----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

මාව වැරැදියට තේරුම් ගන්න එපා

Monday, November 19, 2012

‘පිපිමල්’ හි සමාධිගේ ජීවන තොරතුරු

මුතු වරුසා සහ පිපිමල් හී ඈ මල් නෙලන්නීය. තව නොබෝ දිනකින් රූ ගැන්වෙන සුජීව ප්‍රසන්න ආරච්චිගේ ජනප්‍රිය නවකතාවක් වූ ‘චායා’ ඇසුරෙන් තැනෙන ‘චායා’ ටෙලි සිතුවමේ ‘චායා’ වී මේ සුරූපිනිය අප හමුවට පැමිණීමට නියමිතය. ඉතාම කෙටි කලකින් පුංචි තිරයේ ප්‍රේක්ෂකයින් වසඟයට ගත් ඇය මහේෂී මධුසංඛාය.
ඇය අපේ කලා නිම්නයට පායා ආ අලුත්ම ටෙලිවිෂන් කතා නායිකාව වන්නීය.
මහේෂි මේ දවස්වල හරි ජනප්‍රියයි නේද?
ඇත්තම කිව්වොත් මං මේ වගේ ජනප්‍රියත්වයක් ලබන්න හිතාගෙන හිටපු කෙනෙක් නෙවෙයි. මුතුªවරුසා සහ පිපිමල් යන නාට්‍යයන් මට ලැබුණේ හිතුවෙවත් නැති වෙලාවක.
ඔබ රඟපාන්න ආසාවකින් නෙවෙයිද හිටියේ?
මං ඕමානයේ වසර ගණනාවක් හිටි කෙනෙක්. කාලයක් ලංකාවේ හිටියා. වැඩිදුර අධ්‍යාපනයටයි විදෙස් ගත වුණේ. නිවාඩුවකට ලංකාවට ආපු වෙලාවක තමයි රංගනයට ආරාධනාවක් ලැබුණේ. ඒ සුදේශ් වසන්ත පීරිස් කියන මගේ හිතවතාගෙන්. ඔහුගේ ජීවිතය ලස්සනයි චිත්‍රපටයෙයි මං මුලින්ම රඟපෑවේ. ඒක නම් තවම තිරගත වුණේ නැහැ. චිත්‍රපටය රූගත කරද්දී හැදුණු සබඳතා මතයි මුතුවරුසා සහ පිපිමල් නාට්‍යන්ට යොමු වුණේ.
ඒවාහි ඔබ රඟන්නේ එකම විදිහේ චරිත යුගළක් යැයි මං කිව්වොත්?
මුතුවරුසා ඇතුළේ මං ද්විත්ව චරිතයන් රඟනවා අයෝධ්‍යා හා තාරුකා කියලා. පිපිමල් හී සමාධි. සමාධි මල් නෙලනවා. හැබැයි විකුණන්නේ නැහැ. තාරුකා මල් විකුණනවා. එමෙන්ම ඇය දියුණුව සොයා යන්නියක්. සමාධි සහ තාරුකා අතර යම් යම් සමානකම් තියනවා. ඒවා අධ්‍යක්ෂවරුන්ගේ උපදෙස් මත මං වෙනස් කර ගත්තා. අයෝධ්‍යා පිටරටක හැදුණ වැඩුණ කෙනෙක්. හරියට මං වගේ.
ඔබ සැබෑ ජීවිතයේ හරිම සංවේදී චරිතයක් කියන්නේ ඇත්තද?
ඔව්. සමහර දර්ශනවලදී ඇත්තටමයි අඬන්නේ.
ඒ වුණත් මහේෂි දුරකතනයට පිළිතුරු දෙන්නේ බෙහොම සැරෙන් යැයි බොහෝ දෙනෙක් කියලා තියනවා?
ඒ මගේ හැටි. සැරෙන් වගේ තමයි පුංචි කාලේ ඉඳලා කතා කරන්නේ. මං ඒ ගති ගුණය හදා ගන්න උත්සාහ කරනවා. අනේ ඒක නිසා දුරකතනයෙන් කතා කරලා කාගෙ හරි හිත රිදුනා නම් සමාව ඉල්ලනවා. මාව වැරැදියට තේරුම් ගන්න එපා යැයි ඉල්ලීමක් ද කරනවා. අපිට වැඩිපුරම ෆෝන්වලට ආන්ස්වර් කරන්න සිදු වන්නේ ෂූටිං අතරතුර. සීන් එකට කතා කළාම ටක් ගාලා යන්න ඕනේ. ෆෝන් එකේ කවුරු හරි හිටිය නම් ඒක විසන්ධි කරන්න සිදු වෙනවා.
දිගින් දිගටම කාර්යබහුල වුණාම ඔබට ප්‍රේක්ෂකයන්ව අමතක වේවි ද දන්නේ නැහැ?
අනේ එහෙම කියන්න එපා. මං හැමදාම මේ වගෙයි.
මහේෂිගේ ගම කොහෙද?
නුවර. වර්තමාන පදිංචිය නම් මහරගම.
එතකොට ඉගෙන ගත්තේ?
ස්වර්ණපාලි බාලිකා විදුහලෙන් සහ ඕමාන් පොලි ග්ලොට් එකෙන්.
ලග්නය මොකක්ද?
වෘෂ්චික.
උපන් දිනය?
1992. 10. 27
සුරතල් නාමය?
මාෂි.
කවුද සමීපතමයෝ?
අයෝමි ශානිකා අක්කා, බුවනි.
රූගත කිරීම්වලදී අම්මාව ගෙනි යන්නේ ඇයි?
ආරක්ෂාවට.
ඕමානයද, ලංකාව ද හොඳ?
ලංකාව. ඕමානයේ ඇති කලාවක් නැහැ. තියෙන්නෙත් එක ටී. වී. චැනල් එකයි.
ආයේ ඕමානයට යන්නෙ නැති පාටයි?
මට තවත් නිර්මාණවලට ආරාධනා ලැබුණා. ඒවා දාලා එහෙ යන්න ලෝබයි.
හිටපු ආදරවන්තයා කෝ?
මාව දාලා ගියා.
ආයේ ආදරයක් ගැන හිතන්නේ නැතිද?
හිතනවා. ඒ වුණත් කෝ ක්ෂේත්‍රය තේරුම් ගත් ආදරවන්තයෝ.
ඔබ හොයන්නේ මොන වගේ සහකරුවෙක්ද?
සල්ලිවක්, ලස්සනවත්, දේපල ඉඩකඩම් මුකුත් ඕන නැහැ. මාව තේරුම් ගත් අයෙක්ව.
මහේෂි මොන ආගමේද?
බුද්ධාගමේ.
අන්තිම වතාවට පන්සල් ගියේ කවදාද?
ගිය පෝයට.
ඔබ ගැන කෙනෙකු කියපු වටිනාම වාක්‍ය මොකක්ද?
‘මහේෂි’ කවදා හරි ලංකාවේ දක්ෂ නිළියක් වෙනවා කිව්වේ ප්‍රසන්නජිත් අබේසූරිය.
මුතුවරුසා නාට්‍යයේ රංගනයේ යෙදෙන අතරතුර මුහුණ දුන් අමතක නොවන අත්දැකීම මොකක්ද?
මාව ඇක්සිඩන් වෙන සීන් එකක් තිබුණා. නිෂ්පාදන අංශයේ කෙනෙක් වාහනය පැදෙව්වේ. මං ඒකට යට වෙනවා. මාව ඇත්තටම වාහනයේ වැදුණා. අත පය තුවාල වුණා. එද නම් හිතුණේ මං ඇත්තටම මැරුණා කියලා.
ක්ෂේත්‍රය කොහොමද? හොඳ ද?
අයුතු යෝජනා කරන අය තමයි ගොඩක් ඉන්නේ. ඒ අය නැතිනම් ක්ෂේත්‍රය හොඳයි.
‘චායා’ ගැන මොනවද කියන්න තියෙන්නේ?
ඇය ආදරණිය පෙම්වතියක්. ඒ චරිතයට මමත් ආදරෙයි. මං හිතනවා ප්‍රේක්ෂකයෝ අතර මං වඩාත් ජනප්‍රිය වේවි කියලා ‘චායා’ නිසා.
මේවාට අමතරව මහේෂි දායක වන්නට ඇති ඉදිරි නිර්මාණ මොනවාද?
සනත් අබේසේකරගේ මීදුම වගේ ඇවිදින් නාට්‍ය තියනවා. ඒ වගේම තවත් චිත්‍රපට දෙකකට කතා කළා.
උදවු කරපු අයට තුති පුදන්න දැන් අවස්ථාව . . .
සුදේශ් වසන්ත පීරිස්, ලක්ෂ්මන් පුෂ්ප කුමාර, රෝහණ සමරදිවාකර, සඳුන් රාජකරුණා, අමිල අබේසේකර, ධනංජය සිරිවර්ධන යන මගේ හිතාදරයින්ව ආදරයෙන් මතක් කරනවා.
ඔබගේ දුරකතන අංකය ජනප්‍රිය ගායකයකුගේ නම යටතේ සඳහන් වෙලා පසුගිය දිනවල දිගටම කෝල් ආවා නේද?
උපන් දින තීරයේදීයි එහෙම වුණේ. මං හිතන්නේ ඒක පොඩි වැරදීමක්. මට කතා කර කර ඒ ගායකයා ඉන්නවද කියල අහනවා. මං මේ අංකය එයගෙ නෙවෙයි කිව්වාම, ඔයා එයාගේ වයිෆ් නේද, ඇයි ෆෝන් එක එයාට දෙන්නේ නැත්තේ කියලා සැර කරනවා. මේක දැක්කමවත් ඒ තත්ත්වය අඩු වේවි.

0 comments:

Post a Comment