්, නව පරපුරේත් ගීත නිෂ්පාදනය කිරීමට මගේ මේ ශබ්දාගාරයට එන්න කියා ආරාධනා කරන්න. අපි අපේ නිර්මාණ කළ යුත්තේ ජාත්‍යන්තරයට ගැළපෙන ලෙසයි. මම ඒ සඳහා සූදානම්.

ක්‍රිස්‌ටීන් දශක පහකට ආසන්න කාලයක පටන් තමන් සමග සිටින රසික රසිකාවියන්ටද ස්‌තූතිය පුද කළාය..... ඇගේ ගීත රස විඳ ඒ පිළිබඳ ගුණදොස්‌ බලාපොරොත්තුවෙන් ක්‍රිස්‌ටීන් පසුවන්නීය. මගේ දුරකථන අංකය 0773744998 ඕනෑම වෙලාවක කතා කරන්න නැත්නම් 110/17, ලේක්‌ ඩ්‍රයිව් කොළඹ 08 ලිපිනයට ලියන්න. මම සෑම විටකම මගේ රසිකයන්ගේ අදහස්‌ උදහස්‌ වලට කරුණාවෙන් යුතුව ඇහුම්කන් දෙනවා.

අජිත් අලහකෝන්

Copy Rights - Divayina

හායි බේබි හායි *****************

2011-06-06T23:36:00.000+05:30

හායි බේබි හායි ඉතින් මතකද?

මීට වසර කිහිපයකට ඉහත දී තිරගත වූ සුනිල් සෝම පීරිස්ගේ ‘හායි බේබි හායි’ සිනමා සිත්තම ඔබට මතකද? එහි සිඟිති සහ මල්ලිකා ලෙසින් ද්විත්ව චරිත සඳහා පණ පෙවූ පුංචි රංගන ශිල්පිනිය ගැනයි මේ තතු.

ඇය නමින් තක්ෂිලා මදුභානී වන්නීය. දැන් ඇය අ. පො. ස. සාමාන්‍ය පෙළත් කළ යොවුන් දියණියකි. නුගේගොඩ සුජාතා බාලිකා විද්‍යාලයේ ශිෂ්‍යාවක වන ඇය ප්‍රවීණ නර්තන ශිල්පී කුලසිරි බුදවත්ත කලා ආයතනයෙන් නර්තනය හදාරා තිබේ. එමෙන්ම ප්‍රදීපා ආරියවංශ යටතේ් භරත නර්තනය ද කුෂාණි වීරක්කොඩි මහත්මිය යටතේ බටහිර නර්තනය ද හදාරමින් සිටියි.

තම ප්‍රථම චිත්‍රපටය වූ ‘හායි බේබි හායි’ ඔස්සේ ළමා ප්‍රතිචාර ඇතුළු බොහෝ ප්‍රේක්ෂක ප්‍රතිචාර ලැබූ තක්ෂිලා ඒ ගැන අපට කීවේ මෙසේයි.

සුනිල් සෝම අංකල්ගෙ චිත්‍රපටයකට මුලින්ම සම්බන්ධ වීම මා ලැබූ භාග්‍යයක්.

ඒ වගේම එහි ප්‍රධාන චරිතයට පණ පෙවීමට සිදුවීම මගේ රංගනයට හිමි වූ අපූරු සිහිවටනයක්.

ඒ විතරක්ම නෙවේ, එහිම ද්විත්ව චරිත නිරූපණය කිරීම තවත් සුවිශේෂීත්වයක්.

ඇය ඉන් පසුව ‘හිත හොඳ පිස්සෝ’, ‘අන්ඩර් ව’ල්ඩ්’ යන චිත්‍රපට සඳහා ද රංගනයෙන් දායක වී ඇත. ඉදිරියේ දී තිරගත වීමට නියමිත ලලිත් පන්නිපිටිය ගේ ‘සංගිලි’ චිත්‍රපටයෙහි ද ඇයට උප ප්‍රධාන චරිතයක් හිමිව තිබේ. සිනමාපට රංගනයට අමතරව ඇය ටෙලි නාට්‍ය කිහිපයක් සඳහා ද එක් වූවාය. ඒ අතර ජැක්සන් ඇන්තනී සත්‍ය කතා ඇසුරින් නිර්මාණය කළ ‘යෙහෙළීී’ හි කොටස් කිහිපයක් සඳහා ද දායක වී තිබේ.

වෙළෙඳ දැන්වීම් කලාවට ද එක සේ ඇලුම් කරන තක්ෂිලා නිර්මාණාත්මක වෙළෙඳ දැන්වීම් කිහිපයක් සඳහා ද එක්ව ඇත.

තක්ෂිලා ‘දුර්ගා නර්තන’ කණ්ඩායමේ සාමාජිකාවක් ලෙසින් ද කටයුතු කරයි. තමන්ට කලා ක්ෂේත්‍රයේ කටයුතු කරගෙන යාමට දිරි දෙන ආදරණීය අම්මා, තාත්තා වගේම රංගනයේ ඇගයීම් හා විවේචන දෙන දයාබර නංගි, මල්ලීවත්, පාසලේ යාළුවොත් මේ අවස්ථාවේ සිහිපත් කරන්න ඇය අමතක කළේ නෑ.

මේ පුංචි කලාකාරිනිය හමුවීමට ඔබටත් පුළුවනි. ඒ 0755981067 යන දුරකථන අංකය ඇමතීමෙනි.

ඡායා - මාලන්

අචිනි

Copy Rights - Sarasaviya

ඒ ඇඳුම්වල අඟපසග පේනවා වැඩියිද?

2011-06-06T23:12:00.000+05:30

නම?

අරුණි මෙන්ඩිස්.

ගම?

මීගමුව.

උපන් දිනය ?

1989. 09. 20

ඉගෙන ගත්තෙ?

මීගමුව නිව්ස්ටඩ් බාලිකාවෙන්.

වෘත්තිය?

රංගනය, නිවේදනය.

රඟපෑ නාට්‍යය?

හිරුමලී, සරා, හිතට වහල් වීමි, වස්සාන සිහිනය, ස්වයංජාත, සිහින සිතුවම්, ගැහැනු ළමයි, මිලා.

නිවේදනය කරන්නේ?

ජාතික රූපවාහිනියේ ලොතරැයි වැඩසටහන.

කලාවට එන්න හිතාගෙන හිටියද?

ඇත්තටම ඒක මගේ හිතේ තිබුණ සිහිනයක්.

රඟපෑම හදාරනවාද?

ඔව්.

ඔබ අනුගමනය කරන නිළියක් ඉන්නවද?

එහෙම විශේෂ කෙනෙක් නැහැ. ඒත් නවකයකුගෙන් හෝ වේවා ඉගෙන ගන්න යමක් ඇත්නම් ඉගෙන ගන්නවා.

අතීතයේ දවසකට යන්න අවස්ථාවක් ලබා දුන්නොත්?

පාසලේ උසස් පෙළ පංතියේ අන්තිම දවසට යන්න කැමැතියි.

සුබදායී ගමනක් යන්නට පෙරමගට බසිද්දී බාධාවක් ආවොත්?

ගණන් ගන්නේ නැහැ.

ප්‍රසිද්ධ අධ්‍යක්ෂවරයකු ඔබට විවාහ යෝජනාවක් ගෙනාවොත්?

ප්‍රතික්ෂේප කරනවා.

ඒ ආදරවන්තයෙක් ඉන්න නිසාද?

ඔව්.

ඔහුගේ නම?

ඉදිරියේදී හෙළි කරන්නම්.

ලැබුණු චරිත ප්‍රතික්ෂේප කරලා තියනවද?

එක් චරිතයක් ප්‍රතික්ෂේප කළා. ඒ ඇඳුම් ප්‍රශ්නයක් නිසා.

ඒ ඇඳුම්වල අඟපසග පේනවා වැඩියිද?

ඒ චරිතයට ඒ ඇඳුම් ගැළපෙන්නේ නැහැ.

ඔබ බැනුම් අහන්නේ?

මං බැනුම් අහන්නේ නැති තරම්.

රඟපෑ චිත්‍රපට?

නැහැ.

සම්බන්ධ වෙන්න කැමැති මොන වගේ චිත්‍රපටයකටද?

ආදර කතාවකට.

ඔබ ජනප්‍රියද?

නැහැ.

රඟපාන්නේ ජනප්‍රිය වෙන්නද?

ඒත් නැහැ.

චිත්‍රපට නරඹනවාද?

ඔව්.

ඔබ දුටු අසාර්ථකම චිත්‍රපටය?

අසාර්ථකත්වය තුළිනුත් මං දකින්නේ හොඳක්. ඒ නිසා අසාර්ථක චිත්‍රපටයක් නම් කරන්න අමාරුයි.

ඔබේ සිතේ දුකක් තියෙනවාද?

පාසලෙන් ඉවත් වූ පසු මට එහි පැවැත් වූ එකම ආදි ශිෂ්‍ය දිනයකටවත් මට යන්න බැරි වුණා ෂූටිං නිසා. ඒ ගැන මට දුකයි.

ප්‍රිය කරන අධ්‍යක්ෂවරු තිදෙනෙක්?

ප්‍රසන්න විතානගේ, අශෝක හඳගම, සෝමරත්න දිසානායක.

ක්ෂේත්‍රය ගැන ඔබේ ප්‍රාර්ථනාව?

හැකිතාක් හොඳ නිර්මාණ බිහි වේවා!

ඔබව වැඩිපුරම වර්ණනා කරන්නේ?

මගේ නැන්දා.

නිතර අහන්න කැමැති ගීතය?

වික්ටර් රත්නායක මහත්මයා ගයන සඳ හිරු තරු පවතින තුරු අපි මැරෙන්නේ නෑ.

අසාධාරණයකදී මොකද කරන්නේ?

මට කතා කරන්න පුළුවන් තැනකදී නම් කතා කරනවා.

කවුරු හරි ඔබට වෛර කරනවා නම්?

මං ඔහුට පුළුවන් අයුරින් සුහද වෙනවා.

උපන් දිනය දවසට?

පන්සල් යනවා.

වැඩිපුරම විශ්වාස කරන්නේ පිරිමි පාර්ශවයද? ගැහැනු පාර්ශවයද?

විශ්වාස කරන්න පුළුවන් ඕනෑම කෙනෙකුව විශ්වාස කරනවා.

ක්ෂේත්‍රයේ ඔබේ සමීපතමයා?

භද්‍රා නන්දනී ගුණරත්න.

උදව් කළ අය?

ජානක සිරිවර්ධන, ජී. නන්දසේන, සුදත් රෝහණ, නාලක වෙදමුල්ල, මොහාන් නියාස්, දිලුක ප්‍රසාද්, බර්ට්‍රම් නිහාල්, සුරේෂ් කුමාරසිංහ, රෙජිනෝල්ඩ් ජයමාන්න.

ජීවිතයේ ආදර්ශ පාඨය?

ඔව්, මට පුළුවන්.

ඔබ ගැන කෙටියෙන් හැඳින්නුවොත්?

චුට්ටක් කටකාර කෙනෙක්.

ලිපිනය :
572/1,
පිටිපන,
මීගමුව.

සේයාරූ - මාලන් කරුණාරත්න

ප්‍රසාද් සමරතුංග

Copy Rights - Sarasaviya

කිලිං මී සොන්ට්‌ලි.'''''''''''''''''

2011-06-05T00:07:00.001+05:30

ආදරය තියෙන්නෙ කොතනද කියල හොයන්න වෙලා...

චංචලා වර්ණසූරිය

මේ දිනවල වේදිකාවට මෙන්ම පුංචි තිරයට ද හුරු පුරුදු නිළියක්‌...... "සාජන්ට්‌ගේ නැන්දම්මා" වේදිකා නාට්‍යයේ ද ප්‍රධාන චරිතයක්‌ රඟන චංචලා ටෙලිනාට්‍ය කිහිපයක ද මේ වනවිට රඟපා ඇත.

චංචලා කවුද, ආවේ කොහේ ඉඳලාද...... රසිකයන් නඟන ප්‍රශ්නයක්‌ ..................

චංචලා නදී වර්ණසූරිය ආවේ දකුණින්. තාත්තා ව්‍යාපාරිකයෙක්‌.... මම කුඩා කාලෙදීම මියගිහින්. අම්මා තේජා...... මල්ලි දිලික්‍ෂ ........... නංගි ඒ කියන්නේ මල්ලීගේ බිරිය ස¹.... ලංකාවේ වගේම ප්‍රංශයේත් ඉගෙන ගත්තා... හක්‌මන දෙනගම රාලහාමි මගේ සීයා... දෙනගම පරපුරේ එකම දියණිය තමයි චංචලා......

ඔබ කලා ක්‍ෂේත්‍රයට එකවරම කඩාපාත් වූ කෙනෙක්‌ කියා සමහරු කියනවා.

සාමාන්‍යයෙන් කලාවට එන ක්‍රම දෙකක්‌ තියෙනවා... එකක්‌ තමයි දුක විඳගෙන එන එක..... අනෙක නම් මට කියන්න බැහැ........ ඔබත් ඒ ක්‍රමය දන්නවා....... ඒත් මම කලාවට ආවේ මේ ක්‍රම දෙකම යටතේ නොවේ. කලාකරුවෙක්‌ වීම වාසනාවක්‌....... ඒ වාසනාව මට ඉතාම පහසුවෙන් ලැබුණා. ලෝකයේ හැමකෙනෙක්‌ම කැමතියි ප්‍රසිද්ධ වෙන්න......... ඒත් කලාකරුවකු ලෙස ප්‍රසිද්ධ වීම ලොකු වාසනාවක්‌. අනෙක මම මේ ක්‍ෂේත්‍රයට ආවේ කිසිම කෙනෙක්‌ හඳුනාගෙන නොවේ. ලක්‍ෂ්මන් ගුණතිලක සොහොයුරා මගේ ඡායාරූප ගත්තා. ඉන්පසු රූපවාහිනී දැන්වීම් හතක ප්‍රධාන චරිත ලැබුණා. ඒ ඔස්‌සේ මොහාන් නියාස්‌ "සිතාම්බර සළු" ටෙලි නාට්‍යයට මාව තෝරාගත්තා.

වේදිකාවට ඇල්මක්‌ ඇති වුණේ කොහොමද?

ලංකාවේ රංගන කලාව ඉගෙන ගන්න තැනක්‌ නැහැ. හොඳම තැන තමයි වේදිකාව.... ඒත් ලංකාවේ නොසිටීම නිසා මට වේදිකා නාට්‍ය කරන්න අවස්‌ථාව ලැබුණේ නැහැ. ඒත් මෙවර මම ලංකාවේ දිගු කලක්‌ ඉන්න නිසා "සාජන්ට්‌ගේ නැන්දම්මා" වේදිකා නාට්‍යයේ මානිගේ චරිතය කරන්න කැමති වුණා. ඒක අභියෝගයක්‌. සිතාම්බර සළු කරද්දී හෙමින් කතා කළ මම දැන් තුන්දහසකට හාරදහසකට මයික්‍රොෆොනයක්‌ නැතිව කතා කරන්න පුළුවන්. ඒ වේදිකාවෙන් ලද පුහුණුව, සැන්ඩෝ හැරිස්‌ මහතා මට හුඟක්‌ උදව් කළා. වේදිකාවට හරියන නිළියක්‌ ලෙස මාව හැදුවේ ඔහු. සාජන්ට්‌ගේ නැන්දම්මා. නිෂ්පාදනය මගේ. අධ්‍යක්‍ෂණය සැන්ඩෝ හැරිස්‌ගේ. මානි විකට චරිතයක්‌......

ඔබ කැමතිද එවන් චරිතයක්‌ කරන්න.

අපේ ජනතාව ප්‍රශ්නවලින් පීඩා විඳිනවා. ඉතින් නාට්‍යයකින් තවත් හිතන්න දේ දෙනවාට වඩා සතුටින් තැබීම පිනක්‌. කෙනෙක්‌ හඬවන්න ලේසියි. සිනහ ගන්වන්න අමාරුයි.

සහෝදර ශිල්පීන් ඔබට උදව් කරනවාද?

හුඟක්‌ අය කියනවා මේ ක්‍ෂේත්‍රයේ කැපිලි කෙටිලි තියෙනවා කියලා. මට නම් එහෙම නැහැ. මාව කපලා දැම්මොත් මමම නාට්‍යයක්‌ හෝ චිත්‍රපටයක්‌ නිපදවමින් ඉදිරියට එන බව හුඟක්‌ අය දන්නවා. මම ඇවිත් ඉන්නේ කලාවෙන් හම්බ කරන්න නොවේ. යමක්‌ කලාවට කරන්නයි.......

චංචලා තරුණ නිළියක්‌........ ආදරය ගැන හිතන්නේ කොහොමද?

ආදරය....... කියන වචනය අද ව්‍යාපාරයක්‌ බවට පත්වෙලා. ආදරය තියෙන්නේ කොතැනද කියා හොයන්න අමාරුයි. මුදල් අත ගැවසෙන තරුණියක්‌ හෝ තරුණයෙක්‌ දෙස ඇස ගසාගෙන ඉන්නවා හූරා ගන්න. ඒක ආදරය නොවෙයි. හුඟක්‌ අය ආදරය කරන්නේ පර්ස්‌ එක දිහා බලලා.... කෙනෙක්‌ කෙනකුට ගරු කරනවා නම්, රැකවරණය දෙනවා නම්, අගය කරනවා නම් විශ්වාස කරනවා නම් ආදරය තියෙන්නේ එතැනයි.

ඔබේ පර්ස්‌ එකට ආදරය කළ අය ඔබට හමුවෙලා තියෙනවාද?

නෑ...... මම කියන්නේ මං ගැන නොවේ.......... ලංකාවේදී එවැනි බොහෝදෙනෙක්‌ මම දුටුවා. ඒ දකින දේ සමඟ මට දැනුණා ආදරය හුඟ දෙනෙක්‌ ව්‍යාපාරයක්‌ කරගෙන ඉන්නා බව. වැටිලා ඉඳිද්දී වතුර උගුරක්‌ දුන්නු මිනිහාව සමහරුන්ට අමතක වෙනවා ශැම්පේන් බොන්න පුළුවන් වුණ දවසට..........

ඔබට ලැබී තිබෙන්නේ කිනම් ආකාරයේ ආදරයක්‌ද?

හා ....... හා....... ඒ ගැන පස්‌සේ කතා කරමු. පසුවට කල් තබමු.

ඔබ බලාපොරොත්තු සමඟ ද ජීවත්වන්නේ....?

කිසිවකුට කරදරයක්‌ නොවී, නූල් පොටකින්වත් කෙනකුට ණය කාරයෙක්‌ නොවී මැරෙන්න ඇත්නම්...... ඒක තමයි මගේ බලාපොරොත්තුව. මම මේ ජීවිතයේදී විශ්වාස කරන්නේ මගේ අම්මා, මල්ලී, නංගි සහ මරණය කියන හතර පමණයි.

ඔබ කලකිරීමකින්ද ඉන්නේ?

නැහැ. කලකිරීමක්‌ නෑ. අපි මේ ජීවිතයේදී වැටුණොත් ..... ඉන් ලබන අත්දැකීම හොඳ පාඩමක්‌ වෙනවා. ගැහැනිය පිරිමියාට වඩා දුර්වල නැහැ. හැම අභියෝගයකටම මුහුණ දෙන්න ගැහැනිsයකට පුළුවන්. එක වැටීමකින් අඩි ගණනක්‌ ඉදිරියට යා හැකියි. යමක්‌ කරද්දී එය මට සුදුසු නෑ කියලා හිතුණොත් හිත රිදවගෙන හෝ මම ඉන් ඉවත් වෙනවා. මට කිසිවෙක්‌ අපහාස කළොත් ......... මම වචනයකින්වත් ඒ පුද්ගලයාට දොස්‌ කියන්නේ නැහැ. ඒක ඔහුගේ උගත්කමේ ප්‍රශ්නයක්‌ කියා හිතනවා.

ඔබ ගායිකාවක්‌.......

ඔව්..... එඩුවා සෙවෙල් කියන ප්‍රංශ ගායකයාගේ ඇල්බමයක ගීයක්‌ ගයන්න මට ආරාධනා කළා.......... "කිලිං මී සොන්ට්‌ලි." කියන ගීය ප්‍රංශ භාෂාවෙන් මට ගායනා කරන්න කීවේ. ඒත් මම ඔහුගෙන් ඉල්ලීමක්‌ කළා.... මම සිංහලෙන් එය ගායනා කළ යුතුයි කියා. ඔහු අවසරය දුන්නා......... ඒ ගීතය සහ ඇල්බමය අද ලොව පුරා ප්‍රචාරය වෙනවා.

පැතුම්
ඡායා - සමන් අබේසිරිවර්ධන

Copy Rights - Divayina

සමහර අහිමිවීම් පවා මට ආශිර්වාදයක්‌ වුණා

2011-06-04T23:50:00.000+05:30

සමහර අහිමිවීම් පවා මට ආශිර්වාදයක්‌ වුණා
අභිෂේකා විමලවීර

ළහිරු මඬල, සමනළ උයන, සෙල්ලම් ගෙදර, හැඩකාර හැන්දෑව, දේදුණු හැන්දෑව, ලස්‌සන ගෙදර, ඔබගේ මතකයේ තිබේ නම් අභිෂේකා විමලවීර නොහඳුනන කෙනෙක්‌ නැති තරම්. ජීවිතය හැඩ කරන බොහෝ දේ දෑත දරාගෙන උපන් ඈ... අද දවසේ වඩාත් සුබවාදී වර්තමානයකට සේම අනාගතයකටද හිමිකාරියක්‌.

අභිෂේකාගෙ ජීවන වටපිටාව ගැන කියනවා නම්...

මගේ තාත්ත සුනිල් විමලවීර, අම්ම දමයන්ති විමලවීර. මම ඉගෙන ගත්තෙ ගාල්ලේ ශ්‍රී ගාර්හා කන්‍යාරාමයෙන් හා ශාන්ත පාවුළු බාලිකාවෙන්. මම දැනට කොළඹ විශ්වවිද්‍යාලයේ අවසන් වසර උපාධි අපේක්‌ෂිකාවක්‌.

කලාවට නෑකම් කියන පවුල් පරිසරයද අද ඔබ මෙතනට ගෙන ආවේ....

මගේ ලොකු තාත්ත සරත් විමලවීර. ප්‍රවීණ ගුවන්විදුලි නිවේදකයෙක්‌. තාත්ත ගීත රචකයෙක්‌. ඔවුන්ගේ දක්‌ෂතාව සහජයෙන් මට ලැබුණ දායාදයක්‌. නමුත් මම නිවේදන ක්‌ෂේත්‍රයට සම්බන්ධ වුණේ අනිත් අය වගේම සම්මුඛ පරීක්‍ෂණයකට ඉදිරිපත් වෙලා

ඔබගේ පියා ප්‍රවීන කලාකරුවකු වීමෙන් ඔබට ලැබුණ සහය කුමක්‌ද?

පුංචි කාලෙ ඉඳන්ම මගේ ඉලක්‌කය වුණේ ගායිකාවක්‌ වීමයි. තාත්ත ළමා ගීත ලියවා ගන්න එන බොහෝ දෙනාට තාත්ත මාව හඳුන්වා දෙනවා. ගායන ක්‌ෂේත්‍රයට එන්න තාත්ත මට ගොඩක්‌ උදව් කරනව. ඒ ගුරුකම් මම කරන කියන හැම තැනකදීම තාත්ත මගේ තනි නොතනියට ඉන්නව.

රූපලාවන්‍ය ක්‌ෂේත්‍රයේ ප්‍රකට චරිතයක්‌ වන ඔබේ මවගේ වෘත්තිය ගැන අභිෂේකගේ උනන්දුව මොන වගේද?

මගේ අම්ම දමයන්ති විමලවීර. ඇය රූපලාවන්‍යාගාරයක්‌ පවත්වාගෙන යනවා. එහි කෙරෙන්නේ බාහිර අලංකරණයට වඩා රූපය හැඩගන්වා ගැනීමට කෙරෙන ප්‍රතිකර්ම. පුංචි කාලෙ ඉඳන්ම අම්මගෙ ඇසුරේ ඉඳන් ඒ පිළිබඳ මම ඉගෙන ගත් දේ බොහෝමයි. ඉදිරි කාලයේ ඉන්දියාවට ගිහින් මේ ගැන වැඩිදුර අධ්‍යාපනය ලබාගෙන අම්මගෙ ව්‍යාපාරය ඉදිරියට ගෙන යැමේ අදහසක්‌ද මා තුළ තිබෙනවා.

"අභිෂේකා ඉදිරි කාලයේ රංගන ක්‌ෂේත්‍රයේත් අපට හමුවනවාද?

රඟපෑමටත් මම කැමැතියි. ටෙලි නාට්‍යවල රඟපාන්න ඇරැයුම් කිහිපයක්‌ම ලැබුණා. නමුත් ඒ අවස්‌ථා විශ්වවිද්‍යාලයේ විභාග වැනි අත්‍යවශ්‍ය කටයුතු යෙදුණ නිසා එම අවස්‌ථා මඟහැරී ගියා. මේ දවස්‌වල චිත්‍රපටයකට ඇරැයුමක්‌ ලැබී තියෙනව. සමහර විට මට ඒ අවස්‌ථාවට සහභාගි වීමට ලැබෙයි.

ගායිකාවක්‌ විදිහට වගේම ලේඛිකාවක්‌ විදිහටත් එළි දකින්න ඔබ පෙරුම් පුරන බව අපිට දැනගන්න ලැබුණා.

ඔව්. යොවුන් ගායිකාවක්‌ විදිහට එළිදකින්න මගේ මේ කාලය හොඳම කාලයක විදිහටයි මට දැනෙන්නෙ. මේ වෙත්දි ගීත දෙකක්‌ නිර්මාණය කරමින් ඉන්නව. ළඟදීම එම ගීත රසිකයන් වෙත තිළිණ කරන්න සූදානමින් ඉන්නෙ. ඒ වගේම මම සංගීතය පිළිබඳ හදාරල විශාරද විභාගයත් සම්පූර්ණ කරලයි ඉන්නෙ. මගේ සංගීත ගුරුතුමා වන්නේ සංගීත් නිපුන් සනත් නන්දසිරි ගුරු පියායි.

මේ දවස්‌වල මා ලියූ නිසඳැස්‌ එක්‌කර "නොහිමි" නමින් පොතක්‌ එළිදක්‌වන්නත් මම සූදානමින් ඉන්නෙ.

අභිෂේකා ඔබ ස්‌වාධීන රූපවාහිනියට අයිති නිවේදිකාවක්‌ද?

ෂඔභ එකේ ළහිරු මඬල බලාගෙන ඉඳල සම්මුඛ පරීක්‌ෂණයට එද්දී මට අවුරුදු 10 යි. එදාමෙදා තුර මගේ නිවේදන දිවියේ තක්‌සලාවත්, විශ්වවිද්‍යාලයත් ස්‌වාධීන රූපවාහිනියයි. ITN එකේ ඉන්න බොහෝ දෙනෙක්‌ මට ගුරුහරුකම් දුන් ගුරුවරුන් විදිහටයි මම සලකන්නෙ.

මෙතෙක්‌ ජීවිතයේ සිදුවූ සිදුවීම් දිහා බලද්දී අභිෂේකාට මොකද හිතෙන්නෙ.

මෙතෙක්‌ මගේ ජීවිතයේ සිදුවූ හැම සිදුවීමක්‌ම මට ආශිර්වාදයක්‌ වුණා. සමහර අහිමිවීම් පවා මට අහිමි වී තියෙන්නෙ මගේ හොඳටයි කියලයි මම හිතන්නෙ. උදාහරණක්‌ විදිහට පුංචි කාලෙ වෛද්‍යවරියක්‌ වීමේ සිහිනයක්‌ මට තිබුණා. ඒ නිසා මම උසස්‌ පෙළට තෝරා ගත්තෙ විද්‍යා විෂයන්. නමුත් අතරමඟදී මම කලා විෂයන්ට මාරු වුණා. වෛද්‍යවරියක වීමේ සිහිනය මට අහිමි වුණා. මගේ උරුමය වූ කලාවට මාව යොමු කරවන්න කියලයි මම අද විශ්වාස කරන්නෙ.

පවුලේ එකම දරුවා විදිහට දෙමව්පියන් ඔබේ පෞද්ගලික ජීවිතයත් ගොඩක්‌ සැලසුම් කරනව ඇති නේද?

ඇත්තටම. මම පාසල් අධ්‍යාපනය අවසන් කළ සැණින් විවාහ විය යුතුයි කියලයි අපේ අම්මල තීරණය කරල තිබුණෙ. ඒත් අපි හඳහන් විශ්වාස කරනව. මගේ විවාහය අවුරුදු විසිහය පහුවුණාට පස්‌සෙ සිදුවීම හොඳයි කියල තියෙන නිසා අම්මයි තාත්තයි ඒ ගැන මට කල්දීල තියෙන්නෙ. මම විවාහ වෙන්නෙ අම්මල හොයල දෙන කෙනෙක්‌ එක්‌කයි. මෙතෙක්‌ මගේ ජීවිතයට නිවැරැදි දේ තෝරා දුන්නා වගේම මගේ විවාහයේදීත් නිවැරැදි තීරණය ගන්න මම ඒ දෙන්නට බාරදීලා තියෙන්නෙ.

ධම්මිකා සුරංජි පතිරණ

Copy Rights - Divayina

පුංචි කාලෙ ඉඳලම මම කළ යුතු දේ, නොකළ යුතු දේ තීරණය කළේ මමමයි.

2011-06-04T09:43:00.000+05:30

කලා කටයුතුවලින් ඈත්වීම ගැන පුංචි දුකක් හිතේ තියෙනවා

අයේෂා සඳමාලි

ඔබ කලා ක්ෂේත්‍රයට පැමිණි ආකාරය සිහිපත් කළොත්...?

2000 වසරේ පැවැත්වුණු ’මිස් වීනස්’ තරගයේ දෙවැනි ස්ථානයත්, 2002 වසරේ ”කැප්රි ක්වීන්” තරගයේ පළමු වැනි ස්ථානයත් මට හිමි වුණා. ඉන්පසුව මම මෝස්තර නිරූපණ ක්ෂේත්‍රයට පිවිසුණා. මගෙ ගුරුවරයා, ප්‍රේමසිරි හේවාවසම් මහතා තමයි මට කලා ක්ෂේතය‍්‍රට එන්න උදව් කළේ’ රූපලාවණ්‍ය ශිල්පිනියක ලෙසත් මම කලක් වැඩ කළා. ඉන්පසුව මම ස්වර්ණවාහිනී ආයතනයේ වැඩසටහන් ඉදිරිපත් කරන්නියක ලෙසත් වැඩ කළා.

“රස සරණිය”, “හලෝ ශ්‍රී ලංකා” මම සජීවීව ඉදිරිපත් කළ වැඩසටහන් දෙකක්. නර්තනයෙන් මගෙ හැකියාව පෙන්වන්න සිරස ඩාන්සින් ස්ටාර් වැඩසටහනින් අවස්ථාව උදා වුණා. ඒ තරගයේ අවසන් හතර දෙනා අතරට මම ආවා. මේ හැම දෙයක්ම මම කළේ ඒ පිළිබඳව හොඳින් හදාරල. මේ විදියට මම අවුරුදු 10 ක් විතර කලා ක්ෂේත්‍රයේ රැඳී සිටියා. ඒ වගේම “සක් විත්තෝ”, “ලොක්කයියා” කියන ටෙලි නාට්‍යවලට රංගනයෙන් දායක වෙන්නත් මට අවස්ථාව ලැබුණා.

මොනවද ඔබ මේ දවස්වල නිරතවෙලා ඉන්න කලා කටයුතු?

මම කලා කටයුතුවලින් ඉවත් වෙලා දැන් අවුරුදු එකහමාරක් විතර වෙනවා. ඒ කාලය තුළ ටෙලි නාට්‍ය රංගනයටත්, මෝස්තර නිරූපණයටත් දායක වුණේ නෑ. නිවේදන කටයුතු වලින් තරමක් දුරස් වුණා. මම දැන් පෞද්ගලික ආයතනයක අධ්‍යක්‍ෂවරියක් ලෙස රැකියාව කරනව. රැකියාවේ කටයුතු එක්ක මම ටිකක් කාර්ය බහුල වුණා. එහෙම ඉන්න විට තමයි “රණවිරු රියල් ස්ටාර්” වැඩසටහනට ආරාධනයක් ලැබුණේ. මම ඒ අවස්ථාව ඉතාම සතුටින් බාරගත්තා. ”රණවිරු රියල් ස්ටාර්” වැඩසටහනට තමයි පසුගිය දවස්වල මගෙ කාලයෙන් වැඩි කොටසක් වැය කළේ.

”රණවිරු රියල් ස්ටාර්” වැඩසටහනට දායක වෙන්න ලැබීම ගැන ඔබට මොනවද හිතෙන්නෙ.

ඇත්තෙන්ම මේ වැඩසටහන ඉදිරිපත් කරන්න මටත් දායක වෙන්න ලැබීම මගෙ ජීවිතේ ලබපු විශාල භාග්‍යයක්. ඒ ගැන මට හරිම ආඩම්බරයක් දැනෙනව. අවසන් ‘විරු තරු’ විසිහතර දෙනා තරගයට ආවට පසුවයි මම මේ වැඩසටහනට සම්බන්ධ වුණේ. මේ වැඩසටහන ඉදිරිපත් කළේ කංචන කොඩිතුවක්කුත්, උමයංගනා වික්‍රමසිංහත් මමත්.

අපි ඉතාම සතුටින් සහ සහයෝගයෙන් ඒ වැඩේ කළා. අපේ රට බේරාගත් රණවිරුවන් අතර හොඳ කලාකරුවන් පිරිසක් ඉන්නව. මේ වැඩසටහන මුළු රටම ඉතාම ආශාවෙන් නැරඹූ වැඩසටහනක්. පසුගිය කාලෙ තිබුණු රියැලිටි වැඩසටහන් අතරින් ජනපි‍්‍රයම වැඩසටහන වුණේ “රණවිරු රියල් ස්ටාර්” වැඩසටහන. සෑම වයසකම, සෑම තරා තිරමකම රූපවාහිනී ප්‍රේක්ෂකයින් මේ වැඩසටහන නරඹල රණවිරුවන්ගේ හැකියාව අගය කළා.

මෝස්තර නිරූපණයට අපේ රටේ තිබෙන පිළිගැනීම ගැන ඔබට තිබෙන්නෙ මොන විදියේ අදහසක් ද?

මෝස්තර නිරූපණයට ලෝකයේ තිබෙන්නේ ඉහළ තැනක්. ඒ මට්ටම දැන් ලංකාව තුළත් තිබෙනවා. මම ඒ ක්ෂේත්‍රයේ නියැලුණේ මගේ සීමා හොඳින් හැඳිනගෙන. නිරූපණ ශිල්පිනියන්ට අද සමාජයේ විශාල වටිනාකමක් ගෞරවයක් තියෙනවා. ඒ වගේම කලා ක්ෂේත්‍රය තුළ ඔවුන්ගේ හැකියාවට හොඳ ඉල්ලුමක් තියෙනවා. අපේ රටේ මිනිස්සු ඉතා විවෘත මනසකින් මේ ක්ෂේත්‍ර පිළිබඳව හිතනවා. අනෙක ජාත්‍යන්තර මට්ටමින් ඇගයීමට ලක්වුණු නිරූපණ ශිල්පීන් ශිල්පිනියන් අපේ රටේ ඉන්නව. ඒ නිසා මම හිතනව දැන් ලංකාව තුළ මෝස්තර නිරූපණය හොඳ රැකියාවක් කියල.

කලාවෙන් ඈත් වෙන්න කියල ඔබට කිව්වෙ ඔබේ සැමියද?

නැහැ කොහෙත්ම නෑ. කලාවෙන් ඈත් වෙන්න කියල මට කවුරුවත් ම කියල නෑ. මගෙ සැමියා මාවත් මගෙ හැකියාවනුත් හොඳින් තේරුම් ගත් කෙනෙක්. මගෙ හැම වැඩකටම උදව් කරමින් ඔහු මා ළඟින්ම ඉන්නව. “මෙගා ස්ටාර්” තරගාවලියට මට ඉදිරිපත් වෙන්න කිව්වෙ ඔහු. පුංචි කාලෙ ඉඳලම මම කළ යුතු දේ, නොකළ යුතු දේ තීරණය කළේ මමමයි.

කලාවෙන් ඈත්වීම ගැන දුකක් නැතිද?

පුංචි දුකක් තියෙනව. කලාව මගේ ඇඟේ තියෙන දෙයක්. කලා ක්ෂේත්‍රය තුළ විශාල ගමනක් නොගියත් මට සතුටු විය හැකි ගමනක් යන්න අවස්ථාව ලැබීම ගැන මට සතුටුයි. විවාහයෙන් පසුව මම වැඩි අවධානයක් යොමු කළේ මගෙ පවුල් ජීවිතයට. ඒ නිසයි මම රංගනයෙනුත්, මෝස්තර නිරූපණයෙනුත් ඉවත් වුණේ.

නමුත් රූපවාහිනී වැඩසටහනක් ඉදිරිපත් කරන්න අවස්ථාව ලැබුණොත් මම ඒක බාර ගන්නව. ඒ වගේම ඉදිරියේදී දරුවන් හදල දරුවන් ටිකක් ලොකු මහත් වුණාම, සුදුසු පරිසරයක් තිබුණොත් කලාවට නැවත එක් වෙන්න සූදානම්.

කොහොමද පවුල් ජීවිතය...?

ඉතාම සතුටින් අපි පවුල් ජීවිතය ගෙවනව. අපි හඳුනාගන්නෙ 2000 වසරේ. 2006 දී විවාහ වුණා. මගෙ සැමියා ව්‍යාපාරික ක්ෂේත්‍රයට සම්බන්ධ කෙනෙක්. මගෙ වැඩ කටයුතුවලට ඔහුගෙන් විශාල සහයෝගයක් ලැබෙනව. මම හිතන්නෙ මම දැන් මවක් වෙන්න සුදුසු කාලය කියල. ඒ ගැන ළඟදීම හිතනව.

මොන වගේ බලාපොරොත්තු ද ජීවිතේ තියෙන්නෙ...?

මගෙ ජීවිතේ විශාල බලාපොරොත්තු නෑ. මගෙ රැකියාවට හොඳ සාධාරණයක් ඉටු කිරීමත්, හොඳ බිරිඳක්, මවක් වීමත් තමයි මගෙ ලොකුම බලාපොරොත්තුව. ඒ බලාපොරොත්තු හැම ගැහැනියකටම පොදු ඒවා.

ගාමිණී සුසන්ත

Copy Rights - Silumina

බිපාෂාට මිනිෂාට මාර පරිප්පුවක්?

2011-06-04T09:41:00.000+05:30

පසුගිය දෙසතිය තුළදී බොලිවුඩ් පුරයේ ජනප්‍රිය නිළියන් දෙදෙනකුට කරදර කිහිපයකට මුහුණ දෙන්න සිද්ධ වුණා. මේ දෙදෙනාගෙන් එක් අයෙකු ඔබ හොඳින් දන්නා නිළියක්. ඇය අතිශය ජනප්‍රිය සුපිරි නිළි බිපාෂා බාසු. අනෙක් රුවැත්තිය තවත් ජනප්‍රිය නිළියක්. ඇය, මිනිෂා ලම්බා. බිපාෂාට නම් ගෙවී ගිය සති කිහිපය පුරාම ගතකරන්නට සිදුවුණේ කලබලකාරී මනසකින් යුතුවයි.

ඇය, තම පෙම්වතා වූ ජෝන් ඒබ්‍රහම්ගෙන් වෙන්වුණේ ඒ කාලය තුළදීයි. ඉන්පසුව ඇය හොලිවුඩ් සුපිරි නළු ජෝශ් හාර්ට්නට් සමඟ හාදකම් පවත්වන බවට කටකතා පැතිරී ගියා. ඒ විතරක් නොවෙයි ඉන්දියාවේ ප්‍රකට දේශපාලනඥයකු සමඟ ඇය දුරකථනයෙන් කළ කතාබහක් පිළිබඳවත් විවිධාකාර දූෂ්‍යමාන ආරංචි පැතිරී ගියා. මෙම දේශපාලනඥයා සමඟ ඇය අසෝබන සංවාදයක යෙදී සිටි බවයි පැවසුණේ.

එවැනි වාතාවරණයක සිටි බිපාෂාට තවත් අකරතැබ්බයක් සිදුවුණා. පසුගිය සතියේ මුම්බායි ජාත්‍යන්තර ගුවන් තොටුපළට පැමිණි අවස්ථාවකදී ඇය එහි සිටි රේගු නිලධාරීන් විසින් රඳවා ගනු ලැබුවා. මේ නිසා බිපාෂාට පැය කිහිපයක්ම මුම්බායි ගුවන් තොටුපළේ රැඳීසිටින්නට සිදුවුණා. බිපාෂාට මෙලෙස රැඳී සිටින්නට සිදුවුණේ අලුත්ම බොලිවුඩ් චිත්‍රපටයක් වන ‘ප්ලේයර්ස්’ හි රූපගත කිරීම් කිහිපයකට එක්වී ලන්ඩන් නුවරට ගොස් ආපසු සියරට පැමිණි අවස්ථාවේදීයි. බිපාෂාව රේගු නිලධාරීන් විසින් රඳවා ගනු ලැබුවේ ඇය රැගෙන ආ බඩුමුට්ටුවලින් කොටසකට නියමිත රේගු ගාස්තු නොගෙවා තිබීමයි.

මෙම රේගු ගාස්තුවල වටිනාකම ඉන්දිය රුපියල් ලක්ෂ 50ක් බවයි රේගු නිලධාරියෙකු ප්‍රකාශ කර තිබුණේ. බිපාෂා විසින් එම ගාස්තුව ගෙවා නිමකරන තුරු ඇයව ගුවන්තොටුපළේ රඳවා ගත් බවත් එම නිලධාරියා ප්‍රකාශ කළා. රේගු නිලධාරීන් විසින් අතිරේක ගමන් මල්ලක් (excess baggage) ලෙස සලකනු ලැබූ එහි තිබුණේ මොනවාදැයි බිපාෂා හෙළිකළේ නැහැ. රේගු ගාස්තු වශයෙන් රු. ලක්ෂ 50ක් ගෙවිය යුතු වූ එහි වටිනා බඩු භාණ්ඩ තිබුණු බවට නම් කිසිම සැකයක් නැති බවයි සමහරු ප්‍රකාශ කළේ.

කොහොම වෙතත් පැය කිහිපයකට පසුව බිපාෂාට එම මුදල ගෙවා දමන්නට හැකිවුණා. ඒ හේතුවෙන් ඇයට ගුවන් තොටුපළින් ‘නිදහස ලබා’ නිවසට පැමිණෙන්නට හැකියාව ලැබුණා. තමන්ට සිදුවූ පටලැවිල්ල ඇය විස්තර කළේ මෙහෙමයි... “මම ලන්ඩන් ගියේ ‘ප්ලේයර්ස්’ චිත්‍රපටයේ දර්ශන කිහිපයක රගපාන්නයි. ඒ වැඩ කටයුතු ඉවර කරලා මම මුම්බායි එයාර්පෝට් එකට ආවා.

ලන්ඩන්වලදි ෂොපින් ගිය වෙලාවෙ අරගත්තු බඩු ටිකකුත් මම ගෙනාවා. මුම්බායි එයාර්පෝට් එකේදි ඒවා පරීක්ෂා කරපු නිලධාරීන් කිව්වා ඒවාට බදු හැටියට රුපියල් ලක්ෂ 12ක් ගෙවන්න ඕනෙ කියලා. මම ඒ මුදල ගෙව්වා. මං හිතන්නෙ කස්ටම් ඔෆිසර්ස්ලා ඒ අයගෙ රාජකාරිය හොඳින් ඉටුකරනවා කියලා. මට බදු ගෙවන්න වුණේ මගේ පාවිච්චියට ගෙනාපු බඩුවගයකටයි.” බිපාෂා ඒ කතාවේදී රුපියල් ලක්ෂ 50ක ගාස්තුවක් ගෙවූ බවක් හෝ එම ගාස්තුව ගෙවන තුරු තමන්ව මුම්බායි ගුවන් තොටුපළේදී රඳවාගත් බවක් හෝ පැවසුවේ නැහැ.

බිපාෂා මේ සිද්ධියට මුහුණදුන්නේ පසුගිය මැයි 26 දායි. මිනිෂා ලම්බා නම් වූ තාරකාවියටත් මෙවැනිම අත්දැකීමකට මුහුණ දෙන්නට සිද්ධ වුණා. ඒ, පසුගිය මැයි 18දා මුම්බායි ජාත්‍යන්තර ගුවන් තොටුපළේදීමයි. ඇය මුම්බායි වෙතට ගුවනින් පැමිණියේ පසුගියදා නිමාවට පත්වූ ප්‍රංශයේ කාන්ස් චිත්‍රපට උළෙලට සහභාගිවීමෙන් පසුවයි.

ගුවන් තොටුපළට පැමිණි පසුව මිනිෂා රැගෙන ආ ස්වර්ණාභරණ පරීක්ෂා කළ රේගු නිලධාරීන් ඇයට දැනුම් දුන්නේ වහාම එම ස්වර්ණාභරණ වෙනුවෙන් බදු ගෙවන ලෙසයි. බදු මුදල කොපමණදැයි මෙතෙක් හෙළිවී නැහැ. කොහොම වෙතත් මිනිෂා රැගෙන පැමිණි ස්වර්ණාභරණවල වටිනාකම ඉන්දීය රුපියල් ලක්ෂ 50ක් පමණ විය හැකි බවයි වගතුග දන්නා අය ප්‍රකාශ කර තිබුණේ. මිනිෂාට මේ ස්වර්ණාභරණ ඉන්දීය සමාගමක් ණයට ලබා දී තිබෙන බවයි ඇතැම් අය පවසන්නේ.

”මිනිෂා මුම්බායි එයාර්පෝට් එකට ඇවිත් ග්‍රීන් චැනල් එකෙන් කිසිම පරීක්ෂාවකට ලක්නොවී පිටවෙන්න ආවා. ඒත් එතන හිටපු රේගු නිලධාරියෙක් මිනිෂාට පැත්තකට කතාකරලා කිව්වා, පොඩි ප්‍රශ්න කිරීමක් කරන්න තියෙනවා කියලා. ඉන්පස්සෙ මිනිෂා ඇඳගෙන හිටපු රත්තරන් බඩු පරීක්ෂා කරපු රේගු නිලධාරීන් කිව්වා ඒවාට බදු ගෙවන්න ඕනෙ කියලා. ඒ හින්දා එයාට සිද්ධ වුණා පැය 16ක් විතර එයාර්පෝට් එකේ ඉන්න. ඇත්තටම මිනිෂාගෙ අතේ වරදක් තිබුනෙ නෑ. එයා නොදැනයි ග්‍රීන් චැනල් එකෙන් ආවෙ“ ගුවන් තොටුපළේ නිලධාරියෙකු එලෙස ප්‍රකාශ කළා.

මේ ගැන මිනිෂාගෙන් විමසූ විට ඇය කීවේ මෙවැනි කතාවකි.

”ඒක හරිම සුළු සිද්ධියක්. ඒ වෙලාවෙ කස්ටම් ඔෆිසර්ස්ලා මට හරිම කාරුණිකව සැලකුවා. ඒ අය මට වාඩිවෙන්න ඉඩකඩ ලබාදීලා මට සමෝසා එකකුයි තේ එකකුයි ගෙනත් දුන්නා. මට ගොඩක් වෙලා එයාර්පෝට් එකේ ඉන්න වුණා. පස්සෙ මට ආරංචි වුණා මගේ රත්තරන් බඩුවල වටිනාකම රුපියල් ලක්ෂ 50ක් කියල සමහරු කියල තිබුණ කියලා. ඒක බොරුවක්. ඒවයේ වටිනාකම ලක්ෂ 40කටත් අඩුයි. මම මේ රත්තරන් බඩු අරගත්තෙ කාන්ස් චිත්‍රපට උළෙලේ විවිධ අවස්ථාවලදි අඳින්නයි.”

ස්වර්ණාභරණවල නියම වටිනාකම කොපමණදැයි මිනිෂාගෙන් ප්‍රකාශ වුණේ නැහැ. කොහොම වෙතත්, මිනිෂාටත් මුම්බායි ගුවන් තොටුපළින් නික්ම යන්නට ඉඩකඩ ලැබුණේ අදාළ රේගු ගාස්තු ගෙවීමෙන් පසුවලු.

සුජීව තේවහෙට්ටිගේ

Copy Rights - Silumina

පූජා කොහොමද ඉන්දීය නිළියක් වෙන්නේ? මම සිංහල බෞද්ධ කාන්තාවක්

2011-06-04T09:39:00.000+05:30

පූජා කොහොමද ඉන්දීය නිළියක් වෙන්නේ? මම සිංහල බෞද්ධ කාන්තාවක්

පූජාගේ මව කියයි

ප්‍රේක්ෂක ආකර්ෂණය, ආදරය නොඅඩුව දිනාගත් පූජා උමාශංකර් නම් සුරූපී රංගන ශිල්පිනිය පිටුපස සිටින දැවැන්ත සෙවණැල්ල ඇයයි. පූජා සිනමාවෙන් සමුගත්ත ද ඇගේ බලවත් ඉල්ලීම පිට යළිත් මහාචාර්ය සුනිල් ආරියරත්නයන්ගේ ‘කුස - පබා’ චිත්‍රපටය සඳහා නැවත රංගනයෙන් දායකවීමට සූදානමින් පසුවෙයි.

තම ඉල්ලීම ඉටුකරමින් ‘කුස - පබා’ චිත්‍රපටය ඔස්සේ යළි රංගනයට පිවිස සිනමාවෙන් සමුගැන්මට සූදානම් වන තම දියණිය පිළිබඳව පූජාගේ මව සන්ධ්‍යා උමාශංකර් සමඟ යෙදුණු පිළිසඳරක් ඇසුරින් මේ ලිපිය සැකසිණි.

”කුස - පබා” චිත්‍රපටයට දායක වෙන්න කියලා පූජාට ආරාධනාව ලැබුණේ 2010 වසරෙදියි. ඒ ‘සුවඳ දැනුණා ජීවිතේ’ චිත්‍රපටය රිලීස් කරපු වෙලාවෙදි. ඇත්තටම ඒ වෙලාවෙදි මමවත්, පූජාවත් ඒ තරම් ඒ ගැන හිතුවේ නැහැ. නමුත් මට පසුව ක්‍ෂේත්‍රයේ බොහෝ දෙනෙක් ගෙන් ආරංචි වුණා ‘කුස පබා’ චිත්‍රපටයේ ‘පබා’ගේ චරිතයට පූජාව ගන්න ඉන්නවා කියන එක. ඒ වගේම අපේ සමීපතම මිතුරෙක් වන ධම්මික සිරිවර්ධනත් මේ චිත්‍රපටය දැවැන්ත චිත්‍රපටයක් බවත් ලැබුණ අවස්ථාව මඟහරින්න එපා කියන දෙය කිව්වා.

ඔහු පූජාට කිව්වේ මේ දැවැන්ත සිනමා නිර්මාණයට දායක වෙලා සිනමාවෙන් සමුගන්න කියලයි. ඊට පසුව දවසක ධම්මික ගේ පුතාගේ මංගල්‍ය උත්සවය වෙලාවේදී අහම්බෙන් වගේ මහාචාර්ය සුනිල් ආරියරත්න, රේණුකා බාලසූරිය අපිට මුණගැසුණා. ඒ අය පූජාට මේ චිත්‍රපටය ගැන කරුණු පැහැදිලි කළාම පූජාට තරමක කැමැත්තක් මේ චිත්‍රපටයට ඇතිවුණා. ඉන්පස්සෙ පූජාගේ තාත්තගෙන් අවසර ගන්න එක තරමක් අසීරු වුණා. ඒ වුණත් මගේත්, ධම්මික සිරිවර්ධනගේත් ඉල්ලීම පිට හුඟක් මහන්සිවෙලා ඒ අවසරය ලබාගත්තා. ඇත්තටම ධම්මික තමයි ඔහුට මේ චිත්‍රපටයේ තිබෙන වටිනාකම ගැන පැහැදිලි කළේ.

මම නම් හිතන්නේ මේ චිත්‍රපටයේ රඟපෑමට ලැබීම පූජා ලැබූ භාග්‍යයක් ලෙසයි ඇත්තටම පූජා උමාශංකර් කිවව්ම අද හුඟ දෙනෙක් පූජාව හදුන්වන්නේ ඉන්දීය නිළියක් විදිහටයි. මම නම් පූජාව ඒ විදිහට හඳුන්වනවාට කොහෙත්ම කැමැති නැහැ. මොකද පූජාව අයිති ලංකාවට. පූජා ඉපදුණේ ලංකාවේ. ජාතික රෝහලේ. මට මතකයි, මම උසස් පෙළ කරලා අවසන් වෙලා ගෙදර ඉන්න කොට පුවත්පතක දැන්වීමක් දාලා තිබුණා යුනිසෙෆ් ආයතනයෙන් ඉන්දියාවේ විශ්වවිද්‍යාල පහකට උසස් අධ්‍යාපනය හදාරන්න යන්න සියදෙනකුට ශිෂ්‍යත්ව ලබා දෙනවා කියලා. ඒ අනුව මමත් එයට ඉදිරිපත් වුණා.

කොහොම හරි අලහාබාද්වල විශ්වවිද්‍යාලයට මට ශිෂ්‍යත්වය ලැබුණා. අවුරුදු 5ක් පමණ මම එහි අධ්‍යාපනය ලැබුවා. අවසන් වසරේදී මට පූජාගේ පියාව හඳුනාගන්න ලැබුණා. ඔහු සරසවියට ඇතුළත් වුණේ ‘ථඵජ’ උපාධිය සඳහා. කොහොම හරි අපේ හඳුනාගැනීම කෙළවර වුණේ විවාහයෙන්. අපේ විවාහය සිදුවුණේ ලංකාවේ දී. ඉන්පසුව නැවත අපි ඉන්දියාවට ගියා. ඒ ගිහින් 1981 දී පමණ නැවත මම ලංකාවට ආවා. ඒ පූජා ලැබෙන්න. මොකද මගේ මව සහ පියා දෙදෙනාටම හිටියේ මම විතරයි. මට සහෝදර සහෝදරියන් කිසිකෙනෙක් නැහැ. මේ නිසා මට ලංකාවෙත් – ඉන්දියාවෙත් ජීවත්වෙන්න සිදුවුණා.

කොහොම හරි පූජා අවුරුදු දෙකක් වෙනකම්ම හැදුණෙ වැඩුණෙ ලංකාවේ. කොහොම හරි පූජාගේ ‘මල්ලී’ මට ලැබුණට පස්සේ පූජාවත්, පූජාගේ මල්ලිවත් අරගෙන මම ඉන්දියාවට ගියා. ඒත් අවුරුද්දකට සැරයක් මම ලංකාවට එනවා. හැම නිවාඩුවකටම ලංකාවට ඇවිත් මව්පියන් බලලා යනවා. පූජාටයි, එයාගෙ මල්ලිටයි ඉගෙන ගන්න ලැබුණේ ඉන්දියාවේ. පූජා’ර්ඕඒ’ දක්වා ඉගෙන ගත් උපාධිධාරිණියක්. ඇත්තටම ඇයට සිනමාවට සම්බන්ධ වෙන්න සිදුවුණේ අහම්බයකින්. පූජා යෙහෙළියන් පිරිසක් එක්ක සාප්පු සවාරි ගිය මොහොතක කොහොම හරි ‘ජීවා’ කියලා දෙමළ සිනමාවේ කැමරාකරුවෙක් සිටියා.

ඔහුට චිත්‍රපටයක් අධ්‍යක්ෂණය කරන්න ඕන වෙලා. එයට නවක නිළියන් පස්දෙනෙක් හොයමින් ඉඳලා තිබෙනවා. පූජාගේ යාළුවෙක් ඉන්නවා ආනන්ද කියලා. ආනන්ද ජීවාගෙත් හොඳ මිතුරෙක්. කොහොම හරි ආනන්ද ජීවාට පොරොන්දු වෙලා තිබෙනවා චරිතයට අවශ්‍ය ගැහැනු ළමයෙක් හොයලා දෙනවා කියලා. මේ අය කොහොම හරි සාප්පු ගිය පූජාව දැකල තියෙනවා. පූජාට එතනදී ඔවුන් චිත්‍රපටයට ආරාධනා කරල තිබෙනවා. නමුත් පූජා ටිකක් අදිමදි කරලා. කොහොම හරි ආනන්දගෙ බලකිරීම මත රඟපාන්න කැමැති වෙලා තියෙනවා. මේ දේවල් කිසිම දෙයක් පූජාගෙ පියා දැනගෙන හිටියේ නැහැ. පූජා රඟපානවා කියල දැනගත්තම එයාට හොඳටම කේන්ති ගියා. ගෙදර ආවාම හමගහනවා කියලයි කේන්ති ගත්තේ. පූජා ඒ හැම විරෝධතාවයක්ම නොසලකා චිත්‍රපටයට දායක වුණා.

නමුත් පූජා ජනප්‍රිය වුණේ ‘ජේ ජේ’ කියන චිත්‍රපටයෙන්. පූජා රඟපානවට අදටත් එයාගෙ පියා කිසිම කැමැත්තක් දක්වන්නේ නැහැ. මොකද එයා වතු අධිකාරිවරයෙක්. එයා කියන්නේ මගේ පවුලෙ කිසිම කෙනෙක් සිනමාවට රංගනයට සම්බන්ධ නැහැ. මගේ දුව චිත්‍රපටිවල රඟපානවා කිව්වහම මට මොනතරම් ලැජ්ජාවක් ද කියලා. ඇත්තටම පූජාගේ පියා රඟපෑම කියන දේ දකින්නේ ගැහැනු ළමයකුට අනවශ්‍ය රැකියාවක් විදිහටයි. මෙච්චර උගත් ළමයෙක් රඟපෑමට යොමු වෙයි කියල අපි හිතුවෙ නැහැ. අපේ බලාපොරොත්තුව තිබුණේ පූජා හොඳට ඉගෙනගෙන හොඳ රැකියාවක් කරල හොඳ විවාහ ජීවිතයක් ගත කරාවි කියන දෙයයි.

පූජා රඟ පෑ ‘නාන් කඩවල්’ චිත්‍රපටයෙන් සම්මාන රැසක්ම පූජාට හිමිවුණා. මේ නිසාම පූජා හැමතිස්සෙම කිව්වේ දැන් මම රඟපෑවා ඇති. මම දැන් සිනමාවෙන් සමුගත යුතුයි කියලයි. ඇත්තටම ඇය නිළි ජීවිතයයි රැකියාවයි, පවුල් ජීවිතයයි පටලවාගන්න සූදානම් නැහැ. කොහොම හරි ආයෙත් රඟපාන්නෙ නැහැ කියල තීරණය කරපු පූජාට මගේ ඉල්ලීමට පිටුපාන්න බැරිවුණා. යම් විදියකින් මට පූජාව ලැබිලා මමත් මගේ මහත්තයත් ඉන්දියාවට නොගියා නම් අදටත් අපි ජීවත්වෙන්නේ ලංකාවේ. එතකොට පූජාගේ වටපිටාව හැඩගැහෙන්නේ සිංහල යුවතියක් ලෙසයි. නමුත් පූජාගේ පියා කැමැති වුණේ ඉන්දියාවේ ජීවත් වෙන්නයි.

පූජා මව පියා සහ සොහොයුරා සමඟ

ඒ කොහොම වුණත් මම නම් හිතන්නේ දරුවන් වඩා අයිති විය යුත්තේ අම්මට කියලයි. මට මතකයි පූජා ලංකාවට ආපු කාලේ ඇයව ඉන්දීය නිළියක් විදිහට සලකලා කතා කළා. පිටරට නිළියො චිත්‍රපටවලට ගන්නවා නම් චිත්‍රපට සංස්ථාවට ලක්ෂ දෙකහමාරක් ගෙවන්න ඕන වගේ නොයෙක් කතා ඇතිවුණා. ඇත්තටම සිංහල චිත්‍රපටවල පූජා රඟපාන්න ගියේ ඒ වගේ ලොකු ප්‍රශ්නවලට මැදිවෙලා.

ඇත්තටම තවමත් සමහරු දන්නේ නැහැ පූජාගේ අම්මා (මම) සිංහල බෞද්ධ කාන්තාවක් කියලා. සමහරු මගෙන් අහනවා දෙමළ ද කියලා. ඇත්තටම මමවත් පූජාගේ පියාවත් දෙමළ නෙමෙයි. අපේ පවුල්වලට දෙමළ ගෑවිලාවත් නැහැ. පූජාගේ පියා කණ්ණඩ. එයා කර්ණාටක භාෂාව කතාකරන්නේ. ඇත්තටම අපි දෙමළ කියලා හිතනවා නම් එය වැරදි අවබෝධයක් ලෙසයි මම දකින්නේ.

දකුණු ඉන්දියානු කියපු ගමන් ලංකාවේ මිනිස්සු හිතන්නේ දෙමළ කියලා. දකුණු ඉන්දියාවේ ජාතීන් කීයක් නම් ජීවත් වෙනවද? ඇත්තටම පූජාගේ විවාහය ලංකාවේ හෝ ඉන්දියාවේ හෝ කෙනෙක් සමඟ සිදුවෙනවා නම් මම කැමැතියි. ඒත් වඩාත්ම හොඳ ඉන්දියාවේ සිදුවෙනවා නම් කියන තැනයි මම ඉන්නේ. මොකද අපේ ඉඩකඩම් හැමදේම ඉන්දියාවේ තියෙන නිසා. අනෙක මම කැමැති නැහැ මට වුණු දේ පූජාට වෙනවාට. මොකද අද මට ලංකාවෙයි ඉන්දියාවෙයි දෙතැනක ජීවත්වෙන්න වෙලා. අම්මල මෙහෙ. ඔවුන්ව රැකබලා ගනිමින් අද මම මෙහෙ ඉන්නවා.

ඉන්දියාවෙන් එනකොට මෙච්චර කාලයක් ඉන්න වෙයි කියලා හිතුවෙ නැහැ. නමුත් දැන් අවුරුදු 7ක් වෙනවා මම ලංකාවට ඇවිත්. මම මගේ මව්පියන් ළඟ ඔවුන්ව රැකබලාගන්නවා. ඒ හින්දා පූජා ඉන්දියාවෙම කෙනෙක් විවාහ කරගන්නවා නම් මම කැමැතියි. පූජාට විදේශ රටවලින් කොච්චර නම් මංගල යෝජනා ආවත් පූජා කවදාවත් කැමැති නැහැ විදේශ රටක ජීවත්වෙන්න. පූජා කැමැති ලංකාවට හෝ ඉන්දියාවට පමණයි. පූජාගේ කේන්දරේ හැටියට නම් ඇයට විවාහයට හොඳ ලබන වසරයි. ලබන වසරේදී පූජාගේ විවාහය වේවිද කියලා අපිත් බලාගෙන ඉන්නවා.

මේ දවස්වල පූජා ඉන්දියාවේ එයාගේම ව්‍යාපාරයක් ආරම්භ කරලා ඒ වැඩකටයුතු වෙනුවෙන් වෙහෙසෙනවා. ඒ වගේම කුස පබා රූගත කිරීම් සඳහා ජූලි අග ලංකාවට එන්නට බලාපොරොත්තු වෙනවා. මම හිතනවා ‘කුස- පබා’ ඔස්සේ පූජා සාර්ථක රංගනයක් ඉදිරිපත් කරමින්ම සිනමාවෙන් සමුගනීවි කියලා.

තුෂාරි වික්‍රමසිංහ

ඡායා - ටෙනිසන් එදිරිසිංහ

Copy Rights - Silumina

රණවිරු රියල් ස්‌ටාර් ඩේමියන්

2011-06-04T09:36:00.000+05:30

රණවිරු රියල් ස්‌ටාර් ඩේමියන්

ලොව දැවැන්තම රණවිරු රියල් ස්‌ටාර් සංගීත ප්‍රසංගයේ අවසන් මහා තරගයේ ප්‍රථම ස්‌ථානයට හිsමි කිරුළ ලබා ගනිමින් ජයග්‍රහණය කළේ ශ්‍රී ලංකා නාවික හමුදාවේ කමාන්ඩර් ඩේමියන් ප්‍රනාන්දුය. එහි දෙවැනි ස්‌ථානය යුද හමුදාවේ සාමාන්‍ය සෙබළ ඉන්දික අමරංගට හිමිවිය. තෙවන ස්‌ථානය යුද හමුදාවේ කෝප්‍රල් ලලිත් වික්‍රමනායකට හිමි වූ අතර සිව් වැනි ස්‌ථානය නාවික හමුදාවේ උප ලුතිනන් තරංග ලහිරු සම්පත් සහ පස්‌වන ස්‌ථානය යුද හමුදාවේ කාර්මික සෙබළ ධනුෂ්ක ලක්‌මාල් ටද හිමිවිය.

රණවිරු කිරුළ ලබාගත් ඩේමියන් ප්‍රනාන්දුට රුපියල් එක්‌කෝටි පනස්‌ ලක්‍ෂයක්‌ වටිනා අංග සම්පූර්ණ නිවසක්‌ ත්‍යාග වශයෙන් ලැබිණි. අනුශූරතාවට රුපියල් ලක්‍ෂ 35 ක්‌ වටිනා මෝටර් රථයක්‌ සමග මිලියන දෙකක ත්‍යාගයකි. තෙවන ස්‌ථානයට මිලියන දෙකක මුදල්ද සිව්වන සහ පස්‌වන ස්‌ථානවලට ලක්‍ෂ පහ බැගින් ත්‍යාග ද පිරිනැමිණි. ජනාධිපතිතුමා සහ එම ආර්යාවගේ ප"ධානත්වයෙන් පැවති මෙම උළෙලට ආරක්‌ෂක ලේකම් ගෝඨාභය රාජපක්‌ෂ මහතා සහ එම මහත්මියද, ත්‍රිවිධ හමුදාපතිවරු ඇතුළු විශාල පිරිසක්‌ සහභාගීවිය.

Copy Rights - Divayina

අහුබුදු පබැඳූ සිනමා සින්දූ

2011-06-04T09:35:00.000+05:30

"මගේ සංදේශය චිත්‍රපටයේ සියලුම ගීත අරිසෙන්
අහුබුදු රචනා කළා. සුනිල් ශාන්තයන් ගේ තනු යටතේ
ආර්. මුත්තුසාමි සංගීතය නිර්මාණය කළ එම ගීත
"සංදේශය" චිත්‍රපටයට මහත් ආලෝකයක්‌ ගෙන දුන්නා"
- ආචාර්ය ලෙස්‌ටර් ඡේම්ස්‌ පීරිස්‌

අරිසෙන් අහුබුදු වන් ගල්කිස්‌ස ශාන්ත තෝමස්‌ විදුහලේ සිංහල ආචාර්යවරයකු ලෙස එදා සේවය කරත්දී එතුමන්ගේ ශිෂ්‍යයකු ලෙස හෙළ බස හැදෑරූ අග්‍රගන්‍ය සිනමා නළු ගාමිණි ෙµdන්සේකා මහතා (ගාමිණීගේ නිවසේදී) හමුවූ අතීත මොහොතකි.

ලක්‌මාතාව අපට දායාද කරදුන් සමාජයට පලදායක වූ දරුවන් තමා නියෑළි නොයෙකුත් ක්‍ෂේත්‍රයන්හි එම කාර්යයන් තුළ ඉහළින්ම වැජඹෙමින් මුළු ජාතියම අවදි කරද්දී ක්‍ෂේත්‍ර ගණනාවක්‌ පුරා රැඳෙමින් රටත්, ජාතියත් දැනුවත් කළ තවත් එක්‌ උදාර පුරුෂයකු අපගෙන් නික්‌ම ගියේ රටටම ඵලදායක වූ නැණවත් මල් පොකුරේ රටම සුවඳවත් කළ තවත් එක්‌ මල් පෙත්තක්‌ මල් පොකුරට අහිමි කරමින් ඒ අඩුව තවකෙනකුට පිරවීමට නොහැකි අයුරින් විශාල හිඩැසක්‌ ද තබමිනි. ඉතිහාසයේ සාහිත්‍යයේ පැති ගණනාවක්‌ පුරා පැතිර ගිය එම දැනුම් සම්භාරය ඔහුගේ ගීත රචනා තුළ ද පැහැදිලිවම දකින්නට ලැබිණි.

ගුවන් විදුලි ගීතයක්‌ වූ සුනිල් ශාන්තයන් ගැයූ ලංකා ලංකා පෙම්බර ලංකා, වලාකුලින් බැස, එම්බා ගංගා නවතිනු, තෙල් ගාලා හිස පීරන්නෑනෝ, කුමාරතුඟුන්ගේ අගේ වැනි ගීත රචනා සහ වෙනත් ගායක ගායිකාවන් ගැයූ ගීත රචනා අතුරින් මගේ අවධානය යොමු කරනු ලබන්නේ එතුමා ලියූ චිත්‍රපට ගීත ස්‌වල්පයේ විචිත්‍රත්වය වෙත ඔබේ අවධානය යොමු කරලීමටය.

සංදේශය - 1960, දරුවා කාගේද? -1961, සැනසිලි සුවයම් - 1966, නාරිලතා - 1969, කවුද හරි? - 1969 පාරාවළලු - 1969 වීර පුරන්අප්පු - 1978, හඳයා -1979. චිත්‍රපට අට සඳහා රචනා වූ එම ගීත ප්‍රමාණය 24 ක්‌ පමණ වුවද කුමරතුඟුවන්ගේ හෙළ හවුල් භාෂා ව්‍යවහාරය හා බැඳි නිවැරැදි පිරිසිදු බසින් ගීත රචනයෙහිලා ගීත රචනය තුළ පැවැතිය යුතු සංවේදිතාව පිළිබඳ ආදර්ශ රූප මවමින් ප්‍රේමය පිළිබඳවම හැඟුම් පළ කරනු පිණිස අවට පරිසරය විචිත්‍රකොට මැනීමට පෙළැඹෙමින් ජාතිය වෙනුවෙන් දිවි පිදීමට රණබිම කරා යොමුවන මුවට අතිශයින් උචිත වූ පද පෙළ රචනා කරමින් පබැඳුණු එම ගීතයන් මෙසේ වෙන් වෙන්කොට ඉදිරිපත් කරනු ලබන්නේ සෑම පැතිකඩක්‌ම ඔස්‌සේ විහිද ගිය ඔහුගේ රචනා ශෛලිය පිළිබඳව අපගේ ගෞරව පූර්වක නමස්‌කාරය ද එතුමා වෙත පුදකරමිනි.

කවදත් එතුමා තුළ දකින්නට ලැබුණු දේශාභිමානය මෙලෙසින් සිනමා ගීතයට නැඟේ.

"උගුල් අකුල් බාධා දැකැ නැහැ අප නවතින්නේ

අකුල් කැපීමෙනුයි කැලේ එළි කළ යුතු වන්නේ....."

- අලුත් හඳක්‌ උදා වුණා - පාරාවළලු

"පුලතිසි රාවණ කුලයෙන් එන්නෝ

ගාමිණි පැරකුම් මුනුපුරු වන්නෝ

අපි මේ බිම පතිsයෝ......"

- පැරකුම් සයුරේ - පාරාවළලු

"වැලි මිරිකා තෙල් ගත්තෝ

යකඩ විකා දිය ගත්තෝ

සත් සමුදුර ජය ගත්තෝ

එදා අපේ මුතු මිත්තෝ..."

- ජය අපටයි ලංකාවේ - වීරපුරන්අප්පු

ලියෑවුණු රණ ගීතය මෙසේ පෙළගැසෙයි.

"එකෙකුන් අපගෙන් නැසුවොත් හතුරන්

උන්ගෙන් සියයක්‌ හෙළාපියව්

කඩුවට කඩුවයි හීයට හීයයි

පපුවට පපුවයි දී පලයව්......"

- කෝ හතුරෝ - සංදේශය

ඉතිහාසය ගැන ලිවීමේදී එතුමාට රාජසිංහයන්, පෘතුගීසීන්, ඉංගී්‍රසීන් කියා භේදයක්‌ තිබුණේ නැත.

අහුබුදු

"රුසිරු පෙතන්ගොඩ උයනට අනේ ළංවුණා

නපුරු උණකටුව පතුලේ ඇනී වණවුණා

එක්‌වැ සිටි පිරිස මතුරා විසද වැඩි වුණා

රාජසිංහ දෙවි නාමෙත් ගියා නැතිවුණා"

- කටේ කිරි සුවඳ - සංදේශය

පෘතුගීසිකාරයා රටවල් අල්ලන්න සූරයා

කොළඹට ආවේ ඉඳලයි ලිස්‌බන් නගරේ

අපි ආ පාරේ පැතිරේ විනෝද මිහිරේ......"

- පුරුතුගීසිකාරයා - සංදේශය

"බත කා ඉවරයි බලමින් උන්නොත් ටික කලකින් සිංහල හාලේ

ඉංගී්‍රසි හරකා උඩරට ඉඩමෙන් පන්නන්නට

සැරසෙව් රාලේa........"

- විරිඳු පෙළ - වීර පුරන්අප්පු

සැනසිලි සුවය චිත්‍රපටය සඳහා ලියා ඇති

නිති මා දල්වන පහනේ භක්‌ති ගීතයෙන්

"වැඩිහිටි කන්දේ වෙසෙන සුරින්දේ

ඇයි දුක දෙන්නේ පිහිට නොවන්නේ

රක්‍ෂා පතුරා දෙවිඳේ

නිති එළියෙන් මා සනසන්නේ........"

සිංහල අවුරුදු උත්සවයට එළැඹෙන්නේ මෙසේය.

"ගමේ සවිය මුළු වැරැදී කඹේ අදී දෙකට බෙදී

යටි පිල යනවා පැරදී නඟමු හෝයියා.....

හෝයියා හෝයියා හොහෝ හෝයියා......"

- නව වසරේ කිරි ඉතිරේ- දරුවා කාගේද?-

සිනමා ගීතාවලිය තුළ පෙම් ගීත සහ විරහ ගීත සඳහා ඇති ඉල්ලුමට එතුමා සපයන්නේ මෙම පෙම් ගීතයන් සහ

"විල් කුමරි රැල්ල නඟා රඟාලා

ඇගෙ මිහිරා එන මඟමයි බලන්නේ

කඳුරුලියා ඈම සොයා ඒ

කන්ද උඩින් පියාසලාලා

මාගේ සූQදා - මාගේ සූදා තවම නෑ....

- රෑන ගිරා රෑන අඹේ මී බිබී - සංදේශය

"සිය මනමාලිට කොහා තුරුල් වී

කොහෝ කොහෝ හඬලයි

මී අඹ ලඹ දෙන කොළ යහනේ

යුවළ නිදාගනිතෙයි......."

- පුන්සඳ එළියයි එනමද සුළඟයි - සංදේශය

"ගැහැනිය රකිනා ගුණදම් කඳෙන්

දෙවියන්ගේ පවා බැල්ම ලැබේ

හොඳ හිතින් පෙම් කළොත් සාරා

හොඳ කෙරුවෙත් මේ ලොව හොඳ වෙනවා..."

- සොම්නස සුළඟේ පාවෙනවා - සැනසිලි සුවය

විරහ ගීතයන් ය.

"මේ ලෝකේ හැටි පිරිමින්නේ

මල් සොයමින් යන මී මැසි වාගේ

පෙම් මිහිරෙන් මා හද නහවාලා

ඇයි ගියේ මේ මා වෙත නොබැඳී...."

- මා මැවූ පෙම් මාළිගා - සැනසිලි සුවය

"ආදරේ බිඳ හැරියෙ ඇයි මේ ලෝකයා

පැතුම ඇතුවට එය නොගන්නේ මෝඩයා

සුවය ලැබුමට පාර පෑදී ඇති දිනේ

මැණික දැකලත් එය නොගන්නේ ඇයි දනා...."

- සාගරේ මැද පීනුවා - සැනසිලි සුවය

"මා පැතූ සොඳුරිය තරහ වුණාදෝ

මා ආසා දේවල් නැස ගියාදෝ

ගලාවි උතුරා මගේ රුධිරේ

විඳින්න බැරි මේ දුක්‌නේ මේ ලෝකේ........"

- සිතූ පැතූ දේ නැසී ගියාදෝ - සැනසිලි සුවය -

ප්‍රේමයේ අවසන් ප්‍රතිඵලය නැළවිලි ගීතය නොවේද?

"සුරංගනාවනුයි වලාකුළ ඔසවාගෙන එන්නේ

හඳ මාමයි සිනාසිසී රිදී පාන අල්ලන්නේ

දොයි දොයි දොයි දොයිය පුතා බයි බයි බයි බයිය පුතා......"

- සුදට සුදේ වලාකුළයි - සංදේශය-

"චූටි බබාලා නිදිද බලා හීන හඬින් රස හීන මවා

තරු කුමරියෝ රැස්‌ සලඹ සලා රඟදෙතිs නිල් අහසේ...."

- දොයි දොයි බිලිඳෝ - නාරිලතා

චමත්කාර රූ මවාලන මෙම ගීතයන්ට ළමා හා තරුණ වයස්‌ භේදයක්‌ ඇතිවේ යෑයි සිතිය නොහැක.

"ඒ කන්දත් අපේ තමයි

මේ කන්දත් අපේ තමයි

කඳුයායම අපේ තමයි අපේ රාඡ්ඡේ..."

- රැජින මමයි අපේ රාඡ්ඡේ - සංදේශය

"බකමූණා හූම් හූම් හිඹුටු හඬයි හූම් හූම්

බුම්මාගෙන හූම් හූම් ඔක්‌කෝටම හූම් හූම්

කප්පරකට පුවක්‌ පුවක්‌ කොරවක්‌කයි පුවක්‌ පුවක්‌

මට විටකට නුදුන් පුවක්‌ අපි තරහයි පුවක්‌ පුවක්‌......"

- මීමැස්‌සා රූං රූං - දරුවා කාගේද?

"අපේ සුන්දර ළමා ලොවේ මල් සිනා පිපී සැලේ

දිවා රැයේ මාවතේ ගුටි බැට කන්නේ ඇන බැණගන්නේ අත්වැල් බැඳගන්නේ."

- සිඟිති ලොවේ සුරතල් -හඳයා

"ලොක්‌කො අපියි ලොක්‌කො අපියි අපි ගමට

ලොක්‌කො අපියි ලොක්‌කො අපියි හෙට රටට

පුංචි වුණත් හරිම සැරයි ගම්මිරිස්‌ ඇටේ

හායි හූයි ගෑව නේද ගම්මිරිස්‌ ඇටේ........."

- කවුද කවුද දැන් ලොක්‌කෝ - හඳයා

අප සැමට සිතන්නටද යමක්‌ ඉතිරි කරමින් කවුද හරි? චිත්‍රපටයේ නාමාවලිය සඳහා ලියා ඇති මෙම ගීතය ජීවිතයේ යථාර්ථය පිළිබඳව අපට මුහුණදීමට සිදුවන පරම සත්‍යය නොවේද? මෙය ජීවිතයේ සදාකාලයටම වලංගු වන අදහස්‌ කැටිවුණු ගී පදමාලාවක්‌ නොවේද?

"නැගෙන වැටෙන වැටී නැගෙන පෙරළැනෙ ලෝකේ

වාසනාවෙ දාදු කැටේ අපේ ජීවිතේ

එකින් එකට කොටු පැන පැන පෙරට ඇදෙන්නේ

දිනුම් පෙන්න අතේ දුරයි කැපී වැටෙන්නේ

වැටුණුq ඉරට රුවන් ඉරයි වැටී පෙනෙන්නේ

දාදු දමන්නේ

දරුණු රුදුරු නාග විසෙන් මැණික වැසෙන්නේ

වාසනාව නාග කටේ ඇයි බිය වෙන්නේ

බලාපොරොත්තුවේ දොරටු පවට වැසෙන්නේ

පිනට හැරෙන්නේ

පියෙන් පියට දාදු පෙනේ කපටි ගැට වැටේ

ගැටින් ගැටේ ගැටී වැටේ මහ දහම් ගැටේ

වැටී පොරට යන්න පෙරට ගැටින් ගැට කැපේ

දාම දිනන්නේ

ඇත්ත නැත්ත දාදු දමයි දිවි හටන් බිමේ නැත්ත මගින් ඇත්ත නැඟී සිටී අන්තිමේ විනිස දවස පැමිණිදාට කර්මයා අසයි කවුද හරි?

මෙම ගීත රචනා සඳහා සංගීතයෙන් සුනිල් ශාන්ත (ගීතනු) ආර්. මුත්තුසාමි, මොහොමඩ් සාලි, ප්‍රේමසිරි කේමදාස, සිසිර සේනාරත්න, සෝමදාස ඇල්විටිගල, සෝමපාල රත්නායකද ගායනය සඳහා ධර්මදාස වල්පොල, ලතා වල්පොල, එච්. ආර්. ජෝතිපාල, සිඩ්නි ආටිගල, මොහිදින් බෙග්, මන්සූර් රාජබාලි, සුධර්මා ද සිල්වා, විජිත කුසුම් ලියනගේ, නන්දා මාලිනී, අයිවෝ ඩෙනිස්‌, වික්‌ටර් රත්නායක, නාරද දිසාසේකර, සුනිල් එදිරිසිංහ, බන්ධුල විඡේවීර යන ගායක ගායිකාවන් ද දායකත්වය සපයන ලදී.

මොරටුවේ මැල්කම් ප්‍රදිනාන්දු

Copy Rights - Divayina

කොමඩි චරිත රඟන ශිල්පීන්ට සංයමයක්‌ අවශ්‍යයි

2011-06-04T09:33:00.000+05:30

කොමඩි චරිත රඟන ශිල්පීන්ට සංයමයක්‌ අවශ්‍යයි
'කිං හන්තර්' අධ්‍යක්‍ෂ ඡේ. සිවගුරුනාදන්

කුසුම් වැසි වසී පෙම් රජදහනට සඳපානේ
රජ සැප මදිද එළොවින් මෙළොවට ආවේ
මා පිනවන්නට කෙස්‌වලු පටලන් පැටික්‌කියන් දඟලන වේලේ
අගමෙහෙසියකට සුදුසු කෙනෙක්‌ ඕනෑ වාගේ....

මේ.. මේ දිනවල සාර්ථක ලෙස තිරගත වන 'කිං හන්තර්' චිත්‍රපටයේ ගීයක කොටසකි. "කිං හන්තර්" හාස්‌යෝaත්පාදක චිත්‍රපටයකි.

කැරැල්ලක්‌ අවසානයේ තම රජු නිරුපද්‍රිතව බේරා ගැනීමට අවශ්‍ය නිසා පුරෝහිත විසින් රජුට සමාන රුවක්‌ ඇති පුද්ගලයෙක්‌ මාළිගයේ තබා රජු කාලයාත්‍රා නින්දකට පත්කිරීමට සූදානම් වේ. ඒ කෙදිනක හෝ නින්දෙන් අවදිවන රජු සමස්‌ත ලෝකයේම රජවනු දැකීම අරමුණ කරගෙනය.

රජු කාලයාත්‍රා නින්දට සූදානම්ය. එහෙත් සූක්‍ෂම ලෙස කාලයාත්‍රා නින්දෙන් රජු මිදේ. රජු යෑයි සිතා පුරෝහිත විසින් කාලයාත්‍රා නින්දට ලක්‌කරන්නේ රජුට සමාන රුව ඇති පුද්ගලයාය. ඔහු කිං හන්තර්ය. දිගු නින්දක්‌ අවසන කිං හන්තර් අවදිවේ. ඒ වසර දෙතුන් සියයකට පමණ පසුවය. ඉන්පසු කුමක්‌ සිදුවේද... කිං හන්තර්ට මිනිස්‌ ඇසුර ලබන්නට සිදුවේ. එළොව සිට මෙළොව ආ කිං හන්තර් මෙළොවේ කෙසේ හැසිරේද.

සිවා.....

ඒ නම් අතිශය විනෝදාත්මක හැසිරීමකි. "කිං හන්තර්" දේශපාලනයටද පිවිසේ... රටේ පාලකයා වීමටත් උත්සාහ කරයි... "කිං හන්තර්" ධම්මික සිරිවර්ධනගේ නිෂ්පාදනයකි. අධ්‍යක්‍ෂවරයාගේ පළමු සිනමා නිර්මාණයයි. හේ ජයප්‍රකාශ් සිවගුරුනාදන්ය.

කිං හන්තර් චරිතයත්, රජුගේ චරිතයත්, චරිත ද්වයම රඟන්නේ ජනප්‍රිය ප්‍රවීන නළු විජය නන්දසිරිය. සනත් ගුණතිලක, මහෙන්ද්‍ර පෙරේරා, අනර්කලී ආකර්ෂා, කුමාර තිරමාදුර සහ ගිරිරාඡ් කෞශල්‍යද රඟති.

ජයප්‍රකාශ් සිවගුරුනාදන් කිං හන්තර් අධ්‍යක්‍ෂවරයා කලක්‌ උපාලි පුවත්පත් ආයතනයේ විශේෂාංග ලේඛකයෙක්‌ ලෙස කටයුතු කළේය. ජනප්‍රිය සිනමාකරු ජයන්ත චන්ද්‍රසිරි එදා නවලිය පත්‍රයේ සංස්‌කාරකවරයාය. සිවගුරුනාදන් එහි විශේෂාංග ලේඛකයාය. ඡායාරූප ශිල්පියෙකුගේ භූමිකාවද ඔහු එදා කළේය. එවක ඔහු භාවිත කළ නම වූයේ ජී. සිවගුරුනාදන් යන්නය.

සිවගුරුනාදන් "සිසිල ගිනිගනී" චිත්‍රපටයෙන් කලා ක්‍ෂේත්‍රයට ආවේය. පසුව සිරසට එක්‌විය. නෝනාවරුනි මහත්වරුනි, පාමිණි, කතුර, අහන්න ආසයි ගයන්න, නිදිකුමාරි, එතුමා මෙතුමා, මැති නැති දා, ආතබූත, බිම කරනම්, ෂෝට්‌කම් ආදී නාට්‍යවල අධ්‍යක්‍ෂවරයා ද සිවගුරුනාදන්ය.

රවින්ද්‍ර ගුරුගේ යටතේද සිවගුරුනාදන් ද වීඩියෝ ටීවි (ටී.වී.ටී.) සමග එක්‌ව වෙළෙඳ දැන්වීම් ගණනාවක්‌ නිර්මාණය කළේය. ස්‌වර්ණවාහිනියේ "අළුපාට හීන", ජාතික නාලිකාවේ විකාශනය වන "කප්සුවහස්‌කල්" මෙන්ම ස්‌වර්ණවාහිනියේ "ඇන්ඩ් කොම්පැනි" අධ්‍යක්‍ෂවරයාද සිවගුරුනාදන්ය.

සිවගුරුනාදන්ගේ කුළුඳුල් සිනමාපටය නිපදවන ධම්මික සිරිවර්ධනද මේ වනවිට චිත්‍රපට රැසක නිෂ්පාදකයෙකි. "ආසයි මං පියාඹන්න", "රෝස කැලේ", "පායා එන්න හිරුසේ" නිපදවූ ඔහු "සුවඳ දැණුනා ජීවිතේ" නිපදවමින් අධ්‍යක්‍ෂණයද කළේය.

"කිං හන්තර්" සමග ප්‍රේක්‍ෂකයාට මෙතෙක්‌ නොවිඳි රසයක්‌ ගෙන එන ජයප්‍රකාශ් සිවගුරුනාදන් සිනමා කලා සංග්‍රහය සමග කළ සාකච්ඡාවයි මේ.

"කිං හන්තර්" හාස්‍ය ජනක චිත්‍රපටයක්‌... පළමු අධ්‍යක්‍ෂණය ලෙස මෙවැනි කතාවක්‌ තෝරා ගත්තේ ඇයි?

ධම්මික සිරිවර්ධන මහත්මයා මට ආරාධනා කළා චිත්‍රපටයක්‌ කරන්න. ඔහු මේ ආරාධනාව කළේ මහේෂ් රත්සර මද්දුමආරච්චිගේ කතා සාරාංශයකුත් අරගෙන. ඒ කතාව තමයි මේ... තිරපිටපත ලියද්දී අපි එකඟවුණා මේ චිත්‍රපටය කරන්න.

ඔබ රූපවාහිනියට අධ්‍යක්‍ෂණය කළේත් හාස්‌යෝaත්පාදක ටෙලි නාට්‍ය. කිං හන්තර් ඒ රැල්ලේම චිත්‍රපටයක්‌ ද?

ඔව්... මම සහාය අධ්‍යක්‍ෂවරයෙක්‌ ලෙස සම්භාව්‍ය චිත්‍රපට කිහිපයකම වැඩ කළා. ඉන්පසුව සිරස නාලිකාව සමග එක්‌ වුණා. සිරසට ආ පසුව නොනාවරුනි මහත්වරුනි, එතුමා, මෙතුමා, කතුර, මැති නැතිදා, ආත බූත ආදී ටෙලි නාට්‍ය කළා... දිගටම මට අවස්‌ථාව ලැබුනේ මෙවැනි නිර්මාණවලටයි. ඒ නිසාම වෙන්නැති "කිං හන්තර්" සඳහා ධම්මික සිරිවර්ධන මහත්තයා මාව තෝරා ගන්න ඇත්තේ.

අපි මෙතෙක්‌ දැකපු "කොමඩි" චිත්‍රපට සමග සසඳද්දී "කිං හන්තර්" වෙනසක්‌ තියෙනවාද?

පළමු වෙනස තමයි අපි "කිං හන්තර්" කළේ පැහැදිළි තිර පිටපතක්‌ සමග වීම. මෙය සංවර්ධිත පිටපතක්‌. අනෙක අපි හිතන දෙයක්‌ තමයි කොමඩි කිව්වාම නළු නිළියෝ හුඟාක්‌ දඟලලා, ඇඟපත හොලවලා රඟපාන්න ඕනෑ කියන එක.. එහෙම නැහැ. හාස්‌යෝaත්පාදක චිත්‍රපටයක රඟපාද්දී නළු නිළියන්ට මනා සංයමයක්‌ තිබිය යුතුයි. නැතිනම් අපි රංගනයකින් දඟලන්න ගියාම විකාරයක්‌. කොමඩි කරද්දී මනා සංයමයක්‌ අවශ්‍යයි. සංයමයකින් යුත් චරිත තිර පිටපත ඔස්‌සේ හැසිරවීමෙන් තමයි කොමඩි මතුවෙන්නේ. "කිං හන්තර්" තුළින් මේ වෙනස දැකබලා ගන්න පුළුවන්.

චිත්‍රපටයක්‌ හදනවට වඩා එය ප්‍රදර්ශනය කිරීම අද අභියෝගයක්‌... මේ අභියෝගය හමුවේ ඔබ මුහුණ දෙන්නේ කෙසේද?

ඇත්ත... මට වඩා නිෂ්පාදක ධම්මික සිරිවර්ධනට මේ අභියෝගයට මුහුණ දෙන්න සිදුවේවි. ඔබේ කතාව සහතික ඇත්ත. චිත්‍රපටයක්‌ හදනවාට වඩා පෙන්වන එක අභියෝගයක්‌. ඒත් මේ අභියෝගය ජය ගැනීම සඳහා තවම පොදු ක්‍රමවේදයක්‌ හැදිලා නැහැ. හැමෝම තනිව කරන සටන "කිං හන්තර්" වෙනුවෙනුත් කරන්න වේවි.

චිත්‍රපටයකින් ප්‍රේක්‍ෂකයාට පණිවිඩයක්‌ ලබාදිය යුතුමද?

මම නම් සාමාන්‍යයෙන් චිත්‍රපට වලින් පණිවිඩ දෙන්නේ නැහැ. යම් සිද්ධියක්‌ විශ්ලේෂණය කිරීමක්‌ පමණයි.මම කරන්නේ... මේ මගේ පුද්ගලික මතය...

"කිං හන්තර්" ගැන ප්‍රේක්‍ෂකයාට යමක්‌ කියන්න තියෙනවද?

ධම්මික සිරිවර්ධන මහත්මයා තමයි පළමු චිත්‍රපටය හදන්න මට ආර්ථික ශක්‌තිය ලබා දෙන්නේ. නළු නිළියන්, කාර්මික ශිල්පීන් හැම කෙනෙක්‌ගේම සාමුහික ප්‍රයත්නයක්‌ තමයි "කිං හන්තර්". මෙය බාල මහලු, වැඩිහිටි භේදයක්‌ නැතිව පවුලේ සැමට රස විඳින්න පුළුවන් චිත්‍රපටයක්‌. ඉතින් හැම කෙනෙකුටම "කිං හන්තර්" නරඹන්න කියලා තමයි කියන්න තියෙන්නේ.

අජිත් අලහකෝන්

Copy Rights - Divayina

ස්නේහා.......................................................................

2011-05-29T19:08:00.001+05:30

නම ?

ස්නේහා වසුන්දරා.

පදිංචිය?

මොරටුව.

උපන් දිනය?

මැයි 3.

පාසල?

ආනන්ද බාලිකා විද්‍යාලය.

ලග්නය?

කන්‍යා.

වෘත්තිය?

නිවේදනය. ඊට අමතරව රඟපානවා.

රඟපෑ ටෙලි නාට්‍ය?

පස් මල් පෙති, සෙනෙහස සුවඳයි, අංගම් මල්දම්.

චිත්‍රපට?

හාර්ට් එෆ්. එම්., සර් ලාස්ට් චාන්ස්, පායා එන්න හිරු සේ, සුවඳ දැනුණා ජීවිතේ.

ගීතමය රූප රචනා?

ප්‍රසංග තිසේරාගේ දිව්‍යාංගනාවි, දුෂාන් ජයතිලකගේ මතකයන්.

ඉදිරිපත් කරන වැඩ සටහන්?

රිදම් එෆ්. එම්. හි රිදම් කැෆේ, චැනල් සී නාලිකාවේ ඔන් ද වේ.

මුලින්ම නිවේදනය කළ දවස?

2008 දෙසැම්බර් 08.

කොහෙද?

රිදම් එෆ්. එම්. එකේ.

මොනවද එදා හිතුණේ?

ටිකක් බය හිතුණා.

නිවේදනයේදී වැඩියෙන්ම භාවිත කරන වචනය?

ඔයා.

ආගම?

බුද්ධාගම.

අන්තිමයට පන්සල් ගිය දවස?

පසුගිය අප්‍රේල් 14 වැනිදා.

ජීවිතයේ වැඩියෙන්ම බය හිතුණු මොහොත?

එක සැරයක් කලා කටයුත්තකට ගාල්ලේ යද්දී මා ගිය වාහනය ඇක්සිඩන්ට් වුණා. මං හිතුවෙ එදා මං මැරුණා කියලා.

සිත වඩාත් සංවේදී කළ ගීතය?

සෙන්ටිග්‍රේඩ්ස්ලාගේ දිව්රාලා පවසන්න.

හේතුව?

විශේෂයක් නැහැ. ඒ ගීතය හරිම ලස්සනයි.

අවස්ථාවාදීන්ව හමු වුණාම මොකද කරන්නේ?

හිමින් සැරේ මඟ හැරලා යනවා.

ඔබ සතුව ඇති ගති ගුණයක් වෙනස් කර ගන්න අවස්ථාව ලැබුණොත්?

මිනිසුන්ව ඕනෑවට වඩා විශ්වාස කිරීමේ ගති ගුණය වෙනස් කර ගන්නවා.

ඔබට හමු වූ ආදරණීයම චරිතය?

මගේ අම්මා.

මට ආරංචි වුණා හින්දි භාෂාව කතා කරන්න පුළුවන් කියලා?

ඔව්, හොඳටම පුළුවන්.

කොහොමද හින්දියෙන් ආදරය ප්‍රකාශ කරන්නේ?

මෛං තුම්සේ බොහුත් ප්‍යාර් කර්තී හුං.

ඔබ අතින් නිතරම සිදු වන වැරැද්ද?

පමණට වඩා මිනිස්සු විශ්වාස කිරීම.

මේ වන විට ගත කරන්නේ තනිකඩ ජීවිතයක්ද?

ඔව්.

ආදරය කරන්න තෝර ගන්න කෙනා?

මට ආදරේ කරන කෙනෙක් විය යුතුයි.

කිසියම් කෙනෙකු ඔබ දෙස බොහොම ඕනෑකමින් බලාගෙන හිටියොත්?

මමත් එහෙම බලාගෙන ඉන්නවා.

අවසන් වතාවට කියවපු පොත?

සිත මෙහෙයවා ජීවිතය ජය ගැනීම.

එෆ්. එම්. නිවේදිකාවන්ට චෝදනාවක් තියනවා?

මොකක්ද?

ගිරවියන් වගේ තොර තෝංචියක් නැතිව අනවශ්‍ය දේවල් කියවනවා කියලා?

අවශ්‍ය දේවල් එෆ්. එම්. එකට ගැලපෙන පරිදි අවශ්‍ය වෙලාවට කියනවා. සමහරුන්ට එහෙම හිතෙනව ඇති. මට ඒවා අදාල නැහැ.

ඔබ දුටු ලස්සනම හීනය?

උදේ නැගිටිද්දී දැකපු හීන අමතකයි.

නිවේදිකාවක් විදිහටද ඉදිරියට යන්න කල්පනාව?

මං කැමැතියි හොඳ හින්දි පරිවර්තකයකු වෙන්න.

ඔබ ගැන කෙටියෙන් හැඳින්නුවොත්?

මිනිස්සුන්ට වඩා සත්තුන්ට ආදරේ කරන කෙනෙක්.

ලිපිනය?
30/12,
ස්විස්විලා පාර,
හොරේතුඩුව,
මොරටුව.

ප්‍රසාද් සමරතුංග
සේයාරූ - මාලන් කරුණාරත්න

Copy Rights - Sarasaviya

ඔවුහු එකිනෙකා හඳුනා ගත්හ.

2011-05-29T19:06:00.000+05:30

පසුගිය විසි හය වැනිදා සවස හසලක සුන්දර ගම්මානයේ සිට ඩිලානි අප්සරා බසයට ගොඩ වන්නේ කොළඹ බලා ඒමටයි. ඒ තම පියා සමඟිනි. මාතර මධුෂා ද තම මව සමඟින් උදෑසනම පැමිණෙන්නේ කොළඹ බලාය. මාවනැල්ල තිස්ස බණ්ඩාර ද 27 වැනිදා උදෑසනම කොළඹ බලා පැමිණෙයි.

නිකවැරටිය හර්ෂනාථ බණ්ඩාර ද මේ පැමිණෙන්නේ කොළඹ බලායි. එමෙන්ම මීගමුව ලෙනාඩ් ප්‍රනාන්දුත් පැමිණෙන්නේ කොළඹටයි. මේ පස් දෙනා කොහාටද යන්නේ?

ඒ අන් කොහේටවත් නොව, ලේක්හවුස් ආයතනයේ ‘සරසවිය’ අප පාඨකයන්ට තිළිණ කරන සුන්දර නිමේෂයේ ආශ්වාදය විඳ ගැනීමටයි. ඒ මේ මස ‘කෙළින් හමුව’ සඳහා කුසපත් ඇදීමෙන් තෝරා ගත් පාඨකයන් පස් දෙනායි.

අළුයම දෙකේ කනිසමේ සිට ලේක්හවුස් ආයතනයට මධූෂා තම පියා සමඟ පැමිණ සිටින්නේ තම ප්‍රදේශයේ සිට 27 වැනිදා නවයේ කණිසම වන විට සරසවියට පැමිණීමට තරම් ප්‍රවාහන පහසුකම් නොමැති නිසාය. මෙපමණ දුරක් කරදර විඳගන අප පාඨකයන් සතුටෙන් මොහොතක් ගත කරන්න පැමිණෙන්නේ කලා තරුවලට දක්වක සැබෑම ලෙන්ගතුකම නිසාමයි. ඒ ලෙන්ගතුකමේ තරම කොපමණ ද කියනවා නම් මෙවර දහසක් කුසපත් අතරින් පාඨකයින් වැඩිම ප්‍රමාණයක් දැක් වූයේ පුංචි තිරයේ අවිහිංසක ප්‍රේමවන්තයා ලෙස මේ දිනවල රසික ප්‍රතිචාර නොමඳව ලබන යොවුන් රංගන ශිල්පී සාරංග දිසාසේකරයි.

මොහොතකින් සාරංග අවිහිංසක සිනාවත් සමඟ ඊටම ඔබින අව්‍යාජ බවත් විදහාපාමින් සරසවිය පාඨකයන් ඉදිරියට පැමිණියේ ඔවුන්ගේ සිත් අමන්දානන්දයට පත් කරමිනි. ඔවුහු එකිනෙකා හඳුනා ගත්හ.

මේ පාඨකයින්ගේ් දෑස් දීප්තියෙන් බබලන්නේ සාරංග සියැසින් සජීවීව දැක බලා ගැනීමේ භාග්‍ය උදාවීමේ සතුට නිසාවෙනි.

ලොකු පොඩි බේදයකින් තොරව සාරංග හා සතුටු සාමීචියේ යෙදීමට පැමිණ සිටින මේ පිරිස සාරංග සමඟ දැන් සතුටු සාමිචියේය.

සාරංග ඔබේ පියා දක්ෂ ගායකයෙක්. මව ප්‍රකට නිවේදිකාවක්. මේ සම්බන්ධය ද රංගනයට ඔබට බලපෑවේ?

ඒ හර්ෂනාථ බණ්ඩාරයි. මෙහෙමයි මම කලා පසුබිමක් සහිත පවුලකින් පැවැත ආවත් මගේ් රංගනයට මගේ මාමා වන ඩග්ලස් රණසිංහගේ ආභාෂයත් ලැබුවා. ඊට අමතරව පවුල් පසුබිමත් මගේ උනන්දුවත් යන දෙකම බලපෑවා.

‘ඔබ ඇත්තටම ධනුක වුණා නම් මොනවද කරන්නේ? ඒ තිස්සගේ පැනයයි. ඇත්තටම මම බොඳ මීදුම් නාට්‍යයේ සිටින ධනුක උනා නම් ඊට වඩා හාත්පසින්ම වෙනස් ආකාරයකට හැසිරේවි.

මේ සියලු කතාබස් දෙස විමසිල්ලෙන් බලා සිටි ඩිලානි, සාරංගගෙන් මෙසේ විමසයි.

සාරංග අයියේ, බොද මීදුම් රූගත කරන්නේ කොහෙද?

‘කොට්ටාව, බත්තරමුල්ල, බණ්ඩාරගම වගේ ප්‍රදේශවල තමා බොඳ මීදුම් රූගත කරන්නේ.

ලෙනාඩ් ප්‍රනාන්දු

අපටත් රූගත කිරීම් බලන්න පුළුවන්ද?

ඒ මධූෂාගේ හඬයි.

‘ඇත්තටම පුළුවන්. රූගත කරන වෙලාවක ඔයාලට එන්න පුළුවන්. සාරංග මේ දිනවල තව නිර්මාණවලට දායකත්වය දෙනවාද? ඒ ලෙනාඩ් ප්‍රනාන්දුයි.

ගඟ අද්දර මේ දිනවල සිරස ටී. වී. ඔස්සේ විකාශය වෙනවා. ඊට අමතරව ටෙලි නාට්‍ය කිහිපයක් තව විකාශය වෙනවා. වැහි පබළු සේලත් ඉන් එකක්.

ළඟදී චිත්‍රපට එහෙම නැතිද? ඒ ඩිලානියි.

මම රඟපෑ සංගිලි, සුපර් සික්ස් ඇතුළු චිත්‍රපට හතරක් පමණ ළඟදීම තිරගත වේවි. ඊට අමතරව තවත් නිර්මාණ කිහිපයකටම ආරාධනා කරලා තියනවා. මධූෂා ඔයා මෙනාවද කරන්නෙ?. ඒ පෙරලා සාරංගගෙන් මධූෂා වෙත පැනයකි.

මම උසස් පෙළ ලියලා මේ දිනවල ජයසේකර අපොන්සු මහත්මයාගේ භාෂා කියන පාසල් නාට්‍යයේ රඟපානවා.

ඔබේ පියා ලංකාවේ සිටි සුන්දර ගායකයෙක් වන නාරද දිසාසේකරයි. ඔබට ගීත ගායනයේ හැකියාවක් තියනවාද?

මෙහෙමයි, මට ගීත ගායනා කිරීමේ හැකියාව තිබෙනවා. එහෙත් දුවන්නන් වාලේ දුවනවා වාගේ් ගීත ගායනා නොකර නිවැරැදිව ගීත කිහිපයක් නිර්මාණය කරන්න මගේ අදහසක් තියෙනවා.

ඔබට ‘නිල් දිය යහන’ රංගනය ගැන දැන් මොකද හිතෙන්නේ? ඒ හර්ෂනාථගේ පැනයයි.

දැන් එම රඟපෑම නැවත කරන්න ලැබුණොත් ඊටත් වඩා තාත්ත්විකව කරනවා කියන එකයි මගේ් හැඟීම.

සාරංග ටෙලි නාට්‍ය හෝ චිත්‍රපට පසුබිම් ගායනය කර තිබෙනවාද?

ළඟදී රූගත කෙරුණ සුසීමා ටෙලි නාට්‍ය ඇසුරින් නිපදවෙන සූසීමා චිත්‍රපටයට මම පසුබිම් ගායනයෙන් එක් වුණා.

මේ කතාබහ අතරතුර සාරංගගෙන් සමරු සටහන් ගන්නද ඔවුන් අමතක කළේ නැහැ. සාරංග ද අත්සනින් යුතු ඡායාරූප කිහිපයක් මේ පස් දෙනා අතර බෙදා දුන්නේ සතුට දෝරේ ගලා යමින් තිබෙන විටදීය.

විවිධ රසාලිප්ත සිදුවීම් මැද මේ ගෙවෙන සුන්දර මොහොත මේ ආදරණීය පාඨකයන් පස් දෙනාට නම් අති සුන්දර මොහොතක් වනවාට නොඅනුමානයි.

මේ සිදුවීම් අතර ඔවුන් ගෙන ආ කැමරාවලින් ඡායාරූප ලබා ගැනීමටද ඔවුන් අමතක කළේ නැහැ.

සාරංග ද ඔවුන් හා සතුටෙන් ගෙවන සුන්දර මොහොත ආදරයෙන් ගත කිරීම පාඨකයන්ට පමණක් නොව ඒ සඳහා පාලමක් සාදා දුන් සරසවිය අපට ද සතුටකි.

ඔබටත් මෙවන් සුන්දර මොහොතක් අත් විඳින්නට අවශ්‍ය නම් අපේ කෙළින් හමුවන්න කූ®පනය පුරවා අදම අප වෙත ලැබීමට සලස්වන්න.


මේ සමූහ ඡායාරූපයයි.	ඔක්කොම එක් වී කේක් කපලා.

සාරංගගේ අතින් සමරු සටහන් තැබූ මොහොත.	තිස්ස බණ්ඩාර

ඩිලානි අප්සරා	මධූෂා

සිය ආදරණීය පාඨකයන්ගෙන් කේක් කෑල්ලක රස විඳිනා සාරංග.

සේයා - මාලන් කරුණාරත්න

සංජීව සම්පත් බාලසූරිය

ප්‍රසාද් සමරතුංග

Copy Rights - Sarasaviya