----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

ජෑම් ඇඩ් එකකට ඉන්න ලැබුණා

Saturday, December 8, 2012

රඟපාමු මගේ හීනය සැබෑ කළා

සරසවිය මඟ පෙන්වීමෙන් තිරයට ආ නෙත්මිගේ කතාව
නෙත්මි මිශේල් ‘සරසවිය’ පුවත්පත හරහා කලා ලෝකයට පා තැබූ ශිල්පිනියක්. මේ වන විට නිර්මාණ කිහිපයකටම දායක වෙන්න ඇයට ඉඩ ලැබුණේ සරසවිය නිසාමයි. ඒ ගැන ඇය අප හා මෙසේ කීවා.
‘සරසවිය පුවත්පත මගේ ජීවිතය වගේ. මම වාගේ අලුත් කෙනකුට සරසවිය ලබා දෙන මේ උදව් උපකාරවලට සරසවියට හුඟක් පින් කියලා කියන්න ඕනේ.
ඔබේ ආරම්භය ගැන කියමුකෝ?
අවුරුදු හතේදී මට ජෑම් ඇඩ් එකකට ඉන්න ලැබුණා. පසුව සුගත් රෝහන මහතාගේ’ අඹු දරුවෝ’ ටෙලි නාට්‍යයේ පුංචි චරිතයක් ලැබුණා. සරසවිය නළු නිළි බැංකුවේ මගේ ඡායාරූපයක් පළ වුණා. ඒ නිසා තමා කලා ලොවේ මට අවස්ථාව ලැබුණේ.
ලීල් ආනන්ද ගජනායක සර් ළඟ රංගනය හැදෑරුවා. එහිදී අමරසේන වඩුගේ සර් හමු වුණා. ඔහු මාව දයාරත්න රටගෙදර සර්ට හඳුන්වලා දුන්නා. ඒ අනුව තමා සිත නිවන කතා නාට්‍ය මාලාවේ ‘අවනඩුව’ කියන නාට්‍යයේ සැලකිය යුතු චරිතයක් ලැබුණේ.
නාලන් මෙන්ඩිස් මහතාගේ ‘සතුරු මිතුරු’ ටෙලි නාට්‍යයේත් මට රඟපාන්න අවස්ථාව ලැබුණා. සිරිතුංග පෙරේරාගේ හද රැඳි ගී වැඩ සටහනේ විෂුවල් එකකට පෙනී උන්නා. මේ දිනවල ‘අහංකාර ස්ත්‍රී’ කියන අලුත් ටෙලි නාට්‍යයක රඟපෑම් කටයුතුවල යෙදී ඉන්නවා. මෙයට අමතරව ‘මම මැරෙන්නෙ නෑ’ කියන වේදිකා නාට්‍යයේත් පුහුණුවීම් කරනවා.
2008 වසරේ කොහොඹ චමත්කාර ජයග්‍රාහී හත් දෙනා අතරට ආවා. මේ තමා මගේ කෙටිකාලීන රංගන චාරිකාව.
ඔබට උදවු කරපු අයත් මතක් කළොත්?
මුලින්ම සරසවිය තමා. සරසවිය මට උදවු නොකළා නම් මේ තරම් දුරක් එන්න ලැබෙන්නේ නෑ. ලීල්ආනන්ද සර්, අමරසේන වඩුගේ, දයාරත්න රටගෙදර, මගේ පවුලේ අය සිහිපත් කළ යුතුයි.
මම පොලිස් කාන්තාවකගේ චරිතය රඟපාන්න ආසාවෙන් ඉන්නවා. මවක් දරුවකු බිහි කරනවා වාගේ සරසවිය අලුත් අය බිහි කරන්නේ. ඒ ගැන සතුටුයි.

0 comments:

Post a Comment