----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

“දිය මත ලියමි” මුහුරත් උළෙල දා

Sunday, October 14, 2012


“දිය මත ලියමි” මුහුරත් උළෙල දා

රණවිරු රියල් ස්ටාර් අයෝමි ශානිකා ටෙලි නාට්‍ය තේමා ගී ගායනයට
ටෙලි නාට්‍ය නිෂ්පාදිකා සුධර්මා නෙත්තිකුමාර ඇතුළු පිරිස සමූහ ඡායාරූපයකට පෙනී සිටිමින්
ගඟ අද්දර සහ භාර්යාවෝ නිෂ්පාදනය කළ සුධර්මා නෙත්තිකුමාරගේ නවතම ටෙලි සිත්තම ‘දිය මත ලියමි’ හි මුහුරත් උළෙල පසුගිය දා කොළඹ දී පැවැත්විණි.
ජාතික ආරක්‍ෂව පිළිබඳ මාධ්‍ය මධ්‍යස්ථානයේ අධ්‍යක්‍ෂ ජනරාල් ලක්‍ෂමන් හුළුගල්ල, ජනාධිපති උපදේශක පාර්ලිමේන්තු මන්ත්‍රී ජේ. ආර්. පී. සූරියප්පෙරුම, ගාමිණී නෙත්තිකුමාර සමස්ත ලංකා බෞද්ධ සමිති සම්මේලනයේ සභාපති ජගත් සුමතිපාල, ප්‍රවීණ ජ්‍යෝතිෂවේදී සුමනදාස අබේගුණවර්ධන, නිළි රැජන මාලිනී ෆොන්සේකා, සිනමා නිළි සබීතා පෙරේරා ඇතුළු පිරිසක් මෙම අවස්ථාවට සහභාගි වූහ.
කලා ලෝකයේ ඉහළ තලයකට ගමන් කිරීමේ අරමුණැතිව සුන්දර ගම්මානයක පී‍්‍රතිමත් දිවියක් ගත කරන සුලක්‍ෂණා නම් නර්තන ගුරුවරියක වටා දිය මත ලියමි කතා පුවත ලියැවී ඇත.
ජාතික ආරක්ෂාව පිළිබඳ මාධ්‍ය මධ්‍යස්ථානයේ අධ්‍යක්ෂ ජනරාල් ලක්ෂ්මන් හුළුගල්ලේ මහතා සහ නිළි රැජන
මාලිනී ෆොන්සේකා, සුබ මොහොතින් පහන්සිළු දල්වමින්
ශලනි තාරකා, රොජර් සෙනවිරත්න, නීටා ප්‍රනාන්දු, ඩග්ලස් රණසිංහ, චමිලා පීරිස්, පි‍්‍රයන්ත විජේකෝන්, පියුමි බොතේජු, සහන් රන්වල, හේමන්ත ඊරියගම, සෝමවීර ගමගේ, ශිරෝමිකා ප්‍රනාන්දු, රූපා ගෝමස්, නිල්මිණි කෝට්ටෙගොඩ, ජනක රණසිංහ, සමන් අල්මේදා, නදී චංචලා, ගිවන්ත අර්ථසාද්, සුදර්ශන බණ්ඩාර, තිරාශා ප්‍රනාන්දු, මල්ෂාණි ප්‍රනාන්දු, ඉෂාන් මෙන්ඩිස්, ඇතුළු පිරිසක් මෙහි රංගනයෙන් දායක වෙති.
චන්දන ධර්මප්‍රිය හා නාලක තලගලගේ අධ්‍යක්‍ෂණයක් වන මෙහි තිර රචනය හේමන්ත ප්‍රසාද් විසිනි. චන්දන ඉරුගල් බණ්ඩාර සහාය අධ්‍යක්‍ෂක ලෙස කටයුතු කරන අතර සංස්කරණය සමන් සමරවික්‍රම විසිනි. කලා අධ්‍යක්‍ෂණය වජිර ප්‍රියශාන්ත සහ අංග රචනයෙන් පි‍්‍රයංක තිලක් සම්බන්ධ වේ.
රණවිරු රියල් ස්ටාර් දෙවන අදියරේ කිරුළ හිමි අයෝමි ශානිකා දිය මත ලියමි ටෙලි නට්‍යයෙන් ටෙලි නාට්‍ය තේමා ගී ගායනයට ද පිවිසේ.
මෙම ටෙලි නිර්මාණයේ සංගීතය සමන්ත පෙරේරා විසින් වන අතර තේමා ගීතය ගායනය සමන්ත පෙරේරා හා අයෝමි ශානිකා පෙරේරාගේ හඬින් ඔපවත් වේ. ‘දිය මත ලියමි’ හි රූගත කිරීම් පසුගිය 05 වැනිදා ආරම්භ කරන ලදී.

0 comments:

Post a Comment