----- Please Turn on your speakers & listen our " Lanka ART web Radio "----- Send us your art Related news to ** lankaart1@gmail.com ** -----

Pages

RADIO

ජී. ඇස්. බී. රාණි පෙරේරා 1930 –2004

Sunday, September 5, 2010

ජී. ඇස්. බී. රාණි පෙරේරා 1930 –2004

මෙරට ගුවන් විදුලියේ සහ සිංහල සිනමාවේ ‘ජනපි‍්‍රය ගායිකවක වූ ජී. ඇස්.බී. රාණි පෙරේරා ගී ලොවින් සමුගෙන මෙම 07 වැනිදාට වසර 06 ක් සපිරේ.

1930 අගෝස්තු 20 වැනි දා උපත ලැබූ ජී. ඇස්. බී. රාණී පෙරේරා, ජේ. ඩී. ඒ. පෙරේරාගේ වේදිකා නාට්‍ය හරහා කලා ලොවට පිවිසියාය. සිරිසඟබෝ නාට්‍යයේ සඟබෝ රජුගේ බිසව ලෙසත් දස්කොන් නාට්‍යයේ ප්‍රෙමිලා බිසව ලෙසත් රොඩී කෙල්ල නාට්‍යයේ රොඩී කෙල්ල ලෙසත් රඟපාමින් ගීත ද ගැයූ රාණි පසුව සිරිසේන විමලවීරයන්ගේ ‘අශෝකා’ චිත්‍රපටයෙන් සිනමාවට පිවිසියාය. එහිදී පෙම් පහන නිවී, ආදරේ සාගරේ වැනි ජනපි‍්‍රය ගීත කීපයක්ම ගැයූ ඇය පසුව සුරංගනාවී චිත්‍රපටයේ රඟපාමින් ගීත ද ගැයුවාය. ඉන් පසුව දුප්පතාගේ දුක ඇතුළු චිත්‍රපට රැසක ගී ගයමින් රංගනයේද යෙදුණ රාණි, සාමාන්‍ය සරළ ගීත හාරදහස ද ඉක්මවා ගයනා කළාය.

ගීත තරංගනී, ප්‍රබුද්ධ ගී, ජන ප්‍රසංග වැනි වැඩ සටහන් ගුවන් විදුලිය වෙනුවෙන් ඉදිරිපත් කළ ඇය ‘කහ බලල්ලු, සුදු නංගී, සුරලොව මිහිර’ වැනි දෙබස් කැවූ විදෙස් චිත්‍රපට ගණනාවක නිළියන් වෙනුවෙන් තම කට හඬ මුසු කළාය.

මෙරට ගීත ක්‍ෂේත්‍රයට අමිල මෙහෙවරක් කළ මෙම අසහාය ගායිකාවගේ සහ නිළියගේ භූමිකාව වෙනුවෙන් 1995 සරසවිය සම්මාන උළෙලේදී රණතිසර සම්මානයෙන් පිදුම් ලැබූ රාණී පෙරේරා 2004 සැප්තැම්බර් 07 වැනිදා ගී ලොවෙන් සමුගෙන අවසන් ගමන් ගියාය.


Source - සරසවිය 2010 - 09 - 02
උපුටා ගන්නා ලද්දකි.
සොරකම පිණිස නොව,
කියවා අතිනත යැවීමේ,
සද් සිතිවිල්ලෙනි

0 comments:

Post a Comment