----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

දැන්වත් මේ දෙන්නා කසාද බඳීද?

Monday, April 30, 2012



හොලිවුඩ් පුරවරයේ සුප්‍රකට තරු යුවළක් ගැන පසුගියදා අලුත්ම ආරංචියක් පැතිර ගියා. හැබැයි මේ ආරංචිය මීට වසරකට දෙකකට පෙරත් පැතිර ගියත් එය සැබෑවක් වූයේ නැහැ. ඒත් මෙවර නම් එය සැබෑවක් වන බවට ලකුණු පහළ වෙලා.
මේ ආරංචිය ආවේ සුප්‍රකට නළු නිළි යුවළක් වන ඇන්ජලිනා ජොලී හා බ්‍රැඩ් පිට් ගැනයි. පුවත පැතිර ගියේ බ්‍රැඩ් පිට්ගේ කලින් බිරිය වූ ජෙනිෆර් ඇනිස්ටන් හරහායි. ඒ පුවත වූයේ ජෙනිෆර් සිය කලින් සැමියා වූ බ්‍රෑඩ් පිට් හා ඇන්ජලිනා විවාහ ගිවිස ගැනීම ගැන මුළු හදවතින්ම සතුට පළ කළ බවයි. ඒ විතරක් නෙවෙයි ජෙනිෆර් මේ දෙන්නාගේ විවාහ උලෙළට සහභාගි වෙන්නත් පෙරුම් පුරමින් ඉන්නවාලු.
පස් වසරක විවාහ දිවිය අවසන් කරමින් ජෙනිෆර් හා බ්‍රැඩ්පිට් දික්කසාද වුණේ 2005 දීයි. බ්‍රැඩ් පිට් ට ඇන්ජලිනා මුණගැසුණේ ර්ප චදඤ ර්පඵ. ඉථඪබඩ චිත්‍රපටයේ රූගත කිරීම්වලදීයි. එතැන් සිට දෙදෙනා හත් වසරක් තිස්සේ එකට ජීවත් වෙනවා. හොලිවුඩ් පුරයේ ඔවුන් හඳුන්වන්නේ බ්‍රැන්ජලිනා නමින්.
බ්‍රැඩ් කලින් විවාහයෙන් වෙන්වෙද්දී ජෙනිෆර් ද ජස්ටින් තෙරෝක්ස් නමැති නළුවා හා හාදකමක් පටන් ගත්තා. බ්‍රැඩ් හා ඇන්ජලිනා නීතියෙන් විවාහ නොවුණත් ඔවුන්ට දරුවන් 6 දෙනෙක් ඉන්නවා. ඉන් තිදෙනෙක් ඔවුන්ගේ ම දරුවෝ. ඉතිරි තිදෙනා වෙනත් රටවලින් හදාවඩා ගැනීමට ගත් අයයි.
බ්‍රැඩ් පිට් හා ජොලි
ඒත් මේ දෙදෙනා සැම දරුවකුටම එකාවන්ව ආදරය කරනවා.
තමන්ගේ ජනප්‍රිය දෙමවුපිය යුවළ ළඟදීම විවාහ වීමට යන බව අසා ඔවුන් ද ඉමහත් සතුටට පත්ව ඇති බවයි වාර්තා වෙන්නේ.
බ්‍රැඩ්-ජොලී යුවළ පසුගිය 16 වැනිදා විවාහ ගිවිසගත් පුවත දෙදෙනාටම සම්බන්ධ ආරංචි මාර්ග තහවුරු කළා. ඉස්සර මේ දෙදෙනා පැවසුවේ සැමටම (සමලිංගික යුවළවලට) සමාන විවාහ අයිතීන් ලැබෙන තුරු තමන් විවාහ නොවන බවයි. ඒත් දැන් ඔවුන් ඒ අදහස වෙනස් කරලා. ඊට හේතුව දරුවන් බවයි පවසන්නේ.
”දැන් අපට එපමණ කලක් බලා සිටින්න බැරිවෙයි. දරුවන්ගෙන් විවාහ වෙන්න කියා අපට කෙරෙන බලපෑම දැන් වැඩියි.” බ්‍රැඩ් පිට් පසුගියදාක පවසා තිබුණා.
”අපේ දරුවො ඔවුන් ඉතා කැමැති සුප්‍රසිද්ධ ශ්‍රේක් කාටුන් එකේ එන ශ්‍රේක් හා ෆියෝනා මෙන් අපත් විවාහ නොවන්නේ ඇයි දැයි මගෙන් අහනවා” යැයි ජොලී ද ළඟදී පැවසුවා.
දෙදෙනා විවාහ ගිවිසගත් පුවත වඩාත් තහවුරු වුණේ ඔවුන්ගේ විවාහ ගිවිස ගැනීමේ මුදුව නිර්මාණය කළ ශිල්පියා හරහායි.
ඩොලර් 250,000ක් වටිනා මේ මුදුව දියමන්ති ඔබ්බවා සකස් කළේ දෙදෙනාට අවශ්‍ය ආකාරයටයි. ඇන්ජලිනා මේ මෑතකදී මුදුව පැලැඳ සිටින අන්දම පුවත්පත් සේයාරූ පළ වූවා.
බ්‍රැන්ජලිනා යුවළ දරුවන් හයදෙනා සමඟ
ඔවුන්ගේ විවාහ ගිවිස ගැනීමට මුලින්ම සුබපතා ඇත්තේ ජොලී ගේ පියා යි. ජොලී මීට පෙර දෙවරක් විවාහ වූ කෙනෙක්. කෙසේ වුවත්, තාමත් ඔවුන් සිය විවාහ මංගල්‍යය ගැන කිසිවක්ම ප්‍රකාශ කර නැහැ. ඒ නිසා මේ හොලිවුඩ් උදවියගෙ වැඩ ගැන තාම මුකුත් කියන්න නම් බැහැ.


සේමාලි කැල්ලපත


SILUMINA



0 comments:

Post a Comment