----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

මම ටිකක්‌ කටකාරයි තමයි.

Monday, April 30, 2012

මම ආවේ දුෂ්කර ගමනක්
ලක්‌මිණි ජයරත්න


වාසනා කියන්නේ ටිකක්‌ කටකාර වගේම කාටවත් බයනැති චරිතයක්‌. මෙයා ටිකක්‌ චණ්‌ඩිකාරකම් පවා කරනවලු. හැබැයි මෙයා චණ්‌ඩිකම් කළාට නිතරම බලන්නේ ගොඩක්‌ උත්සාහයෙන් දියුණු වෙන්න. සතියේ දින පහේම ආදරේ අහස තරම් ටෙලි සිත්තම හරහා ඔබේ ආලින්දයට ගොඩවෙන මේ වාසනා සැබෑවට කවුද කියලා දැනගන්න අපි අදහස්‌ කළා.


වාසනාගේ සැබෑ ජීවිතයේ හැඳින්වීමකින්ම මේ කතාව ඇරඹුවොත් ?

මගේ නම ලක්‌මිණි ජයරත්න. ගම නුවරඑළිය. 1990 පෙබරවාරි 04 තමයි මම උපන්නේ. අධ්‍යාපනය හැදෑරුවේ නුවරඑළියේ ජාත්‍යන්තර පාසලක.

ඇත්තද ටිකක්‌ කටකාරයි කියන්නේ ?

මම ටිකක්‌ කටකාරයි තමයි.

එතකොට වාසනා වගේ චණ්‌ඩියෙක්‌ලු නේද?

අපොයි ඒ තරම්ම චණ්‌ඩියෙක්‌ නම් නොවෙයි.

වාසනා චණ්‌ඩිකම් කළාට ලක්‌මිණි චණ්‌ඩිකම් කරලා නැතිද ?

අපොයි නැහැ. මම චණ්‌ඩිකම් කරන්න හිතලවත් නැහැ.

වාසනා වගේ ලක්‌මිණිත් දියුණු වෙන්නද උත්සාහ කරන්නේ ?

සත්තකින්ම. හැමෝම එහෙමනේ. ඉතිං මටත් අරමුණු තියෙනවා.

සැබෑවටම ලක්‌මිණි කියන්නේ කවුද ?

බොහොම නිහතමානී, සුහදශීලී චරිතයක්‌ කිව්වොත් හරියටම හරි.

ක්‍ෂේත්‍රයට ඇවිත් ගොඩක්‌ කල් කියන්නේ ?

ඔව්. මම ක්‍ෂේත්‍රයට ඇවිත් අවුරුදු හයක්‌ වෙනවා. මගේ පළමු ටෙලිනාට්‍යය වසූදා. ඊට පසුව හිරුට හොරෙන්, නිල් අහස ඔබ වැනි ටෙලිනාට්‍ය 17 ක විතර රඟපාලා තියෙනවා.

නමුත් ඔබව අපට මාධ්‍යයෙන් වැඩිපුර දකින්න ලැබුණේ නැහැනේ ?

මම රඟපෑ ගොඩක්‌ නාට්‍ය විකාශනය වුණේ සිරස නාලිකාවේ.

රඟපෑමට සම්බන්ධ වුණේ කොහොමද කිව්වොත් ?

2006 වසරේ මිස්‌ ශ්‍රී ලංකා තරගයට සහභාගි වුණා. ඊට පසුවයි මම ක්‍ෂේත්‍රයට එන්නේ. කොහොම වුණත් රඟපාන්න මගේ ලොකු බලාපොරොත්තුවක්‌ තිබුණේ නැහැ වගේම නිළියක්‌ වෙන්න ඕනෑ කියලා ආසාවක්‌ තිබුණෙත් නැහැ.



ටිකක්‌ ආඩම්බරකාර රෝෂණී කියලා චරිතයක්‌ ලැබුණා. ඊට පසුව නිර්මාණ රැසකට ආරාධනා ලැබුණා.

ගෙදරින් විරුද්ධ වුණේ නැතිද රඟපානවට ?

මුලදී නම් ටිකක්‌ අකැමැති වුණා. කාලයක්‌ යද්දී ගෙදරින් මට ලොකු සහයෝගයක්‌ ලැබුණා.

නුවරඑළියේ ඉඳන් කොළඹ ආපු ගමන ගැන මොකද හිතෙන්නේ ?

බොහොම දුෂ්කර ගමනක්‌. නමුත් මම අද ඉන්න තැන බැලුවහම සතුටුවෙනවා. මොකද ටෙලිනාට්‍ය 17 කට මම රංගනයෙන් දායක වෙලා තිබෙනවා. නුවරඑළිය වගේ දුෂ්කර පළාතක ඉඳන් ඇවිත් මේ දේවල් වලට මුහුණදීලා ජයගත්තු අභියෝගය ගැන ඇත්තටම සතුටුයි.

මිස්‌ ශ්‍රී ලංකා තරගයටත් ඉදිරිපත් වුණා කිව්වා නේද?

ඔව්. මම 2006 වසරේ තමයි මිස්‌ ශ්‍රී ලංකා තරගයට ඉදිරිපත් වුණේ. ඒ ජැකලින් µර්ඩිනැන්ඩු සමග. එම තරගයේදී අර්ධ අවසන් පූර්ව වටය දක්‌වා පැමිණියා.

එතකොට ගුවන් සේවිකාවක්‌ වෙන්න තිබුණ අවස්‌ථාව මගහැරියේ ඇයි ?

ගුවන් සේවිකාවක්‌ වෙන්න මගේ හිතේ පොඩි ආසාවක්‌ තිබුණා. ඒකට හේතුව මිස්‌ ශ්‍රී ලංකා තරගයට අනුග්‍රහය දැක්‌වූ ශ්‍රී ලංකා ගුවන් සේවය නිසා. අම්මලා තාත්තලත් කැමැති වුණේ ගුවන් සේවිකාවක්‌ වෙනවට. මට ගුවන් සේවිකාවක්‌ වෙන්න අවස්‌ථාවක්‌ ලැබුණා. ඒ වුණාට මගේ දෛවය තිබුණේ මේ අංශයට.

ගුවන් සේවිකාවක්‌ වුණානම් මීට වැඩිය හොඳ නැතිද ?

හොඳයි කියලා හිතෙනවා. නමුත් මම මට ලද දෙයින් සතුටුවෙනවා. මගේ මොකක්‌ හරි වාසනාවක්‌ තිබෙනවා නම් මට දෙයක්‌ ලැබෙනවා. ගුවන් සේවිකාවක්‌ වෙන්න මට වාසනාව තිබෙන්න නැතුව ඇති. මට දැන් ලැබුණ දෙයින් මම සතුටුවෙනවා.

කාලෙන් කාලෙට එක එක දේවල් කරන්නේ ජීවිතයේ එක අරමුණක්‌ තිබුණෙම නැතිද?

පුංචි කාලේ නම් ලොකු අරමුණු තිබුණේ නැහැ. ආසාවට තමයි මිස්‌ ශ්‍රී ලංකා තරගයට ඉදිරිපත් වුණේ. ඒ කාලේ අරමුණක්‌ තිබුණා අවසන් මහා තරගයට හෝ සහභාගි විය යුතුයි කියලා. මම රූපලාවන්‍ය පිළිබඳ ඩිප්ලෝමාවක්‌ද හදාරලා තියෙනවා. මම හිතාගෙන ඉන්නවා එයින් ඉදිරියට යන්න. වාසනාව තිබෙනවා නම් මෙතැන ඉඳලා මගේ දෙයක්‌ මම පටන්ගත්තොත් දියුණුවෙන්න පුළුවන් වෙයි කියලා හිතනවා.

ගැහැනු ළමයෙක්‌ වුණහම එක අරමුණක්‌ තියෙන්න එපායෑ ?

මගේත් මුල ඉඳන් එක අරමුණක්‌ තිබුණා. නිරූපණය, රූපලාවන්‍ය කියන විෂයන්ට මම ගොඩක්‌ ආසයි. මුල ඉඳන් මම ඒවා ඉගෙන ගෙනත් තිබෙනවා. මම හිතාගෙන ඉන්නවා මගේ දෙයක්‌ ඉදිරියට පටන් ගන්න පුළුවන් වෙයි කියලා.

ලක්‌මිණි ජනප්‍රියත්වයට කැමැතිද?

ජනප්‍රියත්වයට කවුද අකැමැති.

ඒකද රඟපෑම තෝරාගත්තේ ?

අපොයි නැහැ. රංගනය ගැන මුලදී නම් ලොකු විශ්වාසයක්‌ තිබ්බේ නැහැ. වසූදා, හිරුට හොරෙන් ටෙලිනාට්‍යවල රඟපෑවට පස්‌සේ මම හිතුවා මට රංගනය පිළිබඳ යම් හැකියාවක්‌ තියෙනවා කියලා. ඒක ඉදිරියට වැඩිදියුණු කරගෙන යනවා.

දැන් කාලේ මේ ක්‍ෂේත්‍රය ගැන ඇහෙන කතා බැලුවහම හිතෙන්නේ නැතිද ගමට වෙලා හිටියා නම් හොඳයි කියලා ?

එක එක්‌කෙනාගේ පවුල් පසුබිම, හැසිරීම් රටාව එක්‌ක ඒ දේවල් වෙනස්‌ වෙනවා. මේ ක්‍ෂේත්‍රයට ගොඩක්‌ හොඳින් ආපු අය තමන්ගේ තත්aත්වයයි ජනප්‍රියත්වයයි සමබරව තියාගෙන යනවා. සමහර අයට තමයි මේ ක්‍ෂේත්‍රයේ ඉන්න ඕනෑ විදිහ තේරෙන්නේ නැත්තේ.

ගමකින් මේ ක්‍ෂේත්‍රයට එන තරුණියකට විවිධ බලපෑම්වලට ලක්‌වෙන්න වෙනවා කියනවා. මේ කතාව ඇත්තක්‌ද?

මේ තැනට එන කෙනෙකුගේ දක්‍ෂතාවක්‌ තිබෙනවා නම් කවදාවත් එම දක්‍ෂතා නැතිකරන්න බැහැ. මම නම් හිතන්නේ තමන්ගේ කැපවීමෙන් ඉදිරියට එන අයට එවැනි බලපෑම් නෑ කියලා. ඕනෑම තැනක බලපෑම් තියෙනවානේ.

ඔබට එවැනි බලපෑම් ඇතිවෙලා නැතිද?

මට නම් තවම එවැනි බලපෑම් ඇතිවෙලා නැහැ. මොකද මම තවම ගමන් යන්නේ අම්මත් එක්‌ක හෝ තාත්තත් එක්‌ක. ඔය කියන බලපෑම් මට දැනට නම් ඇවිත් නැහැ.


දිනේෂ් විතන
ඡයා-නදුන් බදුගේ


Divayina

0 comments:

Post a Comment