----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

‘මිස් වර්කින් ගර්ල්’

Thursday, June 21, 2012

කේතකීගේ හීනය වෛද්‍යවරියක්

ඉෂාරා සඳමිණි සමඟ සුහද කතාබහක්

මම කොළඹ දේශීය වෛද්‍ය විද්‍යායතනයේ හතරවන වසරේ වෛද්‍ය ශිෂ්‍යාවක්.

පන්නිපිටිය මොරකැටිය හන්දියෙන් හැරී මඳ දුරක් ගිය තැන හමු වන්නේ වෙල් යායකි. අපි ඒ වෙල්යාය අවසානයේ හමුවන ගුරු පාරට හැරුණෙමු.
තරමක් ඈතට විහිද ගිය ගුරු පාරෙහි එහා ඉසව්වෙන් මතු වූයේ යුවතියකි. කහ පැහැති ගවුමක් ඇද කහ කිරිල්ලියකගේ විලස පෑ මේ යුවතිය කිරිල්ලියක් ඉඟිල යන්නා සේ යතුරු පැදියක නැඟී අප ඉදිරිපසට ඉඟිලුණාය.
ගත වූයේ නිමේෂයකි. ඇගේ ඉඟිල්ලීමට තිත තබමින් යතුරු පැදිය ගුරු පාරෙන් ඉවතට පැන නතර වූයේ එතැන තිබුණු බෝවිටියා පඳුරත් තලා දමමිනි. අපගේ දැක්මෙන් ලැජ්ජාවට පත් නිසාදෝ ඈ වැටුණු සැනින් නැඟී සිටියාය. අපි ඉක්මනින් ඈ අසලට ළං වීමු.
‘තාරුකා’
ඇමතුම ඇසුණු සැනින් ඕ අප දෙස විමසුම් බැල්මක් හෙළුවේ පුදුමය පිරි මදහසක් මුවඟට නඟමිනි.
‘මේ දවස් ටිකේම ඔය වගේ අකරතැබ්බ ගණනාවකටම මට මුහුණ දෙන්නට වුණා. බයිසිකලය තවම මට හොඳටම හුරු නැහැ.
‘සිහිනයකි ජීවිතේ’ ටෙලි නාට්‍යයේදිත් එක් රූගත කිරීමකදී මම නතර වුණේ පරේ තිබුණු තරමක් ගැඹුරු කානුවකට වැටිලයි.’
කණ්ඩියෙහි හැපී නතර වී ඇති බයිසිකලය පාරට ගනිමින් ඈ අප සමඟ කතාබහට පිවිසියේ කවුරුන්දැයි අප හඳුනා ගත් අටියෙනි. මේ දිනවල හිරු ටී. වී. හි රාත්‍රී 8.00 ට විකාශය වන ‘සිහිනයකි ජීවිතේ’ ටෙලි නාට්‍යයෙහි තාරුකාගේ චරිතයට පණ පොවන මේ සොඳුරු යුවතිය ඉෂාරා සඳමිණිය. අප කැන්දාගෙනම සිය නිවස වෙත ගිය ඕ ‘වාඩිවෙන්න මං ඉක්මනට එන්නම්’යැයි කියමින් අතුරුදහන් වූවාය.
‘පාර හොයා ගන්න අමාරු වුණේ නැහැ නේද?’
කුළුපග සිනාවක් මුවඟට නඟමින් ඉෂාරාගේ මව අපගෙන් විමසුවේ දියණියගේ ප්‍රමාදයට අලගු තබමිනි. එසැනින් මතු වූයේ ඇගේ රුවයි. මීට පෙර කහ කිරිල්ලියක් සේ සැරැසී උන් ඇගේ ගත වසා ගැනුණු ගවුම වෙනුවට ඈ මෙවර හැඳ සිටියේ නිල් පැහැති හීන් මල් වැටුණු චීත්ත ගවුමකි. මගේ මතකයට පැමිණියේ කේතකීගේ රුවයි.
‘සිහිනයකි ජීවිතේ’ ටෙලි නාට්‍යයේ තාරුකා කියන ප්‍රධාන චරිතය මට ලැබුණේ මේ දවස්වල ප්‍රේක්ෂකයන්ගේ හිත ගත්ත සිහින පියාපත් ටෙලි නාට්‍යයේ කේතකී නිසයි. කේතකීට කොයි තරම් ප්‍රේක්ෂකයෝදරය කරනවද කිව්වොත් බොහෝ දෙනෙක් මට කතා කරන්නේ කේතකී කියලයි. කේතකී කියන්නේ ඒ ටෙලි නාට්‍යයයේ ප්‍රධාන චරිතයක් නොවුණත් ඉන් ලැබුණු ප්‍රතිචාර මට වාසනාව ගෙනාවා. ‘ඉෂාරා සඳමිණි අබේවික්‍රම’ කතාබහට පිවිසියේ මගේ හිත හැඳින දෝ කියන සැකය මගේ සිතට පිවිසියේ ඉබේමයි.
‘රංගනයට පිවිසීම අහම්බයක්ද?’
නවක නිළියක් ලෙස ප්‍රේක්ෂකයන් අතර ජනප්‍රිය ඉෂරාට මගෙන් ප්‍රශ්නයකි.
‘ඒක සිද්ධ වෙන්නේ හරිම පුදුම විදියටයි. පුංචි කාලයේ මගේ එකම හීනය වුණේ වෛද්‍යවරියක් වීමයි. ඒ නිසාමයි ඒ ලෙවල් ජීව විද්‍යා අංශයෙන් කරන්න හිතුවේ. ඒ ලෙවල් ලියලා නිවසටම වෙලා ඉන්න කාලයේ නිතරම චිත්‍රපට බලන්නත් ටෙලි නාට්‍ය බලන්නත් මම අමතක කළේ නැහැ. මේ අතරදි තමයි මගේ අක්කා දෙරණ රූපවාහිනියේ තිබුණු ‘මිස් ශ්‍රීී ලංකා’ තරගයට අයැදුම්පතක් දමලා තිබුණේ. නිවෙසට වෙලා හිටිය මම මේ තරගයට ඉදිරිපත් වුණත් අවසානයේදී මට අන්තිම පස් දෙනා අතරට එන්න ලැබීමම එක්තරා ජයග්‍රහණයක්. ඊට පස්සේ 2009 දී සිංහ සමාජයෙන් කළ තරගයේදී ‘සිංහ කුමරිය’ වීමට තරම් මා වාසනාවන්තියක් වුණා. 2010 වසරේදී විශ්ව රූ රැජින තරගයට යන්න තෝරන තරගකාරියන් අතර මට හිමි වුණේ දෙවැනි ස්ථානයයි. එතැනින් නොනැවතුණු මම ස්වර්ණවාහිනියෙන් ඉදිරිපත් කළ රුවැත්තියන්ගේ තරගයේ ‘මිස් වර්කින් ගර්ල්’ වීමට හැකිවීමයි රංගනයට පිවිසෙන්නට මට වරම් උදා කර දෙන්නේ. නිල්වලා යතනයේ ලලිත් වසන්ත වගේමචාර්ය උපුල් ජයසිංහ කියන මහත්වරු ඔවුන්ගේ ටෙලි නාට්‍ය සඳහා සහභාගි වෙන්න කියලාරාධනා කරනවා. ඒ ලැබුණුරාධනාව අලුත් අත්දැකීමක් වුණත් අභියෝග බාර ගැනීමට මම කැමැති යුවතියක්. ඒ විදියටයි කේතකීගේ චරිතය ඔස්සේ මම ප්‍රේක්ෂකයන් අතරට පැමිණෙන්නේ.’
‘ඉතිං ඇත්තටම කේතකී ඔබට අභියෝගයක් වුණාද?
මම දැන් පන්නිපිටියේ පදිංචි වෙලා සිටියත්, මගේ ගම මාතරයි. මාතර සුජාතා බාලිකා විද්‍යාලයට පාසල් ගිය මම ශිෂ්‍යත්වය පාස් වෙලා අකුරු කරන්නට එන්නේ කොළඹ දේවි බාලිකා විද්‍යාලයටයි. පාසල් කාලයේ්දී ඉගෙනීම මූලික තැනක් දුන්න නිසා මම පාසලේ බාහිර කටයුතුවලට සම්බන්ධ වන්නේ අඩුවෙන්. පාසල් වේදිකාවේ විවිධ ඉදිරිපත් කිරීම් කරලා තිබුණත් කේතකීගේ චරිතය ඊට වඩා වෙනස්ම චරිතයක්. පිටපත කියවලා බලලා කේතකී අවබෝධ කර ගත්තා වගේම මට අධ්‍යක්ෂවරයාගේ හා සනත් සමරනායක අයියගෙන් ලැබුණු උපදෙස් කේතකී සාර්ථකව ඉදිරිපත් කිරීමට උදව් වුණා.’
‘දැන් ඉතින් දිගින් දිගටම රංගනයෙහි නියැලෙන්නද කල්පනාව?’
‘රංගනයට වගේම මමදරය කරන අනෙක් දේ තමයි වෛද්‍යවරියක් වීමේ සිහිනය. මේ වන විට මම කොළඹ දේශීය වෛද්‍ය විද්‍යායතනයේ හතරවන වසරේ වෛද්‍ය ශිෂ්‍යාවක්. වෛද්‍යවරියක් විදියට ජනතාවට සේවයක් සපයන අතරම ලැබෙන ඉඩහසර වෙන් කරන්නේ රංගනය වෙනුවෙන්.
මේ අතර ඔබ නිවේදිකාවක් ලෙස ස්වර්ණවාහිනියෙන් දකින්නට ලැබෙනවා. මේ හැම දෙයකටම සහභාගි වෙන්න කාල වේලාව හදා ගන්නේ කොහොමද?
‘ස්වර්ණවාහිනියේ ‘ගුඩ්ප්ටර් නූන් ශ්‍රී ලංකා’, ‘චැනල් ඩී’, ‘ජීවිතය ලස්සනයි’ වගේ වැඩසටහන් රාශියක නිවේදිකාවක් ලෙස කටයුතුª කරන්නට ලැබීම මට තවත් එක් අභියෝගයක්. විධායක අධ්‍යක්ෂ බුද්ධික කුලසේකර වගේමශා ලියනගේ මෙනෙවියගෙන් ලැබෙන සහයෝගයත් මෙහිදී මතක් කරන්නම ඕනෑ. රංගනය, අධ්‍යාපනය, නිවේදනය කියන අංශයන්හි නියැලීමේදී මම කටයුතු කරන්නේ කාල සටහනකට අනුවයි. මේ නිසා මම අද බොහොම කාර්යබහුල යුවතියක්. මම කොයි තරම් කාර්යබහුල වුණත් මේ හැම දෙයකම නියැලෙන්නේ බොහොම සතුටින්. වේදිකාවට වගේම සිනමාවටත් පිවිසීමට මම ඉන්නේශාවෙන්. යමක් කළ හැකි චරිතයක් ලැබුණොත් මම ඒ පිළිබඳත් සලකා බලන්න කැමැතියි. රංගනය පිළිබඳ හදාරන්නත් අවශ්‍යයි කියන හැඟීමෙන් තමයි මම ඉන්නේ. කොහොම වුණත් මේ සියල්ල ඉෂ්ට කර ගනිමින් කාලයෙන් උපරිම ප්‍රයේජන ගන්නයි මම නිතරම උත්සාහ ගන්නේ. මේ හැම දෙයකටම තාත්තා, අක්කා, අම්මගෙන් ලැබෙන සහයෝගයත් මෙහිදී මතක් කරන්නම ඕනෑ.’
බොහොම කාර්යබහුල යුවතියක් ලෙස දිවි ගෙවන ඉෂාරා සඳමිණිට දැන් තවත් එක් චරිතයක් සඳහා පිවිසෙන්නට කාලය ඇවිත්. ඈ මීළඟට සූදානම් වෙන්නේ නිවේදන භූමිකාවට පිවිසෙන්නයි.

1 comments:

Nishan de siva said...

වෙනස්ම ආකාරයේ බ්ලොග් එකක්
දිගටම කරගෙන යන්න ජය වේවා!

Post a Comment