----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

මම විශ්‍රාම නොයමි

Tuesday, March 15, 2011

මම විශ්‍රාම නොයමි
දුලීකා මාරපන


වර්තමානයේ අපට සිටින චරිතාංග රංගන ශිල්පිනියන්ගෙන් ඉදිරියෙන් ම සිsටින තැනැත්තියකි, දුලීකා මාරපන. පසුගිය දිනක ඇය අපත් සමඟ කතා බහකට එකතු වුණා. එහිදී අප ඇසූ පැනවලට දුලීකා දුන් පිළිතුරුයි මේ.

* පළමු ටෙලි නාට්‍ය කුමක්‌ද?

ගුරුමාතාව - ආනන්ද අබේනායකගේ. නමුත් පළමු ප්‍රසාංගික ටෙලි නාට්‍යය වූයේ සඳ අමාවකයි. මං මුලින් ම ටීවී එකෙන් පෙනුනේ නම් ජයන්ත චන්ද්‍රසිරි කළ පර්ල් වයිට්‌ සබන් දැන්වීමෙන්.

* එතකොට වයස කීයද?

විසි දෙකයි

* දැන් වයස?

මොකටද බොරු කියන්නේ තිස්‌ හතරයි

* බඳින වයස නේද?

ගැහැනු ළමයකුට වයස අවුරුදු 18 පිරුණු ගමන්ම ඔය ප්‍රශ්නය අහනවානේ.

* ගෙදරින් හොයනවා ඇති නේද?

ගෙදරින් හොයනවා.. මට ගැලපෙන කෙනෙකුත් වෙන්න එපෑය. බඳින්න ඕන කියන හැඟීම මට තවම ඇතිවෙලා නැහැ.

* මීට පෙර ආදරය කරලා තියෙනවද?

අපොයි ඔව්.. ඒ සම්බන්ධය දැන් නැහැ.

* කාටද කියලා කියන්න පුළුවන්ද ?

එතකොට එයා මගේ ක්‍ෂේත්‍රයේ නෙවෙයි.

* ප්‍රථම ප්‍රේමය අමතක කරන්න බැහැ?

ඒක ඇත්ත. ප්‍රේමය විතරක්‌ නොවෙයි. සංවේදීව ලැබුණු කිසිම දෙයක්‌ එහෙම අමතක වෙන්නේ නැහැ. මගේ අම්මා මට තෑගි දුන්න පුංචි බෝනික්‌කෝ පවා මං ළඟ තියෙනවා.

* නිළියෙක්‌ වුණාම රූප ශෝභාව වටිනව නේද?

මං හිතන්නේ නැහැ. මෙහෙමයි, වැදගත් වෙන්නේ ශිල්පීය කුසලතාවයි. නමුත් ප්‍රියමනාප බව තියෙන්න ඕන. ඒක රූපයේ නෙවෙයි තියෙන්නේ.

* ඉස්‌සරට වඩා ඔබ දැන් තරබාරුයි.

ඔව්. මම ටිකක්‌ මහත්වෙලා හෝර්මෝන අසමතුලිතතාවක්‌ ඇතිවෙලා. මට ඕනෑනම් මහත්වෙන්නත් කෙට්‌ටු වෙන්නත් පුළුවන්.

* කේන්ති යනවා නේද?

ඔව්.. හැබැයි අසාධාරණය වෙනුවෙන් . ඒක මා වෙනුවෙන්ද වෙන කවුරුන් වෙනුවෙන්ද කියලා නැහැ. අසාධාරණකම් මට පෙන්වන්න බැහැ.

* ඔබට තරහා ගියාම අනිත් අය දැන ගන්නේ කොහොමද?

වේගයෙන් කතා කරනවා. බාහිර ස්‌වරූපය ටිකක්‌ වෙනස්‌ වෙනවා. සමහර වෙලාවට හයියෙන් හිනාවෙනවා. නැත්නම් නිහඬවම ඉන්නවා.

* දැනුත් කේන්ති ගිහින්ද?

අපොයි නැහැ.

* ඔබට ලැබුණු වටිනාම තෑග්ග කුමක්‌ද?

මගේ අම්මා හා මගේ ආත්ම ශක්‌තිය

* ක්‍ෂෙත්‍රයේ අකමැතිම කෙනා කවුද?

කෙලින් කතා කරන්න බැරි කොන්ද කෙලින් තියාගෙන වැඩ නොකරන අයට මම අකමැතියි.

* කැමතිම කෙනා?

කෙලින් වැඩකරන හොඳ පෞරුෂයක්‌ තියෙන අයට. ඒකට ගැහැනු පිරිමි භේදයක්‌ නැහැ.

* ඔබ සමහර අවස්‌ථාවලදී වැඩ අතර මඟදී දාලා යනවා.

ඔව්... මට අසාධාරණකම් පෙන්වන්න බැහැ. පොරොන්දු වෙන විදිහට වැඩ කරන්නේ නැති ඒ වැඩේදී අපි ගැන නොබලන අයත් එක්‌ක කොහොමත් වැඩ කරන්න බැහැ.

ප්‍රශ්න තියාගෙන වැඩ කරන්න බැහැනේ. කාටවත් කරදරයක්‌ නොවී යන එක නේද වඩා හොඳ.

* ඔබේ රැකියාව රඟපෑම ද?

මම කලින් චිත්‍ර ගුරුවරියක්‌ විදිහටත්, කථිකාචාර්ය වරියක්‌ විදිහටත් වැඩ කරලා තියෙනවා.

* යම්කිසි දවසක රැකියාවෙන් විශ්‍රාම යන්න සිද්ධ වෙනවා?

ඔව්. ඒත් මම විශ්‍රාම යන්නේ නැහැ. මැරෙනකම්ම වැඩ කරනවා. ඒ ශක්‌තිය මට ලැබේවි.

* රඟපෑමට නාවානම්,

අනිවාර්යයෙන් ම දේශපාලනයට යොමුවෙනවා. එහෙම වුණානම් සමහර විට මැරුම් කන්නත් තිබුණා.

සමහර අය අසාධාරණයට විරුද්ධ වෙනවට කැමති නැහැනේ.

* සමහරු කියනවා දේශපාලනයට අධ්‍යාපන සුදුසුකම් අවශ්‍ය නැහැ කියලා.

ඒක බොරු ඩී.එස්‌. සේනානායක, ඩඩ්ලි සේනානායකලා වැඩ කළේ හොඳ අධ්‍යාපනයක්‌ ලබලා. තම බලය වැඩි කර ගන්න මුදල් උපයන්න දේශපාලනයට එන අයට අධ්‍යාපන සුදුසුකම් නැතිව ඇති. ඒත් රටට වැඩක්‌ කරන්න එන අයට නම් අධ්‍යාපන සුදුසුකම් ඕනේ.

* ප්‍රේමය බිඳ වැටුණාම හුඟක්‌ කාන්තාවන් හිතනවා ජීවිතය ඉවරයි කියලා. එවන් අයට දෙන උපදේශනය කුමක්‌ද?

ජීවිතයට ස්‌ත්‍රී පුරුෂ භේදයකින් තොරව ප්‍රේමය අවශ්‍යය යි. හැමදේකට ම අවශ්‍ය ආත්ම ශක්‌තියයි. ආත්ම ශක්‌තිය වඩවන්න කියලා හොර බොරු කරන්න එපා. නිතර ම තම සිතට එකඟව වැඩ කරන්න. ජීවිතය කියන්නේ ප්‍රේමය විතරක්‌ ම නොවේ. කියලා හිතන්න පුරුදු වෙන්න.

* එහෙම කළොත් හරිද?

හරියටම හරි


සුගත් ශාන්ත මොරගහකුඹුර

ඡායා - සමන් අබේසිරිවර්ධන

Copy Rights - Nawaliya

0 comments:

Post a Comment