----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

‘දැන්ම බඳින්න අදහසක් නෑ’

Monday, March 7, 2011

‘දැන්ම බඳින්න අදහසක් නෑ’

චංචලා වර්ණසූරිය

චංචලා වර්ණසූරිය අපට සිටින කුසලතා පිරි දක්ෂ යොවුන් රංගන ශිල්පිනියකි. රූපවාහිනී වෙළෙඳ දැන්වීම්වලට සහභාගි වෙමින් කලා ලොවට පිවිසුණු ඇය මේ වනවිට රූපවාහිනිය, වේදිකාව, සිනමාව යන ක්ෂේත්‍ර තුනම ජයගෙන ඇත. වසරේ වැඩි කාලයක් ප්‍රංශයේ ගත කළ ද මේ දිනවල ඇය ‘සාජන්ට් ගේ නැන්දම්මා’ වේදිකා නාට්‍යය සමඟ රට වටා යයි. එම වේදිකා නාට්‍යයේ නිෂ්පාදිකාව ද ඇයය. අද සතුටු සාමීචිය වෙන් වන්නේ චංචලා සමඟ කළ කතාබහ වෙනුවෙනි.

කලා කටයුතුවලට සම්බන්ධ වුණු හැටි සිහිපත් කළොත්...

“මගෙ නෑදෑයො වැඩිපුරම ඉන්නෙ ප්‍රංශයෙ. මට ප්‍රංශයෙ පුරවැසිභාවය තියෙනව. එහෙ අපට ව්‍යාපාර තියෙනවා. ඒත් මාසෙකට දෙකකට සැරයක් ලංකාවට එනවා. ඒ වාගෙ ලංකාවට ආව වෙලාවක ටීවී ටයිම්ස් ආයතනයේ ලක්ෂ්මන් ගුණතිලක මට මුණගැහුණා. ඔහු මගෙ ඡායාරූප කීපයක් අරගෙන ටයිම්ස් පුවත්පතේ පළ කළා. ඒව දැකපු කීප දෙනෙක් මට රූපවාහිනි වෙළෙඳ දැන්වීම් කීපයකට ම ඇරයුම් කළා.

පසුව මොහාන් නියාස් ගෙ ‘සීතාම්බර සළු’ ටෙලිනාට්‍යයේ රඟපාන්න මට අවස්ථාව ලැබුණා. ඒ මගේ පළමු ටෙලි රංගනය. ඒකෙ මට කරන්න තිබුණෙ ගැමි චරිතයක්. ඒක මට තරමක් අභියෝගයක් වුණත් ඒ අභියෝගයට මම සාර්ථකව මුහුණ දුන්නා.”

ඔබ දැන් වේදිකා නාට්‍ය නිෂ්පාදිකාවක් නේද?

“මම මුලින් ම සම්බන්ධ වුණේ ටෙලිනාට්‍යවලට. ඊට පසුව චිත්‍රපට කීපයකම රඟපෑවා. ඉන් පසුවයි එම වේදිකාවට සම්බන්ධ වුණේ. සැන්ඩෝ හැරිස්ගෙ ආරාධනයක් අනුව ඔහුගේ නිර්මාණයක් වන ‘සාජන්ට්ගේ නැන්දම්මා’ වේදිකා නාට්‍යයට එක් වුණා. එහි නිෂ්පාදිකාවත් මම.

ඔබ දායක වී ඇති වෙනත් නිර්මාණ...?

“රංජිත් කුරුප්පු ගේ ‘පුතිනි හඹා ගිය’, ජයන්ත චන්ද්‍රසිරි ගේ ‘සතර දෙනෙක් සෙන්පතියෝ, සුදත් රෝහණ ගේ ‘කළුවර ගෙදර’, බර්මින් ලයිලි ගේ ‘ගුරු ගීතය’ කියන ටෙලි නාට්‍ය වලටත්, රෝයි ද සිල්වාගේ ‘ද ලාස්ට් චාන්ස්’, උදය කාන්ත වර්ණසූරියගේ ‘පායා එන්න හිරු සේ’ ‘තුෂාරා’, ‘මුතු සළඹ’, ‘අපි මැරෙන්නෙ නෑ’, කිව්වත් නහී නොකිව්වත් නහී’ චිත්‍රපටවලටත් මට රංගනයෙන් දායක වෙලා තියෙනවා.

විලාසිතා නිරූපණය ඔබ නියැළී සිටින තවත් ක්ෂේත්‍රයක් නේද?

“විලාසිතා නිරූපණය මගෙ ප්‍රධානම විනෝදාංශයක්. ප්‍රංශයේ මම එක් ආයතනයක නිරූපිකාවක් ලෙස සේවය කරනව. ඒ වගේ ම ප්‍රංශයේ’ ’ Top Model’ කාඩ්පත පවා මට ලැබී තියෙනවා. මට ගැලපෙන ඇඳුම් නිර්මාණ නිරූපණයට පමණයි මම දායක වෙන්නෙ. මම හැම විටම වැඩ කරන්නෙ මගෙ දෙමව්පියන්ගෙ සහ රටේ ගෞරවය රැකෙන විදියටයි. මම ලංකාවෙ කෙනෙක් කියන දේ මම හැම තිස්සෙම හිතනවා.

ගීත ගායනයට ඇති ඔබේ හැකියාව ගැන සඳහන් කළොත්...?

“මම සංගීතය විෂයක් විදියට ඉගෙන ගෙන නෑ. හැබැයි ගීත ගායනයට පුංචි කාලෙ ඉඳල පුංචි හැකියාවක් තියෙනවා. මීට මාස කීපයකට පෙර ප්‍රංශයේ ශබ්දාගාරයක ප්‍රංශ චිත්‍රපටයක හඬ කැවීම්වලට සහභාගි වෙලා ඉන්න වෙලාවක මම ටයිටැනික් ගීතය මුමුණමින් සිටියා.

ඒක ඇසුණු එඩුවා සෙවෙල් නම් සංගීතඥයා ඔහුගේ මීළඟ සීඩී තැටියට ගීතයක් ගයන්න මට ඇරයුම් කළා. ඒ අනුව මම Killing me Sofly ගීතය ඒ සී.ඩී. එකට ගායනා කළා. ළඟදීම මගෙ ම සිංහල ගීතයක් කරන්නත් මගෙ බලාපොරොත්තුවක් තියෙනවා.

කලා ක්ෂේත්‍රය තුළ ඔබේ අනාගත බලාපොරොත්තු මොනවාද?

“කලාව රැකියාවක් කරගන්න මගේ කිසිම බලාපොරොත්තුවක් නෑ. මට ජීවත් වෙන්න ව්‍යාපාර තියෙනවා. මගෙ කලා හැකියාවන් ගෙන් අනෙක් අයට තෘප්තිමත් කරල මමත් තෘප්තිමත් වෙන්න විතරයි මම කලාව භාවිතා කරන්නෙ.”

ආදරය, ප්‍රේමය පිළිබඳව ඔබට තියෙන්නෙ මොනවගේ හැඟීමක් ද?

“මම හිතනව බොහෝ දෙනෙක් හිතන ආදරය බඩගින්න, නිදි මත වගේ හැඟීමක් විතරයි කියල. නමුත් කෙනෙක් තව කෙනෙකුට ගරු කරනව නම්, ආරක්ෂා කරනව නම්, විශ්වාස කරනව නම්, අගය කරනව නම් එතැන නියම ආදරය තියෙනවා.”

ඔබේ පෙම්වතා ගැන සඳහන් කළොත්...?

“ඒ ගැන දැන් ම කියන්න අමාරුයි”

ඔබේ විවාහය ළඟදී සිදුවේවිද?

“නැහැ. මට කරන්න තව ගොඩක් වැඩ තියෙනව. ළඟදී විවාහ වෙන්න මගෙ අදහසක් නෑ.”

පවුලේ තොරතුරු?

“මගෙ තාත්ත නැති වුණේ මම පොඩි කාලෙදිමයි. මගෙ අම්මයි, මල්ලියි, නංගියි (මල්ලිගෙ බිරිඳ) ඉතාම සතුටින් ජීවත් වෙනවා.

0 comments:

Post a Comment